Swa Cihts

ཕྱི་ལོ་༢༠༢༦ ཟླ་བ་༠༤་ཚེས༢༤ ནས་ལོ་འཁོར་རྒྱུགས་སྤྲོད་ཆེན་མོ་འབུལ་དང་འབུལ་བཞིན་པ་དེར། སློབ་གཉེར་བ་ཡོངས་ལ་རྒྱུགས་སྤྲོད་ཀྱི་གཡུལ་ལས་རྣམ་པར་རྒྱལ་བའི་སྨོན་འདུན་དང་། རྒྱལ་ཁའི་འབྲས་བུ་གཡུར་དུ་ཟ་བའི་ཤིས་ཚིག་གྲངས་མེད་ཞུའོ།།

Best of Luck
Wishing all students the very best for your examinations. This is a valuable moment to demonstrate your dedication, discipline, and hard work. Stay focused, stay confident, and believe in your preparation. Face every question with a calm mind and give your honest best effort. May all your hard work turn into success and bring you excellent results. We extend our sincere best wishes to each and every student for a bright and successful future.

ཕྱི་ལོ༢༠༢༥ ཟླ་བ༠༤ ཚེས་༡༥ ཉིན་སློབ་གཉེར་བའི་བདེ་དོན་ལྷན་ཚོགས་སྐབས་༥༤ དང་དཔེ་ཀློག་ཚོགས་པ་གཉིས་ཟུང་འབྲེལ་གྱིས་མཧཱ་པཎྜི་ཏ་༸སྐྱབས་རྗེ་མཁས་དབང་སློབ་དཔོན་ཟམ་གདོང་རིན་པོ་ཆེའི་སྐུའི་མཛད་རྣམ་དང་འབྲེལ་སློབ་ཕྲུག་ནང་ཁུལ་གཏམ་བཤད་ཀྱི་མཛད་རིམ་རྣམས་ལེགས་པར་གྲུབ་ཟིན་པའི་སྣང་བརྙན།

On April 15th, the 54th Students’ Welfare Association (SWA), in collaboration with Books & Beyond, organized a one-day seminar at Sambhot Bhawan on students’ presentations based on Liisa Cay Pasila’s biography of H.E. Ven. Samdhong Rinpoche.
The event aimed to improve language skills and public speaking, especially for Madhyamika students. Eight students delivered PowerPoint presentations on topics such as his early life, philosophical ideas, and professional contributions. Teachers were also invited, creating a platform for mentorship and interaction between junior and senior students.

-54th SWA

༄༅། །ཕྱི་ལོ༢༠༢༦ ཟླ་བ་༤་ཚེས་༡༡ གི་དགོང་དྲོའི་ཆ་ལ་སློབ་གཉེར་བའི་བདེ་དོན་ལྷན་ཚོགས་སྐབས་ང་བཞི་པའི་འགན་འཁྲི་འོག་བསླབ་པ་མཐར་སོན་པའི་སློབ་མ་རྣམས་ལ་བསླབ་པ་བགྲེས་པའི་གྱེས་སྟོན་སྲུང་བརྩི་དགའ་སྤྲོའི་ངང་ནས་ཞུ་བཞིན་པའི་མཐོང་སྣང་།

Farewell Day! 11th April 2026, Honoring the final year students of Acharya 2nd, Shastri 3rd, B.Ed 2nd, and B.A. B.Ed 4th (Academic Session 2025–2026). Wishing you success in all your future endeavours!

— 54th SWA

༄༅། །༢༠༢༦ ཟླ་ ༣ ཚེས་ ༧ ཉིན། སློབ་གཉེར་བའི་བདེ་དོན་ལྷན་ཚོགས་ཀྱིས་གོ་སྒྲིག་ཞུས་པའི་“བསླབ་པ་བགྲེས་པའི་ཟབ་སྦྱོང་” ཉིན་གསུམ་པའི་ལས་དོན་ལམ་ལྷོངས་དགེ་བའི་ངང་ལེགས་པར་གྲུབ་ཡོད། ཉིན་མོ་འདིར་རྩོམ་རིག་མཁས་དབང་རེ་མདོ་སེངྒེ་མཆོག་དང་། སྨན་པ་ངག་དབང་ཀུན་མཁྱེན། འབུམ་རམ་པ་ཉི་མ་ཚེ་རིང་བཅས་ཀྱིས་བརྗོད་གཞི་དང་འབྲེལ་བའི་གསུང་བཤད་དང་དཔྱད་རྩོམ་སྒྲོགས་སྦྱང་གནང་བ་མ་ཟད། སློབ་གཉེར་བ་ནང་ཁུལ་རྩོད་གླེང་དང་བགྲོ་གླེང་གི་བྱེད་སྒོ་ཁག་ཀྱང་གྲུབ་འབྲས་བཟང་པོའི་ཐོག་ནས་མཇུག་བསྒྲིལ་ཡོད།

མཇུག་བསྡུའི་མཛད་སྒོའི་སྐུ་མགྲོན་གཙོ་བོར། གཙུག་ལག་སློབ་ཁང་གི་དཔལ་ལྡན་ཉེ་བའི་རིགས་བདག་མཆོག་དང་། སློབ་གཉེར་བའི་རིག་སྡེ་འགན་འཛིན་དགེ་བཤེས་ལྷ་རམས་པ་བསྟན་འཛིན་ནོར་བུ་མཆོག རྩོམ་རིག་མཁས་དབང་སློབ་དཔོན་རེ་མདོ་སེངྒེ་མཆོག་བཅས་ཕེབས་བཞུགས་ཀྱིས་སློབ་གཉེར་བ་རྣམས་ལ་ལམ་སྟོན་བཀའ་སློབ་ཟབ་རྒྱས་བསྩལ།

དེ་ནས་བདེ་དོན་ཚོགས་གཙོ་ཕུན་ཚོགས་ཆོས་སྒྲོན་ལགས་ནས་ཟབ་སྦྱོང་དང་འབྲེལ་བའི་གཏམ་བཤད་དང་། དངུལ་གཉེར་རྟ་མགྲིན་ཚེ་རིང་ལགས་ནས་ཟབ་སྦྱོང་གི་འགྲོ་གྲོན་རྩིས་ཁྲ་སྒྲོགས་སྦྱང་། མཐར་བདེ་དོན་ཚོགས་གཞོན་དཀོན་མཆོག་འཇིགས་སྒྲོལ་ལགས་ནས་ཐུགས་རྗེ་ལེགས་འབུལ་གྱི་གསུང་བཤད་གནང་བ་བཅས་ཀྱི་སྒོ་ནས་ཉིན་གསུམ་རིང་གི་ཟབ་སྦྱོང་འདི་ཉིད་མཇུག་ལེགས་པར་གྲུབ་བོ།།

March 7, 2026 — The three-day "Senior Students' Workshop," organized by the Student Welfare Association, concluded successfully today.
Highlights of Day Three
The final day featured insightful presentations by distinguished scholar Redo Sangay, Dr. Ngawang Kunkhen, and Dr. Nyima Tsering. Their lectures were met with great success.
Student Activities: The workshop included interactive sessions, including an internal student debate competition and various discussion forums, effectively rounding out the three-day curriculum.
Closing Ceremony
The event concluded with a formal closing ceremony attended by several prominent figures:
Guided remarks and speeches were delivered by the Vice-Chancellor of CIHTS, Students' Dean Geshe Lharampa Tenzin Norbu, and Tibetan linguistic scholar Redo Sangay.
Organizational Reports:
Phuntsok Choedron, President of the Student Welfare Association, presented a comprehensive report on the workshop's proceedings.
Tamdin Tsering, the Treasurer, presented the financial audit and statement of accounts.
Konchok Jigdol, Vice President, delivered the vote of thanks to all contributors and participants.

༄༅། །ཕྱི་ལོ་༢༠༢༦ ཟླ་༣ ཚེས་༦ ཉིན། དེ་རིང་འདི་ག་སློབ་གཉེར་བའི་བདེ་དོན་ལྷན་ཚོགས་ཀྱིས་སློབ་གཉེར་བ་རྣམས་ཀྱི་ཤེས་ཡོན་གོང་མཐོར་གཏོང་སླད། རྒྱུན་ལྡན་ལྟར་བསླབ་པ་བགྲེས་པའི་ཟབ་སྦྱོང་གི་བྱེད་སྒོ་ཞིག་ཕྱི་ཚེས་ ༥ ནས་ ༧ བར་ཉིན་གསུམ་གྱི་རིང་གོ་སྒྲིག་ཞུས་ཡོད།

ཟབ་སྦྱོང་གི་ཉིན་གཉིས་པའི་སྐབས་རྩོམ་རིག་མཁས་དབང་སློབ་དཔོན་རེ་མདོ་སེངྒེ་མཆོག ཚན་རིག་མཁས་དབང་དགེ་བཤེས་ལྷ་རམས་པ་ཐབས་མཁས་མཆོག Prof. Kushendra Mishra་མཆོག་བཅས་ཀྱིས་དེ་རིང་གི་བརྗོད་གཞི་དང་འབྲེལ་བའི་གསུང་བཤད་གནང་ཞིང་། ཐེངས་འདིའི་ཟབ་སྦྱོང་ལ་བསླབ་པ་བགྲེས་གཞོན་སློབ་གཉེར་བ་ ༦༨ཙམ་མཉམ་ཞུགས་གནང་ཡོད།

March 6, 2026 — The 53rd Students’ Welfare Association of the Central Institute of Higher Tibetan Studies (CIHTS), Sarnath, organized a three-day Senior Students’ Workshop for 68 participants.
Tibetan Linguistic scholar, Ven Redo Sangay, Geshe Lharampa Thabkhe, and the distinguished scholar Prof. Kushendra Mishra shared their valuable opinions and experiences to guide and inspire the students.
The academic workshop is being conducted from March 5 to March 7, 2026, featuring twelve academic topics presented by ten scholars from both within the institute and aboard institutions. The program also includes a quiz competition and other academic activities designed to encourage active participation and learning among students.

༄༅། །ཕྱི་ལོ་ ༢༠༢༦ ཟླ་ ༣ ཚེས་ ༥ ཉིན། དེ་རིང་འདི་ག་སློབ་གཉེར་བའི་བདེ་དོན་ལྷན་ཚོགས་ཀྱིས་སློབ་གཉེར་བ་རྣམས་ཀྱི་ཤེས་ཡོན་གོང་མཐོར་གཏོང་སླད། རྒྱུན་ལྡན་ལྟར་བསླབ་པ་བགྲེས་པའི་ཟབ་སྦྱོང་གི་བྱེད་སྒོ་ཞིག་ཕྱི་ཚེས་ ༥ ནས་ ༧ བར་ཉིན་གསུམ་གྱི་རིང་གོ་སྒྲིག་ཞུས་ཡོད།

ཟབ་སྦྱོང་གི་ཉིན་དང་པོའི་དབུ་འབྱེད་མཛད་སྒོར་སྐུ་མགྲོན་གཙོ་བོར་རང་རེའི་གཙུག་ལག་སློབ་ཁང་གི་དཔལ་ལྡན་ཉེ་བའི་རིགས་བདག་མཆོག་དང་། ལོ་རྒྱུས་སྨྲ་བ་སློབ་དཔོན་བྱམས་པ་བསམ་གཏན་མཆོག གསོ་རིག་མཁས་དབང་སློབ་དཔོན་ཆེན་པོ་རག་རྡོ་བློ་བཟང་བསྟན་འཛིན་རིན་པོ་ཆེ་མཆོག རྩོམ་རིག་མཁས་དབང་སློབ་དཔོན་རེ་མདོ་སེངྒེ་མཆོག ཚན་རིག་མཁས་དབང་དགེ་བཤེས་ལྷ་རམས་པ་ཐབས་མཁས་མཆོག དགེ་བཤེས་མ་ཕུན་ཚོགས་ཚུལ་འཛིན་མཆོག་བཅས་ཕེབས་བཞུགས་ཀྱིས་ཟབ་སྦྱོང་དང་འབྲེལ་བའི་ལམ་སྟོན་གསུང་བཤད་གནང་ཡོད།
ལྷག་པར་དུ་ལོ་རྒྱུས་སྨྲ་བ་སློབ་དཔོན་བྱམས་པ་བསམ་གཏན་མཆོག་གིས་གཙོས་པའི་དགེ་བཤེས་མ་ཕུན་ཚོགས་ཚུལ་འཛིན་ལགས་སོགས་མཁས་པ་བཞི་ཡིས་དེ་རིང་གི་བརྗོད་གཞི་དང་འབྲེལ་བའི་དཔྱད་རྩོམ་སྒྲོག་སྦྱང་གནང་ཞིང་། ཐེངས་འདིའི་ཟབ་སྦྱོང་ལ་བསླབ་པ་བགྲེས་གཞོན་སློབ་གཉེར་བ་ ༦༨ཙམ་མཉམ་ཞུགས་གནང་ཡོད།

March 5, 2026 — The 53rd Students’ Welfare Association of the Central Institute of Higher Tibetan Studies (CIHTS), Sarnath organized a three-day Senior Students’ Workshop for 68 participants. The opening ceremony was graced by the Hon’ble Vice-Chancellor, Prof. Wangchuk Dorjee Negi, as the Chief Guest. The Special Guests of Honour included Ven. Redo Sangay and Geshe Lharampa Thabkhe, along with distinguished scholars Prof. Lobsang Tenzin Radhak and Prof. Jampa Samten. The Chief Guest and other dignitaries shared their valuable opinions and experiences to guide and inspire the students.
The workshop will be conducted from March 5 to March 7, 2026, featuring twelve academic topics presented by ten scholars from both within the institute and outside institutions. The program also includes a quiz competition and other academic activities designed to encourage active participation and learning among students.

༄༅།། ཕྱི་ལོ་ ༢༠༢༦ ལོའི་ཟླ་ ༠༡ ཚེས་ ༢༦ ཉིན་སྔ་དྲོ་ཚོུད་བརྒྱད་དང་སྐར་མ་ཞེ་ལྔའི་ཐོག་རྒྱ་གར་དམངས་གཙོ་དུས་ཆེན་ཉིན་མོར་གཞས་སྣ་འཁྲབ་སྟོན་གྱིས་རྟེན་འབྲེལ་གཟབ་ལེགས་དང་སྦྲེལ་ནས། ཁ་ཉིན་ཝཱ་ཎ་ྋསྐྱབས་རྗེ་སློབ་དཔོན་ཟམ་གདོང་རིན་པོ་ཆེའི་མཛད་འཕྲིན་ཆེ་བསྟོད་སིལ་སྤོལ་འགྲན་བསྡུར་མཐའ་མའི་སྐབས། བུའི་རུ་ཁག་ནང་ནས་སིལ་སྤོལ་ཨང་རིམ་དང་པོ་སོན་པ་བསྟན་བཅོས་ལོ་རིམ་གསུམ་པ་དང་། ཨང་རིམ་གཉིས་པ་སོན་པ་བསྟན་བཅོས་ལོ་རིམ་དང་པོ། བུ་མོའི་རུ་ཁག་ནས་ཨང་རིམ་དང་པོ་སོན་པ་དགེ་རྒན་འོས་སྦྱོང་དང་། ཨང་རིམ་གཉིས་པ་སོན་པ་སློབ་དཔོན་ལོ་རིམ་གཉིས་པ་བཅས་ཀྱི་རུ་ཁག་རེ་རེའི་རྩེད་འགྲན་པ་རྩེ་ཕུད་རྣམས་དང་། དེ་བཞིན་རྒྱལ་གླུ་ “བྷན་དེ་མ་ཏ་རམ” དབུ་བརྙེས་ནས་ལོ་ངོ་ ༡༥༠ འཁོར་བའི་དུས་དྲན་སྲུང་བརྩིའི་ཁོངས་སུ་དྲ་ལམ་རྒྱལ་ཡོངས་དྲི་བ་དྲིས་ལན་གྱི་འགྲན་བསྡུར་ནང་མཉམ་བཞུགས་གནང་བའི་སློབ་མ་དག་ལ་དེ་རིང་དམངས་གཙོ་དུས་ཆེན་དང་སྟབས་བསྟུན་གྱིས་སྐུ་མགྲོན་གྱི་གཙོ་བོ་གཙུག་ལག་སློབ་ཁང་གི་རིགས་དྲུང་མཆོག་དང་། སློབ་གཉེར་བའི་རིག་སྡེ་འགན་འཛིན་དགེ་བཤེས་ལྷ་རམས་པ་རྒན་བསྟན་འཛིན་ནོར་བུ་མཆོག མཁན་པོ་གྲགས་པ་སེང་གེ་མཆོག ལོ་རྒྱུས་སྨྲ་བ་རྒན་བྱམས་པ་བསམ་གཏན་མཆོག རིག་གནས་སྨྲ་བ་རྒན་ལྷག་པ་ཚེ་རིང་མཆོག་བཅས་ཀྱིས་མཇལ་དར་གྱིས་གཟེངས་བསྟོད་ལག་འཁྱེར་བྱ་དགའ་གནང་ཡོད། སྐབས་དེར་སྐུ་མགྲོན་དག་གཙོས་པའི་དགེ་ལས་སློབ་གཉེར་བ་མང་དག་ཅིག་ཕེབས་ཡོད།

We students of the Central Institute of Higher Tibetan Studies (CIHTS), Sarnath, had the privilege of attending and representing our institute at the International Dhammachakkha Puja from January 15-21, 2026. This historic event brought Buddhist practitioners from across the world to the sacred site where Lord Buddha first turned the Wheel of Dharma.
Monks, scholars, and devotees from Tibet, Thailand, Sri Lanka, Myanmar, and many other nations gathered for prayers and teachings.
This unforgettable experience at such a sacred place has deeply inspired our commitment to Buddhist studies and practice as future scholars of the Dharma.

༄༅། །ཕྱི་ལོ་༢༠༢༥ ཟླ་བ་༡༢ པའི་ཚེས་༢༣ ཉིན། ལོ་རྒྱུས་སྨྲ་བ་མཁས་དབང་རྒན་བྱམས་པ་བསམ་གཏན་དང་རྒན་གྱི་བཟའ་ཟླ་ཁྱོ་ཤུག་རྣམ་གཉིས་ནས་དགུན་གྱི་གྲང་ངར་གྱི་གནས་སྐབས་སུ་གཙུག་ལག་སློབ་གཉེར་ཁང་གི་གསར་ཞུགས་སློབ་མ་ཉི་ཤུ་རྩ་ལྔ་ཙམ་ལ་མལ་ཆས་ཀྱི་མཐུན་འགྱུར་རོགས་རམ་གནང་བར་སློབ་གཉེར་བ་བྱིངས་ཀྱི་ཚབ་བྱས་ནས་སྙིང་ཐག་པ་ནས་ཐུགས་རྗེ་ཆེ་ཞུ། དེའི་དགེ་བའི་རྩ་བ་དེ་ལ་བརྟེན་ནས་སྐུ་ཉིད་ཀྱི་བསམ་དོན་ཐ་དག་འབད་མེད་ལྷུན་གྲུབ་ཡོང་བ་དང་། ནད་གདོན་བར་ཆད་ཐམས་ཅད་ཞི་བར་སྨོན།🙏🙏💐

On 23th December 2025, 23 students of the institute received blankets through the generous sponsorship of the respected Professor Jampa Samten and his wife. The students sincerely express their gratitude for this kind and timely support. May they remain healthy, happy, and successful.

༄༅། །ཕྱི་ལོ་༢༠༢༥ ཟླ་བ་༡༢ པའི་ཚེས་༢༥ཉིན། མཆོག་ཏུ་བཀུར་འོས་དགེ་བཤེས་ལྷ་རམས་པ་བློ་བཟང་དབང་གྲགས་མཆོག་ནས་དགུན་གྱི་གྲང་ངར་གྱི་གནས་སྐབས་སུ་གཙུག་ལག་སློབ་གཉེར་ཁང་གི་སློབ་གཉེར་བ་དགོས་ངེས་ཅན་ལྔ་བཅུ་ང་བཞི་ཙམ་ལ་མལ་ཆས་ཀྱི་མཐུན་གྱུར་རོགས་རམ་གནང་བར་སློབ་གཉེར་བ་བྱིངས་ཀྱི་ཚབ་བྱས་ནས་སྙིང་ཐག་པ་ནས་ཐུགས་རྗེ་ཆེ་ཞུ། དེའི་དགེ་བའི་རྩ་བ་དེ་ལ་བརྟེན་ནས་སྐུ་ཉིད་ཀྱི་བསམ་དོན་ཐ་དག་འབད་མེད་ལྷུན་གྲུབ་ཡོང་བ་དང་ནད་གདོན་བར་ཆད་ཐམས་ཅད་ཞི་བར་སྨོན།🙏🙏💐