خوێندنی ئێواران/Evening Study

03/06/2026

#ئاگاداری...

خوێندکارانی خوێندنی ئێواران ئاگاداردەکەینەوە، کە سبەی پێنجشەممە، ڕێکەوتی (٤/٦/٢٠٢٦)، پشووی فەرمییە و تاقیکردنەوەکان بە هەمان خشتەی پێشوو، بەردەوام دەبێت و تاقیکردنەوەی سبەی پێنجشەممە، دەچێتە یەکشەممەی داهاتوو.

#نوێکراوەتەوە

03/06/2026

31/05/2026

#تاقیکردنەوەکانی کۆتایی...

ئەمڕۆ یەکشەممە، ڕێکەوتی (٣١/٥/٢٠٢٦)، تاقیکردنەوەکانی کۆتایی وەرزی بەهارە لە زانکۆی چەرموو ـ خوێندنی ئێواران بەڕێوەچوو.
بەم بۆنەیەوە، سەرپەرشتیاری خوێندنی ئێواران، پرۆفیسۆری یاریدەدەر (د. مستەفا ڕەزا)، هاوڕێ لەگەڵ (م.پشتیوان فازڵ)، سەرۆکی لیژنەی تاقیکردنەوەکان، هۆڵی تاقیکردنەوەکانیان بەسەرکردەوە. لە نزیکەوە بەدواداچوونیان بۆ شێوازی بەڕێوەچوونی تاقیکردنەوەکان کرد.
هیوای سەرکەوتن بۆ خوێندکارانمان دەخوازین.

28/05/2026

#ئاگادارى...
جەژنتان پیرۆز بێت و بە هیواین، ئەم جەژنە بەخۆشی و ئارامیی بەسەربەرن.
فەرموون بەڕێزان لەگەڵ خشتەی تاقیکردنەوەکانی کۆتایی وەرزی بەهارە.

26/05/2026

23/05/2026

ڕاژەکردنی زانکۆ و سەوزکردنی ڕووبەری سەوزایی خەمی لە پێشینە و هەنگاوی بنەڕەتیی پێشخستنی ژێرخانی زانکۆی چەرمووە.

https://www.facebook.com/share/v/1Kzrx9ESFA/

19/05/2026

# چالاکیی زانستیی...

ئەمڕۆ سێشەممە، ڕێکەوتی (١٩/٥/٢٠٢٦) سەرپەرشتیارێتیی خوێندنی ئێواران، لە چالاکییەکی زانستیدا، سێ سیمینار پێشکەشکران.
- سیمیناری یەکەم بە ناونیشانی " دووڕوویی وەزیفی "، لەلایەن (م. وەهاب حەسیب)، مامۆستا لە بەشی کارگێڕیی کار - خوێندنی ئێواران پێشکەشکرا.
- سیمیناری دووەم بە ناونیشانی " Handwriting & kurdish undrstanding EFL Students "، لەلایەن (م. ئەڵماس نەسرەدین) مامۆستا لە بەشی زمانی ئینگلیزی- خوێندی ئێواران پێشکەشکرا.
- سیمیناری سێیەم، بە ناونیشانی " Deixis Analysis in kurdish short storries "، لەلایەن (م. ئەڵماس نەسرەدین) مامۆستا لە بەشی زمانی ئینگلیزی - خوێندنی ئێواران پێشکەشکرا.

19/05/2026

#چالاکیی هونەری...

ئەمڕۆ سێشەممە ڕێکەوتی (١٩/٥/٢٠٢٦)، بە ئامادەبوونی پرۆفیسۆری یاریدەدەر (د. مستەفا ڕەزا) سەرپەرشتیاری خوێندنی ئێواران و ژمارەیەکی بەرچاو لە مامۆستایان و خوێندکارانی خوێندنی ئێواران، لە چالاکییەکی هونەریدا، نماییشێکی شانۆیی پێشکەشکرا.
شایانی باسە، نماییشەکە، بە ناونیشانی " دادگایی مێشک، کۆدەکانی هیوایەکی سوتاو "، بە سەرپەرشتی مامۆستا (ئیمان پشتیوان) مامۆستا لە بەشی پەروەردەی تایبەت و لە نواندنی چەند خوێندکارێکی بەشی پەروەردەی تایبەت بوو.

19/05/2026

#چالاکیی هونەری...

ئەمڕۆ سێشەممە ڕێکەوتی (١٩/٥/٢٠٢٦)، بەشی پەروەردەی تایبەت لە خوێندنی ئێواران، لە چالاکییەکی هونەریدا، نماییشێکی شانۆیی ڕێکدەخات.
شایانی باسە، نماییشەکە، لەلایەن مامۆستا (ئیمان پشتیوان)ەوە سەرپەرشتیدەکرێت، لە نواندنی چەند خوێندکارێکی بەشی پەروەردەی تایبەت.

کات: کاتژمێر ٤:٣٠ی ئێوارە
شوێن: کەمپی بناری مەقان - ڕاڕەوی نهۆمی یەکەم.

17/05/2026

# چالاکیی زانستیی...

ئەمڕۆ یەکشەممە، ڕێکەوتی (١٧/٥/٢٠٢٦) سەرپەرشتیارێتیی خوێندنی ئێواران، لە چالاکییەکی زانستیدا، دوو سیمینار پێشکەشکران.
- سیمیناری یەکەم بە ناونیشانی " الحروف المقطعە فی القرآن الکریم "، لەلایەن (د. نەوشیروان محمد احمد) سەرۆکی بەشی عەرەبی - خوێندنی ئێواران پێشکەشکرا.
- سیمیناری دووەم بە ناونیشانی " لێکۆڵینەوەیەک لەبارەی سایکۆلۆژیای تاوانبار لە پرۆسەی ئەنفالدا - عەجاج بەنموونە "، لەلایەن (د.مەریوان عەبدولمەجید) سەرۆکی بەشی پەروەردەی تایبەت - خوێندی ئێواران پێشکەشکرا.