باخچەی منداڵانی ئامێز

بە ناوی خوای گەورە و میهرەبان

سوپاس بۆ خوا كە توانیمان لەرێگای خێرخوازێكی بەخشندە كە نایەوێت ناوی بهێنرێت بڕی (١٥٠٠)كیلۆ زیاتر كە پێك هاتبو لە (٣٠)سەبەتەی خۆراك و هەر سەبەتەیەك زیاتر لە (٥٠)كیلۆ لە چەند مادەیەكی لە خۆ گرتبو كە خۆراكی مانگێكی خێزانێكی گەورەی لە خۆ دەگرت ،دابین بكەین بۆ ئەو كەسانەی كە لەناو باخچەكەمان و دەرەوەی باخچەكەمانن پێویستیان پێی بوو.

جێگای خۆیەتی كە زۆر سوپاسی بەڕێز (مامۆستا جوان)بكەین دەرگای ماڵەكەی ئاوەڵا كرد بە ڕوماندا و ئەركی بەشێكی تەواوی گەیاندنی گرتە ئەستۆی خۆی،سوپاس بۆ (ست نەسرین)وەك هەمیشە لەگەڵمان بوو

دوبارە سوپاس بۆ خێرخوازە بەخشندەكە

باخچەكەمان لە هەر سات و قۆناغێكدا هەست بە بەرپرسیارێتی دەكات و هەوڵی كەم كردنەوەی ئازارەكانی كەسانێك دەدات كە پێویستیان پێمانە

ئەمڕۆ یەك شەممە ڕێكەوتی ٢٠٢٦/٣/١بەڕێوەبەری باخچەكەمان هاوڕێ لەگەڵ مامۆستایانی بەڕێز (ست جوان-ست نەسرین-ست ئارەزو) سەردانی(حەپسەخان )دایكی فەرمانبەری باخچەكەمان (دادە دڵسۆز)یان كرد بە مەبەستی هەواڵ پرسین لە تەندروستی بەڕێزی،هیوای زوو چاك بونەوە وسەلامەتیان بۆخواست و لەخوای گەورە داواكار بون شفای زوی بۆ بنێرێت

دادە دڵسۆز دێرینترین دادەی باخچەكەمانە و خزمەتێكی زۆری بەخشیوە بە منداڵان و سنورەكەمان

ڕاگەیەندراوی هاوبەش:

لەپێناو بەرژەوەندی گشتیی و پاراستنی سەلامەتی مامۆستایان و قوتابیان و خوێندکاران ، لە یەکشەممە ١ ی ٣ ی ٢٠٢٦ تا چوارشەممە ٤ ی ٣ ی ٢٠٢٦ ، لە گشت ناوەندەکانی خوێندنی وەزارەتی پەروەردە و وەزارەتی خوێندنی باڵاو توێژینەوەی زانستی حکومەتی هەرێمی کوردستان ، حکومی و ناحکومی و تایبەت و نێودەوڵەتیەکانیش ) پشوو دەبێت.

وەزارەتی خوێندنی باڵا و توێژینەوەی زانستی

وەزارەتی پەروەردە

٢٨ ی ٢ ی ٢٠٢٦

هانای ئێمە🌺🌺🌺
دوای سێ ساڵ جێهێشتنمان بە هێمنی خۆی كرد بە باخچەكەماندا،ئەوەی جێگای سەرنج بو باجی قۆناغی باخچەی كردبوە ملی و بە دوو چەپكە گوڵەوە هات و وتی هاتوم بۆ لای بەڕێوەبەرو مامۆستا (هەوار)هانای ئێمە جوان پەروەردە كراو و پڕ وەفا و خۆشەویستی ،سوپاس بۆ تۆی شیرین سوپاس بۆ وەفات كچە جوان. و زیرەك و میهرەبانەكە

سوپاس بۆ خێزانی هانای جوان كە لەسەر بنەمای ڕێز و وەفا و خۆشەویستی پەروەردەیان كردوە،ئەو ئێستە لە قوتابخانەی (شەنگارە)و دڵنیاین تەواو كەری كارەكەی ئێمەن. لەگەڵ هانا و هاوڕێكانی🌺🌺🌺

ئاگاداری٠٠٠٠٠

ئاگاداری سەرجەم بەخێوكارانی بەڕێز دەكەین. كە ڕۆژی پێنج شەممە ڕێكەوتی ٢٦/٢/٢٠٢٦كاتژمێر (٩:٣٠)خولەك باخچەكەمان هەڵدەستێت بە ئەنجامدانی كۆبونەوە لەگەڵ بەخێوكارانی هەر شەش ژورەكە (گوڵ🌺🌺-پەپولە🦋🦋-خاڵخاڵۆكە🐞🐞-سمۆرە🐿️🐿️-هەنگ🐝🐝-كەروێشك🐰🐰) تا لە نزیكەوە گفتوگۆ بكەین لەسەر ئەو پەیامە پەروەردەییەی ئێمە و ئێوە پێكەوە بڕیارمانداوە تەواوی بكەین ،هەربۆیە ئامادەبونی بەڕێزتان دەبێتە هێز وزە بۆ ئێمە و لە نزیكەوە هەنگاوەكانی داهاتومان. دەخەینە ڕوو بۆ بەڕێزتان

ئامادەبونت جێگای ڕێزە بۆ باخچەكەمان و دڵسۆزیتانە بۆ منداڵەكەت

تێبینی /دایك و باوك تەنها لە دەرگای بەشی پێشەوە پێشوازیان لێ دەكرێت

-تكایە هیچ منداڵێك لەگەڵ خۆتان مەهێنن

-پابەند بون بەو كاتەی بۆ بەڕێزت دیاری كراوە نیشانەی ڕێزگرتنە لە یاسای باخچەكەمان

سبەینێ چاوەڕێتانین زۆربابەت هەیە پێكەوە كفتوگۆ بكەین. لە پێناو نەوەیەكی پەروەردە كراو

ڕێزی ستافی باخچە