HiwA

29/12/2023

A chemistry fact explanation
تێکەڵکردنی شیر و کۆکا کۆلا🥛🥃

یەکێک لە پێکھاتەکانی کۆکا کۆلا (خواردنەوەی گازی) بریتیە لە فۆسفۆریک ئەسید. H₃PO₄ ، ئەوەش pH ی خواردنەوەکە کەم دەکاتەوە لە نێوان 2.3 بۆ 2.8 ...

یەکێک لە پێکھاتە سەرەکیەکانی ناو شیر، پڕۆتینی کێیسینە (Casein Protein) ، کاتێک کۆکا کۆلا دەکرێتە ناو بڕێک شیر(یان بە پێچەوانە) ، ئەوا بەھۆی دابەزینی pH ـەوە سترێسێک دروست دەبێت، زۆرێک ئەو لینک و بۆندانەی (وەک ھایدرۆجین بۆند) کە لە نێوان مۆلیکوڵەکان (ئەمینۆ ئەسیدەکان)ی پڕۆتین دا ھەن، تێک دەشکێن و پڕۆتینەکە شێوەی سروشتی خۆی لەدەست دەدات. بەو شێوەیە دوای تێکچونی شێوەیان لە 3D ، مۆلێکوڵەکان بەیەکەوە دەلکێن و چڕیان بەرزدەبێتەوە، بەو شێوەیە لە ئاودا ناتوێنەوە و نقومی ژێرەوەی بتڵەکە دەبن و دەنیشن، بەڵام بەشە ماوەکانی تری شیر و کۆکایەکە چڕیان نزمترە و لەسەرەوە دەمێننەوە.
وە ئایۆنی کالیسیۆمی تواوەی ناو شیر و ئایۆنی فۆسفێیت، بەشدارن لە دروستکردنی خوێی لەئاودا کەم تواوەی فۆسفاتی کالسیۆم Ca₃(PO₄)₂ ، ئەوەش بەشدارە لە بەشێکی نیشتنەکە

✅ئەو کردەیەی کە شێوەی سروشتی پڕۆتین تێک دەدات پێی دەڵێن (Denaturation of Protein) .
✅ھەبوونی فۆسفۆریک ئەسید لە خواردنەوەی گازی، یەکێکە لەو ھۆکارانەی تا ئەو پڕۆسەیە ڕوبدات.
✅ گۆڕانی پلەی گەرمی، گۆڕانی زۆری pH لە ناوەندی ترش یان تفت ، ھۆکارن بۆ پڕۆسەی (Denaturation).
✅کاتێک تێکچوونی شێوەی سروشتی پڕۆتین لە خانەکانی جەستە ڕودەدات، ئەوا دەبێتە ھۆی تێکچوونی چالاکیی خانەکە.
✅بەھای pH ی شیر نزیکەی 6.7 ـە.

✸Ⅰ✴️Ⅰ✸Ⅰ✳️Ⅰ✸Ⅰ✴️Ⅰ✸Ⅰ❇️Ⅰ✸

Written by: Hiwa Chemistry

14/01/2022

کەناڵی یوتوب:
https://youtube.com/channel/UCyslh1wr0keRfzTXsXFaEAA

17/12/2021

بۆچی هەنگوین تێک ناچێت؟
تێکچوونی هەر خۆراکێک، بەهۆی کاری بەکتریاکانە. کە خۆراکەکە شیدەکەنەوە و پێکهاتەی کیمیایی سەرەتایی خۆراکەکە دەگۆڕدرێت.
هەنگوین ڕێژەیەکی زۆر شەکری تێدایە، سەرەکیترین شەکر تێیدا فروکتۆزە، کە تامی شیرنترە لەچاو گلوکۆز و سوکڕۆز.
تێکنەچوونی هەنگوین، بەهۆی کەمی ڕێژەی گەردەکانی ئاوە لەناو هەنگوین. ئەوەش وای کردووە هەنگوین خەست و لینج بێت.
بەهۆی کەمی ئاوەوە، بەکتریاکان ناتوانن بۆ ماوەیەکی زۆر بمێننەوە تێیدا، کاتێک بەکتریاش نەبێ، ئەوا هەنگوینەکە شی نابێتەوە و تێک ناچێت. وە لەناو هەنگوین، ترشە ئەندامییەکان هەن، کە pH ی هەنگوین کەم دەکەنەوە لەنێوان 3 بۆ 4 ، وەهەروەها بڕێک هایدرۆجین پێرۆکسایدی تێدایە. ئەوەش ژینگەیەکی نالەبارە بۆ کەشەکردنی بەکتریاکان.
هەربۆیە، هەنگوین بە چارەسەری هەندێک لە نەخۆشییەکان دادەنرێت، چونکە مایکڕۆئۆڕگانیزمەکان ٭زیندەوەرە وردیلەکان٭ ناتوانن بۆ ماوەیەکی زۆر تێیدا بمێننەوە و پێکهاتە کیمیاییەکانی بگۆڕن، جگە لەوەش کۆمەڵێک ماددەی کیمیایی بەسوودی تێدایە..............................................
🔴 نوسینی: هیوا شریف 🔴

14/12/2021

گەردیلە Atom ٫ بچووکتر لە گەردیلە، و ئایەتێکی قورئان.
٭-٭-٭-٭-٭-٭-٭-٭-٭-٭-٭-٭-٭-٭-٭-٭-٭-٭-٭-٭-٭-٭-٭-٭-٭-٭-٭-٭-
فەیلەسوفی یۆنانی، لیوسیپەس، ڕەنگە یەکەم کەس بووبێت لەبەرەوپێش بردنی ئەو بیرۆکەیەی کەدەڵێت، جیهانی ئێمە لە تەنۆکەی زۆر بچووکی نەبینراو پێکهاتووە. قوتابییەکەی، دیمۆکریتس هەمان بیروباوەڕی هەبوو، وێنای ئەوەی کرد کە پارچەکردنی پارچەیەک پەنیر بۆ نیوە، پاشان نیوەکەش بۆ نیوەیەکی تر، کەرتکردنی ئەوانیش بۆ نیوە...... لەکۆتاییدا دەبێت سنورێک هەبێت بۆ ئەو کردارە.
🔹 دوای ئەوە ئەرستۆ، بیرۆکەی دیمۆکرێتسی ڕەتکردەوە. بەپێی ئەرستۆ، گەردوون لە چوار ماددە پێکهاتووە، ئەوانیش زەوی و هەوا و ئاگر و ئاوە، هەموو شتێک دەکەوێتە نێوان ئەوان. پێی وابوو ئەو ماددانە لە تەنۆلکەی بچووکتر پێک نەهاتوون.
🔸 بەڵام لە ساڵی 1803 ، فیزیازان جۆن داڵتۆن، بیردۆزی گەردیلەی دانا. بەپێی داڵتۆن، هەموو ماددەیەک لە تەنۆلکەی زۆر بچووک پێک دێت کە پێی دەگوترێت "گەردیلە". داڵتۆن پێی وابوو، کە گەردیلە بچوکترین تەنۆلکەی ماددەیە و دابەش نابێت بۆ تەنۆلکەی لەخۆی بچووکتر.
بەڵام دوای گەشەکردنی زیاتری زانستی گەردیلە، ئەوە دۆزرایەوە کە گەردیلەش لە تەنۆکەی بچووکتر پێکدێت پێیان دەڵێن تەنۆلکە ژێرگەردیلەکان، کە ئەمانەن :
🔴ئەلیکترۆن 🔴 پڕۆتۆن 🔴 نیوترۆن.
- - - - - - - - - - - - - - - - - - - - - - - - - - - - -
لە قورئانی پیرۆز، سوڕەتی سبأ - ئایەتی 3 ٫ ئاماژە بە بوونی بچووکتر لە گەردیلە درایە. کەچی ئێستا لە بیردۆزی گەردیلەی مۆدێرن، ئەوە ڕونکراوەتەوە کە گەردیلە دابەش دەکرێت بۆ تەنۆکەی بنچینەیی بچووکتر.

((بسم اللە الرحمان الرحیم))
وَقَالَ الَّذِينَ كَفَرُوا لَا تَأْتِينَا السَّاعَةُ ۖ قُلْ بَلَىٰ وَرَبِّي لَتَأْتِيَنَّكُمْ عَالِمِ الْغَيْبِ ۖ لَا يَعْزُبُ عَنْهُ مِثْقَالُ ذَرَّةٍ فِي السَّمَاوَاتِ وَلَا فِي الْأَرْضِ وَلَا أَصْغَرُ مِنْ ذَٰلِكَ وَلَا أَكْبَرُ إِلَّا فِي كِتَابٍ مُبِينٍ

ئه‌وانه‌ی خوانه‌ناس و بێ بڕوابوون و نكۆڵی زیندووبوونه‌وه‌یان ده‌كرد وتیان: هه‌رگیز ڕۆژی قیامه‌تمان بۆ نایێت، واته‌: به‌هیچ شێوه‌یه‌ك قیامه‌ت نیه‌ ! ئه‌ی پێغه‌مبه‌ر! بڵێ: به‌ڵێ سوێندم به‌په‌روه‌ردگارم هه‌ربۆتان پێش دێت، له‌ لایه‌ن خوای زانای گشت نادیار كه‌ به ‌ئه‌ندازه‌ی گەردیلەیەک شتی لێ ون نابێ، نه‌ له‌ ئاسمانه‌كان ونه‌ له‌ زه‌ویدا ، وه‌ نه‌ بچووكتر له‌ گەردیلە و، نه‌ گه‌وره‌تریش لێی٫ مه‌گه‌ر ئه‌وه‌ هه‌موو له‌ناو نامه‌یه‌كی روونكه‌ره‌وه‌ دا لای په‌روه‌ردگار نووسراوه‌ و هه‌ڵگیراوه‌.
-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*

🔴 By: Hiwa SH - Chemistry Teacher 🔵

06/03/2020

No one can destroy iron, but its own rust can. Likewise, no one can destroy a person, but his own mindset can.
کەس ناتوانێ ئاسن لەناو ببات، بەڵام ئەو ژەنگەی کەدروستی دەکات دەتوانێت. بەهەمان شێوە کەس ناتوانێت کەسێک وێران بکات و ژیانی تێک بدات بەڵام ڕێگا و شێوازی بیرکردنەوەی دەتوانێت.

06/08/2019

ئەوانەی خاوەن چەندەها هۆکارن بۆ دڵخۆشبوون و سەرکەوتن، بەڵام کات بەفیڕۆ دەدەن و خۆیان دوادەخەن
کێشەی زۆربەیان ئەوەیە پێیان وایە کاتیان زۆرە !
بەڵام ڕەنگە لە چرکەیەکدا هەموو شتێک بگۆڕێت. بۆیە ئەوەی پێویستە ئەنجامی بدەی بۆ خۆت و ژیانت دوای مەخە.

21/07/2019

بە بێ دەنگی هەوڵبدە بۆ ئامانجەکانت
دواتر سەرکەوتنەکەت خۆی هاوار دەکات

18/07/2019

ئەوەی بیری لێ دەکەیەوە، ڕەنگدانەوەی دەبێ لەسەر کردارەکانت.
هەر کردارێکیش کە بەردەوام ئەنجامی دەدەی، دەبێتە خوو
ئەوەی خووی پێوە دەگری (چ خراپ بێ یان باش)، دەبێتە ڕەوشت و کارێکی ڕۆتینی ژیانت
وە ڕەوشتیش، کەسایەتی و چارەنووست دیاری دەکات.

29/04/2019

هەر شتێک کە بشکێت، دەتوانرێت چاک بێتەوە
هەر ئازارێک کە ئێستا دەیچێژی دەتوانرێت چارەسەربێ و کۆتایی بێت
گرنگ نییە شەو دنیا تاریک دەبێت، ڕۆژ دیسانەوە بەدەر دەکەوێتەوە.
کاتێک داوا لە خوا دەکەین و سوپاسی دەکەین کە ژیانی پێمان بەخشیە، ئارام دەگرین لەسەر بارودۆخە سەختەکان، ئەوکات دەرگای چارەسەری کێشەکان بەڕووماندا دەکرێتەوە.

28/04/2019

کەسێک ۱۰ ئەوەندە سەرنجڕێکش تر دەبێ
نەک بە ڕوخسار و شێوەی دەرکەوتنی
بەڵکو بەپیشاندانی ، #ڕاستگۆیی ، #دڵسۆزی ، #ڕێزگرتنی ، #بەزەیی

27/04/2019

هەرگیز نابیتە کەسێکی بوێر
ئەگەر ئازار نەبینی
هەرگیز فێری هیچ نابیت
ئەگەر هیچ کات هەڵەت نەکردبێ
هەرگیز سەرکەوتوو نابیی
ئەگەر ڕوبەڕووی کەوتنەکان نەبیتەوە

30/12/2018