MES Bhave Prathamik Pune, 1453-1454, Sadashiv Peth, Pune, 411030 (2026)

09/05/2026

*म .ए .सो.भावे प्राथमिक शाळेचे वार्षिक सादरीकरण स्पर्धेत सुयश*
महाराष्ट्र एज्युकेशन सोसायटी, पुणे यांच्या वतीने शैक्षणिक वर्ष २०२४-२५ व २०२५-२६ अंतर्गत आयोजित वार्षिक सादरीकरण स्पर्धेत “पंच परिवर्तन” या विषयांतर्गत म.ए.सो. भावे प्राथमिक शाळेने (प्राथमिक विभाग) उल्लेखनीय कार्याची नोंद करत तृतीय क्रमांक पटकावला आहे.
शाळेने विविध नाविन्यपूर्ण, उपयुक्त व समाजाभिमुख उपक्रम राबवून प्रकल्पाची प्रभावी अंमलबजावणी केली. विद्यार्थ्यांच्या सर्वांगीण विकासासाठी, सामाजिक जाणीवा वृद्धिंगत करण्यासाठी आणि शैक्षणिक गुणवत्ता उंचावण्यासाठी शाळा सातत्यपूर्ण प्रयत्न करत आहे .
या यशामागे शाळेचे मुख्याध्यापक, शिक्षकवृंद, प्रशासकीय कर्मचारी, विद्यार्थी आणि पालक यांचे मोलाचे सहकार्य आहे. सर्वांच्या एकत्रित प्रयत्नातून शाळेला हा सन्मान मिळाला आहे.
माननीय मुख्याध्यापिका सौ . प्रतिभा गायकवाड व उपमुख्याध्यापिका सौ . वृषाली ठकार यांनी सर्व शिक्षकांचे व विद्यार्थ्यांचे कौतुक केले .

09/05/2026

🏆🌿 महाराष्ट्र एज्युकेशन सोसायटीच्या स्वच्छ, सुंदर, सुरक्षित व पर्यावरणपूरक शाळा स्पर्धेत म.ए.सो. भावे प्राथमिक शाळेला उत्तेजनार्थ पारितोषिक 🌿🏆
महाराष्ट्र एज्युकेशन सोसायटी, पुणे आयोजित “स्वच्छ, सुंदर, सुरक्षित व पर्यावरणपूरक शाळा स्पर्धा २०२५-२६” मध्ये म.ए.सो. भावे प्राथमिक शाळेने उत्तेजनार्थ पारितोषिक प्राप्त केले आहे. 🎉👏
शाळेच्या परिसरातील व वर्गातील स्वच्छता, आरोग्यदायी वातावरण, विद्यार्थ्यांची सुरक्षितता, सुशोभीकरण तसेच पर्यावरणपूरक उपक्रम यामध्ये सातत्याने केलेल्या उत्कृष्ट कार्याची ही दखल आहे. शिक्षणासोबतच विद्यार्थ्यांमध्ये सामाजिक बांधिलकी, जबाबदारीची जाणीव आणि पर्यावरण संवर्धनाचे संस्कार रुजविण्याचे कार्य शाळेने प्रभावीपणे केले आहे. ही गौरवास्पद कामगिरी शाळेतील मुख्याध्यापक, शिक्षकवृंद, विद्यार्थी, पालक आणि सर्व सहकाऱ्यांच्या संयुक्त प्रयत्नांचे फलित आहे. प्रत्येकाच्या सहभागातून शाळेने स्वच्छता आणि पर्यावरण संवर्धनाचा आदर्श निर्माण केला आहे. स्वच्छ शाळा — सुंदर शाळा — सुरक्षित शाळा — पर्यावरणपूरक शाळा
या संकल्पनेला साकारत शाळेने एक प्रेरणादायी उदाहरण घालून दिले आहे.
माननीय मुख्याध्यापिका सौ . प्रतिभा गायकवाड व उपमुख्याध्यापिका सौ . वृषाली ठकार यांनी सर्वांचे कौतुक केले .
💐 म.ए.सो. भावे प्राथमिक शाळेच्या संपूर्ण परिवाराचे मनःपूर्वक अभिनंदन! 💐

11/03/2026

म . ए .सो .भावे प्राथमिक शाळेत महिला दिन उत्साहात साजरा .

म. ए. सो. भावे प्राथमिक शाळेत आंतरराष्ट्रीय महिला दिन मोठ्या उत्साहात साजरा करण्यात आला. कार्यक्रमाची सुरुवात माननीय मुख्याध्यापिका सौ. प्रतिभा गायकवाड व उपमुख्याध्यापिका सौ. वृषाली ठकार यांच्या उपस्थितीत करण्यात आली.
महिला दिनानिमित्त विद्यार्थिनींनी विविध कर्तृत्ववान महिलांची वेशभूषा करून कार्यक्रमात सहभाग घेतला. विद्यार्थिनींनी या महान महिलांची माहिती आत्मविश्वासाने सांगितली. या वेषभूषेमध्ये प्रतिभाताई पाटील, द्रौपदी मुर्मू, राणी लक्ष्मीबाई, डॉ. आनंदीबाई जोशी, सावित्रीबाई फुले, बछेंद्री पाल, सानिया मिर्झा, मृण्मयी देशपांडे, कल्पना चावला, किरण बेदी या कर्तृत्ववान महिलांचा समावेश होता.
या प्रसंगी विद्यार्थिनींनी महिला सशक्तीकरणावर आधारित नृत्याचे सुंदर सादरीकरण केले. त्यांच्या उत्साहपूर्ण सादरीकरणामुळे कार्यक्रमात आनंददायी वातावरण निर्माण झाले.
महिलांच्या कार्याचा गौरव करण्यासाठी व विद्यार्थ्यांमध्ये महिलांबद्दल आदर आणि प्रेरणा निर्माण व्हावी या उद्देशाने हा कार्यक्रम आयोजित करण्यात आला. कार्यक्रमात विद्यार्थ्यांचा उत्स्फूर्त सहभाग पाहायला मिळाला.
सर्व विद्यार्थिनींचे व शिक्षकांचे मनःपूर्वक कौतुक करण्यात आले.

10/03/2026

*म. ए. सो. भावे प्राथमिक शाळेचे भाषा ऑलिम्पियाड स्पर्धेत यश*

भाषा ऑलिम्पियाड स्पर्धा परीक्षा २०२६ मध्ये म. ए. सो. भावे प्राथमिक शाळेच्या विद्यार्थ्यांनी उल्लेखनीय यश संपादन केले. इयत्ता तिसरीच्या ६ विद्यार्थ्यांनी तर इयत्ता चौथीच्या ४ विद्यार्थ्यांनी गुणवत्तायादीत स्थान पटकावून शाळेचा नावलौकिक वाढवला. भाषा ऑलिम्पियाड संस्थेकडून या सर्व विद्यार्थ्यांना प्रमाणपत्र व सुवर्णपदक देऊन गौरविण्यात आले.
या यशासाठी विद्यार्थ्यांना सौ. दिपाली कुलकर्णी व श्रीमती रेणुका महाजन यांनी मार्गदर्शन केले होते. या यशाबद्दल मा. मुख्याध्यापिका सौ. प्रतिभा गायकवाड व उपमुख्याध्यापिका सौ. वृषाली ठकार यांनी सर्व विद्यार्थ्यांचे तसेच मार्गदर्शक शिक्षकांचे अभिनंदन व कौतुक केले.

03/03/2026

*म. ए. सो. भावे प्राथमिक शाळेत मराठी राजभाषा दिन उत्साहात साजरा*
म. ए. सो. भावे प्राथमिक शाळेत “मराठी भाषा दिन” मोठ्या उत्साहात साजरा करण्यात आला. हा दिवस महान कवी व साहित्यिक कुसुमाग्रज यांच्या जयंतीनिमित्त साजरा केला जातो.
कार्यक्रमाची सुरुवात लेझीमच्या गजरात करण्यात आली. माननीय मुख्याध्यापिका सौ. प्रतिभा गायकवाड व उपमुख्याध्यापिका सौ. वृषाली ठकार यांच्या हस्ते कुसुमाग्रजांच्या प्रतिमेचे पूजन करण्यात आले.
इ . १ ली ते ४थी च्या विद्यार्थ्यांनी विविध सांस्कृतिक कार्यक्रम सादर करून या दिवसाची शोभा वाढवली. मराठी भाषा दिनाचे महत्त्व सांगणारे मनोगत, काव्यवाचन, “शब्दकोडी ऐका व उत्तरे सांगा” हे सादरीकरण, मराठी भाषेचे महत्त्व अधोरेखित करणारे समूहगान, स्वलिखित पुस्तक निर्मिती, कुसुमाग्रजांचे मनोगत, नृत्य सादरीकरण, मराठी विनोद तसेच कविता वाचन अशा विविध कलात्मक कार्यक्रमांचे सादरीकरण करण्यात आले.
विद्यार्थ्यांच्या उत्स्फूर्त सहभागामुळे कार्यक्रम अत्यंत रंगतदार व आनंददायी झाला. सर्व विद्यार्थ्यांचे व शिक्षकांचे मनःपूर्वक कौतुक करण्यात आले.

02/03/2026

*म. ए. सो. भावे प्राथमिक शाळेत आंतरराष्ट्रीय विज्ञान दिन उत्साहात साजरा.*
म. ए. सो. भावे प्राथमिक शाळेत आंतरराष्ट्रीय विज्ञान दिन मोठ्या उत्साहात साजरा करण्यात आला. महान भारतीय शास्त्रज्ञ सी. व्ही. रमण यांच्या प्रतिमेचे पूजन माननीय मुख्याध्यापिका सौ. प्रतिभा गायकवाड व उपमुख्याध्यापिका सौ. वृषाली ठकार यांच्या हस्ते करण्यात आले.
विद्यार्थ्यांनी विविध शास्त्रज्ञ व त्यांनी लावलेले शोध यांची माहिती आत्मविश्वासाने सांगितली. विज्ञान गीत व विज्ञान घोषवाक्यांनी कार्यक्रमात चैतन्य निर्माण केले.
इयत्ता पहिली ते चौथीच्या विद्यार्थ्यांनी जलशुद्धीकरण प्रकल्प , हवा जागा व्यापते ,ज्वलनासाठी ऑक्सिजनची गरज असते ,फुगा फुगविण्याचा प्रयोग ,कागदी फूल पाण्यात उघडणे ,चुंबकाचे आकर्षण , रंग मिसळण्याचा प्रयोग इत्यादी अनेक प्रयोग सादर केले .विद्यार्थ्यांनी प्रयोगांद्वारे विज्ञानातील संकल्पना सोप्या व मनोरंजक पद्धतीने स्पष्ट केल्या.
शिक्षकांनी विद्यार्थ्यांना विज्ञानाचे महत्त्व सांगितले .लहान वयातच विज्ञानाची आवड निर्माण व्हावी हा कार्यक्रमाचा मुख्य उद्देश होता.

19/02/2026

*म.ए.सो. भावे प्राथमिक शाळेत शिवजयंती उत्साहात साजरी .*
म.ए.सो. भावे प्राथमिक शाळेत शिवजयंतीनिमित्त वैविध्यपूर्ण कार्यक्रमांचे आयोजन करण्यात आले होते. कार्यक्रमाची सुरुवात माननीय मुख्याध्यापिका सौ. प्रतिभा गायकवाड व उपमुख्याध्यापिका सौ. वृषाली ठकार यांच्या हस्ते छत्रपती शिवाजी महाराजांच्या प्रतिमेच्या पूजनाने झाली.
विद्यार्थी शिवाजी महाराज, जिजामाता व मावळे यांच्या आकर्षक वेशभूषेत सहभागी झाले होते. शिक्षकांनी विद्यार्थ्यांना शिवाजी महाराजांचे पराक्रम, दूरदृष्टी आणि स्वराज्य स्थापनेचे महान कार्य यांची माहिती दिली. तसेच शिवरायांचे शौर्य, प्रामाणिकपणा, धैर्य व देशप्रेम हे गुण आत्मसात करण्याचा संदेश दिला.
यावेळी “शिवाजी महाराज की जय”, “हर हर महादेव”, “जय भवानी जय शिवाजी” अशा घोषणा विद्यार्थ्यांनी दिल्या . विद्यार्थ्यांनी शिवाजी महाराजांच्या जीवनावर आधारित पोवाडा, भाषण, गाणे, गोष्ट व नृत्य सादर करून उपस्थितांची दाद मिळविली.तसेच आपल्या गड-किल्ल्यांची स्वच्छता राखणे व त्यांची जपणूक करणे हे आपले कर्तव्य असल्याचा महत्त्वपूर्ण संदेश देण्यात आला.
कार्यक्रमाच्या शेवटी माननीय मुख्याध्यापिका सौ. प्रतिभा गायकवाड व उपमुख्याध्यापिका सौ. वृषाली ठकार यांनी सर्व विद्यार्थ्यांचे कौतुक करून त्यांना शुभेच्छा दिल्या.

31/01/2026

म. ए. सो. भावे प्राथमिक शाळेच्या कर्णबधिर विद्यार्थ्यांचे भगिनी निवेदिता प्रतिष्ठान आयोजित स्पर्धेत सुयश
भगिनी निवेदिता प्रतिष्ठान यांच्यातर्फे विविध स्पर्धांचे आयोजन करण्यात आले होते. या स्पर्धांमध्ये म. ए. सो. भावे प्राथमिक शाळेच्या कर्णबधिर विद्यार्थ्यांनी उल्लेखनीय यश संपादन केले.
स्पर्धांचे निकाल पुढीलप्रमाणे—
माहिती सांगणे (माझी आई) – खुशी अहिरे (वसंत गट) : द्वितीय क्रमांक
मनाचे श्लोक म्हणणे – वरद घालमे (नीरज गट) : द्वितीय क्रमांक
अंक वाचन – वेदांत साबळे (वर्षा गट) : द्वितीय क्रमांक
माहिती लेखन (पुणे शहर) – आयुष पाटील (दिनकर गट) : द्वितीय क्रमांक
या सर्व विद्यार्थ्यांना सौ. वृंदा पंडित यांनी मार्गदर्शन केले होते.
माननीय मुख्याध्यापिका सौ. प्रतिभा गायकवाड व उपमुख्याध्यापिका सौ. वृषाली ठकार यांनी यशस्वी विद्यार्थ्यांचे व मार्गदर्शक शिक्षकांचे मनःपूर्वक कौतुक केले.

27/01/2026

म. ए. सो. रेणुका परिवारात प्रजासत्ताक दिनानिमित्त वैविध्यपूर्ण कार्यक्रमांचे आयोजन
म. ए. सो. रेणुका परिवारात ७७ वा प्रजासत्ताक दिन मोठ्या उत्साहात साजरा करण्यात आला. प्रमुख पाहुणे दिपाली मोरे (वीरपत्नी) व उपशिक्षणाधिकारी छाया महिंद्रकर यांच्या हस्ते ध्वजारोहण करण्यात आले.
यावेळी म. ए. सो. भावे प्राथमिक शाळेतील विद्यार्थ्यांनी प्रजासत्ताक दिनानिमित्त ‘रंग दे बसंती’ या गीतावर भांगडा नृत्याचे जोशपूर्ण सादरीकरण केले. या नृत्याने उपस्थितांची मने जिंकली. या नृत्याला सौ. सारिका पोतदार व सौ. श्वेता कोंडे यांनी मार्गदर्शन केले होते.
विद्यार्थ्यांनी यावेळी ‘कॉपीमुक्त परीक्षा’ ही प्रतिज्ञा घेतली. तसेच विविध प्रात्यक्षिकांचे सादरीकरण करण्यात आले. कार्यक्रमास शाळेच्या महामात्रा प्रणिता जोगळेकर तसेच इतर पदाधिकारी उपस्थित होते.
माननीय मुख्याध्यापिका सौ. प्रतिभा गायकवाड व उपमुख्याध्यापिका सौ. वृषाली ठकार यांनी सर्व विद्यार्थ्यांचे व शिक्षकांचे कौतुक केले.

26/01/2026

*म. ए. सो. भावे प्राथमिक शाळेची माजी विद्यार्थिनी व सुप्रसिद्ध अभिनेत्री अमृता सुभाषची शाळेला सदिच्छा भेट.*
म.ए .सो .भावे प्राथमिक शाळेची माजी विद्यार्थिनी व प्रसिद्ध अभिनेत्री अमृता सुभाष हिने शाळेला भेट दिली .माननीय मुख्याध्यापिका सौ .प्रतिभा गायकवाड ,
उपमुख्याध्यापिका सौ .वृषाली ठकार , श्रीमती रेणुका महाजन व दिपाली कुलकर्णी यांनी अमृताचे स्वागत केले . यावेळी तिने विद्यार्थ्यांशी मनमोकळा संवाद साधत गप्पागोष्टी केल्या. आपल्या लाडक्या अभिनेत्रीला समोर पाहून विद्यार्थी अत्यंत आनंदी व उत्साही दिसत होते.
शाळेत पुन्हा येताना जुन्या आठवणींना उजाळा मिळाल्याची भावना अमृता सुभाषने व्यक्त केली.
शाळेने दिलेल्या संस्कारांबद्दल कृतज्ञता व्यक्त करत, आपल्या जडणघडणीत शाळेचा मोलाचा वाटा असल्याचे सांगितले. शाळेला दिलेल्या या भेटीमुळे शाळेत आनंदाचे वातावरण निर्माण झाले.

MES Bhave Prathamik Pune

09/05/2026

09/05/2026

11/03/2026

10/03/2026

03/03/2026

02/03/2026

19/02/2026

31/01/2026

27/01/2026

26/01/2026

Address

Telephone

Website

Alerts

Contact The School

Shortcuts

Share

Listing takedown request