تحفظ ناموس صحابہ و رد روافض

تحفظ ناموس صحابہ و رد روافض Contact information, map and directions, contact form, opening hours, services, ratings, photos, videos and announcements from تحفظ ناموس صحابہ و رد روافض, Education Website, Sambhal.

10/02/2025

کیا آپ جانتے ہیں کہ سیدنا الامیر معاویۃ رضی اللہ عنہ کسی سے کیؤں زیر نہیں ہوۓ ؟
اگر نہیں جانتے تو ہم بتاتے ہیں

من حدیث ابن عباس قال جاء رجل الی رسول اللہ صلی اللہ علیہ وسلم فقال یا رسول اللہ انی ارید الغزو فی سبیل اللہ قال علیک بالشام فان اللہ قد تکفل لی بالشام و اھلہ
فضائل الشام ۔۔ الباب الاول ۔۔ رقم ٥
للامام الحافظ ابی الفرج عبد الرحمن بن رجب رحمہ اللہ
المعجم الکبیر المجد ١١
ترجمہ
حضرت ( عبد اللہ ) ابن عباس (صحابی ) نے کہا کہ ایک شخص نے رسول اللہ صلی اللہ علیہ وسلم کی بارگاہ میں آکر عرض کی کہ یا رسول اللہ میں اللہ کی راہ میں ج ہ ا د کا ارادہ رکھتا ہوں فرمایا تم شام میں رہ کر ج ہ ا د کرنا اس لیے کہ اللہ تعالی نے مجھے شام اور اہل شام کی ( حفاظت کی ) ضمانت دی ہے

اللہ اکبر اللہ اکبر
جس کی ضمانت سیدنا محمد رسول اللہ صلی اللہ علیہ وسلم کو دی گئ ہو وہ ضائع کیسے ہو سکتا ہے

مختصر عرض
ملک شام کی گدی آل ابو سفیان نے سنبھالی ہے
چاہیں وہ سیدنا یزید بن ابی سفیان ہوں یا سیدنا معاویہ بن ابی سفیان رضی اللہ عنہم
عامۃ کتب التاریخ

س ا م

06/09/2024



راقم (مجددی ) سیدنا امیر المؤمنین معاویہ بن ابی سفیان رضی اللہ عنہ کی فضیلت ببانگ دہل بیان کرتا ہے اور ان شاء اللہ کرتا رہے گا کیؤں کہ وہ ذات ہی ایسی ہے لیکن اس سے یہ نتیجہ قطعا اخذ کرنے کی اجازت نہیں دیتا کہ کوئ آقا معاویہ رضی اللہ عنہ کی وجہ سے ان کے کپوت یزید کا ترانہ گنگنانے کو کہنے لگے اور اس کی بابت عادل تابعی کا نظریہ رکھے
دو چار لوگوں کو یہی وہم ہوگیا کہ راقم نے قبل از کربلا بتوفیق خدا اس کے فسق میں وارد ہونے والی روایات کا تعاقب کیا اور حقیقت سے روشناس کرایا (بیعت صحابہ کی غایت سے ) تو اب وہ راقم سے بعد کربلا اس کی عدالت ثابت کرنے کو کہنے لگے

ایک صاحب نے راقم سے یہی کہا کہ آپ بعد کربلا بھی اس کی عدالت بیان فرمادیں کہ یہی حق و صواب ہے

راقم ،،
لا حول ولا قوۃ الا باللہ العظیم
یہ کس نے کہہ دیا کہ بعد کربلا بھی وہ عادل ہے مزید ظلم کہ یہی حق ہے
ختم مکالمہ


اگرچہ امامنا الاعظم ابو حنیفہ نعمان بن ثابت رحمہ اللہ کے نزدیک اس کا کفر تواتر سے ثابت نہیں ہے

کربلا کے بعد وہ فاسق ہے فاجر ہے کیؤں کہ فسق و فجور متواتر ہے

اعتراض
دیگر ائمہ اہل سنت نے اس کی تکفیر کی ہے تو ابو حنیفہ نے کیؤں نہیں کی ؟
جواب
یزید اصل میں مومن تھا اور مومن کی تکفیر کے لیے مشاہدہ یا تواتر فرض ہے کہ ایمان و کفر کا معاملہ ہے اور ہمارے امام کے نزدیک اس کا کفر متواتر نہیں ہے
وہ آپ کی طرح شریعت کے مسائل میں عاجل جری نہیں تھے کہ جہاں اپنے مقصد کے خلاف پایا فورا فتوی تکفیر جکڑ دیا

شہادت سیدنا و مولانا حسین و دیگر رفقاء رضی اللہ عنہم کے بعد‌ و دیگر جرائم کے سبب سے فاسق ہوگیا کہ اس بر تواتر ثابت ہے

فلہذا بعد کربلا ہم اس کی بابت نرمی کا‌ گوشہ نہیں رکھتے

س ا م

05/09/2024



آج دو پہر راقم کا سنبھل جانا ہوا تو وہاں ایک مولانا صاحب سے ملاقات ہوئ جو ہمارے قریہ کے قریب کے گاؤں میں ہی امامت کر چکے ہیں اور وہاں ( جہاں امامت کر چکے ) کے لوگوں( جو ہمیشہ صحابہ کرام کی تنقیص شان کا کوئ گوشہ نہیں جانے دیتے )کی چرب زبانی سے بہت متأثر ہو چکے ہیں


باتوں ہی باتوں میں غیر نبی پر علیہ السلام لگانے پر بات چھڑ گئ

امام صاحب ،،
حضرت علی پاک و حسنین کریمین پر علیہ السلام لگانا واجب ہے

راقم علمی لیاقت پرکھنے کی غرض سے ،،
کیسے ؟

امام صاحب ،،
حضرت ! یہ تو آپ کو معلوم ہے لیکن اگر پوچھ ہی رہے ہو تو ۔۔ کیا آپ نماز میں یہ نہیں پڑھتے ہو اللھم صل علی محمد و علی آل محمد

راقم ،،
تو اس سے وجوب ثابت ہوگیا ؟

امام صاحب ،،
اور پھر واجب کسے کہیں گے آپ حضرت !

راقم ،،
اگر کوئ اکثر اس طرح پڑھے ۔۔ صلی اللہ علی سیدنا محمد صلی اللہ علیہ وسلم ۔۔ تو اس پر کیا حکم عائد ہوگا ؟

امام صاحب ،،
یہ اس کی مرضی ہے لیکن ہم آل محمد پر علیہ السلام لگاتے ہیں

راقم ،،
وہ اگر آل نبی پر علیہ السلام نہ لگاۓ تو گنہگار ہوگا ؟

امام صاحب ،،
گنہگار ہونے کی بات کسنے کہی حضرت !

راقم ،،
بس یہ بتا دیجیے کہ وہ گنہگار ہوگا یا نہیں ؟

امام صاحب ،،
حضرت ! کہہ تو رہا ہوں کہ گنہگار ہونے کی کسنے بات کی ؟ وہ گنہگار نہیں ہوگا لیکن آل نبی پر علیہ السلام لگانا چاہۓ

راقم ،،
اب آل نبی پر علیہ السلام لگانا چاہئے پہلے واجب تھا اتنی جلدی کروٹ کیسے بدلنے لگے ؟

امام صاحب ،،
حضرت ! میں کروٹ نہیں بدل رہا ہوں

راقم ،،
حضرت ! آپ تارک الواجب کا حکم جانتے ہیں ؟

امام صاحب ،،
ہاں جانتا ہوں ۔۔ حکم فاسق ہے

راقم ،،
فسق کسے کہتے ہیں ؟

امام صاحب ،،
گنہ کو

راقم ،،
اگر ( اور یقینا ) تارک واجب کا حکم ۔ فسق ہے تو پھر آپ نے یہ کیسے کہ دیا کہ گنہگار نہیں ہوگا ؟
حضرت ! خدارا پہلے معتمد علماء کی بارگاہ میں زانوۓ تلمذ طے کیجیے پھر اصطلاحات پر بحث کیجیے
کہیں ایسا نہ ہو کہ جسے مسائل بتاؤ وہ گمراہ ہوجاۓ

امام‌صاحب قدرے عصے میں ،،
حضرت ! آپ کیا بات کر رہے ہیں ۔۔ کیا آل نبی پر علیہ السلام لگانا حرام ہے جب کہ درود ابراہیمی میں آل نبی پر درور بھیجا گیا ہے

راقم ،،
حضرت ! بگڑیے مت سنجیدگی سے بات کیجۓ ۔۔‌ نعوذ باللہ
یہ کسنے کہہ دیا کہ آل نبی پر علیہ السلام لگانا حرام ہے
رہی بات درورد ابراہیمی کی ۔۔ تو حضرت ! آپ حنفی المذہب ہیں جیسے کہ ظاہر ہے
اولا ۔ فلہذا احناف کے نزدیک نماز میں درود سنت ہے فرض و واجب نہیں یعنی اس کے تارک کو سجدہ سہو کے وجوب کا حکم نہیں ہے لیکن کرنا بہتر ہے
ثانیا ۔ نماز میں التحیات ( تشہد ) پڑھنا واجب ہے اور اس میں یہ ہے
السلام علینا و علی عباد اللہ الصالحین
مطلب اس میں مصلی کو خود پر سلام‌ کرنے کا حکم ظنی (‌ واجب ) ہے
تو پھر ہم بھی علیہ السلام ہیں
حضرت ! ہم ایک دوسرے سے ملاقات کرتے ہیں تو اس کی ابتداء و انتہاء پر کہتے ہیں
السلام علیکم
تو پھر ہمارا نام لینے کے بعد بھی آپ کے بقول علیہ السلام لگانا واجب ہو جانا چاہیے
حضرت ! کم از کم کم از کم ( بتکرار ) علماء کے صحبت بافتہ تو بنیے کہ بیان مسائل میں جری نہ ہو سکو جہلاء کے نہیں
ثالثا ۔ فرض کا حکم کس دلیل سے بنتا ہے واجب کا کس دلیل کا متقاضی ہوتا ہے اور سنت و مستحب کس دلیل سے مستنبط ہوتے ہیں یہ علماۓ قران کا کام ہے جہلاۓ زمان کا نہیں
رابعا ۔ (علیہ السلام ) معنوی اور اصطلاحی دونوں حکم رکھتا ہے
معنوی اعتبار سے ہر مسلمان کے لیے جائز ہے چوں کہ دعائیہ کلمہ ہے
اصطلاحی اعتبار سے اس کا اصالۃ استعمال انبیاء و رسل علیھم الصلوۃ و السلام کے لیۓ خاص ہے
حضرت !آپ برا مت مانیے مجھے آپ کی گفتگو سے اندازہ ہوگیا کہ یہ آپ سے باؤنسر ہورہا ہے

امام صاحب حیرت سے ،،
نا نا حضرت ! اس میں برا ماننے کی کیا‌ بات ہے قسم سے بہت چیزیں سمجھ میں آگئیں اگرچہ بعد والی سمجھ میں نہ آئ
ایسے تو پھر جیسی دلیلیں وہاں (‌جہاں امامت کی تھی ) کے لوگ دیتے ہیں ہر مسلمان کو علیہ السلام کہنا چاہئے
چلیے حضرت !‌ اب آپ سے بہت چیزوں کی معلومات حاصل کرنا چاہوں گا ان شاء اللہ فون رسیو کر لینا

راقم ،،
رافضیت و خارجیت اور نماز روزہ کی بابت پوچھنا الحمد رافضیت و خارجیت کے دانت کھٹے کرنا جانتا ہوں دیگر بڑے مسائل کا استفسار مرجع الفتاوی علماۓ کرام کی بارگاہ میں کریں

،،،، نوٹ ،،،،

اس مسئلے ( غیر نبی پر علیہ السلام کا استعمال ) میں تفصیل ہے
امام صاحب سے اس مسئلے‌ پر جتنی بحث ہوئ تھی وہی رقم کی ہے

راقم کا موقف
غیر نبی پر تبع کے طریق سے جائز ہے
اب چوں کہ خود کو اہل سنت کہلانے والے کچھ لوگ آل بنی پر علیہ السلام کا استعمال ان کی بابت معصومیت (اہل سنت کے خلاف ہے )کا عقیدہ رکھ کر کرتے ہیں
ہم اسی لیے‌ احتراز کرتے ہیں

03/09/2024



مزاحیہ مکالمہ

ایک ان پڑھ سنی نے ایک شی عہ عالم سے کہا ک
علامہ صاحب ! کیا آپ سیدنا ابو بکر صدیق رضی اللہ عنہ کو خلیفہ تسلیم کرتے ہیں ؟

علامہ صاحب ۔۔ جی ہم خلیفہ بفصل تسلیم کرتے ہیں لیکن خلیفہ بلا فصل مشکل کشا امیر المؤمنین علی علیہ السلام کو مانتے ہیں

سنی ۔۔ ایسا کیؤں ؟
شی عہ عالم ۔۔ خلافت پر ان کا کوئ حق نہیں تھا حق حیدر کرار امیر المؤمنین علی علیہ السلام کا تھا

سنی ۔۔ علامہ صاحب ! ہمارے علماۓ کرام نے ہمیں جیسے بتایا ہے اس کے مطابق تو آپ قرآن کریم کے خلاف بول رہے ہیں

شی عہ عالم ۔۔ برادرم ! ہم قرآن مجید کے خلاف نہیں آپ اور آپ کے علماء اور وہ خلفاء جن کو آپ سینوں سے لگاتے ہیں قرآن کریم کے مخالف ہیں

سنی حیرت سے .. کیا بات کر رہے ہیں علامہ صاحب ! توبہ کیجیے

شی عہ عالم ۔۔ توبہ ہم نہیں آپ اور آپ کے علماء اور وہ خلفاء کریں جو حق کھا کھا کر قبروں میں چلے گۓ
ہمارے علماء تو در کنار آپ خود اپنے سنی علماء کی تفاسیر کا مطالعہ کریں صاف الفاظ میں لکھا ہوا ہے کہ جب وآت ذا القربی حقہ آیت نازل ہوئ تو نبئ کریم علیہ السلام نے باغ فدک سیدہ خاتون جنت فاطمہ زہرا علیھا السلام کو ہبہ فرما دیا تھا ۔۔ پڑھیں آپ اپنے گھر کی تفسیر در منثور

سنی ۔۔ علامہ صاحب ! بات چل رہی تھی خلافت کی اور آپ نے باغ فدک لاکر کھڑا کر دیا

شی عہ عالم غصے میں ۔۔ جس طرح باغ فدک غصب کر لیا تھا اسی طرح خلافت چھین لی تھی
کیا آپ کو معلوم نہیں کہ ان خلفاء کی بیعت تسلیم کرانے کی غرض سے جبر کیا گیا تھا

سنی ۔۔ ہم تو سیدنا علی المرتضی کرم اللہ وجہہ الکریم کو چوتھا خلیف مانتے ہیں
رہی بات جبرا بیعت تسلیم کرانے کی تو وہ تو سیدنا علی المرتضی رضی اللہ عنہ کی بیعت کے وقت بھی ہوا تھا

شی عہ عالم تاویل کرتے ہوے ۔۔ آپ کے علماء نے آپ کو تیار اور پڑھا چڑھا کر بھیجا ہے آپ اس اعتبار سے امیر المؤمنین کو چوتھا خلیفہ مانتے ہیں کہ ان کو ظاہری خلافت چوتھے نمبر پر ملی تھی
جبکہ وہ خلیفہ بلا فصل ہیں
رہی بات امیر المؤمنین علیہ السلام کی بیعت جبرا تسلیم کرانے کی تو یہ تو تاریخ میں ہے کہ ایسا ہی ہوا تھا لیکن جو رسول اللہ کا سچا خلیفہ ہو تو اس کی بیعت کے وقت رو گردانی کافروں کا کام ہے
سنی ۔۔ علامہ صاحب ! معاذ اللہ آپ نے جن صحابہ کے فعل کو کار کفار سے تعبیر کیا ہے وہ ان صحابہ کا اجتہاد تھا
جب آپ نے حضرت سیدنا علی رضی اللہ عنہ کو مشکل کشا مان لیا تو جبرا بیعت تسلیم کرانا کیا معنی رکھتا ہے ؟

شی عہ عالم منطقی جواب دیتا ہوا۔۔ جی وہ مشکل کشا ہیں اسی لیے تو وہ اپنے راستے کی مشکلات کو ختم کرا رہے تھے

سنی سراپا منطق بن کر ۔۔ تو پھر علامہ صاحب ! جب حضرت سیدنا علی المرتضی کرم اللہ وجہ الکریم خلیفہ بن گۓ تھے تو وہ باغ جو خلیفہ اول حضرت ابو بکر رضی اللہ عنہ نے سیدہ فاطمہ الزہرا رضی اللہ عنہا سے چھین لیا تھا تو وہ واپس کیؤں نہیں لیا

شی عہ عالم کچھ وقت خاموشی کے بعد ۔۔ برادرم ! جب سیدنا امیر علیہ السلام کو ظاہری خلافت ملی تھی تو اس وقت وہ ظاہرا زندہ نہیں تھیں جن کا حق تھا یعنی سیدہ فاطمہ سلام اللہ علیھا

سنی ۔۔ علامہ صاحب !‌ ہمیں تو یہ بتایا گیا ہے کہ سنی اور شی عہ اس پر متفق ہیں کہ ماں کی جائداد و دولت کے وارث اس کے اقرباء ہوتے ہیں
تو کیا اس وقت حضرات حسنین وغیرھما رضی اللہ عنہم زندہ نہیں تھے ؟
اگر زندہ نہیں تھے تو پھر حضرت معاویہ رضی اللہ عنہ سے صلح کس نے کی تھی ؟
اور یزید پلید سے جنگ کس نے کی تھی ؟

شی عہ عالم ۔۔ میرے بھائ !
یہی سوال حضرت امیر علیہ السلام سے بھی ہوا تھا کہ
اب تو آپ خلیفہ بن گۓ ہیں حق فاطمہ واپس کیؤں نہیں لے رہے ؟
تو حضرت امیر علیہ السلام نے فرمایا تھا کہ ہم آل محمد کا یہ دستور ہے کہ ہم سے جو چیز جبرا چھین‌ لی جاتی ہے ہم اسے واپس اپنے قبضے میں نہیں لاتے

سنی خطری منطقی بن کر ۔۔ علامہ صاحب ! آپ نے مجھے مزید حیرت میں ڈال دیا آپ ایک طرف یہ بھی کہتے ہیں کہ خلافت بھی جبرا ضبط کرلی تھی اور باغ فدک بھی اور ایک طرف یہ بھی کہتے ہیں کہ رسول اللہ کے سچے خلیفہ کی بیعت سے روگردانی کار کفار ہے اس لیے جبرا بیعت لی گئ
تو پھر جب حق خلافت ضبط ہوگیا تھا‌ تو اس کے بعد بھی اس پر متمکن کیؤں ہو گۓ جبکہ آل محمد‌‌ کا یہ مزاج ہے کہ وہ چھینی ہوئ چیز پر قبضہ نہیں کرتے ؟
اور حضرت سیدنا‌‌ علی رضی اللہ عنہ جس طرح باب خلافت میں اپی راہ کی مشکل کشائ کرا رہے تھے تو سیدہ پاک کی کیؤں نہیں‌ کی ؟

شی عہ لمبی لمبی سانس لینے کے بعد ۔۔ میرے بھئ !
آپ کی سمجھ میں نہیں آۓ گا

یہ کہہ کر بھاگ گیا

میرے عزیز ! یہ کہانی راقم نے خود بنائ ہے فقط اپنے عوام کو الزامی جواب سکھانے کی غرض سے

میرے عزیز ! بس کچھ الزامی جواب کی تیاری کر لیجیے چونکہ روافض کے گلے انہیں سے سوکھے پڑتے ہیں اور راقم ( مجددی ) ہمیشہ اپنی کمان میں وہ تیر ( الزامی جوابات ) ضرور رکھتا ہے مگر فقط تحفظ کی غرض سے آپ بھی ضرور توجہ دیں ان شاء اللہ روافض کی دکانیں بند ہوجائیں گی
اور الزامی جواب کی تحصیل کے لیے اپنے علماۓ کرام زادھم اللہ شرفا کی بارگاہ میں جانا ضروری ہے

اگر کسی اپنے یا پرایہ کے ذہن میں صحابہ کرام علیھم الرضوان کی بابت کوئ اعتراض ہو تو بے خوف انبوکس آکر رکھ سکتا ہے

30/08/2024



جیسے ہی عرس رضوی کی آمد ہوتی ہے تو کچھ مولویوں کی پھٹی آنکھیں اس پر ایسے جم جاتی ہیں گویا کہ پرواز زنبور عسل بھی نگاہوں سے غائب نہ ہو کہ کہیں جسم بوسی نہ کر جاۓ
راقم ایک صبح سے کچھ مولویوں کی بھونڑی تحریرات (اب فلاں مولوی اس کے خلاف بول رہا ہے فلاں اس کے خلاف چیخ رہا ہے ) پڑھ پڑھ کر بےزار اور ہو گیا
یہ یاد رکھیں کہ گستاخان صحابہ و اہل بیت کا ہر حال میں تعاقب کیا جاۓ گا توبہ و رجوع کا ڈھونگ ایک دو بار کار آمد ہو سکتا ہے بار بار اسی عظیم شخصیت اسی عظیم ناشر و ناصر الاسلام ( سیدنا امیر معاویہ رضی اللہ عنہ ) کے خلاف زبان درازی



جن اعراس میں بالفاظ صریحہ صحابئ رسول سیدنا امیر معاویہ رضی اللہ عنہ کی توہین ہوتی ہے تو کیا ان اعراس و جلسہات مواقع پر تمہاری آنکھوں کی بصارت سیر پر چلی جاتی ہے بصارت تو درکنار بصیرت بھی تفریح پر ہوتی ہے کیؤں ان جلسوں و عرسوں پر چپی سادھ لیتے ہو ؟

اب تمہیں اتحاد کی کاشت کاری کی ضرورت در پیش ہوگئ پہلے تو اپنے منبروں کے توسل سے بذر غلیظ ڈلواتے ہو پھر کہتے ہو کہ متحد ہوکر آراضی کی حفاظت کی جاۓ
کما تدین تدان فقط

ہاں یہ ضرور ہے کہ اختلافی مسائل میں مزید روغن اندازی نہ کی جاۓ لیکن‌ احترام صحابہ و اہل بیت کرام تو اجماعی مسئلہ ہے

س ا م

30/08/2024

Agar Aap Adab Se Imam Ahmad Riza رحمہ اللہ Ka Name Boldo To Khud Hi Haq O Batil Khas Tor Se Kharji Aur Rafzi Ka Pata Chal Jayega

28/08/2024

رضی اللہ عنہ

حضرت سیدنا امیر المؤمنین حامی الاسلام فاتح الاسلام مظہر الاسلام (اسلام کا رعب بنانے والا) ناصر الاسلام سلطان الاسلام قاطع الکفر و عناد الاسلام صحابئ پیغمبر اسلام آقا مولی ناشر دروس القرآن معاویہ بن ابی سفیان رضی اللہ عنہ وہ عظیم ہستی ہے جو محدود کھوپڑی جامد دماغ والوں کی سمجھ سے بالا‌تر ہے
واللہ العظیم جب‌ سیدنا‌ معاویہ رضی اللہ عنہ کی فتوحات پڑھتا ہوں تو یہ کہنے پر مجبور ہوجاتا ہوں کہ اگر سیدنا معاویہ رضی اللہ عنہ اپنے تمام تر کمالات کے ساتھ اس دور میں ہوتے تو تمام روۓ زمین پر فقط پرچم اسلام لہرتا نظر آتا
کوئ بھی اہل اسلام کی طرف غلط نظر ڈالنے کا تخیل بھی نہ باندھتا
اسی لیے آل نصاری و یہود ان سے عناد رکھتے ہیں

س ا م

27/08/2024



رافضیت کی طرف بڑھتے رجحانات کی روک تھام
بزبان شاعری
فردوس ہند ( دار العلوم اشرفیہ مبارک پور ) سے سند یافتہ کچھ نام نہاد مصباحیوں کی روش بد کا غم ماز کلام

مترنم و کلام گو وکیل صحابہ ابو زفر س ا م

27/08/2024



واللہ العظیم مجھے تو حیرت ہوتی ہے کہ کچھ پلوں نے سیدنا امیر المؤمنین معاویہ بن ابی سفیان رضی اللہ عنہ کو پتا نہیں کیا سمجھ رکھا ہے کہ ان پر بھوکتے رہتے ہیں
اگر ان کا غلبہ بر کفر پڑھلیں تو بحر حیرت میں اتنی غوطہ زنی کریں گے کہ جسم کے ہر عضو سے آب حیرت کا بتسلسل بہنا دیکھیں گے

ھل یزید بن معاویہ ناجی ؟شرح العلامۃ المحدث الفقیہ احمد ولی اللہ بن مولانا عبد الرحیم المعروف ب المحدث الدھلوی رحمہ اللہ...
26/08/2024



ھل یزید بن معاویہ ناجی ؟

شرح العلامۃ المحدث الفقیہ احمد ولی اللہ بن مولانا عبد الرحیم المعروف ب المحدث الدھلوی رحمہ اللہ فی رسالۃ شرح تراجم ابواب البخاری کتاب الجہاد فی باب ما قیل فی قتال الروم
واعلموا ! ان ھذا التشریح نفیس التشریحات عند الراقم ( المجددی )
قال المحدث
قولہ ۔ مغفور لھم ۔۔ تمسک بعض الناس بھذا الحدیث فی نجاۃ یزید لانہ کان من جملۃ ھذا الجیش الثانی بل کان رأسھم و رئیسھم علی ما یشھد بہ التواریخ ۔ والصحیح انہ لا یثبت بھذا الحدیث الا کونہ مغفورا لہ ما تقدم من ذنبہ علی ھذہ الغزوۃ لان الجہاد من الکفارات و شأن الکفارات ازالۃ آثار الذنوب السابقۃ علیھا لا الواقعۃ بعدھا

فلہذا لا اسلم العلماء الذین قالو یزید بن معاویۃ ناجی علی الاطلاق
ولکنہ ممکن ان شاء اللہ فیغفر جرائمہ لان کفرا لہ لیس بمتواتر عند الاحناف
المقصد لمرقومات الراقم ( المجددی ) ہذا ۔۔ ان نجاۃ یزید معلقۃ علی مغفرۃ اللہ الغفور

ا م

Address

Sambhal

Website

Alerts

Be the first to know and let us send you an email when تحفظ ناموس صحابہ و رد روافض posts news and promotions. Your email address will not be used for any other purpose, and you can unsubscribe at any time.

Shortcuts

Share

Category