نسرين علي باحثة نفسيه

بسم الله الرحمن الرحيم

مناشدة إلى السيد رئيس مجلس الوزراء المحترم
الأستاذ علي فالح كاظم الزبيدي

نحن أصحاب ومدراء مراكز ومعاهد اضطراب طيف التوحد في بغداد وجميع المحافظات العراقية، نناشد سيادتكم التدخل العاجل لإنصاف هذه الشريحة المهمة من الأطفال وعوائلهم، بعد صدور آلية جديدة تربط منح وتجديد إجازات المراكز بالحصول على شهادة الدبلوم العالي في اضطراب طيف التوحد.

وقد توجهنا اليوم بشكل رسمي والتقينا بالأستاذ مظفر نوري الحلفي مدير عام دائرة ذوي الإعاقة والاحتياجات الخاصة، من أجل إيصال مخاوفنا ومناقشة الحلول الممكنة، إلا أنه ولغاية الآن لم يتم طرح حلول واقعية أو آلية واضحة يمكن من خلالها معالجة الأزمة بعد صدور القرار.

ورغم احترامنا الكامل لأي خطوة تهدف إلى تطوير العمل المهني والعلمي، إلا أن الواقع الحالي يجعل تنفيذ هذا الشرط أمراً شبه مستحيل، بسبب أن عدد المقاعد الدراسية المتوفرة لا يتجاوز (37) مقعداً فقط في عموم العراق، في حين يوجد أكثر من (150) مركزاً ومعهداً مجازاً، إضافة إلى طلبات التقديم الجديدة.

وهذا الأمر خلق حالة قلق واستنفار كبيرة بين الأهالي وأصحاب المراكز، لأن تطبيق القرار بهذه الصيغة سيؤدي إلى غلق عدد كبير من المعاهد والمراكز، وبالتالي سيبقى آلاف الأطفال بلا رعاية أو تأهيل، وسط تساؤلات مؤلمة من الأهالي:
“أين نأخذ أطفالنا؟ ومن سيكمل علاجهم وتأهيلهم؟”

كما نود أن نبين لسيادتكم أن الكثير من أصحاب ومدراء هذه المراكز هم:
• خريجو علم النفس والتربية الخاصة.
• وحاصلون على شهادات الماجستير والدكتوراه.
• ولديهم خبرات علمية وعملية طويلة تمتد لسنوات في العمل مع أطفال اضطراب طيف التوحد.

لذلك فإن حصر استمرار الإجازات بهذا الشرط فقط، ومع محدودية المقاعد الدراسية، سيؤدي إلى أزمة إنسانية وتربوية حقيقية تمس الأطفال وعوائلهم بشكل مباشر.

وعليه، نطالب سيادتكم بـ:
• التدخل لإيقاف تنفيذ القرار بصيغته الحالية.
• منح فترة انتقالية عادلة لجميع المراكز.
• زيادة عدد المقاعد الدراسية وفتح الدراسة في عدة جامعات ومحافظات.
• اعتماد الخبرات والشهادات التخصصية والشهادات العليا ذات العلاقة ضمن متطلبات التجديد.
• حماية حقوق الأطفال بعدم غلق المراكز الحالية إلى حين توفير بدائل واقعية وعادلة.

إن أطفال التوحد وعوائلهم بحاجة إلى دعم الدولة واحتوائها، لا إلى قرارات قد تؤدي إلى حرمانهم من أبسط حقوقهم في التأهيل والرعاية.

راجين من سيادتكم النظر بعين المسؤولية الإنسانية والوطنية لهذه القضية المهمة.

مع فائق الاحترام والتقدير
أصحاب ومدراء مراكز ومعاهد اضطراب طيف التوحد
في بغداد والمحافظات العراقية

تعرفون هذولة منو؟؟
علاء ومرته الي صورته
الله جمعهم مره ثانيه ويسعدهم ان شاءالله بس شنو الي ديصير بهذا البلد

تعرفون شنو كاعد يصير؟ شلون هذولة يوصلون آلاف المشاهدات؟

وبعد فترة حسابهم يطخ المليون والإعلانات تنهال عليهم بكذا ورقه ويطكولهم سيارة آخر موديل وشقة بوابة العراق ههه يصيرون مشاهير بعد

بالمقابل أكو ناس تشتغل على محتوى هادف وحقيقي، تتعب سنين، وما توصل حتى لـ ٥٠ مشاهدة.

بس المقاطع اللي بيها فضائح أو قصص صادمة أو مشاكل خاصة… تنفجر انتشار خلال ساعات!

السؤال هنا مو عن شخص معين…
السؤال عن إحنا كجمهور.

ليش الفضول والفضيحة صارت أسرع طريق للشهرة؟

ليش نكافئ المحتوى اللي كله انكشاف وخصوصيات، ونترك المحتوى المفيد يموت بصمت؟

هل فعلاً هذا النوع يستاهل المتابعة والانتشار؟

لو إحنا بس ندور على الصدمة حتى نكمل مشاهدة بدون وعي؟

إذا هذا هو ميزان الشهرة هسه… فالمشكلة مو بالمحتوى بس، المشكلة بطريقة تفكيرنا للأسف

ألف مبروك إلنا رئيسنا الجديد علي فالح كاظم الزيدي 👏🇮🇶
من جيلنا ويعرف معاناتنا زين… يعني المفروض ما نحتاج نشرح بعد 😅

سيادة الرئيس، إحنا جماعة “شهادتين وما عدنا تعيين”
صرنا مثل العروض المكدسة… جودة عالية بس محد مستفاد منها 😂

تره تعبنا من عبارة: “انتظروا فرص قادمة”
الفرص شكلها ضايعة بالطريق مثل معاملاتنا 🥲

مناشدتنا بسيطة:
نريد فرصة نشتغل ونخدم بلدنا، مو أكثر
تره الطموح بعده عايش بس يريد شوية أكسجين 🙏

وإذا يصير، سوّوها صدگ هالمرة…
لا تخلونا نضيف شهادة ثالثة بعنوان:
“فن الانتظار الطويل”

اول مناشدة من جيل الثمانينات

قضيتنا إنسانية قبل كل شيء… هي مساعدة إنسان وإنقاذ حياة عائلة بأكملها

كل الشكر والتقدير إلى الشرطة المجتمعية على جهودهم الإنسانية الكبيرة في خدمة المجتمع والاستجابة السريعة لنداءات المواطنين.

شكر خاص ومميز إلى الرائد علي العتابي على تعاونه العالي، حضوره السريع، وحرصه الصادق على مساعدة الناس وتقديم الدعم بكل مهنية وإنسانية.

وجود أشخاص بهكذا إخلاص يعزز الثقة ويعكس الصورة الحقيقية للأمن القريب من الناس.
كل الاحترام والتقدير لكم


Ali Jumaah

كلللليش وجان نستلم غاز من المحطه ب5 ونص 🤷‍♀️ شفتوا شلون للعلم وصلت القنينه التجاريه ب25 الف 😂😂 واكو ناس عادي جاي تشتريها خلوها بالكم بعد شهر يشوفوكم مستقتلين على السعر ب25 راح يسوها الكم ب50 الف

حسب ماقريت بتعليقات بالمنشورات السابقه والي تهمون المرأة الي طالب بابنها هي مو خوش وهي مو زينه ووو

منا ورايح بعد بما ان القانون تحول لصالح الاب والاب الفاضل يحرم طفل من امه بس علمود يحرك كلبها

ومن يصير شي على طفل بعد ما نسمع لوم على الامهات وليش تركته وليش عاقته وليش ما تحملت شيتحملون اكو نساء
عاشوا بذل وحرمان اكو نساء خدمن ببيوت علمود يدفعن أجار بيتهن ورجال رجل على رجل
اكو نسوان بقت تطلع تبيع ماي وكلينكس في سبيل تعيش أطفالها

نسوان صاروا درب البثوث وتبيع ملابس وتحاول طلع الفلس ورجال بالبيت كاعد او بالكهاوي

اكو نسوان عايشين وي ازواج مدمنين ويوميه يرجع ياسكران يابغير عالم وهو يريد منها فلوس !

ومن تقرر خلص تخلص من هالعار الي دخل حياتها وتترك البيت وتهج بعدين يسموها #ناشز ومو خوش ومو زينه!

لو الي تجي تشوف زوجها مع وحده على فراشها! ويكلها هذا الموجود يعجبج مايعجبج طخي راسج بالحائط

عدكم مفهوم الاصيله هي لازم تتحمل!!

رحوا قسم التعنيف الأسري شوفوا البلاوي الي داصير وتعالوا احجولي بالعداله

مو كم واحد شاف روحه زين يعني كل الزلم زينه وحتى السنوان اكيد مو الكل زينات بس هواي اكو مظلومات يفوق عدد الرجال المظلومين

احنه من نحجي مو ضد القانون بس لازم يتعدل ويكون حسب الام او. الاب الي يوفر لطفل الامان والاستقرار النفسي والجسدي والمادي وتكون بشروط ودراسه حالة لكل من الام والاب ومتابعه بس هاي وين بالعراق صير حلم مايصير هيج اجراءات او على الاقل حضانه مشتركة

من تشوف نسوان طالعه بشارع تسوي مظاهرة بس لان تريد أبنها او تريد حقوق طفلها المسلوبه

فهنا نعرف الغيرة العراقيه ماتت
واي رجال قبل على نفسه تطلع الي جانت عرضه وشرفه طلعت علمود بس طالب بحق ابنها فاعرف انت بلا غيرة

هم كولوا العراقيين اهل غيره ونخوة

فالحين لغيرنا بس النا كذب بكذب