Fakher Mergasory Kurdish Private School

بازنەی یەکەمیش لە کەشێکی ئارام و ژینگەیەکی گونجاودا دەستیان بە هەڵسەنگاندنی چوارەمی خۆیان کردووە

ئەمرۆ چوارشەممە 17-12-2025 بەرزڕاگرتنی ڕۆژی ئاڵای پیرۆزی کوردستان، کە ڕەمزی قوربانیدان، شکۆ و ناسنامەی نەتەوەییمانە.

تیایدا بەڕێوەبەر، بەڕێز م. بەختیار عبدلله وتارێکی لەسەر ئاڵای کوردستان پێشکەشکرد. هەروەها بەڕێزان م حسن رقیب و م. ابراهیم شێرکۆ هۆنراوەیەکی تایبەت و دوو لە قوتابیانیش وتە و هۆنراوەیان هەبوو لەسەر ئاڵا.

لە هەموو تاکێکی کورد پیرۆز بێت، هێمای یەکبوون و مانەوەمانە ئاڵاکەمان.

‎(هاوکاریی تۆ، گەڕانەوەی ڕووناکی و هیوایە بۆ ئەوان)
‎بەڕێزان: قوتابییانی خۆشەویست، دایک و باوکی سەرجەم قوتابییانی دامەزراوەکانی فاخر مێرگەسۆری،

‎سڵاوێکی گەرم...

‎ئێمە وەک قوتابخانەکانی شەهید فاخر مێرگەسۆری (حکومی و ناحکومی)، بەردەوام پێشەنگ بووین بۆ هاوکاری و بەهاناوەچوونی لێقەوماوان، جا بە هەر هۆکارێک و لە هەر شوێنێک بووبن؛ بۆیە ئێمە وەک نەریتێکی ئایینی، ئەخلاقی و مرۆیی، بەردەوام دەستپێشخەرین بۆ بەدەمەوەچوون لە کاتی ئەو جۆرە کارەساتە دڵتەزێنانەدا.
‎هەر بۆیە بۆ ئەم مەبەستە، لەژێر دروشمی (هاوکاریی تۆ، گەڕانەوەی ڕووناکی و هیوایە بۆ هەمووان) و بە هاوکاریی ڕێکخراوی (دایکۆ بۆ گەشەپێدانی مرۆیی)، کەمپینێکی هاوکاری ڕادەگەیەنین بۆ یارمەتیدان و کۆمەککردنی زیانلێکەوتووانی شارۆچکەی چەمچەماڵی خۆشەویست و ناحیەکانی شۆڕش و تەکیە. ئەم چالاکییە بە هەماهەنگیی ئەنجوومەنی دایبابان ئەنجام دەدەین.

‎داواکارین لە بەڕێزتان و سەرجەم خێرخوازان هاوکارمان بن بۆ کۆکردنەوەی هاوکارییەکان. هەروەک چەند جارەی ڕابردوو، ئێمەش وەک ئەرکێکی نیشتمانیی خۆمان، هەڵدەستین بە هاوکاریکردنیان و دەربڕینی ڕێز و خۆشەویستی بۆ هاووڵاتیانمان.

‎لەگەڵ ڕێزماندا،

دامەزراوە پەروەردەییەکانی فاخر مێرگەسۆری

ناونیشانی قوتابخانەکەمان
هەولێر/گەڕەکی ماردین

لوکەیشن:

https://www.google.com/maps/search/36.161718,+43.958193?entry=tts&g_ep=EgoyMDI1MDgxMS4wIPu8ASoASAFQAw%3D%3D&skid=dcc61370-ffdc-4f55-86d5-aa2b01a1b418&fbclid=IwVERDUAOuhZxzcnRjBmFwcF9pZAo2NjI4NTY4Mzc5AAEesT0cmS_kjZhVNXW58jeN9HmguOzWQW48Kni5ERAeT5av_CiuxQYT007mVYQ

ژمارە مۆبایل
07501909554
07501909553

ئەمڕۆ دوو شەممە 15-12-2025 دەستپێکردنی تاقیکردنەوەکانی کۆتایی وەرزی یەکەم - خولی یەکەم، هیوای سەرکەوتن بۆ گشت قوتابییان دەخوازین

خشتەی تاقیکردنەوەکانی کۆتایی وەرزی یەکەم - خولی یەکەم

بەهیوای سەرکەوتنی بەرز بۆ هەموو قوتابییان

ئەمڕۆ سێ شەممە 9-12-2025 کۆبوونەوەی دەستەی کارگێڕی لەگەڵ مامۆستایان ئەنجامدرا دەربارەی تاقیکردنەوەکانی کۆتایی وەرزی یەکەم.

لە کۆبوونەوەکەدا، ڕێنماییەکانی تایبەت بە تاقیکردنەوەکان خرانەڕوو و ڕێکارەکانی چاودێریکردن تاوتوێکران، لەگەڵ چەند بابەتێکی تری پەیوەندیدار، ئەمانەش لە پێناو بەڕێوەچوونێکی سەرکەوتووانەی پرۆسەی تاقیکردنەوەکان.

ئه‌مڕۆ دوو شه‌ممه‌ 8-12-2025 سه‌رپه‌رشتیاری په‌روه‌رده‌یی قوتابخانه‌كه‌مان، به‌ڕێز (م. فریشته‌ محمود أحمد) سه‌ردانی قوتابخانه‌كه‌مانی كرد و لەلایەن بەڕێوەبەر و یاریدەدەری بەڕێوەبەر بۆ کارگێڕی پێشوازی لێ کرا و، ده‌ستخۆشی و به‌دواداچوونی بۆ سه‌رجه‌م كاره‌كانی قوتابخانە و كارگێڕی هه‌بوو.