28/06/2018
أكيد الأغلبية تستخدم التطبيقات الخاصه بالـCloud Storage ☁️💻📱 سواء لأغراض العمل او الدراسة او غيرها.
طبعاً التطبيقات الي توفر النا التخزين السحابي كثيرة، وهذه مقارنه بسيطة بين اشهر 4 تطبيقات متوفرة حالياً.
المقارنة من حيث:
1- السعة الي توفرها للمستخدم.
2- بحالة اذا المستخدم احتاج سعة اضافية راح تكدر توفرها اله لو لا.
3- الانظمة الي تدعمها.
4- نكدر نرجع الملفات المحذوفة او لا.
5- ممكن توفر النه خاصية اضافة password لرابط الملف بحالة المشاركة مع شخص آخر او مجموعة.
6- تشفير الملفات بحالة الارسال والسكون.
القصد منها انه بعملية ارسال الملف من جهاز الشخص (لابتوب او اي جهاز ذكي) راح تتشفر البيانات.
اما السكون معناه انه الملفات تبقى مشفرة حتى بعد ما توصل لموقع الخزن، هذه الميزه راح تزيد من امان الملفات وتحميها من الاختراق،
يعني الـ hacker لمن يوصل للملفات الي عند الـ service provider راح يلكاها مشفرة وميكدر يستفاد منها.
7- وهي الاهم، انه الـservice provider ممكن يشوف الملفات والصور الي اني دا اخزنها ؟ 🤔
بالنقطة الـ 6 كلت انو البيانات تبقى مشفرة لمن تنخزن بالـ cloud وهذه الصفة مشتركة بين الـ 4 تطبيقات ✔.
بس الفرق بينهن راح يكون بمكان خزن مفتاح التشفير (Encryption key).
1- اذا كان مفتاح التشفير عند الـ service provider (الطريقة الي تتبعها اول 3 تطبيقات) اكو شغلتين راح تصير:
- الاولى انه الـ hacker لمن يوصل للملفات الي عند الـ service provider اكيد راح يكدر يوصل لمفتاح التشفير بالتالي راح يكدر يفك تشفير الملفات بسهوله 👎.
- الثانية والي هي ممكن تكون اخطر من الاولى، بحالة اذا التطبيق نفسه يريد يشوف ملفاتك مثلاً لأغراض الأعلانات او او اغراض امنية او غيرها، فـ اكيد هذا الشي راح يكون سهل عليه لان مفتاح التشفير عنده👎.
2- المكان الثاني لخزن مفتاح التشفير هو عند المستخدم نفسة (الطريقة الي يتبعها التطبيق الاخير) وبالتالي راح تتشفر البيانات وهي على جهاز المستخدم وتبقى مشفرة على الـ cloud و المستخدم هو الوحيد الي يكدر يفك التشفير لان مفتاح التشفير عنده 👍.
فـ اكيد شي مهم انه نعرف مفتاح التشفير وين ينخزن بكل تطبيق cloud نستخدمة لغرض خزن الملفات الخاصه بينا سواء ملفات شخصية او خاصه بالعمل.
❤💻
13/06/2018
07/06/2018
07/06/2018
02/06/2018
30/05/2018