Technical College of Computer and Informatics Engineering

لە چوارچێوەی هەماهەنگییەکانی زانکۆی پۆلیتەکنیکی هەولێر لەگەڵ زانکۆکانی وڵاتانی ئەوروپی، ئەمڕۆ بەرێز ڕاگری کۆلێژ پ.د. کیهان زرار غفور، بە ئامادەبوونی هەریەک لە یارەدەدەری ڕاگر (م. رێبین محمد رشید) وە هەروەها (د. میدیا علی ابراهیم) سەرۆک بەشی ئەندازیاری سیستەمی زانیاری (ISE)، پێشوازیکرد لە قوتابی (حەسەن حوسێن) بۆ پێدانی ڕێنمایی و بەڕێکردنی بۆ وڵاتی پۆڵەندا شاری وارشۆ، زانکۆی (Warsaw Life Science)، بۆ بەشی ئەندازیاری تەکنەلۆجی. کە قوتابی ناوبراو لە ئەندازیاری سیستەمی زانیاری/ قۆناغی دووەم، بۆ ماوەی یەک سیمیستەر (سیمیستەری چوارەم) لە وڵاتی پۆڵەندا درێژە بە خوێندنەکەی دەدات وە هەروەها جەخت کردنە سەر خاڵی هاوبەش و جیاوازی نێوان زانکۆی پۆلیتەکنیک و زانکۆی ناوبراو، و ئاڵوگۆڕ و ئاشنابوونی کەلتووری نێوان زانکۆکان .

بە چاودێری ڕاگری کۆلێژ بەڕێز (پ.د.کیهان زرار غفور)، بە سەرپەرشتی مامۆستایانی بەشی (ICTE)، بە سەردانێکی زانستی قوتابیانی قۆناغی 4 ی بەشی ( ئەندازیاری تەکنەلۆجیای زانیاریی و گەیاندن - ICTE ) بۆ کۆمپانیای (KOREK Telecom) قوتابیانی کۆلێژەکەمان زیاتر ئاشنابوون بە بابەتەکانی
Analog Communication
Digital Communication
Wireless Communication, Mobile Communication
Optical Communication

-----------------------------------------------------------------------------------------

کۆلێژەکەمان پێشوازی کرد لە کۆمەڵێک قوتابی پەیمانگەی تەکنیکی و پیشەیی یونیڤێرساڵ.

پێنجشەممە 12/2/2026 قوتابیانی (پەیمانگەی تەکنیکی و پیشەیی یونیڤێرساڵ) سەردانی بەشەکانی کۆلێژەکەمانیان کرد و لە لایەن مامۆستاو ستافی بەشەکانی کۆلێژ پێشوازیان لێکرا، لە سەردانەکەدا قوتابیان زیاتر ئاشنای وانە تیۆری و پراکتیکییەکانی کۆلێژەکەمان بوون وە هەروەها لە نزیکەوە ئاشنای ئەو ئامێر و کەلوپەلانە بوون کە لە تاقیگەکانی کۆلێژەکەماندا کاریان پێدەکرێت، شایەنی باسە لە کۆتای سەردانەکەدا سوپاس و پێزانین لە لایەن پەیمانگەی ناوبرا پێشکەشی کۆلێژەکەمان کرا.

بە چاودێری ڕاگری کۆلێژ بەڕێز (پ.د.کیهان زرار غفور)، خوێندکارانی زانکۆی پۆلیتەکنیکی هەولێر لە کۆلێژی تەکنیکی ئەندازیاری کۆمپیوتەر و ئینفۆرماتیکس/ بەشی ئەندازیاری سیستەمی زانیاری (ISE)، لە ئێستادا بەشدارن لە کۆرسی ئۆنلاینەکەی سەرکردایەتی، کە لەلایەن زانکۆی Universidad Latina de América (UNLA) ـی مەکسیکۆ پێشکەش دەکرێت، وەک بەشێک لە هاوکارییە ئەکادیمییەکانی نێوان EPU و UNLA.

ئەم هەنگاوە نێودەوڵەتییە نیشانەی پابەندبوونی هاوبەشمانە بۆ پەرەپێدانی سەرکردایەتی، بەشداریی ئەکادیمیی جیهانی، و فێربوونی کەلتووری وڵاتانی دیکە، شیاوی باسە ئەم بەرنامەیە بەردەوام دەبێت تا 15/5/2026.

#وۆرکشۆپ

ئەمڕۆ یەکشەممە رێکەوتی (15/2/2026) بە ئامادەبوونی ڕاگری کۆلێژ بەڕێز (پ.د.کیهان زرار غفور)، سەنتەری پەرەپێدانی کار و کارسازی (CDC) له‌ زانکۆی پۆلیتەکنیکی هەولێر/ کۆلێژی تەکنیکی ئەندازیاری کۆمپیوتەر و ئینفۆرماتیکس/ بەشی ئەندازیاری زیرەکی دەستکرد و ڕۆبۆتیکس (AIRE)، به‌ هه‌ماهه‌نگی لەگەڵ كۆمپانیای (Digital Matrix) وە (Revge) هەڵسان بە ئەنجامدانی وۆركشۆپێك بە ناونیشانی (Career Paths in IT and AI in Customer Service).

ڕۆژی سێشەممە (17/2/2026) لەژێر چاودێری سەرۆکی زانکۆی پۆلیتەکنیکی هەولێر بەڕێز (پ.د.ئیدریس محمد طاهر هەرکی) و بەسەرپەرشتی ڕاگری کۆلێژ بەڕێز (پ.د.کیهان زرار غفور)، کۆلێژی تەکنەلۆجی، کۆلێژی تەکنیکی ئەندازیاری کۆمپیوتەر و ئینفۆرماتیک و ڕێکخراوی ڕۆژی کوردستان، کۆڕبەندێک بۆ پەرەپێدانی پیشەیی سەبارەت بەهەلی کار سازدەکەن.

بە خۆشحاڵیەوە بانگهێشتی دەرچووانی کۆلێژ و پەیمانگاکان دەکەین بۆ ئامادەبوون لە (کۆڕبەندی دەرفەتی ئایندە و پەرەپێدانی پیشەیی) بەمەبەستی ڕاگەیاندن و گفتوگۆکردن لەسەر هەلی کار، کە کۆلێژەکەمان و ڕێکخڕاوی ناوبراو بە هەماهەنگی هەریەک لە (پلاتفۆڕمی سۆکال) و (ڕێکخراوی دیمەن) بۆ پاراستنی ژینگەو پەروەردەی منداڵ و هەرزەکار، کۆڕبەندەکە سازدەکات.

شوێن: هۆڵی کۆنگرەکانی کۆلێژی تەکنەلۆجی، کەمپەسی یەک.
بەروار: 17ی 2ی 2026.
کات: 10:30ی بەیانی.

بە چاودێری ڕاگری کۆلێژ بەڕێز (پ.د.کیهان زرار غفور)، لە پێناو ئاشنابوونی زیاتری قوتابیان بە ناوەندە ئەکادیمییەکان، ڕۆژی چوارشەممە (11/2/2026)، قوتابیانی قۆناغی یەکەمی بەشی ئەندازیاری سیستەمی زانیاری (ISE) گەشتێکی زانستییان بۆ زانکۆی ئاکرێ بۆ زانستە کردارییەکان ئەنجامدا.

بە سەرپەرشتی د.ئاشنا عبدالرحمن، م.ی چنار مصطفى، م.ی نجاة يوحنا و ئەندازیار ڕەنجدەر عبدالله، ​لە وێستگەیەکی گرنگی گەشتەکەدا، لەلایەن سەرۆک بەش دکتۆر عادل عەلی پێشوازی لە مامۆستایان و قوتابیان کرا.

پاشان قوتابیان بەشەکانی ناو کۆلێژی تەکنیکی ئینفورماتیکیان بەسەرکردەوە و لە نزیکەوە ئاشنای ژینگەی خوێندن و تاقیگەکانی بەشی تەکنەلۆجیای زانیاری بوون، ئەمەش وەک هەنگاوێک بۆ ئامادەکردنیان و ئاشنابوونیان بە داهاتووی پسپۆڕییەکەیان.

پێنجشەممە رێکەوتی 12/2/2026 بە چاودێری ڕاگری کۆلێژ بەڕێز (پ.د.کیهان زرار غفور)، بە سەرپەرشتی مامۆستایانی بەشی (ICTE)، بە سەردانێکی زانستی قوتابیانی قۆناغی 3 ی بەشی ( ئەندازیاری تەکنەلۆجیای زانیاریی و گەیاندن - ICTE ) بۆ کۆمپانیای (PEPSI) قوتابیانی کۆلێژەکەمان زیاتر ئاشنابوون بە بابەتی (Analog Control System) لە کۆمپانیای ناوبرا.

#وۆركشۆپ

بە چاودێری ڕاگری کۆلێژ بەڕێز (پ.د.کیهان زرار غفور)، سەنتەری پەرەپێدانی کار و کارسازی (CDC) له‌ زانکۆی پۆلیتەکنیکی هەولێر/ کۆلێژی تەکنیکی ئەندازیاری کۆمپیوتەر و ئینفۆرماتیکس/ بەشی ئەندازیاری زیرەکی دەستکرد و ڕۆبۆتیکس (AIRE)، به‌ هه‌ماهه‌نگی لەگەڵ كۆمپانیای (Digital Matrix) وە (Revge) هەڵدەستن بە ئەنجامدانی وۆركشۆپێك بە ناونیشانی (Career Paths in IT and AI in Customer Service) ئامانج لە وۆرکشۆپەکە بۆ زیاتر ئاشنابوونی قوتابیانە لە بواره‌ جیاوازه‌كانی ته‌كنه‌لۆجیا و زیرەکی دەستکرد.

ڕۆژ: یەک شەممە – 15/2/2026
کات: 10:00am
شوێن:هۆڵی کۆنگرەکانی کۆلێژی تەکنەلۆجی / کامپەسی 1

بە ئامادەبوونی بەڕێز (پ.د.کیهان زرار غفور) راگری کۆلێژەکەمان ڕێوڕەسمی ڕێزگرتن لە پڕۆفیسۆرەکانی زانکۆی سەلاحەدین لەسەنتەری کۆمەڵایەتی و ڕۆشنبیری بەڕێوەچوو.

لە پێناو بەرز نرخاندنی هەوڵ و کۆششی زانستیی مامۆستایانی زانکۆ، ڕێوڕەسمێکی شکۆدار بۆ ڕێزگرتن لە پڕۆفیسۆرەکانی زانکۆی سەلاحەدین بەڕێوەچوو.

لە ڕێوڕەسمەکەدا، ژمارەیەک لە کەسایەتییە باڵا حکومی و حزبییەکان ئامادەبوون، لەوانە:

• د. پشتیوان سادق، ئەندامی مەکتەبی سیاسی پارتی و بەرپرسی بەشی ڕیکخستنی پارێزگای هەولێر.
• ئومێد خۆشناو، پارێزگاری هەولێر.
• د. زانا مەلا خالید، بەرپرسی لقی دوو .
• م. ئەحمەد کانی، بەرپرسی بەشی دیراسات و پێگەیاندنی پارتی .
• د.ئەمیر چالی، بریکاری وەزیری خوێندنی باڵا.
• د. ئامانج برادۆستی بەرپرسی ناوچەی زانکۆ.
• کارگێڕانی لقی دوو

ئەم ڕێوڕەسمە وەک نیشانەیەک بۆ وەفاداری بەرامبەر بەو بازنە زانستییەی کە پڕۆفیسۆرەکان لە پێگەیاندنی نەوەکانی داهاتوو و پێشخستنی ئاستی ئەکادیمی زانکۆی سەلاحەدیندا دەیگێڕن، سازکرا. د پشتیوان صادق لەوتەیەکدا وێڕای دەستخۆشی، جەختی لەسەر گرنگی ڕۆڵی زانکۆ و مامۆستایان کردەوە لە بونیادنانی کۆمەڵگەیەکی زانستخواز.