Technical College of Computer and Informatics Engineering

22/06/2026

ئەمڕۆ دووشەممە 22/6/2026 بە ئامادەبوونی بەڕێز راگری کۆلێژ پ.د.کیهان زرار غفور، وە هەروەها یاریدەدەری راگر بەڕێز م. رێبین محمد رشید، قەڵغانی ڕێزلێنان پێشکەشی بەشێک لە مامۆستایانی کۆلێژەکەمان کرا، بەبۆنەی گۆڕینی نازناوی زانسییان، لە لایەن ڕاگری کۆلێژ دەستخۆشیان لێکرا و هیوای سەرکەوتن و پێشکەوتنی زیاتری بۆ خواستن.

16/06/2026

لەسەر ڕاسپاردەی سەرۆکی زانکۆی پۆلیتەکنیکی هەولێر بەڕێز (پ.د.ادریس محمد طاهر هەرکی)، ڕاگری کۆلێژ (پ.د.کیهان زرار غفور) بەیاوەری هەریەک لە بەڕێزان (پ.د.ٲیاد زکی صابر) ڕاگری کۆلێژی تەکنیکی ئەندازیاری، (پ.ی.د.هێمن کاکەخان عوڵا)، (د.چیمن حیدر صالح)، (د.سالی)، (د.نه‌ورۆز) و (م.ابوبكر عزیز احمد)، وەک نوێنەری زانکۆی پۆلیتەکنیکی هەولێر بەشداریان لە وۆرکشۆپێکی 3 ڕۆژەی گرنگ کرد.

وۆرکشۆپەکە بە هەماهەنگی لەنێوان "یەکێتی ئەوڕوپا و ڕێکخراوی یونسکۆ" ئەنجامدرا، بەمەبەستی پێکەوەبەستنەوەی کارامەیی دیجیتاڵی و کارامەیی سەوز لە خوێندنی تەکنیکی و پیشەیی.

شایەنی باسە پڕۆژەكە له‌ژێر ناونیشانی (پڕۆژەی TVET3) بەهەمانگی لە نێوان رێکخراوی یونسکۆ و یەکێتی ئەوڕوپا جێبەجێ دەکرێت، هاوكات تایبەتمەندی و گرنگییەکی زۆری هه‌یه‌، بۆ ئەو دەرچووانەی خاوه‌ن کارامەیی دیجیتاڵی و کارامەیی سەوزن، بە ئامانجی سوود بینیان لەبوارەکانی کارکردندا.

------------------------------------------------------------

15/06/2026

گۆڤاری_گڵکەند

بە چاودێری بەڕێز ڕاگری کۆلێژ پ. د. کیهان زرار غفور، بەشی (AIRE) کۆلێژەکەمان بەشداری کرد لە یەکێک لە بابەتەکانی (گۆڤاری گڵکەند) تایبەت بە ژیری دەستکرد، کە لە لایەن د. چیمەن حەیدەر، سەرۆک بەشی (AIRE)، کۆمەڵیک روونکردنەوە لەسەر بەشەکە درا و باس لە خواستێکی زۆر دەکات لەسەر بەشەکە و دەڵێت "لە ساڵی خوێندنی 2024-2025، ئێمە پلانی وەرگرتنی 20 قوتابیمان هەبوو، بەڵام بەهۆی خواستی زۆرەوە ژمارەکە زیاتر بوو، نمرەی وەرگرتن گەیشتە 91.8، ئەمەش نیشانەی ئەوەیە کە قوتابیانی زیرەک و بەتوانا ڕوو لەم بەشە دەکەن".

بۆ خوێندنەوەی درێژەی بابەتەکە سەردانی ئەم لینکەی خوارەوە بکەن:
https://shorturl.at/TXOyS

--------------------------------

زانکۆکانی هەولێر دەست بۆ AI دەبەن

08/06/2026

گۆڤاری زانکۆی پۆلیتەکنیکی هەولێر بەرەوپێشچوونێکی زانستی دیکەی تۆمارکرد

https://shorturl.at/c2i9g

26/05/2026

بەبۆنەی هاتنی جەژنی قوربانی پیرۆز، بەناوی ئەنجوومەنی کۆلێژەکەمان، پیرۆزبایی لە سەرجەم مامۆستایان، فەرمانبەران و قوتابیانی ئازیزی کۆلێژەکەمان دەکەین.
لە خودای گەورە داواکارین ئەم جەژنە ببێتە مایەی خێر و خۆشی بۆ کوردستانیان و بەهیواین ڕۆژانی جەژن به‌ خۆشی بەسەر ببەن.

هه‌میشه‌ له‌ جه‌ژن و خۆشیدابن.

-ڕاگەیاندنی کۆلێژی تەکنیکی ئەندازیاری کۆمپیوتەر و ئینفۆرماتیک / زانکۆی پۆلیتەکنیکی هەولێر
26/5/2026
-------------------------

23/05/2026

ڕاگری کۆلێژ بەڕێز (پ.د.کیهان زرار غفور)، بە یاوەری بەڕێز (پ.د.سەرسام خلیل شوانی) ڕاگری پەیمانگەی تەکنیکی کارگێری و بەڕێز (پ.د.مراد ئەمیر احمد) ڕاگری کۆلێژی تەندروستی و پزیشکی هەولێر، بە ئامادەبوونی بەڕێز (گیلان سلیمان) بەرپرسی لقی منارەی یەکێتی قوتابیان و لاوانی دیموکڕاتی کوردستان، لە کامپەسی یەکی زانکۆ هەڵسان بەدانانی ژمارەیەک سەبەتەی کۆکردنەوەی پاشماوەی خۆڵ و خاشاک بەشێوازێکی سەردەمیانە.

ئامانج لەپڕۆسەکە، بریتییە لە هۆشیارکردنەوە و هەستکردن بە بەرپرسیارییەتی لەلایەن قوتابیانەوە بۆ زیاتر خزمەتکردنی ژینگەی زانکۆ و ئاسانکردنی پڕۆسەی بەکارهێنانەوە و کۆکردنەوەی پاشماوە جۆراوجۆرەکان.

---------------------------

18/05/2026

سەرۆکی زانکۆی پۆلیتەکنیکی هەولێر بەڕێز پ.د.ئیدریس محمد طاهر هەرکی، بەیاوەری بەڕێز راگری کۆلێژ پ.د.کیهان زرار غفور، وە هەروەها یاریدەدەری راگر بەڕێز م. رێبین محمد رشید، سەردانی هۆڵەکانی خوێندنیان کرد بۆ ئاگادار بوون لە چۆنیەتی بەڕێوەچوونی تاقیکردنەوەکانی کۆتایی سمستەری بەهارەی (2025-2026).

لەمیانی بەسەرکردنەوەکەدا، بەڕێز سەرۆکی زانکۆ دەستخۆشی له ڕاگر و ستافی کۆلێژەکەمان کرد، لە پایی ڕەخساندنی کەشێکی لەبار بۆ هۆڵەکانی تاقیکردنەوە، هاوکات هیوای سەرکەوتنی بۆ سەرجەم قوتابیانی کۆلێژەکەمان خواست.

------------------------------

03/05/2026

پاراستنی ژینگە ئەرکێکی نیشتمانی و ئاینییە، پێویستە لەسەر هەموو تاکێکی کۆمەڵگەی کوردی ژینگە و خاکی پیرۆزی کوردستان بپارێزێت، هاوکات نەوەکانی داهاتوومان فێری ئەرک و بەرپرسیارییەتی پاراستنی وڵاتەکەمان بکەین.

20/04/2026

رۆژی دووشەممە (20ی 4ی 2026) ڕاگری کۆلێژی تەکنیکی ئەندازیاری کۆمپیوتەر و ئینفۆرماتیک بەڕێز (پ.د.کیهان زرار غفور) بەشداری لە بەرنامەی بەیانی باشی کوردستان تیڤی کرد.

لە بەرنامەکەدا ڕاگری کۆلێژ، باسی لە سەربوردی گۆڤاری پۆلیتەکنیکی هەلێر و گرنگی بەدەستهێنانی پلەی بەرزی نێودەوڵەتی گۆڤارەکە کرد لەسەر ئاستی سەرجەم گۆڤارە زانستییەکانی هەرێمی کوردستان.

لەلایەکی دیکەوە بەڕێزیان تیشکی خستەسەر نوێترین ڕیزبەندی پۆرتاڵی (SCImago Journal Rank) کە لە مانگی "نیسانی 2026" بڵاوکراوەتەوە، تیایدا "گۆڤاری پۆلیتەکنیک" (Polytechnic Journal) توانی پلەی یەکەمی ڕیزبەندەکە وەک پێشەنگی گۆڤارەکان لە هەرێمی کوردستان و وەک یەکێک لە گۆڤارە سەرکەوتووەکانی عێراق دەستنیشان بکرێت.

لە پەراوێزی بەرنامەکەدا، ڕاگری کۆلێژ وەک دەستەی کارگێڕی زانکۆی پۆلیتەکنیکی هەولێر و ستافی گۆڤارەکە بەپاڵپشتێ بەڕێز سەرۆکی زانکۆ، دووپاتی کردەوە بەردەوام دەبن لە بەرەوپێشبردنی زیاتری زانکۆکە، بەئامانجی خزمەتکردنی ڕەوتی زانست لە کوردستانی ئەزیز.

لینکی بەرنامەی بەیانی باش لە کوردستان تیڤی:
https://youtu.be/rbq0w0NcO8Y?si=KtQoCC0dXXFYPhUu

-------------------------------------------------------------------------------------




_Journal