قسم الفيزياء الحياتية Biophysics Dep

22/04/2026

06/02/2026

https://www.facebook.com/share/1GbXvzwaTi/

23/01/2026

هناك ثلاث أنواع من النفط الخام في العالم
- نفط خفيف يكون ذو لزوجة منخفضة ويسهل ضخه ومعالجته ويستخرج منه وقود الطائرات والبنزين والكيروسين وهو الأكثر طلب حول العالم ويوجد في السعودية وروسيا

- نفط ثقيل شديد اللزوجة وينتج منه الإسفلت وزيوت التشحيم ويوجد في كندا

- نفط ثقيل جداً وهو صلب تقريبا ويشبه القطران تكاليف استخراجه مرتفعة للغاية والطلب عليه قليل للغاية ويوجد هذا النوع في فنزويلا.

23/01/2026

شبكة فوربس الأمريكية : اكتشاف احتياطي ضخم يُقدّر ب 600 مليار طن من مادة السيلكا عالية النقاء في صحراء الأنبار

هذه المادة هي الأندر في العالم ويصل سعر الطن إلى 800 دولار

23/01/2026

ثلاث آيات أحرص على قراءتها صباح كل يوم و ستری عجبا في هداية أولادك وزوجك إن شاء الله
بسم الله الرحمن الرحيم
﴿ وَالَّذِينَ يَقُولُونَ رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا﴾
[ الفرقان: 74]
بسم الله الرحمن الرحيم
رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَىٰ وَالِدَيَّ وَأَنْ أَعْمَلَ صَالِحًا تَرْضَاهُ وَأَصْلِحْ لِي فِي ذُرِّيَّتِي ۖ إِنِّي تُبْتُ إِلَيْكَ وَإِنِّي مِنَ الْمُسْلِمِينَ" (الأحقاف: 15)
بسم الله الرحمن الرحيم
"رَبِّ هَبْ لِي حُكْمًا وَأَلْحِقْنِي بِالصَّالِحِينَ، وَاجْعَلْ لِي لِسَانَ صِدْقٍ فِي الْآخِرِينَ" (سورة الشعراء، الآية 83).
صدق الله العظيم
ردد الدعاء ده
"اللهم احفظ لي أولادي، ووفقهم لطاعتك، وبارك لي فيهم، واجعلهم هداة مهتدين".
"اللهم افتح على أولادي فتوح العارفين، وعلمهم ما جهلوا، وذكرهم ما نسوا، وافتح عليهم من بركات السماء والأرض".
"اللهم يا مقلب القلوب ثبت قلب ولدي على دينك، واهدِه لطريق الخير، واجعله من عبادك الصالحين".

10/01/2026

🔌⚡ التأريض الكهربائي (Earthing System) ⚡🔌
التأريض من أهم عناصر أي منظومة كهربائية، وهو الوسيلة الأساسية لحماية الإنسان والمعدات من الأخطار الناتجة عن تسرب التيار أو حدوث الأعطال.
💡 تعريف التأريض:
هو توصيل الأجزاء المعدنية المكشوفة من الأجهزة والمنشآت الكهربائية مباشرة بالأرض (باستخدام قضبان أو شبكة نحاسية مدفونة في التربة) بحيث يتم تصريف التيار المتسرب بأمان إلى الأرض بدل ما يمر عبر جسم الإنسان.
🎯 أهداف التأريض:
1. حماية الإنسان من الصعق الكهربائي عند لمس جسم معدني به تيار متسرب.
2. حماية المعدات من التلف نتيجة الارتفاع المفاجئ في الجهد.
3. تحقيق استقرار للجهد الكهربائي داخل الشبكة.
4. توفير مسار منخفض المقاومة لتصريف تيار العطل أو الصواعق.
5. تحسين أداء أنظمة الحماية (مثل القواطع والفيوزات) حتى تفصل الدائرة بسرعة.
⚙️ مكونات نظام التأريض:
1. الموصل الأرضي (Earth Conductor): الكابل أو السلك النحاسي الذي يربط بين المعدة والقطب الأرضي.
2. القطب الأرضي (Earth Electrode): ق**ب أو شبكة معدنية تدفن في التربة (عادةً نحاس أو جلفنايزد ستيل).
3. نقطة التجميع (Earth Bar/Busbar): مكان تجميع جميع توصيلات الأرضي داخل المبنى أو اللوحة الكهربائية.
🛠️ أنواع أنظمة التأريض (حسب IEC):
1. TN System:
النيوترال متصل مباشرة بالأرض، والأجزاء المعدنية مربوطة بنفس النقطة.
منتشر في المباني السكنية والصناعية.
2. TT System:
كل جهاز أو مبنى عنده قطب أرضي مستقل.
مفيد في المناطق الريفية.
3. IT System:
لا يوجد اتصال مباشر للنيوترال بالأرض (أو عبر مقاومة).
يستخدم في المستشفيات والمناطق الحساسة لتقليل احتمالية انقطاع التيار.
📊 العوامل المؤثرة على مقاومة الأرضي:
نوع التربة (رملية – طينية – صخرية).
درجة الرطوبة.
مساحة وعدد الأقطاب المدفونة.
عمق وزاوية دفن الق**ب.
👉 القيمة المثالية لمقاومة التأريض غالباً أقل من 1 أوم للمنشآت الحساسة، و من 1–5 أوم في المباني العادية.
⚡ ملاحظات مهمة للمهندسين والفنيين:
لازم يتم اختبار مقاومة التأريض سنوياً باستخدام جهاز Earth Tester.
يفضل استخدام شبكة أرضية (Mesh) للمصانع الكبيرة بدل ق**ب واحد.
ممنوع توصيل الأرضي مباشرة بالأنابيب المعدنية للمياه أو الغاز لأسباب أمان.
✅ الخلاصة:
التأريض مش مجرد خطوة إضافية في التصميم أو التنفيذ، بل هو خط الدفاع الأول ضد مخاطر

04/01/2026

🔴 من يومين، علماء الفيزياء نجحوا لأول مرة في التاريخ (يجمدوا) الضوء نفسه!! ويحولوه لنوع جديد من المادة، سائل وصلب في نفس الوقت!

ده مش خيال علمي، ولا سيناريو مستقبلي بعيد... بل هو اكتشاف علمي حقيقي حصل واتنشرت تفاصيله في بحث كبير من كام يوم، والنتايج بتاعته ممكن تغير فهمنا للكون كله!

طب ازاي الضوء اللي هو اصلا شيء مش مادي، ممكن يتجمد؟ وازاي في حاجة ممكن تبقى صلبة وسائلة في نفس الوقت؟

هات بقى كوباية شايك الحلوة والنعناع ف ايدك، وتعالى أحكيلك عن تفاصيل الموضوع المذهل ده ☕️👇

⚫️ بص يا سيدي... من حوالي اسبوعين الا كام يوم، وتحديدًا يوم 5 مارس اللي فات، في بحث علمي جديد نشره علماء من ايطاليا في مجلة "ساينس" العالمية بيعلن إنهم نجحوا - ولأول مرة في التاريخ - في تحويل الضوء لحالة مادية غريبة جدًا اسمها "السائل الصلب" أو المادة فائقة الصلابة "السوبر سوليد Supersolid"!

🔴 طب هو ايه السائل الصلب ده بالظبط؟

السوبر سوليد ده يا صديقي هو حالة مادية غريبة جدًا بتجمع بين خصائص متناقضة: بتبقى صلبة وذراتها منظمة زي المواد الصلبة (يعني ذراتها مرتبة في شكل بلوري) وفي نفس الوقت بتتحرك وبتتدفق زي السوائل لكن من غير أي احتكاك!

السوائل زي ما انت عارف، ليها لزوجة او Viscosity معينة، وللتبسيط ممكن نقربها لذهنك بإننا نطلق عليها معامل احتكاك.. ومعامل اللزوجة أو الاحتكاك ده بيعبر عن الاحتكاكات الداخلية اللي بتحصل جوه السائل وعلى سطحه وهو بيتحرك.. وكل السوائل التقليدية تقريبًا ليها لزوجة او معامل احتكاك ملحوظ.. يعني مثلا المية لما بتيجي تصبها من إزازة، لازم بتلاقي شوية نقط متجمعة على جدار الإزازة من جوه.. ونفس الكلام مع أي سائل تاني، باختلاف عدد القطرات، وعدد البقايا اللي بتتبقى من أي سائل لما بيتحرك..

لكن مواد ال Supersolid دي بقى بتبقى مواد صلبة، لكنها موجودة في صورة شبه السوائل.. وكنتيجة لده مبيكونش ليها لزوجة أو معامل احتكاك خالص تقريبًا.. وبالتالي فهي بتتحرك بدون ما تسيب وراها أي آثار، بشكل غريب أشبه بالسحر!

🟣 طب بتتعمل ازاي المواد دي؟

علشان تعمل حاجة زي دي، محتاج تبرد المادة لدرجات حرارة قريبة جداً من الصفر المطلق (حوالي -273 درجة مئوية).. ولو سألتني عن السبب، ف هشبهلك الموضوع بالأطفال اللي بتلعب في حوش صغير.. طول ما هما عندهم طاقة والجو طبيعي، هتلاقيهم بيتنططوا ف كل حتة ونشطين.. لكن لما الجو يبرد والدنيا تبقى تلج، هتلاقيهم بردانين وبيتكتكوا، ومش قادرين يتحركوا من مكانهم، وثابتين..

نفس الموضوع بيحصل في العالم الكمي.. لما تبرد المواد للحد ده، حركة الذرات جواها بتهدا خالص، وساعتها بتظهر تأثيرات ميكانيكا الكم الغريبة وبتحكم سلوكها، وبتحولها لنوع جديد ومذهل من المادة، صلب وفي نفس الوقت بيتحرك زي السوائل.. شبه الزئبق كده!

ومش بس كده.. ده العلم اكتشف إن في سوائل زي الهيليوم لما بتتبرد للدرجات دي، بتوصل لمرحلة مش بس ما بيبقاش فيها احتكاك، ده هي كمان ممكن تتسرب من الأوعية اللي هي محطوطة فيها وتطلع فوق الحواف لوحدها!

⚫️ طب ماشي.. ايه بقى علاقة الضوء بالموضوع؟!

في البداية، العلماء يا صديقي كانوا بيقدروا يعملوا السوبر سوليد ده من الغازات الذرية بس، اللي هي بتتكون من ذرات.. بس المفاجأة هي إن المرة دي نجحوا يعملوه من فوتونات الضوء نفسه عن طريق ربطها بالمادة بطريقة معقدة.. والاكتشاف ده لأول مرة في التاريخ يحول شيء طاقي وغير مادي زي الضوء، لشيء صلب وسائل في نفس الوقت.. حاجة مستحيل تصدقها ولا تفهمها الا لما تشوفها بعيونك!

لكن ازاي قدروا يعملوا حاجة زي دي؟!

العلماء يا صديقي في البحث الجديد بتاعهم، استخدموا طريقة مبتكرة علشان يقدروا يعملوا الإنجاز غير المسبوق ده..

1️⃣ الخطوة الأولى كانت انهم خلوا الضوء "يلتصق" بالمادة! وعلشان يعملوا كده، العلماء استخدموا شعاع ليزر مركز ووجهوه على مادة غريبة اسمها زرنيخيد الجاليوم (اللي هو مركب من الغاليوم والزرنيخ)... وأول ما الليزر اصطدم بالمادة دي، بدأ يتفاعل مع الإلكترونات جواها!

2️⃣ التفاعل ده خلق جسيمات هجينة غريبة اسمها "البولاريتونات".. ودي عبارة عن نص ضوء ونص مادة! حاجة بيسموها "أشباه الجسيمات أو Quasi Particles".. تخيل معايا كده كائن هجين زي المينوتور في الأساطير الإغريقية، بس المرة دي مش نص إنسان ونص ثور... بل هو نص ضوء ونص إلكترون!

3️⃣ البولاريتونات دي، عشان تبقى فاهمها بالظبط، هي عبارة عن تفاعلات منسقة بين مجموعة كبيرة من الجسيمات، بس بتتصرف كإنها كيان مستقل!

⚫️ يعني بالظبط زي الناس اللي بتبقى واقفة على الشط وعاملين صف طويل بجسمهم كده.. لو بصيت عليهم من وانت قدامهم، هتشوفهم ناس عاديين واقفين.. لكن لو بصيت عليهم من طيارة، هتلاقيهم مثلا راسمين بأجسامهم صورة طيارة ولا فراشة مثلا..

نفس الموضوع بالظبط بيحصل في البولاريتونات دي.. بتبقى عبارة عن اضطرابات في المادة بتتصرف كإنها كيان مستقل، برغم انها مش متكونة من جسيمات حقيقية، بل هي مجرد اضطرابات غير مادية عاملة بالظبط زي الأشباح اللي في افلام الرعب.. كيانات مالهاش اجسام مادية، وبرغم كده بتقدر تكسر وتبوظ الدنيا!

4️⃣ المهم بقى ان بعد كده، العلماء قدروا يتحكموا في البولاريتونات دي بعمليات توجيه معقدة عشان تتصرف زي المواد فائقة الصلابة.. يعني بالبلدي كده، قدروا يربطوا الضوء بالمادة بطريقة خاصة جدًا، وده خلاهم يعملوا سائل صلب، مكون جزئيًا من (فوتونات) الضوء!

🔴 طب معلش يعني بعد كل الكلام المجعلص ده، إيه فايدته الاكتشاف الغريب ده، وليه طالعين بيه السما؟!

حسب الدراسة، فالكشف ده مش بس بيدينا نظرة جديدة على طريقة التفاعل بين الضوء والمادة، بل هو كمان غير فهمنا للضوء نفسه.. النور اللي طول عمرنا فاكرينه عبارة عن طاقة ومالوش كتلة، دلوقتي بقينا نقدر نخليه يتصرف زي المواد الصلبة والسائلة في نفس الوقت! وبكده هنقدر نشوف ازاي الطاقة نفسها بتتفاعل مع المادة.. حاجة كده -تاني- أشبه بالسحر، ولو حد في العصور الوسطى شافها، كان هيفتكرنا شياطين بنستعمل السحر..

🟣 ومش بس كده.. الباحثين يا صديقي بيقولوا إن السوبر سوليد الجديد ده ممكن يستخدم في:

- تطوير كمبيوترات كمية Quantum Computers أحسن وأسرع من اللي موجودة حاليًا، اللي هي بالفعل أسرع مليون مرة من الكمبيوترات العادية!

- تصميم أنواع جديدة من الموصلات الفائقة Super Conductors اللي بتقدر تنقل الكهرباء بكفاءة من غير فقد في الطاقة..

- كمان ممكن يتم استعمالها في صناعة مواد تشحيم أو Lubricants بتشتغل بدون احتكاك نهائي.. وده ممكن يغير صناعة الماكينات والمواتير سواء في العربيات أو الطيارات.

#علام