زانکۆیا ئاکرێ بۆ زانستێن کرداری - Akre University for Applied Sciences

19/08/2026

ڤەکرنا کولیژەک و سێ پشکێن نوی ل زانکۆیا ئاکرێ بۆ زانستێن کرداری

15/08/2026

13/08/2026

ڤەکرنا پشکا ئەندازیاری پرۆگرامسازی بۆ سالا خواندنێ (٢٠٢٦ - ٢٠٢٧) ل زانکۆیا ئاکرێ بۆ زانستێن کرداری

ب مەرەما بەرەڤپێشبرنا کاروانێ زانستی و ئەکادیمی، و د چوارچووڤێ بزاڤێن بەردەوام یێن زانکۆیێ بۆ ڤەکرنا پشکێن سەردەمیانە کو دگەل پێدڤییێن ڤی سەردەمی بگونجن، زانکۆیا ئاکرێ بۆ زانستێن کرداری ب خۆشحالیڤە ڤەکرنا پشکا (ئەندازیاری پرۆگرامسازی) بۆ سالا نوی یا خواندنێ (٢٠٢٦-٢٠٢٧) رادگەهینیت.
ڤەکرنا ڤێ پشکێ دەلیڤەیەکا زانستی یا گرنگە بۆ ئامادەکرنا کادرێن ئەکادیمی یێن شارەزا د بوارێ تەکنۆلۆژیایێ و ئەندازیاریا پرۆگرامان دا، کو ئامانج ژێ پێشخستنا ژێرخانا تەکنۆلۆژی و پرکرنا ڤالاهیا بازارێ کاری یە ب کەسێن پسپۆر و خودان شیان.
هیڤیا سەرکەفتنێ بۆ هەمی قوتابییان دخوازین.
راگەهاندنا زانکۆیا ئاکرێ بۆ زانستێن کرداری

12/08/2026

11/08/2026

کۆمبوونا لیژنا زانستی یا یەکەمین کۆنفرانسێ نێڤدەولەتی یێ زانستێن کرداری و گەشەپێدانێ

​ب مەرەما دیڤچوون و هەلسەنگاندنا رەوشا ب رێڤەچوونا پرۆسێسا کارى و ئامادەکاریێن زانستی، لیژنا زانستی یا "یەکەمین کۆنفرانسێ نێڤدەولەتی یێ زانستێن کرداری و گەشەپێدانێ - ICASD2026" کۆمبوونەکا تایبەت ئەنجامدا.
​ئەڤ کۆمبوونە ب ئامادەبوونا بەرێز هاریکارا سەرۆکێ زانکۆیێ بۆ کاروبارێن زانستی و خواندنا بلند (پ.هـ.د. نارین عبدالرحمن رشید) و بەرێز راگرێ کۆلیژا پەروەردە ئاکرێ (د. رشاد کمال) هاتە سازکرن.
​د کۆمبوونێ دا، لیژنا زانستی ب شێوەیەکێ تێروتەسەل و ئەکادیمی دیڤچوونا قۆناغێن ب رێڤەچوونا کۆنفرانسێ کر. هەروەسا دانوستاندن ل سەر پێنگاڤێن داهاتی و رێکارێن پێدڤی هاتنە کرن ب مەرەما مسۆگەرکرنا سەرکەفتنا ڤی روودانا زانستی یا گرنگ، کو پێگەهێ زانکۆیا ئاکرێ بۆ زانستێن کرداری د بیاڤێ ڤەکۆلین و بەرەڤپێشبرنا زانستی دا خورتتر دکەت.
​زانکۆیا ئاکرێ بۆ زانستێن کرداری
رێڤەبەریا راگەهاندنێ

08/08/2026

گەشتەکا زانستی و کەلتووری بۆ قوتابییێن ولاتێن عەرەبی

​د چوارچووڤێ پرۆگرامێ ئالوگۆڕیا ئەکادیمی د ناڤبەرا زانکۆیێن هەرێما کوردستانێ و ولاتێن عەرەبی دا، زانکویا ئاکرێ بۆ زانستێن کرداری ب هەماهەنگی دگەل ئۆفیسا دەزگەهێ خێرخوازیێ بارزانی ل ئاکرێ، گەشتەکا زانستی و کەلتووری بۆ (٤٥) مامۆستا و قوتابییێن زانکۆیێن جودا یێن ولاتێن عەرەبی ژ ولاتێن (ئوردن، عومان، فەلەستین و یەمەن) رێکخست.

مەرەم ژ ڤێ گەشتێ ئاشناکرن و ناساندنا کەلتوورێ دەڤەرێ بوو ب قوتابی و مامۆستایێن مێهڤان. د ڤی چوارچووڤەی دا، مێهڤانان سەرەدانا چەندین جهێن گرنگ کرن، ژ وان:

ـ ​دەزگەهێ خێرخوازیێ بارزانی

ـ ​مالا کەلەپوورێ بارزانی

ـ ​قەلایا مێژووییا هەولێرێ

هەڤدەم، ل بارەگایێ سەرۆکاتیا دەزگەهێ خێرخوازیێ بارزانی، سمینارەکا مەیدانی یا تایبەت ب "پێشڤەبرنا مرۆڤی" ڤە ژ لایێ بەڕێز (د. عەبدولسەلام مەدەنی) بۆ پشکداربوویێن پرۆگرامی هاتە پێشکێشکرن.

06/08/2026

06/08/2026

دوماهیک چالاکیا قوتابیێن زانکۆیا ئاکرێ بۆ زانستێن کرداری ل وەڵاتێ عومان
​دەستخۆشیێ ل قوتابیێن خۆ یێن چالاک دکەین کو ب شێوەیەکێ زانستی و سەرکەفتیانە دوماهیک کار و چالاکیێن خۆ ل زانکۆیا (صحار) ل وەڵاتێ (عومان) ئەنجام دان.
​د ڤێ چالاکیێ دا، قوتابیێن مە ب شانازیڤە شیان پێگەهـ، ماف، سروشت و جوانیێن هەرێما کوردستانێ بۆ ئامادەبوویان بدەنە دیارکرن. ل دوماهیێ ژی، وەک هێمایێ رێزگرتن و هەڤکاریێ، ئارمێ زانکۆیا مە پێشکێشی زانکۆیا صحار هاتە کرن.
​هیڤیا سەرکەفتنێن بەردەوام بۆ قوتابیێن مە دخوازین.

06/08/2026

سەرەدانا مەیدانی یا لژنا كرێگرتنا بەشێن ناڤخۆیی ل زانكۆیا مە

​ب مەبەستا ئامادەكاریان بۆ سالا نووی یا خواندنێ و دابینكرنا ژینگەهەكا ئارام و گونجای بۆ قوتابیێن خۆشەویست، لژنا كرێگرتنا بەشێن ناڤخۆیی ل زانكۆیا ئاكرێ بۆ زانستێن كرداری، ب سەرپەرشتیا مامۆستا (سالم مصطفی عبدالرحمن) سەرۆكێ لژنێ و رێڤەبەرێ رێڤەبەریا بەشێن ناڤخۆیی ل سەرۆكاتیا زانكۆیێ، و ب ئامادەبوونا نوێنەرێ وەزارەتا خواندنا باڵا و ڤەكۆلینێن زانستی و ئەندامێن لژنەیێ، سەرەدانەكا مەیدانی بۆ چەندین ئاڤاهیان ل باژێرێ ئاكرێ و بەردەرەش ئەنجامدا.
​مەرەم ژ ڤێ سەرەدانێ، دیتنا ئاڤاهیان بوو ژ نێزیك ڤە و هەلسەنگاندنا وان ل دویڤ رێنمایێن كارگێڕی، ئەمنی، تەندروستی، و راگەهاندنێ. لژنە ژ نێزیك ڤە دواداڤچوون بۆ كوالیتیا خزمەتگوزاریان، ژووران، و پاقژیا ژینگەها ئاڤاهیان كر، داكو دلنیابن كو دگۆنجای نە ببنە بەشێن ناڤخۆیی و باشترین ئاسودەیی و خزمەتگوزاری بۆ قوتابیێن مە تێدا بهێتە دابینكرن.
​زانكۆیا مە بەردەوامە ل سەر بزاڤێن خۆ ژبۆ رەخساندنا باشترین كەشوهەوایێ فێربوونێ و مانەوەیێ بۆ قوتابیان، كو جهێ وان یێ حەوانەوەیێ پاقژ، بێلایەن و دوور بیت ژ هەر كارتێكرنەكا دەرەكی.