Swapnanil Chetia

Memories of my School Life.
Brahmaputra Valley School. Sivasagar(Assam)

দেউতাৰ লগত বেতবাৰী গ্ৰন্থমেলালৈ গৈছিলো :-
******************************************
( স্বপ্ননীল চেতিয়া )

যোৱাকালি আছিল শুকুৰবাৰ । বহু আগ্ৰহেৰে বাট চাই আছিলো গ্ৰন্থমেলালৈ যাবলৈ । এনেতে হথাৎ খৰখেদাকৈ দেউতা অফিচৰ পৰা আহি ঘৰ সোমালহি । তেতিয়া সন্ধিয়া ৮:০০ বাজিছিল । ঘৰ সোমায়েই দেউতাই মোক লৰালৰিকৈ ওলাবলৈ কৈছিল । মইও গ্ৰন্থমেলালৈ যোৱাৰ আনন্দত লৰালৰিকৈ ওলালো । কিছুসময়ৰ পিছত আমি গ্ৰন্থমেলা পালোগৈ । গ্ৰন্থমেলাখন আমাৰ ব্ৰহ্মপুত্ৰ ভেলী স্কুলৰ খেলপথাৰতে পাতিছিল । গ্ৰন্থমেলাৰ চাৰিওফালৰ পৰিৱেশ অতি মনোৰম আছিল । দেউতাই বহুকেইখন কিতাপ মোক কিনি দিছিল । মনটো আনন্দৰে ভৰি পৰিছিল ।
গ্ৰন্থমেলাৰ প্ৰাচীৰ প্ৰত্ৰিকাখন বৰ সুন্দৰকৈ বনাইছিল । নাম আছিল জনস্ৰোত । বহুকেইটা কবিতা আৰু উক্তিয়ে প্ৰাচীৰ প্ৰত্ৰিকাখনত স্থান লাভ কৰিছিল ।
গ্ৰন্থমেলাৰ ওচৰতে থকা হোটেলত দেউতা আৰু মই ঘুগুনি আৰু কণী খাইছিলো । তাৰ পিছত মঞ্চত চলি থকা ভূপেন্দ্ৰ সংগীতৰ নৃত্য প্ৰতিযোগিতা চাইছিলো । প্ৰতিযোগীসকলে বৰ সুন্দৰকৈ প্ৰতিযোগিতাত অংশ গ্ৰহণ কৰিছিল । দেউতাৰ নিৰ্দেশ মতে মই কেইবাটিও নৃত্য দেউতাৰ মোবাইলত ৰেৰ্কডিং কৰিছিলো ।
সময় তেতিয়া ৰাতি ১১-০০ বাজিছিল । আমিও গ্ৰন্থমেলাৰ পৰি ঘৰমুখী হৈছিলো । বেতবাৰী গ্ৰন্থমেলাই আমালৈ কঢ়িয়াই আনিছিল আলোকৰ যাত্ৰা । বেতবাৰী গ্ৰন্থমেলা হওঁক চিৰযোগমীয়া । জয়তু বেতবাৰী ।

Wlcm to my new page & plz follw...