حسام ألملك

توك درت وجهك والدمع توه
وخفت ما ردت اگلك هجرك اشسوه

تحط ايدك علي تلگاني ما ملچوم
تحط عينك علي تلگه الوجع جوه

الحلوة البيك من تكتل بلايه لثام
واعرفنك واگلهم ( مدري ياهوة

تعال أكتب كتاب الهم.... عرض جاي
بكلبي وفوگ حيطانه...... عرض جاي
گبال الرده حضي....... عرض جاي
وعرضلي هموم شلن حته اديه.....

شبعتك تواضع ردت #اغزر بيك

وتاليهه بغرورك زادي #اتنكره

المشاعر #للحفظ مو #للعب يفلان.

ماتعرف تحب احساسي #لتكسره.

يا حزن يا ريت اعرفك ..
وين ساكن ؟؟
جنت اگلك لا تجيني !!
وتمشي كل هاي المسافة !!
آنه وحدي جان اجيتك ..
يا حزن وحياة حزنك ما عرفتك

لغيرك مانزف گلبي .. ولا دگ
وثگل وياك ميزاني .. ولا دگ
جهازك لاعلي رمش.. ولا دگ
أشعجب ياحلو ما تسأل عليه

اموت بشوك حبك وانتة كلبي
نفس يصعد بروحي وانتة كلبي
وصل شريان حبي وانتة كلبي
وانتة وي النفس تصعد سويه

غبت چم يوم عني وضاع....شملي
لزمت القلم بس محتار......شملي
يطارش لو رحت لهواي ...شم لي
اثر جفه لو لزم مرسال ليه

يموت الگلب لو شافك.... ورباك
وگلبي شگد تعب لجلك ... ورباك
ابد ما يوم احب غيرك ....ورباك
اضل مجنون بيك وهاي هي

شلع گلبي القهر والضيم٠٠٠٠حالاي
وتمرمر وكتي ذاك الجان٠٠٠٠حالاي
أخبرك من مشيت وخذت٠٠٠حالاي
عليل وبس مرض خليت٠٠٠٠بيه

جرح واكف جرح يمشي جرح مــــر
جرح يكتل جرح حنظل جرح مـــــر
هذني دخلن بصدري وجرح مـــــر
دخل كلبي وسحب روحه خطية

وجرح اصلع جرح يصبغ جرح شــــاب
جرح جاهل جرح شايب جرح شـــاب
هذني نامن بصدري وجرح شـــــب
شبكني وناده شماتي علية

جرح واكف جرح كاعد جرح جار
جرح يعزف جرح لحن جرح جار
جرح طينه جرح صبخه جرح جار
جرح فاعل جرح ماضي جرح جار
جرح اهلي جرح ولفي جرح جار
جرح يمي جرح بعدي جرح جار
جرح احمر جرح ابيض جرح جار
وحق ربك كل القريته صار بيه..

كون يمَك
ما أريد هواي أطلب بس أشمَك
بس أطشَك بين إديّة و أرجع بكل حُب ألمَك

اذا جرحك كبر لا تحجي للنـــــاس
لان بعض البشر عادتها شمـــــات
يفرح من يشوفك تمشي مكسور
وشكد ينقهر من تضحكله مــــرات
ميزهم احبابك و إقره العيـــــــــــون
اذا تعثر منو يكلك سلامـــــــــــــات