Tibetan Youth Buddhist Association, Varanasi

ཕྱི་ལོ་༢༠༢༤ ཟླ་བ་༣ ཚེས་༡༠ གསུམ་བཅུའི་དུས་དྲན་འདིར་བོད་རྒྱལ་གཅེས་དཔའ་བོ་དང་དཔའ་མོ་རྣམས་ཀྱི་དྲན་རྟེན་ཆེད་མཆོད་མེ་དང་སླར་ཡང་ཁོང་རྣམ་པའི་བཀའ་དྲིན་དྲན་པ།🙏🏻🙏🏻🙏🏻📿
🕊️བོད་རྒྱལ་ལོ།✊🏻 བོད་རང་བཙན།

༡༩༥༩ ཟླ་ ༣ ཚེས་ ༡༠ ཉིན་ལྷ་སར་བོད་མི་མང་ནས་རང་དབང་སྒེར་ལངས་ཀྱི་ལས་འགུལ་བྱས་པར་རྒྱ་མི་གུང་བྲན་གྱིས་བཙན་དབང་གདུག་རྩུབ་དྲག་པོས་འགྲོ་བ་མིས་རྩ་ཆེར་འཛིན་པའི་གནས་ལ་ཇི་མི་སྙམ་པར་བོད་མི་སྟོང་ཕྲག་མང་པོ་དམར་གསོད་དྲག་གནོན་བྱས་པ་རེད། དེ་འདྲའི་ཉིན་མོ་དེ་ལ་ང་ཚོས་རྗེས་དྲན་གང་གི་དོན་དུ་བྱེད་ཀྱི་ཡོད་དམ་ཟེར་ན། ང་ཚོས་བོད་རང་དབང་གི་དོན་དུ་ལུས་སྲོག་གཏོང་མཁན་བོད་མི་ཚོར་རྗེས་དྲན་བྱེད་པ་ཙམ་དུ་མ་ཟད། དེ་ཉིན་རྒྱལ་ཁ་ཐོབ་པའི་ཉིན་མོ་ཞིག་ཏུ་ངོས་འཛིན་བྱས་ནས་ཀྱང་རྗེས་དྲན་བྱེད་ཀྱི་ཡོད། ཅིའི་ཕྱིར་ཞེ་ན། དེའི་ཉིན་རྒྱ་མི་གུང་བྲན་གྱིས་བཙན་དབང་གིས་འཛིན་སྐྱོང་བྱེད་པའི་སྲིད་བྱུས་ལ་ཕམ་ཉེས་ཕྱིན་པ་གསལ་པོར་བསྟན་པའི་ཐོག ཁོང་ཚོ་འུ་ཐུག་ཐབས་ཟད་ཀྱིས་དྲག་པོའི་ལམ་ནས་གུང་བྲན་ལྟ་སྤྱོད་ཀྱི་ལྡོག་ཕྱོགས་མི་སེར་སྤེལ་སྲོལ་འཛིན་ཐབས་བྱེད་དགོས་པར་ཐུག་པ་དང༌། ང་ཚོའི་ཕྱོགས་སུ་ཕམ་ཉེས་མིན་པའི་ཁར། ཕྱི་རྒྱལ་བཙན་དབང་གི་འོག་ཏུ་ནམ་ཡང་སྡོད་འདོད་མེད་པའི་རྣམ་འགྱུར་དཔའ་གདེངས་སྤོབས་པ་ཆེན་པོའི་ངང་ནས་བསྟན་ཡོད།
ང་ཚོས་གསུམ་བཅུའི་རྗེས་དྲན་ཡང་བསྐྱར་བྱེད་པ་འདི་ནི་བོད་མི་རིགས་ཕྱི་རྒྱལ་བཙན་དབང་གི་ལྕགས་སྒྲོག་ལས་གྲོལ་སླད་རྒྱལ་ཡོངས་ཀྱི་རྣམ་པ་ལྡན་པའི་རང་དབང་རྩོད་ལེན་གྱི་ལས་འགུལ་དོན་ལྡན་རྒྱལ་རབས་སུ་གྲགས་པ་ཞིག་བྱས་པའི་དུས་ཚེས་དེའི་ཆེད་དུ་ཡིན་ཞིང༌། དེར་མ་ཟད་དྲག་ཟིང་ཆེན་པོ་དེ་སྐབས་ལུས་སྲོག་ཆུད་ཟོས་གྱུར་པ་རྣམས་དང༌། ད་བར་ལོ་མང་རིང་བཙན་དབང་གདུག་རྩུབ་འོག་ཉེས་མེད་དུ་ལུས་སེམས་དཀའ་སྦྱོང་མྱོང་མཁན་ཁྲི་ཕྲག་མང་པོ་དེ་དག་གི་རྗེས་དྲན་ཡང་ཡིན།།

ང་ཚོས་ལོ་རེ་བཞིན་གསུམ་བཅུའི་དུས་དྲན་བྱེད་པ་འདི་གཞན་གྱིས་ཁྲལ་འགེལ་བྱས་པ་དང༌། མཛེས་ཆོས་དགའ་སྤྲོའི་ཆེད་དུ་ག་ལ་ཡིན། དུས་དྲན་འདི་ལ་བརྟེན་ནས་རང་གིས་རང་ལ་སྐུལ་ལྕག་བྱས་ཏེ་ད་ལྟའི་ཆར་བོད་མི་རིགས་ཀྱི་གནས་སྟངས་ཇི་ཡིན་དྲན་ཐུབ་པ་ཞིག་དང༌། གནས་སྟངས་དེ་ལས་གྲོལ་ཆེད་བོད་རང་དབང་སྒྲུབ་པའི་སེམས་ཤུགས་གོང་ནས་གོང་མཐོར་སྤེལ་ཐུབ་པ་བྱེད་དགོས། ཞུམ་པ་དང༌། སྒྱིད་ལུག དཀའ་ངལ་ལ་ཐབས་ཀྱིས་གཡོལ་བ། མཐའ་གཅིག་ཏུ་གཞན་ལ་བརྟེན་པ་བཅས་ཀྱི་བསམ་ཚུལ་ཡོངས་སུ་སྤངས་ཏེ། དཀའ་ངལ་ལྷུར་ལེན་དང༌། རང་དོན་རང་གཅེས་ཀྱི་སྒོ་ནས་བོད་མི་རིགས་ཀྱི་རང་དབང་སྒྲུབ་པའི་ཆེད་དུ་ཚང་མས་ལྷག་བསམ་ནུས་ཤུགས་ཆིག་བསྒྲིལ་བྱེད་དགོས་སོ།། བོད་རྒྱལ་ལོ།།
On 10 March 1959, tens of thousands of Tibetans took to the streets of Lhasa, Tibet’s capital, rising up against China’s illegal invasion and occupation of their homeland. Every year thousands of Tibetans and their supporters take to the streets across the world to mark the anniversary of Tibetan National Uprising Day.