21/08/2026
#फॅबटेक_पाॅलिटेक्निक_महाविद्यालय_सांगोला
अभ्यासक्रमातील तांत्रिक ज्ञानाला प्रत्यक्ष उद्योगविश्वाची जोड मिळावी आणि विद्यार्थ्यांना माहिती-तंत्रज्ञान क्षेत्रातील बदलत्या संधींची जवळून ओळख व्हावी, या उद्देशाने फॅबटेक कॉलेज ऑफ पॉलिटेक्निक, महाविद्यालय सांगोला येथील कॉम्प्युटर सायन्स अँड इंजिनिअरिंग विभागात द्वितीय वर्षात शिक्षण घेत असलेल्या ७५ हून अधिक विद्यार्थ्यांनी शुक्रवार, दि. २१ ऑगस्ट २०२६ रोजी पुणे येथील फोराईज सॉफ्टवेअर सोल्युशन्स प्रायव्हेट लिमिटेड कंपनीला औद्योगिक भेट दिली असल्याची माहिती प्राचार्य प्रा. तानाजी बुरुंगले यांनी दिली.
फॅबटेक पाॅलिटेक्निक महाविद्यालयातील विद्यार्थ्यांना आयटी उद्योगातील प्रत्यक्ष कामकाज, आधुनिक तंत्रज्ञानाचा वापर आणि सॉफ्टवेअर क्षेत्रातील विविध कार्यपद्धती समजून घेण्याची संधी या भेटीदरम्यान मिळाली
‘वर्गातील ज्ञान’ ते ‘उद्योगातील अनुभव’
फोराईज सॉफ्टवेअर सोल्युशन्स प्रायव्हेट लिमिटेड ही माहिती-तंत्रज्ञान क्षेत्रात कार्यरत कंपनी असून वेब व मोबाईल ॲप्लिकेशन विकास, सॉफ्टवेअर विकास, डिजिटल मार्केटिंग आणि प्रशिक्षण यांसारख्या विविध क्षेत्रांत सेवा पुरविते.
औद्योगिक भेटीदरम्यान विद्यार्थ्यांनी कंपनीतील विविध तांत्रिक प्रक्रिया जाणून घेतल्या. व्यवसायामध्ये सॉफ्टवेअरचा नेमका कसा वापर केला जातो, आधुनिक डिजिटल साधनांच्या माध्यमातून कामकाज कसे अधिक परिणामकारक केले जाते, याबाबत विद्यार्थ्यांना मार्गदर्शन करण्यात आले.
याशिवाय ऑनलाइन बायोडाटा तयार करण्यासाठीची साधने, प्रकल्प विकासासाठी आवश्यक साधने, तांत्रिक कौशल्यांचा विकास आणि आयटी क्षेत्रातील विविध करिअरच्या संधी याविषयी विद्यार्थ्यांना महत्त्वपूर्ण माहिती देण्यात आली.
करिअरसाठी आवश्यक कौशल्यांवर भर
सध्याच्या स्पर्धात्मक आयटी क्षेत्रात केवळ पदवी किंवा तांत्रिक शिक्षण पुरेसे नसून विद्यार्थ्यांनी बदलत्या तंत्रज्ञानानुसार स्वतःला अद्ययावत ठेवणे आवश्यक आहे. या पार्श्वभूमीवर विद्यार्थ्यांना उद्योगक्षेत्राच्या अपेक्षा, आवश्यक तांत्रिक कौशल्ये, प्रकल्पाधारित शिक्षण आणि करिअरच्या विविध वाटांबाबत मार्गदर्शन मिळाले.
ही औद्योगिक भेट यशस्वी करण्यासाठी कॉम्प्युटर सायन्स अँड इंजिनिअरिंग विभाग प्रमुख प्रा. दिपाली मोरे, प्रा. शिवकुमार गोसावी, प्रा. ज्ञानेश्वर घनवजीर, प्रा. चैञाली जाधव आदींसह विभागातील सर्व शिक्षक व शिक्षकेतर कर्मचाऱ्यांनी परिश्रम घेतले.
