Center for GES, UoD

19/03/2026

09/03/2026

بەبۆنەى (٨)ى مارس، وەزیرى خوێندنى باڵا سوپاس و پێزانین و پیرۆزبایی ئاراستەى سەرجەم خانمانى کوردستان و کایەى ئەکادیمى دەکات

بەبۆنەى ڕۆژى جیهانى ژنان (٨)ى مارس، د. ئارام محمد قادر وەزیرى خوێندنى باڵا و توێژینەوەى زانستى بە نوسراوى فەرمى ژمارە (٨٣٣) لە ڕێکەوتى (٨/ ٣/ ٢٠٢٦) وێرای پیرۆزبایی لەسەرجەم
خانمانی بەشکۆی کوردستان ،سوپاس و پێزانینی یەک بەیەکی خانمانى کایەى ئەکادیمى کوردستان لە زانکۆ و دامەزراوە ئەکادیمییەکانى کوردستان حکومى و تایبەت دەکات.

سوپاس و پێزانینەکەى وەزیرى خوێندنى باڵا و توێژینەوەى زانستى کە ئاراستەى گشت خانمانى دیوانى وەزارەت و فەرمانگە گشتییەکان، گشت خانمانى زانکۆ و پەیمانگە حکومى و تایبەتەکان، خانمانى ئەنجومەنی کوردستان بۆ پسپۆریە پزیشکییەکان، خانمانى دەستەی کوردستانی بۆ دیراساتی ستراتیجی و توێژینەوەی زانستی کراوە، ڕۆڵى خانمانى کایەى ئەکادیمى هەرێمەکەمان لە مامۆستایان و فەرمانبەرانى دامەزراوەکانى وەزارەتى خوێندنى باڵا و توێژینەوەى زانستى بەرز دەنرخێنێت و دەستخۆشى لە ئەرک و ماندوبونیان دەکات، کە لەسەرخستنى کارو پڕۆژەکاندا ڕۆڵى گرنگ و کاریگەر دەبینن.

نوسراوى سوپاس و پێزانینى وەزیرى خوێندنى باڵا و توێژینەوەى زانستى؛

https://drive.google.com/file/d/1UBjGr-acvu9VGR7UfXmHJdEBr0kImUwp/view?usp=sharing

07/03/2026

ڕۆژا جیهانی یا ئافرەتان (٨-ئادار)
٢٠٢٦: ماف، دادپەروەری، کردار، بۆ هەمی ئافرەت و کچان
ل هەشتی ئادارێ، ب رێز ڤە ل خەباتا ئارەفتێن جیهانێ و ب تایبەت ئافرەتا کورد د راوەستێن. ئەڤ رۆژە تەنێ بۆنەیەکا سالانە نینە، بەلکو نویکرنا پەیمانێ یە بۆ بەردەوامبوونێ د رێکا دادپەروەری و یەکسانیێ دا.
پەیاما مە د ڤێ رۆژێ دا:
• سەلماندنا ناسنامێ: ئافرەتا کورد د دیرۆکێ دا نیشان دا کو ئەوپەڕێ خۆڕاگریێ یە؛ چ وەک دایک، چ وەک پێشمەرگە و چ وەک سەرکردە و داهێنەر.
• بێدەنگ نەبوون: رێزگرتن ل مافێن ئافرەتان نەک تەنێ ئەرکەکێ یاسایی یە، بەلکو بنەمایەکێ مرۆڤایەتی و ئایینی و رەوشەنبیری یە. جڤاکەکێ ساخلەم کو ئافرەت تێدا ب ئازادی و سەربەخۆیی بڕیارێ ل سەر پاشەرۆژا خۆ بدەت.

سەنتەرێ خۆاندنێن یەکسانی یا جیندەری
زانکۆیا دهۆک
٢٠٢٦

17/02/2026

١٥شوات،٢٠٢٦ روژا ئێک شەمب
ديدارا “کەزی” بۆ خانمێن ئەکادیمی
رێڤەبەرا سەنتەرێ خواندنێن یەکسانی یاجێندەری ل زانکۆیا دهۆک بەرێز (دلین سەردار زهدی) پشکداری د دیدارا (کەزی بۆ خانمێن ئەکادیمی) دا کر.

ل ژێر چاڤدێریا بەرێز (د. ئارام محمد قادر) وەزیرێ خواندنا بلند و ڤەکۆلینێن زانستی و ب ئامادەبوونا خانمێن ناڤەندێن ئەکادیمی ل زانکۆ و دامەزراوەیێن خواندنا بلند، وەزارەتا خواندنا بلند و ڤەکۆلینێن زانستی دیدارا (کەزی بۆ خانمێن ئەکادیمی) ل زانکۆ و دامەزراوەیێن زانستی ئەنجام دا
هەژی گوتنێ یە د دیدارا ناڤبری پەنەلێ ل ژێر ناڤ ونیشانێ ( رۆلێ خانمان ل سەرکردایەتیکردنی دامەزراوەکانی خوێندنی باڵا) ژلایێ بەرێز ( دلین سردار زهدی) هاتە پێشکێشکرن و دانوستاندن ل دۆر رۆلێ خانمان د سەرکردایەتیکرنا دامۆدەزگەهێن وەزارەتا خوندانا بلند هاتەکرن، هەروەسا باس ل چەوانیا ئاڤاکرنا شیان و داهێنانێ دا د بێافێ ڤەکۆلینا هاتەکرن .

16/02/2026

14/02/2026

وەزارەتى خوێندنى باڵاو توێژینەوەى زانستى (دیدارى کەزى بۆ خانمانى ئەکادیمى) ئەنجام دەدات

وەزارەتى خوێندنى باڵا و توێژینەوەى زانستى(دیدارى کەزى بۆ خانمانى ئەکادیمى) لە زانکۆ و دامەزراوە زانستییەکانى هەرێمى کوردستان ئەنجام دەدات.

دیدارەکە سبەی یەکشەممە بە چاودێرى د. ئارام محمد قادر وەزیرى خوێندنى باڵا و توێژینەوەى زانستى و ئامادەبونى خانمانى ناوەندەکانى خوێندن لە زانکۆ و دامەزراوەکانى خوێندنى باڵا بەڕێوەدەچێت و گفتوگۆ دەکرێت لەبارەى رۆڵى خانمان لە سەرکردایەتیکردنى دامەزراوەکانى خوێندنى باڵا، رۆڵى خانمان لە پرۆسەی بنیادنانی کارامەیی و داهێنان و، رۆڵى خانمان لە بوارى توێژینەوە و پەرەپێدان.

هەر لە دیدارەکەدا راسپاردەو پێشنیازەکان لە دوتوێى درافتێک ئامادە دەکرێت و دەکرێتە بنەمایەک بۆ ڕیفۆرمی سیاسەتی گشتی لەپێناو بەهێزکردنی زیاتری رۆڵ و کاریگەری خانمان لە ناو زانکۆ و دامەزراوەکانی خوێندنی باڵا.

12/02/2026

گەنج و پاشەروژ

12/02/2026

ئامادەبوونا بەرێز (د.دلین سەردار زهدی) رێڤەبەرا سەنتەرێ خواندنێن یەکسانی یا جێندەرى ل زانکۆیا دهۆک د کۆمبوونا کاراکرنا رۆلێ گەنجان د ئەجندا "ژن، ئاشتی و ئاسایش" دا ل هەولێرا پایتەخت
سەنتەرێ خواندنێن یەکسانی یا جێندەرى ل زانکۆیا دهۆک، ب پروژەکێ هەڤپشک دگەل رێکخراوا Better World Organization for Community Development و ب هەڤکاری دگەل ئەنجومەنی باڵای خانمان و گەشەپێدان - المجلس الأعلى للمرأة والتنمية، و رێکخراوا نیڤدەولەتیWomen for Women یا "ژن بۆ ژنان"، و ئاژانسا گەشەپێدانا نیڤدەولەتی یا بەریتانی، کۆمبوونەکا هەڤپشک ل ژێر ناڤێ "دەنگێن ئاشتیێ: پێشخستنا سەرکردایەتیا گەنجان ل دهۆکێ د چارچۆڤێ ئەجندا ژن، ئاشتی و ئاسایشێ دا" ئەنجامدا. ئەڤ چالاکیە ل ڕوژا 10ى شواتا 2026ێ ل باژێرێ هەولێرێ هاتە ئەنجامدان.
پشکدارێن سەرەکى و گۆتەبێژێن:
کۆمبوونا ناڤبری چەندین کەسایەتیێن دیار و لایەنێن پەیوەندیدار بوون، ژ وان ژى:
• د. خانزاد ئەحمەد: سکرتێرا گشتى یا ئەنجومەنێ بلند یێ خانمان و گەشەپێدانێ.
• د. دلین سەردار زهدى: رێڤەبەرا سەنتەرێ خواندنێن جێندەرى ل زانکۆیا دهۆک.
• خانم ولاء مشیر: رێڤەبەرا رێکخراوا "جیهانەکا باشتر".
• نوینەرێن چەندین وەزارەتان.
• مامۆستا و قوتابیێن زانکۆیا دهۆکێ.
د كومبوونێ دا، پشکداران گەنگەشە ل سەر بابەتێن گرنگ یێن چارچۆڤێ پلانا نشتیمانی یا ژن، ئاشتی و ئاسایشێ (WPS) کرن، و چەوانیا جێبەجێکرنا ڤان ستوینان د ناڤ حکومڕانیا خۆجهی و گەشەپێدانا جڤاکی دا.
بەرێز خانم دلین سردار زهدی تیشک ئێخستە سەر رۆلێ گرنگ یێ سەرکردایەتیا گەنجان د ئاڤاکرنا ئاشتیێ دا، ب تایبەت ب هێزکرنا کچێن گەنج، و دوپاتکر ل سەر پێگیریا زانکۆیا دهۆکێ بۆ ئاڤاکرنا شیانان.

10/02/2026

02/02/2026

ئەڤرۆ ل رێکەفتی ٢٠٢٦/٢/٢،
د چارچۆڤێ پلان و چالاکییێن زانستی یێن سەنتەرێ خۆاندنێن یەکسانی یا جێندەری ل زانکۆیا دهۆک، خانم دلین سردار زهدی رێڤەبەرا سەنتەری سمینارەکا ئەکادیمی پێشکێشکر ل کۆلیژا پەروەردا بنیات. سمینار ل دۆر بابەتێ (رۆلێ سەنتەرێ خواندنێن یەکسانی یا جێندەری د گەشەپێدانا بەردەوام دا)، کو تێدا ب هووری باس ل میکانیزمێن پەرەپێدانا شیانان و رۆلێ ئەکادیمی یێ سەنتەری د ڤی بیاڤی دا هاتە کرن.

02/02/2026

‎ل رۆژا دووشەمبی رێکەفتی 2026/1/26 رێڤەبەرا سەنتەر خواندنێن یەکسانی یا جێندەری مامۆستا (دلین سەردار زهدی) پشکداری فوکس گرۆپا (بێهێزکرنا ب جهئينانا ئەجيندا (ژن ئاشتى ئاسايش )
ل هەرێما کوردستانا عیراقێ ، کو ل باژێرێ هەولێرێ هاتتبو ئەنجام دان .