هەواڵ و زانیارى :&: Hawal w Zanyari

12/08/2026

هەموو نەهامەتیەکان لێرەوە دەستی پێ کرد.

کاتێ کچێکی حەوت سالان دەستدرێژی کرایە سەری و هەرەشە لەباوکی کراو ناوی بەرپرسەکە ئاشکرا نەکرا

یەک رێخراو میدیا نەیان توانی هیچ کەن ..

یەک کەس فزەی لێوە نەهات و نەیان توانی نەتیجەیەک بەدەست خەن

لێرەوە پاکیزەی کچیکی حەوت ساڵان .
پاکیزەی لەهەموو کورد برد و . تەواوی پیرۆزیەکانی مرۆفی لەگەڵ خۆی برد ..
خیرەت و کەرامەت و شەرەفی هەمووان لێرەوە لەدەست درا ..

چاوەرێی رۆژگارێکی رەش و ئەوپەری بێ کەرامەتی بکەن ..

دڵنیابن ئەوەندە زەلیل و سوک دەبین . کە هیچ دڵێک لەرووی نەیا روو لەخوداش بکا ..

ئێمە هەموو شتێکمان دۆڕاند بە دنیا

06/08/2026

03/08/2026

جوانترین پێناسە

01/08/2026

دەوترێت ئەو کەسەی ئەمڕۆ لە کەلار کوژرا ، پێشتر لە ساڵی ٩٠ ەکان باوکی ئەو کوڕەی کوشتوە ، ئەویش ئەمڕۆ تۆڵەی باوکی کردۆتەوە .

01/08/2026

لە دوای دروستبونی گۆڕانەوە دەبێ چەند مرۆڤی بودەڵە و گەنەخۆر بوبێتن بە شت و ئێستا دەڕشێنەوە بەسەر دەنگدەرەکانی خۆیان

05/06/2026

بۆچی لە تەمەنی 40 ساڵیدا دەبیتە "جۆخۆر"؟!

ئەم پرسیارە تەنها دەستنیشانکردنی حاڵەتێکی پزیشکی نییە، بەڵکو گەورەترین وانەی فەلسەفی و ڕۆحیی ژیانە کە
زۆرجار کاتێک تێیدەگەین کە زۆر درەنگە، چونکە لەم سەردەمەدا کاتێک مرۆڤ لە قۆناغی بیستەکان و سییەکانی تەمەنیدایە، دەکەوێتە ناو گەورەترین وەهمی گەردوونەوە؛ وەهمی ئەوەی کە جەستەی ئامێرێکی نەمرە و کاتیش زەریایەکە هەرگیز وشک ناکات، بۆیە بەبێ هیچ سنوورێک نەفسی خۆی بەرەڵا دەکات بۆ ئارەزووەکان، لە خواردنی خێرا و پڕ لە ژەهرەوە بگرە تا دەگاتە بەفیڕۆدانی هەزاران کاتژمێر لەبەردەم شاشەکان و نوقمبوون لەناو سۆشیاڵ میدیادا، بێئاگا لەو حەقیقەتە قورئانییەی کە پێمان دەڵێت جەستە و کات دوو
گەورەترین "ئەمانەت"ن و ڕۆژێک لێپرسینەوەیان لێ دەکرێت.

حەسەنی بەسڕی دەفەرموێت: "ئەی ئادەمیزاد، تۆ تەنها کۆمەڵێک ڕۆژیت، هەر ڕۆژێک بڕوات، بەشێک لە تۆ ڕۆیشتووە"، بەڵام یاسای حەق وایە کە هەموو قەرزێکی ئەم بێباکییە دەبێت ڕۆژێک بدرێتەوە، کاتێک دەگەیتە قۆناغی چل ساڵی—ئەو تەمەنەی کە لە ئیسلامدا لوتکەی پێگەییشتن و پێغەمبەرایەتی و کامڵبوونی ئەقڵە {حَتَّىٰ إِذَا بَلَغَ أَشُدَّهُ
وَبَلَغَ أَرْبَعِينَ سَنَةً}—لەبری ئەوەی بەری ئەو کامڵبوونە بچنیتەوە، لەناکاو لەبەردەم پزیشکێکدا دادەنیشیت کە دەبێتە زیندانەوانی ئازادییەکانت و پێت دەڵێت: "لەبری نانی گەنم دەبێت نانی جۆ بخۆیت، شەکر و چەوری حەرامە، و دەبێت سەیرکردنی شاشەکان کەم بکەیتەوە چونکە چاو و دەمارەکانت وێران بوون!"، لێرەدا تۆ دەبیتە "جۆخۆر"، نەک لەبەر ئەوەی وەک زاهید و خواناسەکان ویستووتە نەفست بشکێنیت بۆ ڕەزامەندی خودا، بەڵکو لەبەر ئەوەی نەخۆشی ناچاری کردوویت.

گەورەترین ئازار لە نانی جۆکەدا نییە، بەڵکو لەو "هەگبە بەتاڵە"دایە کە کاتێک ئاوڕ لە ڕابردوو دەدەیتەوە، دەبینیت بەهۆی خەسارکردنی کاتەکانت لە شتە بێمانا و کاتییەکاندا، نە زانستێکت فێربووە، نە کتێبێکت خوێندووەتەوە بۆ ئاوەدانکردنەوەی ڕۆحت، و نە سەرمایەیەکی فیکری و مەعریفیت کۆکردووەتەوە؛ لەبری ئەوە بوویتەتە کارەکتەرێکی هێلاک کە هەم جەستەی وێرانە و هەم مێشکیشی خاڵییە، بۆیە تا هێشتا کات ماوە و تەمەن لە دەستماندایە، با خۆمان نەفس و ئارەزووەکانمان کۆت بکەین و کاتەکانمان بخەینە خزمەتی باڵابوونی ڕۆحمانەوە، پێش ئەوەی تەمەن و نەخۆشی بە زەبری ئازار کۆتمان بکەن و هەگبەیەکی
بەتاڵمان بۆ بهێڵنەوە.

ئەو ئازادییەی ئەمڕۆ لە گەنجیدا بە خراپی بەکاری دەهێنیت، باجەکەی لە ٤٠ ساڵیدا بە "بێبەشبوون" دەدەیتەوە. ئەگەر ئەمڕۆ بە ئارەزووی خۆت کەمێک خۆت نەگریتەوە و وەرزش نەکەیت، سبەی بە ناچاری لەناو ڕێڕەوی نەخۆشخانەکاندا پیاسە دەکەیت. ئەگەر ئەمڕۆ کاتەکانت بۆ بنیاتنانی عەقڵت تەرخان نەکەیت، سبەی لەناو قەرەباڵغی ژیاندا وەک کەسێکی بێ سەنگ ون دەبیت.

بڕوا ڕەشید
ئەندازیاری تەلارساز