Educational Activity Research Centre, Pune (2026)

31/12/2025

✨ वर्गाबाहेरची शाळा: शिक्षण दूत सहल ✨

"वेल्हे आणि पानशेत हीच आमची रोजची ठिकाणं.. मुलांचे तास घेण्यासाठी शाळेत जातो.. मी शिकते आणि तास घेते.. ही शेती करते आणि तास घेते.. आणि त्या दोघी घर, शेती सांभाळून तास घेतात." असा हा आमचा शिक्षणदूत ताईंचा गट...
वेगळ्या जागी पहायला, फिरायला आणि अभ्यास करायला म्हणून
आम्ही कोल्हापूरला गेलो... म्हणजे मोठ्या ताई दादांनी आम्हाला नेलं..
वेगळ्या ढंगाच्या भागातील ही दोन दिवसांची शैक्षणिक सहल कायम लक्षात राहील... 🚌🚩

🏰 दिवस १: ऐतिहासिक पन्हाळगडापासून सुरुवात..तटबंदी, दरवाजे, धान्य कोठारे आणि त्या काळातील पाणी व्यवस्थापन पाहताना 'निरीक्षणाची एक नवीन दृष्टी' मिळाली. पुस्तकात वाचलेला शिवाजी महाराजांचा इतिहास डोळ्यांसमोर जिवंत झाला. त्यानंतर ज्योतिबा आणि महालक्ष्मीच्या दर्शनाने मनाला एक वेगळीच शांतता आणि ऊर्जा मिळाली. दिवसभराच्या प्रवासात गटभावना आणि परस्पर सहकार्याचा एक सुंदर धागा विणला गेला. 🤝

🏫 दिवस २: सहलीच्या दुसऱ्या दिवशी शिक्षणातील सृजनशीलता आणि कोल्हापूरचा वारसा अनुभवता आला. दिवसाची सुरूवात रंकाळ्याच्या काठावर उपासनेने झाली. न्यू शाहू पॅलेसमध्ये छत्रपती शाहू महाराजांचा वारसा, शस्त्रे आणि चित्रे पाहून आम्ही थक्क झालो. पण या सहलीचा खरा 'टर्निंग पॉईंट' ठरला 'सृजन आनंद' शाळेला दिलेली भेट. सुचिता पडळकर ताईंशी झालेला संवाद आणि शाळेतील नावीन्यपूर्ण प्रयोग पाहून शिक्षणाकडे पाहण्याचा आमचा दृष्टिकोन अधिक प्रगल्भ झाला. कोल्हापुरातील सन्माननीय सदस्य श्री. ऋषीकेश जाधव यांनी सांगितलेल्या स्वामी विवेकानंदांच्या कथांनी एकाग्रता आणि प्रगल्भ विचार या मूल्यांचे महत्त्व समजले. 🧠✨

या दोन दिवसांत आम्ही फक्त फिरलो नाही, तर "अनुभवातून शिक्षण" (Experiential Learning) म्हणजे काय असते, हे प्रत्यक्ष जगलो. वेळापत्रकाच्या पलीकडे जाऊन संवाद, चिंतन आणि गटबांधणीतून आम्ही स्वतःला अधिक समृद्ध केले.
अनुभव, संस्कृती आणि शिक्षणाचा हा अनोखा संगम आमच्या स्मरणात कायम राहील! 💫

#ज्ञानप्रबोधिनी #विकासमित्र #शिक्षणदूत #कोल्हापूरडायरी #अनुभवातूनशिक्षण #पन्हाळा #सृजनआनंद #इतिहास #शिक्षण

30/12/2025

🌟 SHAPING THE SCIENTISTS OF TOMORROW! 🌟
We are thrilled to share the outstanding results of our Dr. Homi Bhabha Balvaidnyanik Competition Guidance Classes (2025–26) 🧪🔬

With curiosity, consistency, and the right guidance, our students proved that the sky is truly the limit!
✨ 14 brilliant young minds have successfully qualified for the next level of this prestigious examination.

🏆 Our Success Hall of Fame
🔹 Std. 6 (English Medium): 11 Students Selected
🔹 Std. 6 (Marathi Medium): 2 Students Selected
🔹 Std. 9 (English Medium): 1 Student Selected

🌟 Why the Homi Bhabha Examination Matters:
The Homi Bhabha Exam plays a crucial role in nurturing scientific temperament, logical thinking, creativity, and problem-solving skills among students. It encourages learners to move beyond textbooks, explore innovative ideas, and build a strong foundation for academic and competitive excellence. Most importantly, it boosts confidence, curiosity, and a lifelong love for learning at an early age.

🧠 How We Made It Happen:
✅ Level 1 - Theory classes daily for Std. 6 & Std. 9
✅ Early practical sessions
✅ Specialized intensive guidance for selected students on 20th December
✅ Hands-on practical workshops for other students on 25th December

👏 A huge congratulations to our talented students!
🙏 And a special shoutout to our dedicated faculty. The passion for nurturing young scientific minds truly made the difference!

29/12/2025

पढ़ाई से दोस्ती....चुकीचं वाचलं का? नाही नाही. हा आणखी एक प्रकल्प..
अभ्यासाशी मैत्री??? कसं शक्य आहे?
जरा वेळ काढून वाचा...
पढ़ाई से दोस्ती म्हणजे फक्त अभ्यास नाही, तर शिकण्याची सवय लावण्याचा प्रयत्न.
📍 रायगड, सोलापूर आणि धाराशिव जिल्ह्यांत अशा ४१ केंद्रांवर प्रकल्प यावर्षी सुरू केला आहे. सध्या प्रकल्पाचा पहिला टप्पा सुरू आहे.
ग्रामीण व वस्ती भागात, अनौपचारिक वातावरणात चालणाऱ्या सत्रांमधून
विद्यार्थ्यांपर्यंत शिक्षण पोहोचवण्याचा हा प्रयत्न आहे.
दोस्ती कशी करायची? त्यासाठी ह्या मुद्द्यांवर काम सुरू आहे.
🔹 मूलभूत शैक्षणिक कौशल्यांवर
🔹 निरीक्षण, वर्गीकरण, वाचन अशा learning skills वर
हेच मुद्दे विद्यार्थ्यांच्या अभ्यास सवयी आणि अभ्यास कौशल्य घडवण्यासाठी महत्त्वाचे ठरतात.

केद्रांत विद्यार्थी नियमित येत असून उपस्थिती पण टिकते आहे. पण खरा प्रश्न आहे —अभ्यासाकडे पाहण्याची पद्धत बदलते आहे का? हाच प्रश्न डोक्यात घेऊन
१९ ,२० डिसेंबर रोजी सोलापूरमधील पढ़ाई से दोस्तीच्या तीन केंद्रांना भेट दिली.ऑगस्टपासून नियमित सुरू असलेल्या या केंद्रांमध्ये विद्यार्थ्यांचा सहभाग, सत्रातील गुंतवणूक आणि हळूहळू घडत जाणारे बदल प्रत्यक्ष पाहायला मिळाले. १४ शिक्षण मित्र आणि ४४ पढाईचे दोस्त यांच्याशी गप्पा! आणि काय हवं!
प्रगती लगेच दिसत नाही.
ती हळूहळू सवयींमध्ये, विचारांमध्ये आणि शिकण्याच्या पद्धतीत उतरते.
पढ़ाई से दोस्ती हा प्रकल्प
अशाच दीर्घकालीन, अर्थपूर्ण बदलासाठी काम करत आहे.
ही केंद्रभेटी बद्दल लिहिण्याच्या निमित्ताने नव्याने सुरू झालेला प्रकल्प सर्वांपर्यंत पोहोचवता आला..

28/12/2025

तब्बल २६ वर्षांनंतर पडसरे (ता. सुधागड) येथील अनुदानित आदिवासी आश्रम शाळेचे एकुण १०६ विद्यार्थी सहलीसाठी 23 डिसेंबरला पुण्यात दाखल झाले. १०० दिवसांच्या शाळेतील विद्यार्थ्यांची एकेकाळी सहल पुण्यात आली होती. त्यानंतर ही अवघी दुसरी पिढी पुणे दर्शनासाठी आल्याचे लक्षात आले. साहजिकच विद्यार्थ्यांचा उत्साह बसमधून खाली उतरल्यापासूनच अगदी शिगेला पोहोचला होता.
कात्रज प्राणी संग्रहालयात सापांच्या प्रजातींचा धावता आढावा घेतला. धावता यामुळे; कारण आदिवासी विद्यार्थ्यांना सापांचे कसले आले कौतुक? त्यांचे ते नेहमीचेच.. त्यांना लागली होती ओढ सिंहाला डोळे भरून पाहायची. दरम्यान वाटेत अस्वल काकांनी मान हलवून अभिवादन करत पुढचा मार्ग दाखवला आणि अखेर निवांतपणे सावलीत पहुडलेल्या वनराजाचे दर्शन झाले.
मसालेदार ,चविष्ट खिचडी फस्त करून विद्यार्थी पोहोचले शनिवारवाड्याला भेट देण्यासाठी. कात्रज उद्यानात फिरतांना असलेला उत्साह मात्र शनिवारवाड्यात प्रवेश करताच "इथं तर काहीच नाहीये" अशा चर्चांद्वारे ढासळणारच होता; तोच प्रकाश सरांनी 'ध चा मा' हा शब्दबोध इथूनच झाला हे सांगत थोडक्यात पेशवा साम्राज्याचा उलगडा केला. तेव्हा कुठे "इथं बरंच काही घडलंय", हा साक्षात्कार विद्यार्थ्यांना झाला.
'डोळे भरून आता पुणे पहायचं' तर त्याचं सर्वोत्तम माध्यम म्हणजे मेट्रो. शनिवारवाड्यातून मोर्चा निघाला जिल्हा न्यायालयाच्या मेट्रो स्थानकाकडे. तिथे गेल्यावर मेट्रोच्या अधिकाऱ्यांनी व कर्मचाऱ्यांनी विद्यार्थ्यांचे स्वागत करत सर्वांना मेट्रोची विशेषता व विविधता समजावून सांगितली. दुसरीकडे मात्र विद्यार्थ्यांचा ओघ 'कधी एकदा मेट्रोत बसतो' याकडे वळला. एकदाचा सुरू झाला जिल्हा न्यायालय ते पिंपरी चिंचवड म.न.पा.पर्यंतचा मेट्रो प्रवास.
अधिकाऱ्यांच्या विनंतीला मान देऊन ५ वाजता बंद होणारे विज्ञान केंद्र, ७ वाजेपर्यंत सुरू ठेवण्याचे ठरले. हे समजल्यावर विद्यार्थ्यांना कधी नव्हे ते पाहिलेल्या प्रत्येक वस्तूला हाताळत त्यातील वैज्ञानिक भाव समजून घेण्यात कसलीही कसर सोडली नाही. शिवाय अवकाशदर्शनासाठी सर्व जणांनी एकत्र जमून आपल्या आकाशगंगेतील विविधता जाणून घेतली. त्यादरम्यान मात्र शांतता आणि निवांतपणाच्या कल्लोळात काही जण स्वप्नरंजनात केव्हा विरून गेले, कळलंच नाही.
दिवसभराच्या पायपीटीने आलेला थकवा कमी करायला सहलीच्या शेवटच्या टप्प्यात विद्यार्थ्यांना ज्ञान प्रबोधिनी , निगडी प्रशालेत नेले.
पटापट हात-पाय धुवून कसलाही विचार न करता सुरस जेवणावर भरपेट ताव मारला. भोजनानंतर विद्यार्थ्यांना थोडक्यात प्रशाला भेट घडवून आणली. आश्रम शाळेच्या मुख्याध्यापकांनी आभार मानत निवांतपणे पुण्यात पुन्हा येण्याचे सांगून सहलीची सांगता केली . विद्यार्थ्यांनी सर्व ताई दादांचा उत्साहात निरोप घेतला.

27/12/2025

ज्ञान सेतूचा... ट्रेक!!
ज्ञान सेतू म्हणलं की दौरा, मेळावा.. याच्या जोडीला काय करता येईल?
खूप काही सुचायला लागलं.. एकत्र जेवण , सिनेमा असं. Informal आणि meaningful दोन्ही म्हणल्यावर किल्ले भटकंती हाच ऑप्शन!
महाराष्ट्रभरातील अनेक किल्यांमधून १ किल्ला निवडायला तब्बल 5 संयोजकांना 2 बैठका घ्यायला लागल्या. किल्ला चढायला सोपा, खर्च, प्रवास अशा रंगतदार चर्चेतून मोठा इतिहास असलेला विसापुर किल्ला व प्राचीन भाजे लेणी इथं जायचं ठरलं.
पण हा खटाटोप कशासाठी? तर
वेगवेगळ्या राज्यात जाणारी ही मंडळी एकत्र अख्खा गट म्हणून WhatsApp व्यतिरीक्त कुठे नसतात.
इतर गटातील volunteer शी संबंध कमीच ..
दौऱ्याला जाणारा फक्त एका राज्याचा गट न राहता आता अख्खा ज्ञान सेतूचा गट व्हावा म्हणून ही धडपड.
आता थांबायचं नाय असं म्हणत तयारी सुरू..
त्यातलं पहिलं काय तर planning .. ते याच volunteer नी केलं.
दिवस ठरला 21 डिसेंबर रविवार.
भयानक थंडी आणि सकाळी 6.30 ची ट्रेन. एवढ्या थंडीत सगळे येतील का नाही अशी शंका होती. पण आयोजकांच्या आधी मंडळी स्टेशन वर दाखल..
ह्या 24 जणांची इथून खरं ट्रेकला सुरुवात झाली..
आता पुढे..
आलेल्या गटात चेहरे जुने पण भेट नवी असे बरेच होते. .
ट्रेन म्हणजे दौऱ्यातलं घरच! कोणत्याही गटाला भारतीय रेल्वे ने आतापर्यंत वेळेवर पोहचवले आहे असं अजून तरी आठवत नाही , पण आज मात्र वेळेच्या 2 मिनिट अगोदर मळवली स्टेशन वर पोहचलो.

नाश्त्याला वडापाव हा एकच पर्याय होता. खाणं बनवणं हे आणखी एक volunteer चं दौऱ्यातल काम. इथे ते न करता कसं होईल.. मग ताईने हॉटेलवाल्या काकूंच्या मदतीने पोहे बनवले. पोह्यात शेंगदाण्याऐवजी प्रेम उतरलं होतं.. एकदम चवful..

मी आणि दादा गाडीच्या व्यवस्थेसाठी गावात गेलो, अनोळखी दादा ची ओळख करून एका गाडीवाल्याचा संपर्क मिळवला. गाडीवाला लक्षात ठेवा हं.. पुढे येणार आहे.

विसापूरच्या पायथ्याशी वेळेत पोहचलो.तरुणाईची ऊर्जा नेहमीपेक्षा जास्त दिसत होती. माझा समज असा की ट्रेकिंग करताना दम टिकावा म्हणून बोलू नये पण इथे अगदी उलटे..
चालता बोलता पोचलो माथ्यावर..
माझा नवीन गैरसमज तयार झाला..
अनेक विचाराची एका उद्देशासाठी एकत्र आलेल्या ह्या मंडळींमुळे हे सहज जमले.

स्वप्नील दादा आणि आशुतोष दादा सगळ्यांना समोर घेऊन चालणारे हे दोन धडधाकट पुरुष. असं नाही म्हणायचंय की ते गड चढताना शेवटला होते. 😊 ते तर गटाच्या पाठीशी होते.
पोहचल्यावर लेमन गोळ्यांचा प्रसाद दिला कुठला ..तो चारला. 😅
गडभ्रमंती सुरू झाली. काहींच्या शरीरातील तर काहींच्या डोक्यातील ऊर्जा वेगवेगळ्या प्रकारे बाहेर निघायला लागली. यात प्रश्न उत्तरं अटळ..
विसापूरच्या तटबंदीवरती बसून आमच्यातल्याच दादाने प्राचीन ते आधुनिक असा चढता इतिहास सांगितला.Geological history to modern history अशी ही चर्चा रंगली.
मेंदूची भूक तर भागली पण पोटाचं काय ... छान ठेपले आणि खाकरा .. झटपट सोपं खाणं..
पूर्ण गड बघून दुपारी 1 वाजता खाली आलो.. पायथ्याशी गाडीवाल्या काकांनी आमच्या जेवणाची सोय केली. मस्त झुणका भाकरी खाऊन सगळ्यांना सुस्ती आली. नाही नाही. थांबलो नाही..दुपारी 2 च्या दरम्यान काकांच्या गाडीतून भाजे लेणी कडे निघालो. इथे मात्र डोक्यावर कडक उन आणि जास्त भरलेलं पोट.थोडासा थकवा...
पण आयोजक खूपच हुशार.. त्यांनी ही लगेच चार गट पाडले.
टास्क असा की दौऱ्यातला एक बेस्ट अनुभव share करून त्यातला एकच बेस्ट सगळ्यांना सांगायचा. वेळ 15 मिनिटे. अनुभवांच्या तुलनेत वेळ कमी.
भाजेपासून स्टेशन पर्यंत चालत.. चालताना दुकानदाराशी, आपसात गप्पा सुरूच.
परत तेच काकुंचे हॉटेल आणि गर्दी.
आम्ही चहा केला आणि मावशीने वडापाव. इथली मजा शब्दात मांडणे अवघडच ..
आता मात्र ट्रेन गच्च भरलेली. कसे बसे ट्रेन मध्ये चढलो. गप्पा सुरूच शेजारी काकांशी, छोट्या मुलांशी..... किट
नव्हतं म्हणून.. नाहीतर सत्रपण घेतलं असतं याचं.. असं वाटलं नक्की..
जिथून सुरुवात तिथेच चहाने समारोप.. . गटाचा फारच उत्साह. संपलं नाही
Conditions applied* पुढचा प्लॅन

26/12/2025

प्रज्ञा विकास कार्यक्रमातील मुलांची सहली बद्दल जरा सविस्तर लिहित आहे. कारण ही सहल फक्त फिरण्यासाठी नव्हती तर मुलांना निरीक्षण, आकलन आणि विचार करायला शिकवणारी होती.

🔹 सहल कुठे व का?

ज्ञान प्रबोधिनी व भारत फोर्ज यांच्या संयुक्त विद्यमाने चालणारा प्रज्ञा विकास प्रकल्प. त्याची पाच केंद्र.. त्यातले ७० मूलं .. त्यांना पुण्यातील
महात्मा फुले संग्रहालय,
पाताळेश्वर लेणी मंदिर
आणि जंगली महाराज मंदिर दाखवले.

➡️ कारण साधं...
पुस्तकात वाचलेली माहिती प्रत्यक्ष पाहण्यातून जिवंत करायची होती.

🔹 संग्रहालयात मुलांना काय दाखवलं?
महात्मा फुले संग्रहालयात
✔️ लाकडी पुतळे
✔️ प्राणी व किड्यांचे नमुने
✔️ शेतीसाठी वापरली जाणारी जुनी अवजारे
✔️ साखर कारखान्याची प्रतिकृती
✔️ चित्रे व प्रतिमा इ.

“फक्त बघा” नाही,
तर “हे कशासाठी वापरत होते?”, “याची जागा आता कशाने घेतली आहे?” मुलांना असे प्रश्न विचारत, चर्चा करत दाखवलं.

🔹 पाताळेश्वर लेणी
मुलांना काय सांगितलं?
👉 दगड कोरून मंदिर उभारणं म्हणजे केवळ श्रद्धा नाही
👉 ती अभियांत्रिकी, संयम आणि मेहनतीची कहाणी आहे.

काही मुलांनी पहिल्यांदाच इतक्या शांत ठिकाणी डोळे उघडून इतिहास “पाहिला”.

🔹 आणि मग… मुलांच्या मनातून आलेल्या काही गोष्टी 🌱

🔸 म्युझियमधली शेतीची अवजारे पाहून कळलं की आमचे आजोबा किती मेहनत करायचे.”

🔸 “लेणीत उभं राहिल्यावर वाटलं, इतक्या वर्षांपूर्वी लोकांनी हे कसं केलं असेल?”

🔸 “आम्ही फक्त फिरलो नाही, खूप काही शिकलो.”

🔸 “कार्यपत्रक सोडवताना आठवत होतं – आपण स्वतः ते पाहिलंय.”

ही वाक्यं मोठी नाहीत, साधी आहेत.
पण हीच या सहलीची खरी पावती आहे.

🔹 शेवटी…
एकत्र जेवण 🍱 दर्शन 🙏🏼
आणि आईस्क्रीम 🍦 या सगळ्यातून मुलांमध्ये शिस्त, आनंद एकमेकांसाठी आपुलकी दिसत होती.

मुले आपापल्या केंद्रांकडे परतली ती डोक्यात प्रश्न, डोळ्यात आठवणी आणि मनात समाधान घेऊन.
JP

25/12/2025

📚🎨 माझा आनंदी दिवस! 🎨📚

👦 “ आजचा दिवस खूप भारी होता ! पहिल्यांदा गेलो तिथे. नुस्तं ऐकलं होतं"
👧 “हो ना! काय ती जागा.. केवढी पुस्तकं, भरपूर स्टॉल्स नि गोष्टी, कितीतरी रंग… आणि गर्दी!”
👦 “पपेट शो पाहिला. आपण पण गोष्ट तयार करून सादर केली ना.. खूप जण होते समोर..!"
👧 “हो! आणि मी चित्र पण रंगवलं, सगळे पाहत होते!” एका वेळी किती काय चालू होतं तिकडे??
👦 “आपण सगळ्यांनी मिळून काम केलं.. बिलकुल घाबरलो नाही.. "
👧 कार्यक्रमात भाग घेण आवडतं आणि 15 ऑगस्ट आणि 26 जानेवारीला केंद्रात करतो की... त्यामुळे सवयीचं झालं आहे”
👦 एवढं करून जरा दमलो तर केक- फ्रुटी हजर... मग काय सगळ्यांना भारीच वाटलं. ते देत होते तरी जादा नाही घेतलं कोणी. ताईने मग शाबासकी पण दिली.
👧 “फक्त हे नाही बरं का.. घरी घेऊन
वाचायला पुस्तकं पण दिली 📚 प्रमाण पत्रासकट 🎓!”
👦 “असं आधी कधी झालं नव्हतं.”
👧 पुस्तकवाचन हा शब्द जरा आणखी जवळ आला.
पुस्तकांसोबत गाणी, गोष्टी गप्पा, पुस्तक वाचणाऱ्या फेमस लोकांच्या भेटी.. ते पण एका दिवसात 🎉
🌟

🌈 … ही होती आमची पुणे पुस्तक महोत्सवाची एक सुंदर, अविस्मरणीय क्षेत्रभेट! 💛📖

भारत फोर्ज व ज्ञान प्रबोधिनी यांच्या संयुक्त विद्यमाने राबविण्यात येणाऱ्या
अनुभव शाळा प्रकल्पांतर्गत,
रविवार, दि.२१ डिसेंबर २०२५ रोजी
इयत्ता पहिली ते सहावी ५ केंद्रावरचे निवडक ७० विद्यार्थी फर्ग्युसन कॉलेज, येथील पुणे पुस्तक महोत्सवात सहभागी झाले

23/12/2025

📢 *Dr. Homi Bhabha Balvaidnyanik Competition
Level 2 (Std. 6)*
Organised by Jnana Prabodhini – Educational Activity Research Centre

🔬 This programme focuses on scientific thinking, and hands-on experimentation, helping students understand science.

📌 Details:
🗓 Date: 25th December 2025 (Thursday)
⏱ Duration: 3 Hours (Batchwise)
📍 Venue: Jnana Prabodhini, Sadashiv Peth, Pune
🗣 Medium: English & Marathi

👥 Only 20 seats available

💰 Fees:₹1180/- (including GST)
📅 Last date to register: 24th December 2025

📲 Scan the QR code on the poste and register

📞 For queries:
Pradnya Lohgaonkar – 8421040373
Harsh Tekawade – 9890456296

⚠️ Limited seats – early registration advised.

20/12/2025

📢 *Dr. Homi Bhabha Balvaidnyanik Competition
Level 2 (Std. 6)*
Organised by Jnana Prabodhini – Educational Activity Research Centre

🔬 This programme focuses on scientific thinking, and hands-on experimentation, helping students understand science.

📌 Details:
🗓 Date: 25th December 2025 (Thursday)
⏱ Duration: 3 Hours (Batchwise)
📍 Venue: Jnana Prabodhini, Sadashiv Peth, Pune
🗣 Medium: English & Marathi

👥 Only 20 seats available

💰 Fees:₹1180/- (including GST)
📅 Last date to register: 22nd December 2025

📲 Scan the QR code on the poste and register

📞 For queries:
Pradnya Lohgaonkar – 8421040373
Harsh Tekawade – 9890456296

⚠️ Limited seats – early registration advised.

02/12/2025

Educational Activity Research Centre in collaboration with Jnana Prabodhini Foundation.

02/08/2025

🌼शिष्यवृत्ती परीक्षा पूर्व तयारी शिक्षक प्रशिक्षण वर्ग–पाली सुधागड 🌼
ज्ञान प्रबोधिनी, शैक्षणिक उपक्रम संशोधिका, पुणे आणि एस.पी. ग्रुप मुंबई, AFCONS मुंबई
दिनांक ३० जुलै २०२५ @ पाली आदिवासी आश्रमशाळा चिवे
१६शिक्षक

प्रशिक्षक व सत्र :

स्मिता ताई माने - ज्ञान प्रबोधिनी, निगडी
- शिष्यवृत्ती परीक्षा बाबत माहिती आणि प्रेरणाजागृती
- बुद्धिमत्ता

प्रज्ञा ताई पाटील- ज्ञान प्रबोधिनी निगडी
- भाषा - मराठी आणि इंग्रजी

प्रा.अमर परांजपे- विभाग प्रमुख, शै. उ. सं. ज्ञान प्रबोधिनी पुणे
- गणित

ओंकार बाणाईत - प्रकल्प प्रमुख शै. उ. सं. ज्ञान प्रबोधिनी पुणे

🙏 सहकार्य🙏
सौ. सुनिता पिंगळे ताई - चिवे शाळा मुख्याध्यापिका
सौ. मिनाक्षी ढोपे - पडसरे आश्रमशाळा प्राथ. मुख्याध्यापिका
कुलाबा शिक्षण संस्था

Educational Activity Research Centre

31/12/2025

30/12/2025

29/12/2025

28/12/2025

27/12/2025

26/12/2025

25/12/2025

23/12/2025

20/12/2025

02/12/2025

02/08/2025

Address

Telephone

Website

Alerts

Contact The School

Shortcuts

Share

Listing takedown request