پەیمانگەها تەکنیکی یا ئامێدیێ

وێنێ دەرچوونێ

ئەڤرو وێنێ دەرچوونێ (حفلە رسومات) ل پەیمانگەها تەکنیکی یا ئامێدیێ هاتە کێشان.

21/5/2026

وێنێ بەری دەرچوونێ (حفلە رسومات) روژا پێنج شەمبی دێ هێتە کێشان
ئاگەهداریا قوتابیێن قوناغا دووێ سپێدە و ئێڤاران دکەین کو روژا پێنج شەمبی ٢٠٢٦/٥/٢١ ل دەمژمێر ٢ پشتی نیڤرو ل پەیمانگەهێ دێ هێتە کێشان ل دویف خشتێ ل خارێ.
تێبینی: وێنێ هەر پشکەکێ دێ ل دیف خشتێ دیارکری هێتە کێشان، لەورا هەر قوتابیەکێ ل دەمێ خو یێ دیارکری ئامادەنەبوو دێ بێ بەهر بیت ژ وێنێ دەرچوونێ.

راگرێ پەیمانگەهێ پێشوازی ل راگرێ کولیژا پەروەردە بنیات ئامێدیێ کر
ئەڤرو ١٩/٥/٢٠٢٦ راگرێ کولیژا پەروەردە بنیات ئامێدیێ بەرێز (پ.ه.د.نعمت اللە حامد) ب سەروکایەتیا شاندەکێ سەرەدانا پەیمانگەها تەکنیکی یا ئامێدیێ کر و ژ لایێ (پ.ه.د.احمد فتاح) راگرێ پەیمانگەهێ هاتنە پێشوازیکرن.
د کومبوونەکێ هەردوو ئالیان بەحسا هەماهەنگی و هاریاریا دناڤبەرا پەیمانگەهێ و کولیژێ دا کرن، هەروەسا چاوانیا پێشخستنا ئاستێ زانست و زانینێ ل دەڤەرێ هاتە بەحسکرن.
#راگه‌هاندنا_په‌یمانگه‌ها_ته‌كنیكى_ئامێدیێ

راگرێ پەیمانگەهێ رێز و سوپاسی پێشکێشی نینەرا قوتابیان ل بەشێ ناڤخویی یێ کچان کر

ژبەر رول و ماندیبوونا نینەرا قوتابیان ل بەشێ ناڤخویی یێ کچان، (پ.ه.د.احمد فتاح) راگرێ په‌یمانگه‌ها ته‌كنیكى یا ئامێدیێ ب ئامادەبوونا ماموستا کاوار بدیع رێز و سوپاسیێن راگریا پەیمانگەهێ پێشكێشى قوتابی (هەلال رشید احمد) نینەرا قوتابیان ل بەشێ ناڤخویی یێ کچان کر ژبەر روولێ وێ یێ دیار و بەرچاڤ د هاریکاریکرن و پشتەڤانیا قوتابیاندا.

سمینارەک ل سەر جگارەکێشانێ ل پەیمانگەها ئامێدیێ هاتە پێشکێشکرن

ب مەرەما هوشیاریا جڤاکى ل سەر زەرەر و زیانێن جگارەکێشانێ، سمینارەک بو ماموستا و فەرمانبەرێن پەیمانگەهێ هاتە پێشکێشکرن.

ئەڤرۆ رۆژا دووشەمبى ١٨/٥/٢٠٢٦ ب ئامادەبوونا ماموستا (دلشاد یوسف) هاریکارێ راگرێ پەیمانگەهێ، سمینارەک لژێر ناڤ و نیشانێ (جگارەکێشان دناڤبەرا هیبوون و ئالۆدەبونێ دا) بۆ ماموستا و فەرمانبەرێن پەیمانگەهێ هاتە پێشکێشکرن.

سمینار ژ لایێ بەرێز (ایڤان بطرس میخائیل) بەرپرسێ هوبا تەندروستى و سلامەتی ل پەیمانگەهێ هاتە رێکخستن و پێشکێشکرن، د سمینارێ دا بەحسا چاوانیا کێمکرن و هێلان و زەر و زیانێن جگارەکێشنێ هاتەکرن ب تایبەتى ئەو کەسێن ژیێ وان دبن هەژدە سالیێ دا و دەسپێکا وان ب هیبوون و ئالۆدەبوونا جگارەکێشانێ.

لدووماهیێ ژى بەرسڤا پرسێن ئامادەبوویان هاتە دان، د دوڤدا رێز و سوپاسیێن راگریا پەیمانگەهێ ژ لایێ هاریکارێ راگریڤە ب بەرێز (ایڤان بطرس میخائیل) بەرپرسێ هوبا تەندروستى و سلامەتى ل پەیمانگەهێ هاتنە بەخشین.

سمینارەک لدوور ڤەکولینێن زانستى ل پەیمانگەها ئامێدیێ هاتە پێشکێشکرن

ژبو زانینا تەکنیکێن نوی یێن چاوانیا چێکرن و بەلافکرنا ڤەکولینێن زانستى، رێڤەبەرێ گشتی یێ سەنتەرێ ڤەکولینێن زانستى ل سەروکاتیا زانکۆیا پولیتەکنیکى یا دهوکێ سمینارەک بو ماموستایێن پەیمانگەها تەکنیکى یا ئامێدیێ پێشکێشکر.

ئەڤروژ روژا ئێک شەمبى ١٧/٥/٢٠٢٦ ب ئامادەبوونا (پ.ه.د.احمد فتاح) راگرێ پەیمانگەهێ و ماموستا دلشاد یوسف هاریکارێ راگرى و هەمى سەروک پشک و ماموستایێن پەیمانگەهێ، سمینارەک ل سەر شێوازێ ئامادەکرنێ و گرنگى و تەکنیکێن نوی یێن چێکرنا ڤەکولینێن زانستى، ژ لایێ (پ.ه.د.دیار احمد) رێڤەبەرێ سەنتەرێ ڤەکولینێن زانستى ل سەروکاتیا زانکویا پولیتەکنیکى یا دهوکێ بو ماموستایێن پەیمانگەها تەکنیکى یا ئامێدیێ هاتە پێشکێشکرن.

د سمینارێ دا رێڤەبەرێ سەنتەری  ب تێروتەسەلى بەحسا رولێ سەنتەرێ وان د هاریکاری و شێوازێ چێکرنا ڤەکولینێن زانستى دا کر، هەروەسا ستراتیژیەت و چاوانیا چێکرنا ڤەکولینێن زانستى، هەر ژ دەستپێکرن و کومکرنا زانیاریان و دیارکرنا ژێدەرێن راست و دروست د دروستکرنا ڤەکولینێ دا هاتنە بەحسکرن و گەنگەشەکرن.
ل دوماهیێ ژى گەنگەشە ل سەر بابەتى هاتە کرن و بەرسڤا پرسێن ئامادەبوویان هاتە دان.

راگرێ پەیمانگەهێ سەرەدانا هولێن ئەزموونان کر

ب مەرەما دیفچوون و هایداربوونێ ل چاوانیا برێڤه‌چوونا ئه‌زموونێن تیوری یێن دوماهیا سمستەرێ دوویێ خولا ئێکێ، راگرێ پەیمانگەها تەکنیکى یا ئامێدیێ سەرەدانا هولێن ئەزموونان کر.

ئه‌ڤرۆ روژا ئێك شەمبى 17/5/2026 (پ.هـ.د.احمد فتاح) راگرێ په‌یمانگه‌ها ته‌كنیكى یا ئامێدیێ دگەل (م.دلشاد یوسف) هاریکارێ راگری و ماموستا (کاوار بدیع) سەروکێ لژنا ئەزموونان ل پەیمانگەهێ، سه‌ره‌دانا هولێن ئه‌زموونان كر و ژ نێزیك ڤه‌ هایدارى چاوانیا برێڤه‌چوونا ئه‌زموونێن تیوری یێن دوماهیا سمستەرێ دوویێ خولا ئێكێ بو سالا خواندنێ 2025-2026 یێن قوناغا ئێكێ و دوویێ سپێدە و ئێڤاران ل په‌یمانگه‌هێ بوون.

د سه‌ره‌دانا خودا بو هولێن ئه‌زموونان راگرێ په‌یمانگه‌هێ ته‌كه‌زى ل سه‌ر بجهئینانا رێنمایێن ئه‌زموونان كر و هیڤیا سه‌ركه‌فتنێ ژى بو قوتابیان خواست.

سەنتەرێ دەڤەر یێ راوێژکاریا گەشتیاری ل پەیمانگەها تەکنیکی یا ئامێدیێ هاتە ڤەکرن
زانکۆیا پولیتەکنیکی یا دهۆکێ ب بریارا ژمارە (٢٠٨٢) ل رێکەفتی ٤/٥/٢٠٢٦ ، سەنتەرێ دەڤەر یێ راوێژکاریا گەشتیاری ل پەیمانگەها تەکنیکی یا ئامێدیێ ڤەکر.
ئەڤ بریارە پالپشت ب نڤیسارا وەزارەتا خواندنا بلند و ڤەکولینێن زانستی/دەزگای سەرپەرشتی و دلنیایی جوری/بەرێوەبەرایەتی دلنیایی جوری و متمانە بەخشین یا ژمارە (٦٢١٥) ل رێکەفتی ٢٢/٤/٢٠٢٦ ، رەزامەنیا ڤەکرنا ( سەنتەرێ دەڤەر یێ راوێژکاریا گەشتیاری) ل پەیمانگەها تەکنیکی یا ئامێدیێ هاتیە کرن.
بریارا ڤەکرنا ڤی سەنتەری پشتی رەزامەندیا وەزارەتا خواندنا بلند ل سەر نڤیسارا زانکۆیا پولیتەکنیکی یا دهۆکێ یا ژمارە ( ١٣٢٢) یا ل رێککەفتی ١٥/٣/٢٠٢٦ یا داخوازکرنا ڤەکرنا (سەنتەرێ دەڤەر یێ راوێژکاریا گەشتیاری) ل پەیمانگەها تەکنیکی یا ئامێدیێ هات.

سەرۆکا زانکۆیێ دگەل جڤاتا پەیمانگەهێ کومبوو
ئەڤرۆ رۆژا ئێک شەمبى ١٠/٥/٢٠٢٦ سەرۆکا زانکۆیا پۆلیتەکنیکی یا دهۆک (پ.د.ئاری عادل) سەرەدانا پەیمانگەها تەکنیکى یا ئامێدیێ کر و دگەل جڤاتا پەیمانگەهێ کومبوو، د کومبوونێ دا بەحس ل چاوانیا برێڤەچوونا ئەزموونێن دوماهیا کورسێ دووێ خۆلا ئێکێ و کاروبارێن لژنا ئەزموونان ل پەیمانگەهێ کر، هەروەسا بەحس ل رەوش و کاروبارێن پەیمانگەهێ ب گشتى هاتەکرن.

سەروکا زانکویێ و لژنا بلند يا ئه‌زموونان سەرەدانا پەیمانگەها ئامێدیێ کرن

ب مەرەما هایداربوون ژ ره‌وش و چاوانیا برێڤه‌چوونا ئه‌زموونێن دوماهیا کورسێ دوویێ خولا ئێكێ ل په‌یمانگه‌هێ، سەرۆکا زانکۆیا پۆلیتەکنیکى یا دهۆکێ و لژنا بلندا ئەزموونان سەرەدانا پەیمانگەها تەکنیکى یا ئامێدیێ کرن.
ئه‌ڤرۆ روژا ئێك شه‌مبى ١٠/٥/٢٠٢٦ (پ.د.ئارى عادل) سەرۆکا زانکۆیا پۆلیتەکنیکى یا دهوکێ و (پ.ه.د.نوزاد صادق) هاریكارێ سه‌رۆكا زانكویێ بو كاروبارێن قوتابیان و سه‌روكێ لژنا بلندا ئه‌زموونان ل سه‌رۆكاتیا زانكویێ و ئه‌ندامێ لژنێ (پ.ه.د.گیلان باپیر احمد) راگرێ په‌یمانگه‌ها ته‌كنیكى شنگال، سه‌ره‌دانا په‌یمانگه‌ها ته‌كنیكى یا ئامێدیێ كرن و ژ لایێ (پ.هـ.د.احمد فتاح) راگرێ په‌یمانگه‌هێ و ماموستا دلشاد یوسف هاريكارێ راگرى و ماموستا کاوار بدیع سه‌روكێ لژنا ئه‌زموونان ل په‌یمانگه‌هێ هاتنه‌ پێشوازیكرن، د كومبوونه‌كێ دا به‌حس ل رەوشا پەیمانگەهێ و ئه‌زموونێن تيۆرى و پراكتيكى يێن هه‌ردوو ده‌وامێن سپێده‌ و ئێڤاران و چاوانيا برێڤه‌چوونا كاروبارێن لژنا ئه‌زموونان هاته‌ كرن.
د دوڤدا سەروکا زانکویێ و لژنا بلندا ئەزموونان سه‌ره‌دانا هولێن ئه‌زموونان و لژنا ئه‌زموونان ل په‌یمانگه‌هێ كرن و ژ نێزیك ڤه‌ هایدارى ره‌وش و چاوانیا برێڤه‌چوونا ئه‌زموونێن دوماهیا کورسێ دوویێ خولا ئێكێ یێن په‌یمانگه‌ها ته‌كنيكى يا ئامێديێ بوون و تێبینى و پێشنیارێن خو پێشكێشى لژنا ئه‌زموونان ل په‌یمانگه‌هێ كرن، هه‌روه‌سا ده‌ست خوشى لێكرن بو كارێ وان یێ جوان و رێك و پێك كو بێ كێشه‌ هه‌مى كاروبارێن ئه‌زموونان ل په‌یمانگه‌ها تەکنیکى یا ئامێدیێ برێڤه‌دچن.