12/01/2023
ദേശീയ ജംബൂരി കഴിഞ്ഞെത്തിയവർക്ക് ഉജ്ജ്വല സ്വീകരണം നൽകി.
രാജസ്ഥാനിലെ പാലിമാർവാറിൽ ഈ മാസം 4 മുതൽ 10 വരെ നടന്ന നാഷണൽ ജംബൂരിയിൽ പങ്കെടുത്ത് മടങ്ങിയെത്തിയ സ്കൗട്ട് ആന്റ് ഗൈഡ്സ് അംഗങ്ങൾക്ക് തിരൂർ റെയിൽവെ സ്റ്റേഷനിൽ സ്വീകരണം നൽകി.
കുറ്റൂർ നോർത്ത് കെ എം എച്ച് എസ് എസ്സിലെയും , കുറ്റിപ്പാല ഗാർഡൻ വാലി സ്കൂളിലേയും, പരപ്പനങ്ങാടി എസ് എൻ എം എച്ച് എസ് എസ് എന്നീ സ്കൂളുകളിൽ നിന്നുള്ള 20 കുട്ടികളാണ് തിരൂരങ്ങാടി വിദ്യാഭ്യാസ ജില്ലയെ പ്രതിനിധീകരിച്ച് ജംബൂരിയിൽ പങ്കെടുത്തത്.
ഇന്ത്യൻ രാഷ്ട്രപതി ദ്രൗപതി മുർമു ഉദ്ഘാടനം ചെയ്ത നാഷണൽ ജംബൂരിയിൽ രാജ്യത്തെ 37000 സ്കൗട്ട് ആന്റ് ഗൈഡ് അംഗങ്ങളും 2500 വിദേശ സ്കൗട്ടുകളുമാണ് പങ്കെടുത്തത്. 5 വർഷം കൂടുമ്പോൾ മാത്രം നടക്കുന്ന സംഗമമാണിത്.
ഗ്രൂപ്പ് ക്യാപ്റ്റൻമാരായ ഗാർഡൻ വാലി പ്രിൻസിപ്പാൾ റിയാസുദ്ദീൻ, അദ്ധ്യാപിക ഉമാദേവി എന്നിവർക്കും 20 അംഗങ്ങൾക്കുമാണ് തിരൂരിൽ സ്വീകരണമൊരുക്കിയത്.
കുറ്റൂർ നോർത്ത് സ്കൂൾ അദ്ധ്യാപകരായ സംഗീത പി , അനുസ്മിത, മായ, ഷംസുദ്ദീൻ, അബ്ദുൽ കരീം, സ്മിത, മഞ്ജുശ്രീ എന്നിവരും ഗാർഡൻവാലിയിലെ അദ്ധ്യാപകരായ
സുമേഷ്,
അബ്ദുൽ ലത്തീഫ്,
മുഹമ്മദ് ശഫീഖ്,
എൻഎസ്എസ് വളണ്ടിയർമാർ
എന്നിവരും രക്ഷിതാക്കളും സഹപാഠികളും സ്വീകരിക്കാൻ റെയിൽവേ സ്റ്റേഷനിലെത്തി.
