ZPSchool Khandgaon, Sangamner

अभ्यासासाठी वाजतो शिस्तीचा भोंगा!

खांडगाव ग्रामपंचायतीचा विद्यार्थ्यांसाठी अभिनव उपक्रम

संगमनेर (प्रतिनिधी ):-खांडगाव (ता. संगमनेर) ग्रामपंचायतीने शालेय विद्यार्थ्यांच्या अभ्यासासाठी एक आगळावेगळा आणि नावीन्यपूर्ण उपक्रम राबवून संपूर्ण तालुक्याचे लक्ष वेधून घेतले आहे. 'अभ्यासाचा भोंगा' या उपक्रमामुळे विद्यार्थी वेळेवर घरी परतून मोबाईल व टीव्ही बंद करून नियमित अभ्यास करत असल्याचे सकारात्मक चित्र सध्या गावात दिसून येत आहे.
मुख्यमंत्री समृद्ध पंचायतराज अभियानांतर्गत खांडगाव ग्रामपंचायतीने विविध विकासात्मक उपक्रम हाती घेतले असून, गाव हळूहळू विकासाचे मॉडेल ठरत आहे. याच अभियानाचा भाग म्हणून विद्यार्थ्यांच्या शैक्षणिक प्रगतीसाठी ग्रामपंचायतीने हा अभिनव उपक्रम सुरू केला आहे.
गावातील विद्यार्थी संध्याकाळच्या वेळेत मोबाईल, टीव्ही किंवा खेळामध्ये अधिक वेळ घालवत असल्याचे लक्षात आल्यानंतर ग्रामपंचायत कार्यालयाच्या इमारतीवर भोंगा बसवण्याचा निर्णय घेण्यात आला. त्यानुसार हा भोंगा बसवण्यात आला आहे. दररोज नेमक्या संध्याकाळी सात वाजता तो वाजवला जातो.
या भोंग्याचा आवाज सुमारे दोन किलोमीटर परिसरात ऐकू येतो. त्यामुळे गावात किंवा आसपास खेळत असलेले विद्यार्थी तत्काळ घरी परततात. सात वाजताच घरातील मोबाईल आणि टीव्ही बंद करून विद्यार्थी किमान दोन तास अभ्यासाला बसत आहेत. या उपक्रमामुळे विद्यार्थ्यांमध्ये शिस्त, वेळेचे नियोजन आणि अभ्यासाची गोडी निर्माण होत असल्याचे दिसून येत आहे. या उपक्रमाचे कौतुक केवळ ग्रामस्थच नव्हे, तर पालकवर्गाकडूनही होत आहे. भोंग्यामुळे मुलांना नियमित अभ्यासाची सवय लागली असून घरातील वातावरण अधिक शिस्तबद्ध झाले आहे

"तालुक्यात खांडगाव ग्रामपंचायतीने पहिल्यांदाच असा नावीन्यपूर्ण उपक्रम राबवला आहे. 'अभ्यासाचा भोंगा' या उपक्रमाचा विद्यार्थ्यांना निश्चितच चांगला फायदा होणार असून, त्यांच्यामध्ये अभ्यासाची आवड निर्माण होईल.

-प्रवीण सिनारे (गटविकास अधिकारी)

"मुख्यमंत्री समृद्ध पंचायतराज अभियानांतर्गत ग्रामपंचायत कार्यालयावर हा भोंगा बसवण्यात आला आहे. दररोज संध्याकाळी सात वाजता भोंगा वाजवला जातो. त्याचा आवाज दोन किलोमीटरपर्यंत जात असल्याने विद्यार्थी त्वरित अभ्यासाला बसतात. पालकांनाही याबाबत सहकार्य करण्याच्या सूचना दिल्या आहेत. संपूर्ण तालुक्यात शालेय विद्यार्थ्यांसाठी असा उपक्रम राबवणारी खांडगाव ही पहिली ग्रामपंचायत ठरली आहे."

ॲड. विकास गुंजाळ (सरपंच, खांडगाव)

"पूर्वी संध्याकाळी खेळून आल्यावर टीव्ही पाहण्यात किंवा मोबाईलवर गेम खेळण्यात खूप वेळ जायचा. पण आता सात वाजता भोंगा वाजला की आम्हाला समजते की अभ्यासाची वेळ झाली आहे. आम्ही लगेच टीव्ही, मोबाईल बंद करतो आणि अभ्यासाला बसतो. या भोंग्यामुळे आमची अभ्यासाची एक छान सवय झाली आहे."

कु.मोनिका गुंजाळ (विद्यार्थिनी इयत्ता ७ वी)

जिद्द आणि चिकाटीच्या जोरावर 'दिव्यांग' ऋतिकाची गगनभरारी!

​NMMS परीक्षेत जिल्ह्याच्या गुणवत्ता यादीत स्थान; खांडगाव शाळेचे नाव उजळले

​संगमनेर (प्रतिनिधी):
शारीरिक मर्यादांवर मात करत आणि कष्टांची जोड देत जिल्हा परिषद प्राथमिक शाळा खांडगावची इयत्ता आठवीची दिव्यांग विद्यार्थिनी कु. ऋतिका नारायणे हिने 'नॅशनल मीन्स कम मेरिट स्कॉलरशिप' (NMMS) परीक्षेत जिल्ह्याच्या गुणवत्ता यादीत झळकण्याचं दैदीप्यमान यश संपादन केले. आहे. ऋतिकाच्या या यशामुळे तिचे सर्वत्र कौतुक होत असून, "जिद्द असेल तर आकाशही ठेंगणे असते" हे तिने सिद्ध करून दाखवले आहे.
​शारीरिक अडथळ्यांवर मात
ऋतिका ही दिव्यांग असली तरी तिने कधीही आपल्या शारीरिक स्थितीचे भांडवल केले नाही. अभ्यासातील कमालीची हुशारी आणि चित्रकलेतील उपजत आवड या जोरावर तिने शालेय जीवनात आपली वेगळी ओळख निर्माण केली आहे. यापूर्वी इयत्ता ५ वी मध्ये तिची नवोदय विद्यालयासाठी निवड झाली होती. प्रतिकूल परिस्थितीशी संघर्ष करत तिने मिळवलेले हे यश इतर विद्यार्थ्यांसाठी प्रेरणादायी ठरत आहे. तिला लेखनिक म्हणून कु. मिसबाह सय्यद हिने मदत केली.
तिच्या यशात शाळेचे मुख्याध्यापक दादाभाऊ चौधरी,पदवीधर शिक्षिका नीलिमा देशमुख,सारिका डुबे, अशोक शेटे,लता गोडे,नयना धराडे,सुनिता कासार व स्वाती शेटे यांचे मोलाचे मार्गदर्शन लाभले. शिक्षकांनी घेतलेली विशेष मेहनत आणि पालक राजश्री नारायने व नंदकुमार नारायने दिलेला खंबीर पाठिंबा यामुळेच ऋतिकाने गुणवत्ता यादीत स्थान मिळवले.
उत्तुंग यशाबद्दल ऋतिकाचे जिल्हा परिषद आहिल्यानगरचे मुख्य कार्यकारी अधिकारी आनंद भंडारी,शिक्षणाधिकारी भास्कर पाटील,गटशिक्षणाधिकारी बाळासाहेब गुंड,शिक्षण विस्तार अधिकारी मंगला कलगुंडे व केंद्रप्रमुख रवींद्र अनाप आणि
सरपंच,उपसरपंच व गावातील सर्व पदाधिकारी,सर्व शालेय कमिटीचे अध्यक्ष,उपाध्यक्ष सदस्य, पालक यांनी अभिनंदन केले.

​"कु.ऋतिकाची जिद्द आणि तिचा संघर्ष आम्हा सर्वांसाठी अभिमानास्पद आहे. तिच्या स्वप्नांना आता खऱ्या अर्थाने पंख मिळाले आहेत. भविष्यातही ती अशीच प्रगती करेल याची आम्हाला खात्री आहे. तिच्या यशामुळे जिल्हा परिषद प्राथमिक शाळा खांडगावच्या यशात आणखी एक मानाचा तुरा गोवला गेला. "
—रायभान गुंजाळ,अध्यक्ष शाळा व्यवस्थापन समिती खांडगाव.

ऋणातून मुक्त होताना, आठवणींची शिदोरी सोबत नेताना... 🌸

​आज जिल्हा परिषद प्राथमिक शाळा, खांडगावचे आदर्श मुख्याध्यापक आदरणीय श्री. दादाभाऊ काशिनाथ चौधरी सर यांचा सेवापूर्ती गौरव सोहळा अत्यंत उत्साहात आणि भावूक वातावरणात संपन्न झाला.
​गेल्या दोन वर्षांच्या कार्यकाळात सरांनी शाळेला केवळ एक मुख्याध्यापक म्हणून नव्हे, तर एका पालकाच्या मायेने उत्कृष्ट प्रशासन दिले. विद्यार्थ्यांच्या प्रगतीसाठी ध्यास आणि शिक्षकांशी जिव्हाळ्याचे नाते जपत त्यांनी खांडगाव शाळेचा नावलौकिक वाढवला.
​याप्रसंगी ग्रामस्थ, विविध संस्थांचे पदाधिकारी आणि शिक्षकवृंद मोठ्या संख्येने उपस्थित होते. सर्वांच्या डोळ्यांतील ओलावा आणि व्यक्त झालेली कृतज्ञता सरांच्या कार्याची पोचपावतीच होती.
​सरांना पुढील निरोगी आणि सुखमय सेवानिवृत्त जीवनासाठी खूप खूप शुभेच्छा! 💐✨

https://youtu.be/jhML-9ZyHZU

बालवाटिका ज्युनिअर सीनियर केजी वर्ग उद्घाटन

SQUP साठी फोटो

कर्मयोगी प्रशिक्षण साधना

*🍫वाढदिवस अभिष्टचिंतन🍫*
*┈┅━❀꧁ω❍ω꧂*
_*विद्यार्थ्यांना अविरतपणे अतिशय मायने ममतेने शालेय पोषण आहार शिजवून घालणाऱ्या प्रिय सौ.शेळके मावशींना वाढदिवसाच्या मनःपूर्वक शुभेच्छा वाढदिवसाच्या मनःपूर्वक शुभेच्छा 💐💐🎂🎂*_

*┉┅━━━━━━•◆•━━━━━━┅┉*
*_🥀उत्तम आरोग्य आणि उदंड यशदायी आयुष्य लाभो. हीच ईश्वर चरणी प्रार्थना!!!!!!🌹🌹🌹🌹🌹🌹🌹_🥀*
*┉┅━━━━━━•◆•━━━━━━┅┉*
*_जीवेत: शरदं:शतम:_*
_*🄷🄰🄿🄿🅈 🄱🄸🅁🅃🄷🄳🄰🅈*_
▬▬▬▬▬▬ஜ۩۞۩ஜ▬▬▬▬

जूनियर व सिनियर केजी पहिली प्रवेश व वाढदिवस

*अभिनंदन! अभिनंदन!! अभिनंदन!!! 🎉✨*

​ *_जिल्हा परिषद अहिल्यानगर आयोजित: राष्ट्रीय आविष्कार अभियान_*

_​आम्हाला अत्यंत आनंद होत आहे की, जिल्हा परिषद प्राथमिक शाळा खांडगाव येथील विद्यार्थिनी कु. श्रावणी पोपट गुंजाळ हिची 'राष्ट्रीय आविष्कार' अंतर्गत राज्याबाहेरील अभ्यासगत सहलीसाठी निवड झाली आहे. 🚀 ​सन २०२५-२६ या शैक्षणिक वर्षात श्रावणी कर्नाटक राज्यात होणाऱ्या विशेष शैक्षणिक सहलीमध्ये सहभागी होणार आहे. तिच्या या यशाबद्दल तिचे आणि तिला मार्गदर्शन करणाऱ्या शिक्षकांचे मनापासून अभिनंदन! 🎊_

*_​शाळेच्या शिरपेचात मानाचा तुरा रोवणाऱ्या श्रावणीला पुढील प्रवासासाठी खूप खूप शुभेच्छा! 💐📚_*

खांडगाव जिल्हा परिषद शाळेत गोखले शिक्षणशास्त्र महाविद्यालयाचे एकदिवसीय शिबिर संपन्न

​वृक्षारोपण, पर्यावरण जागृती आणि स्वच्छता मोहिमेद्वारे दिला सामाजिक संदेश

​संगमनेर (प्रतिनिधी):गोखले एज्युकेशन सोसायटीच्या शिक्षणशास्त्र महाविद्यालय, संगमनेर येथील बी.एड. प्रथम वर्ष (द्वितीय सत्र) अभ्यासक्रमांतर्गत 'समुदाय सहभाग' (२०८-अ) आणि 'समाज संपर्क उपक्रम' (२०८-ब) या निमित्ताने जिल्हा परिषद प्राथमिक शाळा, खांडगाव येथे एकदिवसीय विशेष शिबिराचे उत्साहात आयोजन करण्यात आले होते. या शिबिरात पर्यावरण संवर्धन, स्वच्छता आणि शारीरिक शिक्षणाचे महत्त्व अधोरेखित करण्यात आले.​विविध उपक्रमांचे आयोजन
​या शिबिराचे नियोजन प्रामुख्याने दोन भागात करण्यात आले होते. पहिल्या सत्रात महाराष्ट्र वनविभाग आणि RYDES Foundation यांच्या संयुक्त विद्यमाने वृक्षारोपण व पर्यावरण संवर्धन कार्यक्रम पार पडला. तसेच, विद्यार्थ्यांनी गावात पर्यावरण जनजागृती फेरी काढून ग्रामस्थांना पर्यावरणाचे महत्त्व पटवून दिले.
​दुसऱ्या सत्रात 'स्वच्छ शाळा अभियान' राबवून संपूर्ण शाळा परिसर चकाचक करण्यात आला. तसेच विद्यार्थ्यांच्या सर्वांगीण विकासासाठी 'शारीरिक शिक्षण दिन' साजरा करण्यात आला, ज्यामध्ये विविध खेळांचे व व्यायामाचे आयोजन करण्यात आले होते.
​विद्यार्थी शिक्षकांचा सहभाग
​हे शिबिर महाविद्यालयाच्या प्राध्यापिका पंडित मॅडम व वाव्हळ मॅडम यांच्या मार्गदर्शनाखाली पार पडले. यामध्ये बी.एड. प्रशिक्षणार्थींच्या चार गटांनी महत्त्वाची भूमिका बजावली:
​गट १: आकांक्षा ज्ञानेश्वर भोर व सहकारी.
​गट २: ज्ञानेश्वर यशवंता सोनवणे व सहकारी.
​गट ३: सुरज रामदास ढोबळे व सहकारी.
​गट ४: युवराज संजय कुलकर्णी व सहकारी.
​कार्यक्रमाला गावाचे सरपंच ॲड. विकास गुंजाळ आणि शाळा व्यवस्थापन समितीचे अध्यक्ष रायभान गुंजाळ यांनी भेट देऊन उपक्रमाचे कौतुक केले व विद्यार्थी शिक्षकांना शुभेच्छा दिल्या. हे शिबिर यशस्वी करण्यासाठी खांडगाव शाळेचे मुख्याध्यापक आणि सर्व शिक्षक वृंदाने मोलाचे सहकार्य केले.​शिक्षण केवळ वर्गात मर्यादित न राहता ते समाजापर्यंत पोहोचले पाहिजे, या उद्देशाने राबवण्यात आलेल्या या उपक्रमाचे सर्व स्तरांतून स्वागत होत आहे.

सोशल ऑडिट व प्रवेश तयारी 👍