Chinese language and culture

سەردانی ئەمڕۆی بەڕێز لیۆ یۆجین قونسولی گشتی کۆماری میللی چین بۆ بەشی زمانی چینی کە لە لایەن بەڕێزان٬ پ.ی. دکتۆر سامان حسین راگری کۆلێژی زمان و دکتۆر بارزان شێخ جعفر سەرۆکی بەشی زمانی چینی و مامۆستایان و قوتابیان پێشوازیەکی گەرمی لێکرا.
لە دیدارەکەدا بەڕێز لیۆ یوجین دڵنیایی دایە بەشەکەمان کە بەردەوام دەبن لە هاوکاری و پاڵپشتی بەشەکە و لەم ساڵیشدا بە دڵنیایەوە بەشمان لە سکولەرشیپی زانکۆکانی چین دەبێت و پۆلێکی تری قوتابیانی بەشەکەمان سەردانی وڵاتی چین دەکەن بۆ بەشداری لە کەمپی هاوینە.

سەرجەم فێرخوازان و خوازیارانی تاقیکردنەوەی توانستی زمانی چینی ئاگادار دەکەینەوە کە بەشی زمانی چینی٬ هەلدەستێت بە ئەنجامدانی تاقیکردنەوەی (HSK1) تا (HSK6) لە بەرواری ١٦/٣/٢٠٢٤. لە ئێستادا دەرگای ناونوسین کراوەیە و نرخی بەشداربونیش بۆ هەر ئاستێک بەرامبەر بە تاقیکردنەوەکە ئاماژەی پێدراوە. دوا مۆڵەت بۆ خۆتۆمارکردن ١٦/٢/٢٠٢٤)ە
شوێنی خۆتۆمارکردن بەشی زمانی چینی

ئەمرۆ بەشی زمانی چینی لە زانکۆی سەڵاحەدین بە هاوبەشی لەگەڵ زانکۆی شەنگهای نێودەوڵەتی بۆ خوێندنی بیانی٬ زانکۆی پیشەسازی جێنگجۆ- چین٬ کۆلێژی دەوڵەتی بۆ زمانی بیانی- ئۆزبەکستان و پەیمانگای کۆنفۆشیس لە ئۆزبەکستان٬ کۆنفرانسێکی نێودەوڵەتیان ئەنجام دا لە ژێر ناونیشانی (گۆڕانکاری و داهێنانەکانی پەروەردە و زمانی چینی لە دەرەوەی چین) کە تێیدا ١١ پرۆفیسۆری بواری فێرکردن و زمانی چینی سیمیناریان پێشکەش کرد

ئەمڕۆ ١٩/١٢/٢٠٢٣ لە کۆلێژی زمان زانکۆی سەلاحەدین بەئامادەبوونی بەڕێزان ڕاگری کۆلێژ"پ.ی.د سامان حوسێن عومەر" و بەڕێز یاریدەدەری ڕاگر"م.تەلعەت تاهیر حەمەد عەلی" وەهەروەها بەڕێز سەرۆک بەشی زمانی چینی "د.بارزان شێخ جعفر علی"٬ مامۆستایان و قوتابیانی بەشی زمانی چینی چالاکیەکیانبەبۆنەی ساڵی تازەی چینی و ڤیستیڤالی زستانەی وڵاتی چین ئەنجامدا٬ کە تێیدا ئاشنابوون و ناساندنی کەلتورو فەرهەنگی وڵاتی چین نمایشکراو هەندێ لە چاڵاکیەکان پێکهاتبوون لە:
١.خواردنی چینی.
۲.جۆرەکانی چای چینی.
۳.نووسینی چینی.
٤.وێنەی چینی.
٥.مۆسیقا، سەماوشمشێربازی چینی.

زۆر سوپاسی بەڕێزان راگری کۆلێژ و یاریدەدەری راگر دەکەین بۆ پاڵپشتی و هاوکاریان. هیوادارین کە نمونەیان زۆربێت.

ئەمڕۆ بەرێز مستەر زوۆ یاریدەدەری کونسولی گشتی کۆماری میللی چین لە هەولێر بۆ کاروباری پەروەردە و خوێندن٬ سەردانی بەشی زمانی چینی کرد و لە لایەن بەریزان دکتۆر بارزان شیخ جعفر سەرۆکی بەش و مامۆستایان و قوتابیانی بەشەکە پێشوازیەکی گەرمی لیکرا. لە دیدارەکەدا بەڕێزیان دلنیایان دا لە هاوکاری کردن و پاڵپشتی کردنی بەشەکەمان لە سەرجەم بوارەکانی خوێندن و پەروەردە.

ئەمرۆ بەرێز مستەر چیۆ٬ لە بەشی زمانی چینی سیمینارێکی لەسەر رۆڵ و گرنگی وزەی تازە لە کۆمەڵگەدا پێشکەش کرد و گفتوگۆیەکی چر و سودبەخش لەلایەن مامۆستایان و قوتابیان ئەنجام درا

ئەمرۆ بەڕێزان دو موژۆو و رۆدێن سەردانی بەشی زمانی چینیان کرد و لەگەل قوتابیان باسی کەلتوری چینیان کرد و لەهەمانکاتیشدا قوتابیانیان فێری هونەری چایی ئامادەکردن و پێشکەشکردن بە میوان کرد. ئەوەی جێگای باسە چایی لە کەلتوری چینی گرنگیەکی زۆری هەیە و هەر بۆنە و رێورەسمیک جۆری چاییەکە و ئامادەکردن و پێشکەشکردنەکە جیاوازە

ئەمرۆ بە هاوکاری لیژنەی نوێنەرایەتی قوتابیانی کۆلیژی زمان٬ سەرۆکایەتی بەشی زمانی چینی مەراسیمیکی بەخێرهاتنی بۆ قوتابیانی قۆناغی یەکەم ساز دا. لە مەراسیمەکەدا سەرۆکی بەش دکتۆر بارزان شێخ جعفر وتاری بەخێرهاتنی پێشکەش کرد٬ دواتر لینا خان بەرپرسی لێژنەی نوینەرایەتی قوتابیان وتاری بەخێرهاتنی لیژنەی نوێنەرایەتی پێشکەش کرد. و لە کۆتایشدا مامۆستا خو وتارێکی پێشکەش کرد بۆ هاندانی قوتابیان بۆ فێربوونی زمانی چینی

ئەمڕۆ بەڕێزان مستەر کیو و مستەر شوێ سەردانی بەشی زمانی چینیان کرد و لە دانیشتنێکدا لەگەڵ سەرۆکایەتی بەش و قوتابیانی بەشەکەمان٬ باسیان لە گرنگی فێربوونی زمانی چینی کرد بۆ دروستکردنی هەماهەنگی و پەیوەندی دۆستانە لە نێوان هەردوو گەلی کوردستان و چین دا لە سەرجەم بوارەکان.

ماوەی چەند رۆژێکە بەشێک لە قوتابیانی بەشی زمانی چینی بە هاوکاری لەگەل مام رەقیب سەرقالی خاوێن کردنەوەی باخچەی بەشەکەمانن. زۆر سوپاسیان دەکەین و نمونەیان زۆر بێت.
تێبینی بەشێک لە قوتابیانی بەشداربوو لە وێنەکانی ئەمرۆ دەرنەچوون.

ئەمرۆ لە رێوڕەسمێک دا ماڵئاوایمان کرد لە بەرێز مامۆستا دەشتی بەبۆنەی گەڕانەوەی بۆ کۆلیژی زمان وەک بەرپرسی راگەیاندنی کۆلیژ. مامۆستا دەشتی لە ماوەی کارکردنی لە بەشەکەمان نمونەی کارمەندیکی دڵسۆز و بەوەفا بوو٬ لە هەمانکاتیشدا بە دڵسۆزیەوە کاری دەکرد بۆ پێشخستنی بەشەکەمان و هاوکاری کردنی قوتابیان.
هیوای سەرکەوتنی بۆندەخوازین لە کاری تازەی دا.