05/10/2014
जागतिक रक्तदान दिनानिमित्त राजस्थान महाविद्यालयात रक्तदान शिबीर
रासेयो सप्ताहात पन्नास विद्यार्थ्यांनी केले रक्तदान
येथील राजस्थान महाविद्यालयात दि. १ ऑक्टोंबर रोजी जागतिक रक्तदान दिनाचे औचीत्य साधून राष्ट्रीय सेवा योजना सप्ताहाच्या सातव्या दिवशी ५0 विद्यार्थ्यांनी रक्तदान केले.
राष्ट्रीय सेवा योजना सप्ताहाच्या सातव्या दिवशी जागतिक रक्तदान दिनाचे औचित्य साधून महाविद्यालयातील ३९ विद्यार्थी व ११ विद्यार्थीनिंनी अशा एकूण ५0 विद्यार्थ्यांनी रक्तदान केले. याप्रसंगी महाविद्यालयाचे प्राचार्य डॉ. सरंबेकर मार्गदर्शन करतांना म्हणाले की, जगाच्या पाठीवर रक्तदान हे श्रेष्ठदान असून आपण केलेल्या रक्तदानामुळे एखाद्या रुग्णाला जिवन जगण्याची संधी मिळू शकते.तर प्रमुख अतिथी प्रा.ललीत काबरा म्हणाले की, रक्तदानातून सर्वधर्म समभाव वाढीस लागत असून कोणत्या जाती धर्माच्या व्यक्तीचे रक्त जात धर्म न पाळता कोणाचाही जीव वाचवू शकत असल्याने या रक्तदानाचा गोरगरीब जनतेला जास्त लाभ मिळत असल्याने रक्तदानाचे प्रमाण वाढविण्याची गरज असल्याचे सांगीतले. यावेळी जिल्हा सामान्य रुग्णालयाचे रक्त संकलन अधिकारी डॉ. के. एस. काळे, डॉ. चव्हाण, डॉ. नियल लाड, डॉ. मवाळआदी डॉक्टरांची प्रमुख उपस्थिती होती. यावेळी महाविद्यालयाचे प्रा. डॉ. दिलीप दाभाडे, डॉ. मिलन संचेती, डॉ. एस. ए. पवार, डॉ. अनिल बनसोड, प्रा. ज्योत्सना पाटील, प्रा. अर्चना वाटाणे, प्रा. प्रमोद घनविजय, प्रा. स्वप्नील काळबांडे, हरीभाऊ राठोड आदी प्राध्यापकवृंद उपस्थित होते. कार्यक्रमाचे सुत्रसंचलन रासेयो अधिकारी डॉ. विजय जाधव यांनी केले तर आभार डॉ. विपनी राठोड यांनी मानले.
कार्यक्रमाच्या यशस्वीतेसाठी देव अवचार, अमोल धनगर, कृष्णा हेंद्रे, मनिष साठे, राधेश्याम घुगे, दिपक तिडके, अभय आदमने, नागेश मसवडकर, ईश्वर गव्हाणे, वसंता नवघरे, विलास कोल्हे, अविनाश राऊत, कु. पुजा जाधव, कु. योगिनी खांदिल, अस्मिता इंगळे, कु. गुडदे, कु. चेतना, कु. पुनम जाधव, कु. जितकर, कु. शितल देशमुख, कु. शुभांगी मुठाळ आदी स्वयंसेवकांनी परिश्रम घेतले.
