11/02/2024
সদ্য সমাপ্ত অসম সাংস্কৃতিক মহাসংগ্ৰাম ২০২৪ত এড্যু কালচাৰেল পইণ্ট,সৰভোগৰ বিহু নৃত্য দল প্ৰিয়ংকা ৰায়ৰ দলে Group-B শিতানত তৃতীয় পুৰস্কাৰ লাভ কৰিবলৈ সক্ষম হয়; যাক প্ৰশিক্ষণ আগবঢ়াইছিল মেজাংকৰি ২০১৪ বিজয়ী, কাজিৰঙা বিহুৱতী ২০১৪, অসম বৰ বিহুৱতী ২০১৪, দুবাৰকৈ DY বিহুৰাণী Finalist, Assam Talks বোৱাৰী বিহুৱতী 1st Runners Up আৰু বহুতো প্ৰশংসা বুটলিবলৈ সক্ষম হোৱা জুনু তালুকদাৰ ।
দলটোৱে কেইবাটাও ৰাউণ্ডত যেনে পঞ্চায়ত/নগৰ সমিতি, সমষ্টি, জিলা পৰ্যায়, ৰাজ্যিক পৰ্যায় - ছেমি ফাইনেল আৰু তাৰ পিছত চূড়ান্ত পৰ্যায়ত জয়ী হৈ এই পুৰস্কাৰ বুটলিবলৈ সক্ষম হয় ।
এইখিনিতে আমি বৰপেটা জিলাৰ আয়ুক্ত মহোদয়ক আমাৰ প্ৰতি প্ৰতিটো স্তৰতে আশ্চৰ্যজনক ব্যৱস্থা গ্ৰহণ কৰি অহাৰ বাবে ধন্যবাদ জ্ঞাপন কৰিছোঁ । সৰভোগ পৌৰ নিগমে প্ৰাৰম্ভিক পৰ্যায়ৰ আয়োজন কৰোঁতে কৰা পৰিশ্ৰম লগতে অসম চৰকাৰৰ মুকলি সাংস্কৃতিক মঞ্চ প্ৰদানৰ এই ঐতিহাসিক প্ৰচেষ্টা আৰু আমাৰ প্ৰতিজন শুভাকাংক্ষীকে অশেষ ধন্যবাদ তথা কৃতজ্ঞতা জ্ঞাপন কৰিলোঁ ।
এনেদৰেই সৰভোগ অঞ্চলৰ সাংস্কৃতিক বিপ্লৱ অব্যাহত থাকিব আৰু এড্যু কালচাৰেল পইণ্ট, সৰভোগৰ তৰফৰ পৰাও বৰনগৰবাসী ৰাইজক সাংস্কৃতিক মঞ্চ প্ৰদান কৰি যাব বুলি আমি প্ৰতিশ্ৰুতিবদ্ধ।
সদৌশেষত ধন্যবাদ আমাৰ সেইসকল বিহুৱা-বিহুৱতীলৈ, যাৰ অশেষ কষ্ট, চেষ্টা আৰু ত্যাগৰ ফলত আজি এই পৰ্যায়ত উপনীত হৈ গৌৰৱান্নিত লাভ কৰিবলৈ সক্ষম হয় সমূহ সৰভোগবাসী ৰাইজ ।
