Suman High School No.16-Urdu Medium

આજરોજ તારીખ 20 ફેબ્રુઆરી સુમન હાઇસ્કુલ નં.16 ઉર્દુ ખાતે ધોરણ 10 ના વિદ્યાર્થીઓ નો શુભેચ્છા સમારંભ તેમજ વાર્ષિક ઇનામ વિતરણ સમારંભ યોજવામાં આવ્યો. આ કાર્યક્રમના મુખ્ય અતિથિ તરીકે નવયુગ સાયન્સ કોલેજના કેમેસ્ટ્રી વિભાગના HOD મલેક સાહેબ તેમજ એમ.એ.આઈ.હાઇસ્કુલ ઓલપાડ ના રિટાયર પ્રિન્સિપાલ કાઝી સાહેબ, તેમજ શાળા ક્રમાંક 45 ના આચાર્યશ્રી અતુલભાઇ પટેલ ના અધ્યક્ષપણામાં આ કાર્યક્રમ યોજાયો.
આ મહાનુભાવો દ્વારા પરીક્ષાાર્થીઓને અગત્યનું માર્ગદર્શન આપવામાં આવ્યું, તેમજ પોતાના કરકમલોથી વિદ્યાર્થીઓને ટ્રોફી, મેડલ અને પુરસ્કાર અર્પણ કર્યા.. અંતમાં રાષ્ટ્રગીત ગાઈ ને આ કાર્યક્રમની પૂર્ણાહુતિ કરવામાં આવી..

🇮🇳🇮🇳🇮🇳🇮🇳🇮🇳🇮🇳🇮🇳
આજે તા.15 ઓગસ્ટ 2024 ના રોજ દેશના 78 માં *સ્વતંત્રતા દિવસ* નિમિત્તે સુમન હાઇસ્કુલ નંબર - 16 ઉર્દુ માધ્યમ તેમજ ન.પ્રા.શિ.સમિતિ શાળા ક્ર- 45, 46, 42, 43 અને 275 ના સંયુક્ત ઉપક્રમે *ધ્વજવંદન* કાર્યક્રમ યોજવામાં આવ્યો...
આ પ્રસંગે ધ્વજવંદન સુમન ઉર્દુ શાળાની ધોરણ -10 ની બાલિકા અન્સારી અનિશાબાનું ના હસ્તે કરવામાં આવ્યું. ધ્વજવંદનના કાર્યક્રમમાં વોર્ડ નંબર 20 ખટોદરા ના કોર્પોરેટર શ્રી રાજેશભાઈ રાણા, ભારતીબેન મસ્કતવાલા, તેમજ અન્ય કોર્પોરેટરશ્રીઓ, સામાજિક આગેવાનો અને કાર્યકરોમાં ઉમેશભાઈ ભટ્ટ, પ્રવીણભાઈ બારડોલીયા, રાજેશભાઈ પટેલ તેમજ શાળાના તમામ આચાર્યશ્રીઓ,શિક્ષકશ્રીઓ, અને વિદ્યાર્થીઓએ ઉપસ્થિત રહી આ કાર્યક્રમને સફળ બનાવ્યું.. શાળાની બાલિકાએ રાષ્ટ્રીય ધ્વજ *તિરંગાની* *ઐતિહાસિક* *યાત્રા* અને સ્વતંત્રતા દિવસનું પ્રાસંગિક પ્રવચન આપેલ હતું, તેમજ બીજી શાળાઓએ પોતપોતાની સાંસ્કૃતિક કૃતિઓ રજૂ કરી હતી..
🇮🇳🇮🇳🇮🇳🇮🇳🇮🇳🇮🇳

આજરોજ *હર ઘર તિરંગા* અંતર્ગત દરેક વિદ્યાર્થીઓએ પોતાના ઘરે તિરંગો લહેરાવ્યો, સાથે શાળાનો શિક્ષકોએ પણ તિરંગીઓ લહેરાવી અને સેલ્ફી લીધી. *શાળા બિલ્ડીંગના* ઉપર પણ આ તિરંગો લહેરાવી અને લોકોને તિરંગા વિશે જાગૃત કરવામાં આવ્યા...

આજે તા.09/08 ના રોજ સુમન હાઈસ્કૂલ નંબર 16 ઉર્દુ ખાતે *"હરઘર તિરંગા* *કાર્યક્રમ*" અંતર્ગત શાળાના શિક્ષકો ,આચાર્યશ્રી તેમજ કર્મચારી ગણ દ્વારા તિરંગા સાથેનો સેલ્ફી ,તેમજ શાળા બિલ્ડીંગ ,પરિસર અને લોબી આ તમામને તિરંગાથી સજાવવામાં આવ્યા.. તેમજ તમામ વિદ્યાર્થીઓએ પોતાના ઘરે તિરંગા સાથે માતા પિતાની સેલ્ફી લઈ અને પોતાના ગ્રુપમાં મૂકી હતી...

આજે તા.13/7/ ના રોજ સુમન હાઈસ્કૂલ નં.- 16 ઉર્દુ ખટોદરા ખાતે શાળા માં અભ્યાસ કરતાં તમામ વિદ્યાર્થીઓના વાલીઓની પ્રથમ સત્રની જનરલ મીટિંગનું આયોજન કરવામાં આવ્યું હતું, જેમાં મોટી સંખ્યામાં વાલીઓ ઉપસ્થિત રહ્યા હતા.
આ મિટિંગ માં વાલીઓ ને બાળકો ની નિયમિતતા, સમયપાલન, શિસ્ત પાલન, સ્વચ્છતા, સ્વાસ્થ્ય, અભ્યાસ, બોર્ડ પરીક્ષા પદ્ધતિ, આંતરિક મૂલ્યાંકન... વગેરે બાબતોની પરિસ્થિતિઓ ની વિસ્તૃત ચર્ચા કરવામાં આવી હતી....
સાથે B.I.S.ના કો. ઓરડીનેટર મનોજભાઈ દેવીપુજકે વર્તમાન સમયે ચીજવસ્તુ ખરીદવા માં કઈ કઈ બાબતોનું ધ્યાન રાખવું જોઈએ તેના વિશે માહિતી આપી હતી...

આજરોજ વિશ્વ યોગા દિવસ નિમિત્તે અમારી શાળા સુમન હાઈસ્કૂલ નંબર 16 ઉર્દુ ખટોદરા ખાતે યોગા ડે ના ઉપલક્ષમાં શાળાના આ તમામ બાળકો તેમજ સ્ટાફ મિત્રોએ મળીને શાળાના ટેરેસ પર યોગા કર્યા. આ યોગામાં તમામ પ્રકારના આસનો જેવા કે પદ્માસન ભુજંગાસન તાડાસન વક્રાસન સૂર્ય નમસ્કાર વગેરે જેવા આસનો કરવામાં આવ્યા શાળામાં પીટી લેતા એવા શિક્ષિકા બેન દ્વારા ટ્રેનર કરવામાં આવેલા વિદ્યાર્થી એ તમામ વિદ્યાર્થીઓને આ આસનો કરાવ્યા. શાળાના તમામ શિક્ષક મિત્રો અને હાજર રહેલ આશરે ૨૯૭ વિદ્યાર્થીઓએ યોગ પ્રેક્ટિસ કરી અને આ દિવસને સફળ બનાવેલ હતું.....

Toppers students list of Suman High School No.16-Urdu Medium