09/09/2024
आपली शाळा-आपला अभिमान!
सन्मान कर्तुत्वाचा! सन्मान दातृत्वाचा!
आपणास कळविण्यास मनस्वी आनंद वाटतो आहे की,रविवार,दि.८ सप्टेंबर २०२४ रोजी रोटरी क्लब ऑफ अहमदनगर इंटेग्रिटी आणि सांदिपनी अकॅडमी,अहमदनगर यांच्या संयुक्त विद्यमाने आयोजित पुरस्कार वितरण सोहळ्यात स्व.अप्पासाहेब धनवटे मेमोरिअल चॅरिटेबल ट्रस्टचे लिट्ल एंजल्स स्कूल व ज्युनिअर कॉलेज,पुणतांबा महाविद्यालयाचे उपप्राचार्य श्री.सुरेश पटारे आणि सहशिक्षिका सौ.अश्विनी घाडगे यांचा अनुक्रमे आदर्श विद्यालय आणि विद्याविभूषण पुरस्काराने श्रीमती.मीनाताई जगधने-चेअरमन रयत संकुल, श्रीरामपूर तसेच मा.श्री.अक्षयदादा कर्डिले-भारतीय जनता पार्टी युवा मोर्चा जिल्हाध्यक्ष, अहिल्यानगर यांच्या शुभहस्ते सन्मान करण्यात आला.
याप्रसंगी प्रमुख अतिथी म्हणून श्री.अशोक कडूस-शिक्षणाधिकारी (माध्यमिक),श्री.भास्कर पाटील-शिक्षणाधिकारी (प्राथमिक),श्री.बाळासाहेब बुगे-शिक्षणाधिकारी (योजना),श्री.दिनकर टेमकर-माजी शिक्षण संचालक,महाराष्ट्र राज्य आणि इतर मान्यवर उपस्थित होते.
सदर पुरस्कार वितरण सोहळ्यात जिल्ह्यातील एकूण शंभर पेक्षाही जास्त पुरस्कारप्राप्त शाळांचा सहभाग होता.तसेच राहता तालुक्यातून फक्त दोनच शाळांची निवड करण्यात आली होती.ही उल्लेखनीय बाब आहे.
स्व.आप्पासाहेब धनवटे मेमोरियल चॅरिटेबल ट्रस्टचे सर्वेसर्वा आदरणीय डॉ.श्री.धनंजय धनवटे, व्हा.चेअरमन मा.श्री राहुल धनवटे, संचालिका सौ.वैजयंती धनवटे आणि इतर सर्व पदाधिकारी यांच्या अथक परिश्रमातून आणि योग्य मार्गदर्शनातून विद्यालयाला मिळालेला हा बहुमान निश्चितच कौतुकास्पद आणि प्रेरणादायी आहे.
सर्व पालक,विद्यार्थी,शिक्षक-शिक्षकेतर कर्मचारी,हितचिंतक यांचे मनःपूर्वक आभार.
धन्यवाद !
