General Registration/ Sulaimani Polytechnic University تۆماری گشتی زانکۆ

بە چاودێری پ. د.هوشیار عبداللە عزیز سەرۆکی زانکۆی پۆلیتەکنیکی سلێمانی، سەنتەری پەرەپێدانی کار ( CDC) بە هاوبەشی ڕێکخراوی (STEP Iraq) کۆرسی چۆنێتی خۆئامادەکردن بۆ بازاڕی کار بۆ خوێندکاران و دەرچووانی زانکۆمان ڕایکدەخات.
ناوەرۆکی کۆرسەکە پێکدێت لە: -
هەفتەی یەکەم
بنەماکانی نووسینی سیڤی (CV) و تەکنیکەکانی چاوپێکەوتنی کار.
ڕۆژی یەکەم:
بنەماکانی نووسینی سیڤی (CV)و فێربوونی ئەو کارامەییە سەرەکییانەی کە بۆ ئامادەکردنی سیڤییەکی ڕوون و پیشەیی پێویستن، هەروەها ڕێکخستنی زانیارییەکان بە شێوازێک کە یارمەتیدەر بێت بۆ سەرنجڕاکێشانی خاوەنکار و بەدەستهێنانی کار.
ڕۆژی دووەم:
تەکنیکەکانی چاوپێکەوتنی کار (Interview)
واتا چۆن ئامادەکاری باش بۆ چاوپێکەوتن دەکەیت؟ ئەو هه‌نگاوانەی پێویستە پێش چاوپێکەوتنەکە بنرێن و
هەروەها چۆن لە چاوپێکەوتنی کاردا سەرکەوتوو دەبیت؟ لەگەڵ بەرێوەبردنی گفتوگۆی چاوپێکەوتن بە متمانەبەخۆبوون و وەڵامدانەوەی دروستی پرسیارەکان.
هەفتەی دووەم:
پالاندان و بەڕێوەبردنی کات
ڕۆژی یەکەم:
پلاندانان و داکۆکیکردن (Planning & Advocacy)
فێربوونی چۆنیەتی دیاریکردنی ئامانجە ڕاستەقینەکانی خۆت و داڕشتنی پلانێکی کرداری و هەنگاو بە هەنگاو بۆ گەیشتن بە ئامانجەکان هەروەها فێربوونی پێوانەکردنی سەرکەوتنەکانت.
- پەرەپێدانی کارامەیی داکۆکیکردن لە مافەکانی خۆت و دروستکردنی گۆڕانکاری ئەرێنی لە کۆمەڵگەکەتدا.
ڕۆژی دووەم:
بەڕێوەبردنی کات (Time Management)
چۆن کاتەکانی ڕۆژانەت بە باشترین شێوە بەکاربهێنیت،
هەروەها تێگەیشتن لەوەی چۆن کەسایەتی خۆت لەگەڵ بەڕێوەبردنی کاتدا بگونجێنیت و شێوازی گونجاندنی چالاکییەکانی ڕۆژانەت لەگەڵ ئامانجە گەورەکانی داهاتووت.
هەفتەی سێیەم:
سەکردایەتی و پەیوەندی کاریگەر
ڕۆژی یەکەم:
سەرکردایەتی (Leadership)
ناسینی شێوازە جیاوازەکانی سەرکردایەتی لە جیهاندا و چۆنیەتی بەکارهێنانیان و پەرەپێدانی توانای سەرکردایەتی کەسی پێش سەرکردایەتیکردنی کەسانی ترو، دۆزینەوەی ئەوەی کامە باشترین شێوازی سەرکردایەتییە کە لەگەڵ کەسایەتی تۆدا دەگونجێت.
ڕۆژی دووەم:
پەیوەندی کاریگەر (Effective Communication)
فێربوونی چۆنیەتی گەیاندنی پەیامەکەت بە شێوازێکی ڕوون، کورت و کاریگەرو، پەرەپێدانی ئەو کارامەییە کەسییانەی کە پێویستن بۆ گفتوگۆو سەرکردایەتیکردنی کاریگەر، هەروەها تێگەیشتن لەوەی کەی و لەکوێ پەیامەکەت بگەیەنیت بۆ ئەوەی باشترین ئەنجامی هەبێت.
کۆرسەکە بێبەرامبەرە و بەشێوەی ڕووبەڕوو لە ڕۆژانی یەکشەممان و سێ شەممەمان بەڕیوەدەچێت. بەشداربوو لە دوای تەواو کردنی سەرجەم ڕۆژەکانی کۆرسەکە دەبێتە خاوەنی بڕوانامەی بەشدابوون.

شوێن: سەنتەری پەرەپێدانی کار – کەمپی کۆلێژە تەکنیکییەکانی چوارچرا
ڕێکەوتی دەستپێکردن: ٢١ / ٦ / ٢٠٢٦
کاتژمێر: ١٠:٠٠- ١:٠٠ی
خوازیار دەتوانێت لەم لینکەوە خۆی تۆمار بکات:
https://forms.gle/HQjPRfdcqhurkPk86

بەڕێوەبەرایەتی تۆماری گشتی زانكۆی پۆلیتەکنیکی سلێمانی وەک یەکەمین بەڕێوەبەرایەتی تۆماری گشتی لەسەر ئاستی سەرجەم زانکۆ و پەیمانگە حکومی و تایبەتەکانی هەرێمی کوردستان و عێراق بڕوانامەی نێودەوڵەتی (ISO 9001:2015) بە دەستهێناوە لە ساڵی (2019)

ئەنجومەنی عەرەبی بۆ ڕاهێنان و داهێنانی خوێندکاران پلانی مەشقی هاوینەی خوێندکارانی لە نێوان زانکۆکانی هەرێمی کوردستان و زانکۆی میسڕ بۆ زانست و تەکنەلۆجیا پەسەند کرد

زیاتر بخوێنه‌ره‌وه‌...
https://spu.edu.iq/ku/?p=63565

ئیڤێنتى بەیەکگەیاندنی بەهرە تەکنەلۆژییەکان

زانکۆى پۆلیتەکنیکى سلێمانى بە سپۆنسەرى هواوى ئەکادیمى پێشانگاى هەلى کار بە ناونیشانى (بەیەکگەیاندنی بەهرە تەکنەلۆژییەکان) ڕادەگەیەنێت.

لە ڕێکەوتى 18ی ئایار، 2026
کاتژمێر 10:00 بەیانی – 4:00 ئێوارە
شوێن: سلێمانی/ سەرۆکایەتی زانکۆی پۆلیتەکنیکی سلێمانی
سەنتەری نێودەوڵەتی زمانی ئینگلیزی
قڕگە پشت بەنزینخانەی وڵات.

سەنتەرى پەرەپێدان بۆ کار
Career Development Center

#2026

لە ڕوانگەی هەستکردن بە بەرپرسیارێتی بەرامبەر بە خوێندکارانی و، وەک نەریتی هەمیشەیی
زانکۆی پۆلیتەکنیکی سلێمانی بە سپۆنسەری کۆمپانیای هواوی بەناونیشانی (بە یەکگەیاندنی بەهرە تەکنەلۆژییەکان) پێشانگایەکی هەلی کار ڕادەگەیەنێت

هەلێکی زێڕین بۆ خوێندکارانی زانکۆی پۆلیتەکنیکی سلێمانی بۆ بەشداریکردن لە پێنجەمین لوتکەی خوێندکارانی دەریای ناوەڕاست (MSS 2026) لە وڵاتی ئیتاڵیا
زیاتر بخوێنه‌ره‌وه‌ ...

https://spu.edu.iq/ku/?p=63080

ڕاگەیەندراوێکی هاوبەش لە هەردوو وەزارەتی (خوێندنی باڵا و تویژینەوەی زانستی) و وەزارەتی (پەروەردە) بڕیارماندا بە:

​دەستپێکردنەوەی دەوامی سەرجەم ناوەندەکانی خوێندنی حکومی و ناحکومی وتایبەت لە هەرێمی کوردستان لەناو پۆل وکەمپەسەکان ، لە ڕۆژی یەکشەممەوە ڕێککەوتی ١٢ی ٤ ی ٢٠٢٦.

​وەزارەتی خوێندنی باڵا و توێژینەوەی زانستی

وەزارەتی پەروەردە

١٠ ی ٤ ی ٢٠٢٦

پرۆسەى خوێندن بەشێوازی ئۆنلاین و دیجیتاڵی بەردەوام دەبێت

لەبەر ڕۆشنایی کۆبوونەوەی هاوبەشی وەزارەتە پەیوەندیدارەکان لە ڕۆژی ٢٩ـی ٣ـی ٢٠٢٦، حکومەتی هەرێم بڕیاری دا لەم قۆناغەدا، پرۆسەى خوێندن بەشێوازی ئامادەبوونی ناو پۆل ڕادەگیرێت لە سەرجەم ناوەندەکانی خوێندنی پەروەردە و خوێندنی باڵا لە هەرێمی کوردستان، بۆ هەموو قۆناغەکان، و خوێندن تەنیا بەشێوازی ئۆنلاین و دیجیتاڵیی بەردەوام دەبێت.

هەردوو وەزارەتی پەروەردە و وەزارەتی خوێندنی باڵا و توێژینەوەى زانستی ڕاسپێردران بە وەرگرتنی ڕێکاری پێویست بۆ جێبەجێکردنی ئەم بڕیارە، تایبەت بە شێوازی ئۆنلاین و دیجیتاڵی.