College of Education-Erbil

23/09/2026

بەدواداچوون بۆ باشترکردنی ژینگەی زانکۆ و خزمەتگوزارییەکان
بە مەبەستی لەنزیکەوە ئاگاداربوون لە ڕەوشی خزمەتگوزارییەکان و دەستەبەرکردنی کەشێکی لەبار، ئەمڕۆ بە ئامادەبوونی پ.ی.د. مازن عبدالخالق عثمان ڕاگری کۆلێژ، پ.ی.د. هیوا محمد علی یاریدەدەری ڕاگر و کاک فریاد حامد بەرپرسی لێژنەی قوتابیانی کۆلێژی پەروەردە، یانەی کۆلێژ بەسەرکرایەوە و لە نزیکەوە گوێ لە سەرنج، تێبینی و پێشنیارەکانی قوتابیانی ئازیز گیرا، بە ئامانجی پێشکەشکردنی باشترین خزمەتگوزاری کە لە ئاست خواست و پێداویستییەکانیاندا بێت. بێت.

17/09/2026

زانکۆلاین بۆ دەرچوانى دوانزەى ئامادەیی کارا کرا

لە ئێستادا بۆ ماوەى هەشت رۆژ دەرچوانى دوانزەى ئامادەیی دەتوانن لەڕێگەى وێبسایتى (regayzanko.com) بە بەکارهێنانى ناوى بەکارهێنەر و وشەى تێپەڕ (Username) و (Password)، بچنە ناو سیستمى زانکۆلاین و داواکارى بۆ وەرگرتنیان پێشکەش بکەن.

https://regayzanko.com/

16/09/2026

زانکۆی سەلاحەدین بە هەماهەنگی یەکێتی قوتابییان و لاوانی دیموکراتی کوردستان فۆڕمی زانکۆلاین پڕدەکاتەوە

زانکۆی سەلاحەدین بە هەماهەنگی یەکێتی قوتابییان و لاوانی دیموکراتی کوردستان - لقی قەڵات لە ڕێککەوتی ١٧ـی ٩ـی ٢٠٢٦ لە سەنتەری ڕۆشنبیری و ئەکادیمی زانکۆ فۆڕمی زانکۆلاین بۆ دەرچووانی پۆلی ١٢ پڕدەکاتەوە.

ڕێککەوت ١٧ـی ٩ـی ٢٠٢٦
کات:٨:٣٠ بەیانی تا ٢:٠٠ نیوەڕۆ
شوێن: سەنتەری ڕۆشنبیری و ئەکادیمی زانکۆی سەلاحەدین

16/09/2026

16/09/2026

📢 ئاگادارییەک لە تۆمای کۆلێژی پەروەردەوە
​ئاگاداری سەرجەم دەرچووانی خۆشەویستی کۆلێژەکەمان (بۆ هەردوو خوێندنی بەیانیان و ئێواران) دەکەینەوە، کە بە مەبەستی کەمکردنەوەی ڕۆتین و ئاسانکاری، پرۆسەی وەرگرتنی پشتگیری دەرچوون و بڕوانامەی بەنمرە کراوەتە ئۆنڵاین.
​داواکاران دەتوانن لە ڕێگەی پڕکردنەوەی ئەم لینکەی خوارەوە زانیارییەکانیان پێشکەش بکەن:
🔗 ( https://certification.su.edu.krd/request)
​⚠️ تێبینییە گرنگەکان:
​سەبارەت بە گۆڕینی بڕوانامە (تعدیل شهادة): ئەو بەڕێزانەی بە مەبەستی گۆڕینی بڕوانامە داواکاری پێشکەش دەکەن، پێویست بە پڕکردنەوەی لینکەکە ناکات؛ بەڵکو دەبێت نووسراوێکی فەرمی لەو فەرمانگە و بەڕێوەبەرایەتییەی لێی فەرمانبەرن ئاڕاستەی سەرۆکایەتی زانکۆ بکەن.
​دەرچووانی ئەمسال: ئەو دەرچووانەی خوێندنی ئەمساڵیش کە کاریان بە پشتگیری یان بڕوانامە هەیە، دەتوانن بە هەمان شێوە داواکاری پێشکەش بکەن.
​لەگەڵ هیوای سەرکەوتن بۆ هەمووان...

12/09/2026

بەناوی خوای بەخشندە و میهرەبان

مامۆستایانی بەڕێز، و فەرمانبەرانی ماندوونەناس، قوتابیانی خۆشەویست،
بەبۆنەی دەستپێکردنی ساڵی نوێی خوێندن، گەرمترین پیرۆزبایی خۆم و ئەنجوومەنی کۆلێژ ئاڕاستەی یەکە بەیەکەتان دەکەم. هیوادارم ئەم ساڵە ببێتە ساڵی سەرکەوتن، پڕ لە دەستکەوتی زانستی و وەرچەرخانی زێتر لە بواری پەروەردەدا.
بەڕێزان.. کۆلێژی پەروەردە تەنها شوێنی فێربوونی زانیاری سادە نییە، بەڵکو کارگەیەکە بۆ پێگەیاندنی نەوەی دواڕۆژ و ڕاهێنانی سەرکردە، و پەروەردەکارانی ئایندە. ئێوەی قوتابیان کە ئەمڕۆ لەسەر کورسییەکانی خوێندن دانیشتوون، بڕبڕەی پشتی کۆمەڵگەن و ئەرکی بەخێوکردن و پەروەردەکردنی نەوەکانی بەیانیتان لەسەر شانە.
داواتان لێدەکەم لەم ساڵەدا بە گیانێکی پڕ لە ئومێد، گڕوتین، و بەکارهێنانی بیرکردنەوەی ڕەخنەگرانە و ئامرازە نوێیەکانی سەردەم ڕوو لە پۆلەکانتان بکەن. ئێمەش وەک ڕاگرایەتی کۆلێژ، جەخت دەکەینەوە لەسەر دابینکردنی ژینگەیەکی زانستی گونجاو و پاڵپشتیکردنی تەواوی هەوڵەکانتان بۆ بەدەستهێنانی بەرزترین ئاستی زانست و لێهاتوویی.
هیواخوازم ساڵێکی پڕ لە چالاکی، داهێنان، و سەرکەوتن بێت بۆ هەموو لایەک
پ.ی.د. مازن عبدالخالق عثمان
ڕاگری کۆلێژی پەروەردە

10/09/2026

ڕۆژی یەکشەممە (١٣ـی ٩)

دەستپێکی ساڵی نوێی خوێندنە (سمستەری پایزە).

داوا لە سەرجەم قوتابییانی ئازیز دەکەین لە هۆڵەکانی خوێندن ئامادە بن.

09/09/2026

پەیامی پیرۆزبایی
​بەڕێز (پ.د. لوئەی عەبدولقادر) مامۆستای کۆلێژی پەروەردە
​بە بۆنەی دەستنیشانکردن و دەستبەکاربوونی بەڕێزتان وەک «سەرۆکی لێژنەی ناوەندیی بەرزکردنەوەی پلەی زانستی لە زانکۆی سەلاحەدین»، بە ناوی خۆم و ئەنجوومەنی کۆلێژی پەروەردەوە، گەرمترین و شایستەترین پیرۆزباییتان ئاراستە دەکەم.
​متمانەپێکردنی جەنابتان بۆ سەرپەرشتیکردنی ئەم لێژنە گرنگە، بەرەنجامی لێهاتوویی، پێگەی بەرزی زانستی و ئەزموونی دەوڵەمەندتانە لە کایەی ئەکادیمیدا. دڵنیام بە دیدگای زانستی و توانای بەرزی ئێوە، ڕەوتی بەرزکردنەوەی پلەی زانستی لە زانکۆ دێرینەکەماندا بەرەو ئاستێکی باڵاتر و تۆکمەتر هەنگاو دەنێت.
​هیوای سەرکەوتنی بەردەوامتان بۆ دەخوازم لە جێبەجێکردنی ئەم بەرپرسیارییەتییەدا، لە پێناو خزمەتکردنی زیاتری کاروانی زانست و زانکۆکەمان.
​لەگەڵ ڕێز و پێزانینمدا،
​پ.ی.د. مازن عبدالخالق عثمان
ڕاگری کۆلێژی پەروەردە

08/09/2026

ڕیزبەندی یەکەم - دەیەمی قوتابیانی گشت قۆناغ و بەشەکانی زانکۆی سەڵاحەدین - کۆلێژی پەروەردە بۆ ساڵی خوێندنی 2025 - 2026 (بەیانیان - ئێواران)