21/03/2025
شتى پێنج هەیڤا ژ هەلبژارتنان، جهێ داخێ یە هەتا نوکە حکومەت نەهاتیە پێکئینان. بتایبەتى کو ئەم د زانین دەڤەر، وعێراق، بەرەف گورانکاریێن سەرتانسەرى ڤە دچیت.
جهێ پرسیارێ یە، ئەف گیروبونە هەتا چ رادە د بەرژەوەندیا هەرێما کوردستانێ دانە؟ هەتا چ رادە دەستهەلاتدار هەست ب پەرپرسیارەتیێ دکەن هەمبەر مەترسی و گورانکاریێن چاڤەرێکرى ل دەڤەرێ وعێراقێ.
وەکى دى، خەلکێ کوردستانێ هەمى ماف یێن هەین بزانیت بوچى ئەف حکومەتە ناچێبیت.
یان چ گەنگەشە دهێنە کرن، کو هندەک دەستهەلاتدار بەحسێ خالێن ئیستیراتیجی دکەن کو گەهشتینێ یان دێ گەهنێ. ئەو چ خالن. دڤێت خەلک هەمى تشتا بزانن. مافێ وانە.
مفروزە ئەندامێن پەرلەمانى یێن هەمى حزبان، بهێنە دەنگ. پرسیار ئەڤەیە، پا بوچى هوین هاتینە هەلبژارتن، ئەگەر هوین نەشێن فشارەکێ دروست بکەن د ڤێ قوناغا هەستیار دا.
