Nishtiman Technical and Vocational Institute

پەیمانگەی تەکنیکی و پیشەیی نیشتمان بانگهێشتتان دەکات بۆ یەکەمین سیمپۆزیۆمی زانستی خۆی:

"دەستی کارامە، داهاتووی بەهێز: خوێندنی پیشەیی لە هەرێمی کوردستان"

ئەم سیمپۆزیۆمە وێستگەیەکە بۆ گفتوگۆی پسپۆڕان دەربارەی داهاتووی کار و پیشە لە دوو پانێڵی جیاوازدا:

🔹 پانێڵی یەکەم: خوێندنە پیشەییە تەندروستیەکان لە هەرێمی کوردستان : کاریگەرییەکانی لە داهاتوو
🔹 پانێڵی دووەم: خوێندنە پیشەییە ئەندازیارییەکان و تەکنەلۆجیەکان لە هەرێمی کوردستان: دەرفەتەکان و ئاڵانگارییەکان

📝 بۆ بەشداری کردن، تکایە لەم لینکەوە ناوی خۆت تۆمار بکە:
🔗 https://erp.ntvi.edu.iq/SHSF-2026

بەروار: چوارشەممە، ٦ی ئایاری ٢٠٢٦

کات: کاتژمێر ١٠:٠٠ی سەرلەبەیانی

شوێن: سلێمانی، شەقامی بازنەیی مەلیک مەحمود، پڕۆژەی شاری ئارام، هۆڵی تەڵعەت تاهیر (لەناو باڵەخانەی پەیمانگەی نیشتمان).

📢 هاتن بۆ هەمووانە.
-

Symposium Registration Symposium on Skilled Hands, Strong Future Attendance Registration Title Full Name Workplace Position Email Address Phone Number ✓ Registration Confirmed Your attendance has been recorded successfully.

ئەمڕۆ ڕێز لەو دەستانە دەگرین کە بە کارامەیی و ماندووبوونیان ژیان بونیاد دەنێن. لە پەیمانگەی نیشتمان، بڕوامان وایە "فێربوونی پیشە" بناغەی داهاتوویەکی بەهێزە.

سوپاس بۆ هەموو ئەوانەی کەبە هەوڵ و دڵسۆزیی و زانست و کار، وڵات ئاوەدان دەکەنەوە. 🛠️🏢
-

لە چوارچێوەی گرنگیدان بە تواناکانی فێرخوازان و ڕەخساندنی ژینگەیەکی تەندروست، ئەمڕۆ لە یاریگای پەیمانگەکەمان، یارییەکی دۆستانەی تۆپی پێ لەنێوان فێرخوازانی بەشە جیاوازەکاندا بەڕێوەچوو.

ئێمە بڕوامان وایە کە “کارامەیی تەنها لە هۆڵەکانی خوێندندا نییە، بەڵکو لە بونیادنانی جەستەیەکی تەندروست و گیانی هەرهەمیشەیی تیمییشدایە”.

دەستخۆشی لە سەرجەم بەشداربووان دەکەین بۆ ئەو ئاستە بەرزە و گیانی وەرزشییەی نیشانیاندا.

لە پێناو ڕەخساندنی کەشێکی پڕ لە ئارامی و بەهێزکردنی پەیوەندییە کۆمەڵایەتییەکانی نێوان فێرخوازان، پەیمانگەی تەکنیکی و پیشەیی نیشتمان ڕۆژی پێنجشەممە سەیران و گەشتێکی تایبەتی بۆ فێرخوازانی ئازیز سازکرد.

ئەم چالاکییە دەرفەتێکی نایاب بوو بۆ بەسەربردنی کاتێکی خۆش لە ئامێزی سروشتدا. دروستکردنی ئەم جۆرە کەشە دۆستانە و پڕ لە وزەیە، بەشێکە لە کارنامەی پەیمانگەکەمان بۆ ئەوەی فێرخوازان بە مۆڕاڵێکی بەرزەوە بەردەوامی بە کاروانی زانستی خۆیان بدەن.
-

لە چوارچێوەی چالاکیە بەردەوامەکانی پەیمانگەی تەکنیکی و پیشەیی نیشتمان بۆ بەهێزکردنی لایەنی پراکتیکیی خوێندن، سیمینارێکی ئاستبەرز لەژێر ناونیشانی (خۆ ئامادەکردنی بۆ بازاڕی کار )لەلایەن ، بەڕێز (ئەحمەد یوسف عزیز) پێشکەش کرا.

لەم چالاکییەدا، بەڕێزیان بە شێوەیەکی زانستی باسیان لەوە کرد کە چۆن فێرخوازان دەتوانن دوای بەدەستهێنانی بروانامەکانیان ، بە ئاسانی و بە شارەزاییەکی زۆرەوە دەست بە کارکردن بکەن و جێگەی خۆیان لە بازاڕدا بدۆزنەوە.
-

لە جیهانی ئەمڕۆدا، بڕوانامە تەنها سەرەتای ڕێگەکەیە؛ ئەوەی جیات دەکاتەوە، ئامادەسازیی ستراتیژییە بۆ بازاڕی کار.

پەیمانگەی تەکنیکی و پیشەیی نیشتمان، لە پێناو ئامادەکردنی فێرخوازان بۆ قۆناغی دوای خوێندن، سیمینارێکی زانستی بە ناونیشانی ⁨خۆ ئامادەکردن بۆ بازاڕی کار بەئامادەبوونی (ئەحمەد یوسف عزیز ) ساز دەکات

📅 ڕێکەوت: چوارشەممە، ٢٢ / ٤ / ٢٠٢٦
🕙 کاتژمێر: ١٠:٣٠ی بەیانی
📍 شوێن: هۆڵی پەیمانگەی نیشتمان
-

لە ڕۆژی ژینگەی کوردستاندا، ئێمە لە پەیمانگەی نیشتمان جەخت دەکەینەوە کە پاراستنی سروشت، بەشێکی دانەبڕاوە لە زانست و پەروەردەی مۆدێرن. پاراستنی خاک و ئاو و هەوای نیشتمان، تەنها ئەرکێکی سەرشان نییە، بەڵکو گەورەترین خزمەتە بە نەوەکانی سبەی.

با هەموومان پێکەوە کار بکەین بۆ ئەوەی کوردستان هەمیشە بە ئاوەدانی و سەوزی بمێنێتەوە، چونکە ژینگەیەکی پاک، بنەمای ژیانێکی تەندروست و ئایندەیەکی گەشاوەیە.
-

هونەر لای ئێمە تەنها ڕەنگ و هێڵ نییە، بەڵکو گوزارشتێکی قووڵە لە فکر و بەهرەی فێرخوازانمان.
لە ڕۆژی جیهانیی هونەردا، ڕێز لەو کارە دەستییانە دەگرین کە دەرئەنجامی وردبینی و خەیاڵێکی فراوانن.
ئەم بەرهەمانە نیشانەی ئەوەن کە فێرخوازانی پەیمانگەی نیشتمان، لە پاڵ زانستدا، خاوەن توانایەکی داهێنەرانەی بێوێنەن.
هەر یەک لەم کارانە چیرۆکێکی تایبەت و هەوڵێکی ماندوونەناسانەی لە پشتە، کە مانا بە بێدەنگیی دەبەخشێت و جوانی دەخوڵقێنێت.

دەستخۆشی بۆ فێرخوازە بەهرەمەندەکانمان و هەمیشە دەستڕەنگین بن.
-

لە ساڵیادی کارەساتی تراژیدیی ئەنفالدا، فێرخوازانی پەیمانگەی نیشتمان بە چالاکییەکی فکری و ئەدەبی، ڕێزیان لە یادی قوربانییان گرت.
چالاکییەکە بریتی بوو لە سازکردنی سیمینارێکی زانستی و خوێندنەوەی چەند دەقێکی شیعری، کە تێیدا مامۆستا و فێرخوازان بە دیدگایەکی ئەکادیمی و هەستێکی نیشتمانییەوە تیشکیان خستە سەر ڕەهەندەکانی ئەم کارەساتە. ئامانجی ئەم یادکردنەوەیە، زیندوو ڕاگرتنی ناسنامەی نەتەوەیی و گەیاندنی پەیامی ئاشتی و دادپەروەری بوو لە ڕێگەی وشە و مەعریفەوە.

StudentVoice GenocideAwareness Justice MemorialEvent Kurdistan

لەم یادە پڕ لەزامەدا، پرۆفیسۆر دکتۆر سەلام عبدالکریم مامۆستا لە پەیمانگەکەمان لە ڕوانگەیەکی ئەکادیمی و ویژدانییەوە، پەیامێکی قووڵ ئاڕاستەی نەوەکانی ئەمڕۆ دەکات.
ئەنفال لای ئەو، تەنها یادکردنەوەیەکی ساڵانە نییە، بەڵکو برینێکی ساڕێژنەبووی نەتەوەیەکە کە دەبێت وانەی لێ وەربگیرێت بۆ پاراستنی ئایندە.
-

خوێندکارانی ئازیزی پەیمانگەی تەکنیکی و پیشەیی نیشتمان..

خۆشحاڵین کە جارێکی دیکە پۆلەکانمان بە گەڕانەوەی ئێوە ئاوەدان دەبنەوە.
ئاگادارتان دەکەینەوە، لە چوارچێوەی بڕیاری وەزارەتی (خوێندنی باڵا) و وەزارەتی (پەروەردە)، پڕۆسەی خوێندن دەستپێدەکاتەوە:

✅ شێوازی دەوام: خوێندن لەناو پۆل و کەمپەسەکان دەبێت.
🗓 کات: سبەی یەکشەممە، ڕێککەوتی ١٢ی ٤ی ٢٠٢٦.

هیوای ساڵێکی پڕ لە سەرکەوتنتان بۆ دەخوازین.

ڕاگەیاندنی پەیمانگەی تەکنیکی و پیشەیی نیشتمان
١١ی نیسانی ٢٠٢٦

لە ڕۆژی جیهانیی تەندروستیدا، د. بوشرا محەمەدی پەیامێکی گرنگمان پێ دەگەیەنێت: تەندروستیی ڕاستەقینە بریتییە لە هاوسەنگیی نێوان جەستە، دەروون و کۆمەڵگە.
-
Health is more than just being illness-free! 🩺✨

This World Health Day, Dr. Bushra Mohammede reminds us that true health is a balance of Body, Mind, and Social well-being.

When your inner peace meets physical health, you are truly thriving. Remember: global peace starts with your own.