Sherko bekas highschoolئامادەیی شێرکۆبێکەسی کچان

ئاگاداری خوێندکارانی قۆناغی ١٠ و١١ دەکەینەوە کە سبەی رۆژی یەکشەممە وەرنەوە بۆ وەرگرتنەوەی ئەنجامی تاقیکردنەوەکانی کۆتایی ساڵ بەم شێوەیە:
١- کاتژمێر ١٠ بۆ قۆناغی ١١
٢- کاتژمێر ١١ بۆ قۆناغی ١٠
تێبینی : هەر هەڵەیەک لەسەر کارتەکەت هەبوو ڕاستەوخۆ سەردانی ئیدارە بکە بۆ چاککردنەوەی چونکە لەدوای داخستنی سیستم ئێمە بەرپرسیار نین لە بوونی هەڵە و چاککردنی.

ئاگاداری سەرجەم خوێندکارانی قۆناغی ١٢ (ئاسایی، چاکردنی تێکڕا، یەک ودووبابەت،دەرەکی بەرایی) دەکەینەوە کە ڕۆژی یەکشەممە کاتژمێر (٩) لە خوێندنگە بن بۆ وەرگرتنەوەی باجی تاقیکرنەوە گشتییەکان
بەهیوای سەرکەوتن …..

ئاگاداری سەرجەم خوێندکارانی قۆناغی ١٠،١١ (ئاسایی،دەرەکی) دەکەینەوە کە سبەی پێنجشەممە کاتژمێر (١) لە خوێندنگە ئامادەبن بۆ بینینەوەی تیانووسی تاقیکردنەوەکانتان
تێبینی / ١- تیانووس تەنیا دەدرێتەوە بە خوێندکار خۆی بە ئامادەنەبوونت مافی بینینەوەی تیانووست نامێنی
٢- هێنانی مۆبایل قەدەغەیە
٣- پاسەکان دێنن بەشوێنتانا
٤- بەوردی نمرەکانت سەیربکەو ئەگەر هەڵەت هەبوو راستەوخۆ لای مامۆستای بابەتەکەت چاکی بکە
بەهیوای سەرکەوتن بۆ خوێندکاران

پەیامی سوپاسگوزاری بەڕێوبەر بەبۆنەی کۆتایی هاتنی تاقیکردنەوەکانی کۆتایی وەرزی دووەم:
لەگەڵ کۆتایی هاتنی تاقیکردنەوەکانی ئەم وەرزە و بەڕێوچوونی پرۆسەکە بە سەرکەوتوویی، بە پێویستی دەزانین سوپاس و پێزانینی خۆمان ئاراستەی هەموو ئەو لایەنانە بکەین کە بوونە هۆکاری ئەم سەرکەوتنە:
• بۆ لیژنەی تاقیکردنەوەکان و وردبینی: دەستخۆشی تایبەت لە شەونخونی، دڵسۆزی و وردەکاریتان لە ڕێکخستن و پاراستنی مافی خوێندکاران. ماندووبوونتان بەرز دەنرخێنین.
• بۆ مامۆستایانی بەڕێز: سوپاس بۆ هێز و وزەتان لە گەیاندنی زانست و بەڕێوبردنی هۆڵەکانی تاقیکردنەوە بەوپەڕی بەرپرسیارێتییەوە.
• بۆ فەرمانبەران و چرۆخانی گوڵ: سوپاس بۆ دابینکردنی ژینگەیەکی ئارام، خاوێن و گونجاو کە بەبێ هاوکاری ئێوە ئەم پرۆسەیە تەواو نەدەبوو.
• بۆ دایکان و باوکانی بەڕێز: دەستخۆشی لە پاڵپشتی، خەمخۆری و ئەو کەشە لەبارە دەکەن کە لە ماڵەوە بۆ ڕۆڵەکانتان ڕەخساندتان. ئێوە هاوبەشی ڕاستەقینەی ئەم سەرکەوتنەن.
• بۆ خوێندکارە ئازیزەکانمان: سوپاسی ماندووبوونتان دەکەین، هیواداریین بەرهەمی ڕەنج و کۆششتان بە باڵاترین نمرە بچننەوە و پشوویەکی خۆش بەسەر ببەن.
سەركەوتوو و سەرفراز بن لە پێناو خزمەتکردنی زیاتری نەوەکانمان.
پەروا احمد
بەڕیوبەر

سورانی ـ بەهدینی

🔵ئاگادارى سەرجەم قوتابیانی پۆلی ۱۲ی ئامادەیی دەکەینەوە، لە رێگەى ئەو لینکەی خوارەوە بەگوێرەی پارێزگاکان و ئیدارە سەربەخۆکان و قوتابخانەکانی خۆیان دەتوانن شوێن و هۆڵى تاقیکردنەوەکان بزانن، پێویستە ڕۆژێک پێش ئەنجامدانى یەکەم تاقیکردنەوە کە لە ڕێکەوتى (۱٤ی٦ی۲۰۲٦) کاتژمێر( ٧:٣٠ ) ى بەیانی ئەنجام دەدرێت، سەردانی قوتابخانەکانی خۆیان بکەن بۆ دڵنیابوونەوە لە شوێنی هۆڵی تاقیکردنەوەکانی خولی یەکەم.
🔴 لەکاتی بوونی هەڵە لە زانیاری قوتابی پێویستە بە زووترین کات پەروەردەکەی خۆی ئاگاداربکاتەوە بەمەبەستی چاککردنەوەی زانیاریەکان.
‌ ‌ ⬇️
https://tinyurl.com/Plo12X12026

پەیمان خواجە محەمەد
گوتەبێژی وەزارەتى پەروەردە
١٩ ی ٥ ی ٢٠٢٦

🔵 ئاگەهدارییا هەمی قوتابیێن پۆلا ١٢ێ ئامادەیی دکەین ،ب ڕێیا وی لینکێ ل خوارێ و ل دویف پارێزگەھ و ئیدارەیێن سەربەخۆ وقوتابخانەیێن خۆ ، دشێن جھ وهۆڵێن تاقیکرنان بزانن ،پێدڤییە ڕوژەکێ بەری ئەنجامدانا ئێکەم تاقیکرنێ ،کۆ ل ڕێکەفتی (١٤ی٦ی ٢٠٢٦)ێ ،دەمژمێر (٧:٣٠ )ی سپێدێ ،دێ هێنە ئەنجامدان ،بۆ پشت ڕاستبوونێ ژ هوڵێن تاقیکرنێ ، یێن خولا ئێکێ سەرەدانا قوتابخانەیێن خۆ بکەن .
🔴 دەمێ هەبوونا هەر شاشیەکێ د پێزانینێن قوتابی دا ،پێدڤییە ب زویترین دەم ،پەروەردەیا خۆ ئاگەهدار بکەت ب مەرەما ڕاستڤەکرنا پێزانینان .
⬇️ https://tinyurl.com/Plo12X12026

پەیمان خواجە محەمەد
پەیڤدارا وەزارەتا پەروەردێ
١٩ی ٥ ی ٢٠٢٦

‫شوێنى هۆڵى تاقیکردنەوەى 12-2026-X1‬‎ - Google Drive

بەدواداچوون بۆ تاقیکردنەوەکانی کۆتایی وەرزی دووەم لەلایەن بەڕێز سەرپەرشتیاری پەروەردەیی خوێندنگەکەمان مامۆستا (کلثوم)، و بەڕێزیان هیوای سەرکەوتنیان بۆ خوێندکاران خواست.

خشتەی تاقیکردنەوەکان و ڕێنماییەکانی تاقیکردنەوە….

شوێنی خوێندکاران لەناو کەرتەکانی تاقیکردنەوە