Shri Sainath Balak Mandir, Chinchwad - श्री साईनाथ बालक मंदिर, चिंचवड

नमस्ते बाल दोस्तांनो🙏🏻 तुम्ही सगळेजण रोज छान छान ऍक्टिव्हिटीज करताय ते बघून आम्हाला सगळ्यांना खूप आनंद होतोय. आता उन्हाळ्याच्या सुट्ट्या सुरू आहेत. तुम्ही सगळेजण अधून मधून आईस्क्रीम सुद्धा खाताय हो ना... चला तर मग आज आपण आईस्क्रीमच्या स्टिक पासून ऍक्टिव्हिटी करू. यासाठी आपल्याला आईस्क्रीमच्या तीन काड्या लागणार आहेत. एक मोठी, आणि दोन छोट्याशा. आता या तिन्ही काड्यांना छान तुम्हाला आवडणारा रंग द्या. दोन छोट्या काठ्या फुलीच्या आकारात मोठ्या काठीला चिकटवा. चित्रात दाखवले तसे दोन छोटे छोटे डोळे काढा. आपलं फुलपाखरू झालं तयार ! आता समजा तुमच्याकडे अशा छोट्या काड्या नसतील तर तुम्ही आपल्या ताई दादा कडून कागदावरती फुलपाखराचे पंख काढून घ्या आणि ते पंख ह्या काडीला चिकटवा. आम्ही तुमच्या फुलपाखराच्या फोटोची वाट पाहतोय.

नमस्ते बाल दोस्तांनो🙏🏻 आज आपण खाऊची ऍक्टिव्हिटी करू बरं का... सर्वात आधी एक उंच भांडे घ्या ( गंज ). त्यामध्ये अर्धी वाटी दही घाला आणि दीड वाटी पाणी घाला. आता हे सगळं रवीने घुसळा. शंभर अंक पूर्ण होईपर्यंत घुसळा. मग रवी धुऊन जागेवर ठेवा. ताकामध्ये किंचित काळं मीठ घाला. कोथिंबीरीची आणि पुदिन्याची दोन तीन पान घाला.चमच्याने ढवळा, ग्लासमध्ये ओता आणि पिण्याच्या आधी फोटो काढा... असं ताक रोज दुपारी जेवण झाल्यावर प्या आणि हेल्दी रहा.😊👍🏻

आज आपण कागदाचं गाजर करायला शिकूया. तुमच्याकडे असेल तर केशरी रंगाचा रंगीत कागद घ्या. चणे खायला करतात तसा त्याचा कोन तयार करा. मग कात्रीने वरून त्याला गोल आकारात कापा. आता हिरव्या रंगाच्या कागदाचं गवत करून ह्या कोनामध्ये लावा. कोनाला काळ्या स्केचपेनने छोट्या छोट्या आडव्या रेषा द्या. झालं आपलं गाजर तयार. ग्रुप वरती आपल्या मित्र-मैत्रिणींना फोटो पाठवायला विसरू नका.

१ मे महाराष्ट्र दिन
कार्यकारी मुख्याध्यापिका सौ.रेवती नाईक यांच्या शुभहस्ते झेंडावंदन कार्यक्रम संपन्न झाला.

स्कूल चले हम......
श्री साईनाथ बालक मंदिर
नवीन प्रवेश सुरू

५४ वर्षाची गौरवशाली परंपरा असलेले, ३ ते ६ वयोगटातील बालकांचा सर्वांगीण विकास करणारे, संस्कारक्षम पिढी घडवणारे , पिंपरी चिंचवड मधील एकमेव बालक मंदिर.... श्री साईनाथ बालक मंदिर... आजच आपल्या पाल्याचा प्रवेश निश्चित करा. मर्यादित जागा शिल्लक.
सेमी इंग्रजी आणि इंग्रजी माध्यम