P-Value

تكدرون تتواصلون ويانا للاستفسار عن اي شي تحتاجوه وحنكون سعيدين بمساعدتكم 💜.

We are back!

من المشاكل اللي الاغلبية يواجهوها سواء بكتابة التقارير او الاوراق العلمية، هي مشكلة اللغة والقواعد
كورس اخر من Udemy صار مجاني !
English grammar tenses & structures, the ultimate course

العرض مستمر لمدة يوم واحد فقط!

shorturl.at/eyOPU

كورس مقدم من Udemy صار مجاني!
الكورس بعنوان:
How to Write and Publish a Research Paper: Complete Guide
وسعره كان 199$

https://bit.ly/2D3XBBv

حاير بتقرير الكلية ومتعرف منين تبدي؟
تابع محاضرتنا اللي راح نتناول بيها الطريقة العملية بعمل التقارير (خاصة تقارير المجموعة الطبية).

المحاضرة راح تكون لايف على البيج😉

احجي لكم عن قصة باحث استرالي، اخذ درس بحياته مراح ينساه..اللي صار انه بيوم من الايام تواصل وياه باحث من افريقيا بخصوص دراسة عن تأثير الالعاب على الصحة العقلية..طبعا هذا الباحث حب يساعد الباحث الافريقي وكان بين فترة وفترة يكله انه اللغة هيجي عدل بيها، وهيجي سوي بالكتابة..بيوم من الايام لكه اسمه كواحد من المؤلفين وموجود وياه 11 باحث اخر..استغرب وسأل الباحث الافريقي ليش؟ كله لان تعبت ويايه..المهم نشروا البحث وانتشر انتشار فظيع بس طلعت بيه مشاكل وهوايه ناس انتقدت الدراسة..بالاخير المجلة طلبت من الباحث الافريقي ان يرسل البيانات، ومقبل يدزها كلها وانما انطى جزء..بعد فترة، احد المحققين ارسل لهذا الباحث الاسترالي وكله انطيني البيانات لان المؤلف الافريقي مديقبل، فهذا الاسترالي كله اني اصلا ما عندي البيانات! وبدأ قلبه يلعب، راح تواصل ويا بقية المؤلفين وطلعوا هم همين ما عندهم بيانات وانما كان يطلب منهم الباحث الافريقي ان يعدل اللغة! بنهاية التحقيق لكوا اصلا بيانات مفبركة وماكو اي دراسة واكو كم مؤلف موجودة اسماء وهمية وهم بالحقيقة ماكو..الباحث الاسترالي الجامعة مالته فتحت تحقيق وفرضت عليه بعض الشغلات لازم يسويها وسمعته وسمعة كم باحث ايضاً تضررت بسبب هذا الشي..كله لان وافق ان يدخل بدراسة بدون ميعرف تفاصيلها!

الدراسة: https://www.nature.com/articles/s41598-020-66798-w
القصة: https://retractionwatch.com/2020/06/12/how-i-got-fooled-the-story-of-how-a-study-of-gamers-came-to-be-retracted/

هذا اول بوست بسلسلة

راح نعمل live نتكلم بيه عن عمل التقارير/الابحاث اللي طلبتها الكليات.

اي وقت من اليوم يناسبكم؟
(راح نعلن عن الموعد خلال الاسبوع)

كيف تبدي الطريق بالابحاث؟
اسهل طريقة والاكثرتقبل بالوقت الحالي هي الكورسات ولذلك سويت مجموعة لكورسات ماخذها وشفت فائدة عظيمة.
نقطة وحدة احب اوضحها، هذه الكورسات هي مدخل وبيها مبادئ راح تستخدمها مهما تقدمت وبأكبر البحوث تستخدم، يمكن تاخذها اول مرة وتثير انتباهك، بس اغلبها يحتاج ترجع الها من وقت الى اخر..طبعاً التطبيق العملي (انت تسوي ابحاث) هو افضل وسيلة للتعلم بالاضافة للكتب (النا حديث بوقت اخر).

الكورس الاول:
هذا الكورس بالاساس مخصص لأهل الجراحة واللي يقدمه جراح اصلا..صح هو لأهل الجراحة، بس بصراحة الشرح والمعلومات خرافية وينطيك اللي تحتاجه بالمضبوط، يعني ميدوخك بشي مراح تستخدمه (هم الجراحين هيجي)..اذا تريد تبدي بالابحاث، هذا الكورس لازم تشوفه
https://www.coursera.org/learn/clinical-research

الكورس الثاني:
هذا الكورس اعتبره تكملة للسابق، راح يشرحلك شلون تدخل لمجال الابحاث، اخلاقيات البحث وشلون تبدي تختار مجلة حتى تنشر بيها..بأختصار، كورس سلس ولطيف ومفيد
https://www.coursera.org/learn/how-to-write-a-scientific-paper

الكورس الثالث:
هذا الكورس اشوفه من اروع الكورسات المتواجدة للباحثين، كورس ذهبي بأختصار..يتناول كتابة البحث العلمي (بصورته التقليدية)..من هسه اكلك، لا يصير عندك طموح انه يخلص الكورس تروح تكتب ورقة وتنشرها، لان الكتابة مو بكورس تتعلم، وانما تكتب وتحاول وتعدل وهذا الكورس يخليك شلون تفرق الكتابة العادية عن الكتابة الاكاديمية وطبعا يدخل الكورس بالتفاصيل بس كلتلك، هذا بداية الطريق وانت اللي لازم تمشي
https://www.coursera.org/learn/sciwrite

كورسات متنوعة:
-هذا الكورس للونسة، يعني ميخليك تسوي ابحاث بكد ما يخليك تفكر او مو كل شي تقرأه او تشوفه تكول هذا صح، يعني هذا للعامة اكثر مما هو للباحثين
https://www.coursera.org/learn/medical-research
- هذا الكورس يحجي عن شلون تصير عالم، شنو الاشياء اللي لازم تعرفها وطرق التفكير وشنو الاخلاقيات اللي لازم تتبعها..يعني بأختصار، يوضح لك الطريق اللي تريد تفوت بيه
https://www.coursera.org/learn/scientist

اخيراً، انطيكم الجوهرة...بعد ما تكملون الكورسات، تكدرون تدخلون لأكاديمية الباحثين من
Elsevier
هنا راح تتعلم درب النشر والابحاث على اصوله، الكورسات هوايه وكلها بنفس المجال
https://researcheracademy.elsevier.com/

يبقى موقعين
https://www.pok.polimi.it/login?next=/dashboard
https://www.fun-mooc.fr/cours/ /language/en?page=1&rpp=50

هذني همين بيها كورسات😌
(ملاحظة هسه تذكرتها، كل الكورسات بيها شهادات تكدر تاخذ، بس الله يخليك اذا تاخذ الكورس علمود الشهادة، فلا تتقرب الهن لأن الابحاث مو حتى تحصل شهادات بيها بس، والدرب طويل والعالم بتنافس، فنصيحة راح تشبع خيبات امل اذا تدور تنشر بحث واحد وتسكت)

"شلون اختار المجلة المناسبة لبحثي؟"
هذا السؤال يدور بفكر كل شخص يحاول النشر ولكثرة المجلات وتنوعها بكل الاختصاصات، صارت عملية الاختيار اصعب وصار من الاصعب انه نتجنب المجلات الافتراسية.
طبعاً كل باحث اكيد واجه صعوبة بأختيار المجلة، وعوامل كثيرة تلعب دور بالاختيار منها معامل تأثير المجلة، وقت القرار الاولي، تكاليف النشر وغيرها من العوامل.
حتى تسهل هذه العملية، ظهرت محركات بحث تساعدك بأختيار المجلة المناسبة لبحثك، من هذه المحركات هو
Elsevier journal finder
صفحة المحرك
https://journalfinder.elsevier.com/
هذا المحرك بيه العديد من الخيارات، والاجمل انه المجلات الموثوقة فقط هي اللي تطلع وبالشكل اللي يناسب بحثك.
الشرح موجود بداخل الصور عن محرك البحث.
للتنويه، محرك البحث ينطيك اللي يشوفه مناسب حسب البيانات اللي ادخلتها ومو بالضرورة المجلات اللي يقترحهن هن الانسب لبحثك، لذلك اخذهن كمقترحات وبنفسك تصفحهن.

"تكاليف النشر غالية، لذلك يحتاج ادور على مجلة مناسبة التكاليف مالتها.."

مثل هاي العبارة راح تسمعها بكثرة وللاسف هوايه باحثين يختارون مجلات بمعامل تأثير واطئ او يروحون لمجلات افتراسية والحقيقة انه اغلب المجلات الكفوءة، النشر بيها مجاني! وكلش قليلة من المجلات اللي تريد فلوس حتى تنشر بحثك (واغلبها هاي يذكرون بشكل واضح انه open access)
اعرف انه اكو ثلاث انواع من النشر في المجلات:
-Subscription only
وهذه المجلات يكون النشر بها مجاني تماماً، بس المقال ما ممكن يقرأه اي شخص الا ان يدفع فلوس مقابله
-Open access
هذه المجلات يكون النشر بيها بفلوس غالباً، والمقال يكون متاح للجميع بدون مقابل
-Hybrid
هذه يكون بيها النشر مخلوط، يعني ممكن متدفع اي فلس وتنشر مجاني بس مقالك لازم الباحثين يشتروه، او ممكن تدفع فلوس وتتيحه للجميع. واغلب المجلات من هذا النوع.

ركز عزيزي زين بالصورة، شوف العبارة شتكول
"During submission, authors CAN choose to have their article published open access for"
ركزت؟ يعني ممجبور تدفع الا اذا ردت open access

احذر فخ النشر!

يتواصل معنا بعض الاصدقاء ويطلبون ان نقدم لهم خدمة وننشر بحثهم ودائماً نرفض هذا الشي لسبب واحد وهو حرصنا على الزبون.
نصيحة، لتتواصل مع احد وتدفع له فلوس وينشر بحثك عنك ولا تتواصل وتخليه ينشر مقابل يدخل اسمه، ليش؟ للاسباب التالية:
-النشر مو صعب، بس اول مرة تتعب بيه ووراها يصير سهل، فمتحتاج تدفع فلوس
-انت اعرف ببحثك وتعرف ميزاته وقوته شلونها وانت اعرف بمجالك، ومن تدزها لأحد ينشرها عنك، ممكن ميعرف اهمية البحث وينشره بمجلة تعبانة
-اي ضمان ماكو! لسبب واحد انه محد يكدر يتعاقد ويا مجلات حتى ينطيك ضمان سواء بالوقت او ضمان بالنشر!

بإختصار، اللي يكلك اضمن لك انه بحثك ينشر او اضمن لك خلال شهر تلكه منشور اعرف انه الشغلة هي وحدة من ثنين، يا اما راح يندز لمجلة افتراسية ويا اما لمجلة تقييمها سيء جداً.
والاثنين حرامات يروح بيها بحثك..

الحلقة الاخيرة من سلسلة النشر: سكوبس

شلون ابحث بسكوبس واختار المجلة؟ الخطوات كالتالي:

افتح الموقع هذا
https://www.scopus.com/sources
هسه افتح الصور واقرا الشرح