23/09/2024
قوتابیانی زێدە ئەزیز، تكایە ئاگادار و وریابن لە بەكارهێنانی ژیری دەستكرد لە پڕكردنەوەی فۆڕمەكانتان و دیاریكردنی چارەنووستان. لەوانەیە لێرەو لەوێ زۆرکەس هەبن بێ بوونی شارەزایەكی ئەوتۆ خەریکبن دەست بۆ ئەم كارە ببەن، بێ ئاگا لەوەی كە ئەمە ڕەنگە ببێتە هۆی هەڵەیەكی كوشندە! لەهەمان كاتیشدا دەشێت ببێتە ڕاوێژكارێكی زۆر چاك!
چی بكەم؟!
تكایە لە هەر شوێنێك كە دەتەوێت فۆڕمت بۆ پڕبكرێتەوە، سەرەتا لێی بپرسە كە ئاخۆ ژیری دەستكرد بەكاردێنێت یان نا؟ بۆئەوەی بەر لە هەموو شتێك دڵنیاببتەوە!
بەڵێ:
ئەگەر وەڵامەكە بەڵێیە، پێویستە وریابیت و بزانیت كە چی دەكەیت و ئاخۆ هەنگاوەكان بەڕاستی پەیڕەو دەكرێن.
نەخێر:
ئەگەر وەڵامەكە نەخێرە، مانای وانییە كە بێ كێشە دابنیشت و دڵت ئاسوودە بێت!
ژیری دەستكرد دەتوانێت لە پڕكردنەوەی فۆڕمێك چیم بۆ بكات؟
ژیری دەستكرد (ژیركار) دەتوانێت ڕاوێژكارێكی بەسوود، خێرا، گرنگ و كاریگەر بێت بۆ پێشنیارەكان نەوەك بۆ بڕیاردان لەسەر چارەنووس.
چۆن ئەم كارە دەكرێت؟
ئەم كارە پێویستی بە كەسانی پسپۆڕە، تاوەكو پتر شارەزایی لە ژیركار هەبێت، ئەوا پتر دەتوانێت سوودی لێ ببینیت.
ڕێگاكان چین؟
دەشێت ئەم كارە ئاڵۆزە تۆزێك سادە بكەینەوە. فەرموون ئێوە و ڕێگاكان:
یەكەم: سەرەتا بچۆ سەر سایتی فەرمی ڕێگای زانكۆ (زانكۆ لاین) و لەپەڕەی سەرەكی و لەخوارەوە دوو فایل هەن بەناوەكانی (ڕێنمایی 2024 و خشتەی زانكۆكانی هەرێم) داونلۆدیان بكە.
دووەم: فایلێك (یان وێنەیەك) كە وەرگیڕاوانی ساڵی پارن لە ئینتەرنێت دەستبخە
سێێەم: ئێستا تۆ سێ فایلت هەیە و ئاگاداربە
چوارەم: بچۆ سەر مۆدێلی ژیری دەستكردی (مامۆستا-كورد MMP-MamostaKurd) و سەرەتا هەر سێ فایلەكە ئەپڵۆد بكە.
پێنجەم: بە پڕۆمپتیك بەڵام زۆر بە وریایی داواكارییەكەت بنووسە (بۆ داواكردنی پڕۆمپت تكایە نامەمان بۆ بنێرە)
شەشەم: لەسەر بنەچەی تێكڕای گشتی نمرەكانت و بە بەراورد لەگەڵ زانیارییەكان و پێشهاتەكانی ئەمساڵ (كە نمەر زۆرترە لە پار) دەتوانێت پەنجا یان پتر/كەمتر داواكاریی دەستبخەیت و سوودی لێ ببینیت.
حەوتەم: جارێكی تر دەیڵێینەوە كە ئەمە تەنها بۆ ڕاوێژكارییە نەوەك بڕیاردان.
هەشتەم: ئایا چات جی پی تی بەكاربهێنم چاكتر نییە؟ وەڵام: نەكەی هەڵەی وا گەورە بكەیت ئاگاداربە. لە ئێستادا باشترین مۆدیلی ژیری دەستكرد بۆ ئەم كارە، مۆدێلی ژیری دەستكردی (مامۆستا-كورد)ـە.
سەنگەر حسن
21/07/2024
17/04/2024
10/04/2024
18/02/2024
21/10/2023
12/10/2023
10/10/2023
14/09/2023
12/09/2023
28/08/2023