25/01/2024
بەشی زمانی كوردیی كۆلێژمان سەركەوتنێكی زانستیی گەورەی بەدەستهێنا
بەناوی ڕاگرایەتیی كۆلێژمانەوە پیرۆزبایی تایبەت ئاراستەی بەڕێز (د. ئاریان سدیق عەزیز)، سەرۆكی بەشی زمانی كوردیی كۆلێژمان و سەرجەم مامۆستایانی بەشی زمانی كوردی دەكەین، بەبۆنەی بەدەستهێنانی سەركەوتنێكی زانستیی گەورە لە ئاستی زانكۆماندا بۆ ساڵی دوهەم لەسەر یەك، لە چوارچێوەی پڕۆژەیەكی زانستیی زانكۆدا، كە توانییان بە كۆكردنەوەی (39) خاڵ، پلەی دوهەم لەسەر ئاستی بەشە زانستییەكانی زانكۆ بەدەستبهێنن. ئومێد دەخوازین، كە لە كاروانی زانستییاندا بەردەوامبن و بەشە زانستییەكانی تریش بە هەمان ڕێچكەی زانستیدا بڕۆن.
01/10/2023
دابەشکردنی فۆڕمی ڕاستەوخۆ بۆ هەردوو بەشی گەشەپێدانی مرۆیی بەیانیان و بەشی زمانی کوردیی ئێواران
بۆ بینیى ئەو بەشانەى فۆرمى ڕاستەوخۆ دابەش دەکەن ئێرە کلیک بکەن:
https://drive.google.com/file/d/1iLXb28-lcg9PQQFjHzG-ABLvWao9xp98/view?usp=sharing
وەزارەتى خوێندنى باڵا: "لەو بەشانەى کەمتر لە (10) خوێندکار وەرگیراون، فۆڕمى راستەوخۆ دابەشدەکرێت
وەزارەتى خوێندنى باڵا و توێژینەوەى زانستى ڕایدەگەیەنێت، لەو بەشانەى لە کۆلێژ و پەیمانگەکان لە زانکۆ حکومییەکانى هەرێمى کوردستان، کەمتر لە (10) قوتابى/ خوێندکار وەرگیراون لەلایەن تۆمارى گشتى زانکۆکان فۆڕمى راستەوخۆ دابەشدەکرێت.
وەزارەتى خوێندنى باڵا دوپاتیشدەکاتەوە، هەر قوتابی و خوێندکارێک کە پێشتر وەرنەگیراوە، یاخود داواکاری بۆ وەرگرتن پێشکەش نەکردوە، لە دەرچوانى ئەمساڵ و ساڵانى پێشوو، دەتوانێت سەردانى تۆمارى گشتى ئەو زانکۆیانە بکات کە لەلیستى هاوپێچدا هاتوەو دەتوانێت فۆڕمى ڕاستەوخۆ وەربگرێت و داواکارى بۆ وەرگرتن لە یەکێک لە بەشەکانى هاوپێچ پێشکەش بکات.
جێگەى ئاماژە بۆ کردنە، پرۆسەى دابەشکردنى فۆرمى راستەوخۆ تاکو کۆتاى دەوامى فەرمى رۆژى پێنجشەمە (2023/10/5) بەردەوام دەبێت.
لیستى ئەو بەشانەى فۆرمى ڕاستەوخۆ پێشکەش دەکەن:
https://drive.google.com/file/d/1iLXb28-lcg9PQQFjHzG-ABLvWao9xp98/view?usp=sharing
31/01/2023
وەرگرتنەوەی ئەنجامی تاقیکردنەوەکان
خوێندکارانی ئازیزی کۆلێژمان ئاگاداردەکەینەوە، کە لە ئەمشەو (٣١ / ١ / ٢٠٢٣)وە، کاتژمێر (٨ی شەو)، دەتوانن ئەنجامی تاقیکردنەوەکانیان، لە هەژماری تایبەتیی خۆیان و لەسەر پلاتفۆڕمی تایبەت بە تاقیکردنەوەکان، وەربگرنەوە.
هیوای سەرکەوتن و سەرفرازیی بۆ خوێندکارانی ئازیزی کۆلێژمان دەخوازین
ڕۆژانی (چوارشەممە و پێنجشەممە ١ و ٢ی مانگی٢ی ٢٠٢٣)یش، دەتوانن پەڵپ لە ئەنجامەکانیان بگرن. بۆ ئەوەیش پێویستە سەردانی کۆلێژ بکەن و فۆڕمی تایبەت بە پەڵپگرتن، پڕبکەنەوە.
سەرکەوتنتان، دڵخۆشمان دەکات…
22/11/2023