23/09/2025
*स्नेहबंध*
स्नेहबंध परिवारातील सर्व मित्र मैत्रिणींना कळविण्यास अत्यंत आनंद होत आहे की आज दिनांक २२/०९/२५ रोजी घटस्थापना व नवरात्रीच्या मंगलदिनी आपल्या सर्वांच्या सहकार्याने प्राजक्ता मतिमंद निवासी विद्यालय, सुपे येथे आपल्यातील काही मित्रवृंदांनी भेट दिली त्याचा थोडक्यात आढावा खालील प्रमाणे
१. तेथील संस्थापकांनी .. सर्वांना संस्थेची थोडक्यात माहिती दिली. त्यांचं कार्य खरंच वाखाणण्याजोगे आहे.
२. आपले वर्गमित्र व बारामतीतील प्रसिद्ध बालरोग तज्ञ डॉ. श्री सुरज भगत डॉ. सौ मुग्धा भगत यांनी मुलांची आरोग्य तपासणी केली. आवश्यक त्या औषधांचे वितरण केले
३. डॉ. सौ अपूर्वा तावरे यांनी मुलांची दंतचिकित्सा व योग्य ते मार्गदर्शन केले.
४. विद्यालयासाठी गरजेचे असणारे साहित्य आपल्या सर्वांच्या वतीने श्री मिलिंद दरेकर व श्री राजेंद्र चांदगुडे यांनी खरेदी केले व गंतव्य स्थानी पोहोचवले.
५. तेथील विद्यार्थ्यांनी उपस्थित सदस्यांना गुलाबपुष्प देऊन सर्वांचे आभार मानले.
६. श्री जगन्नाथ वनवे यांनी विद्यालयातील मुले व सर्व कर्मचारी तसेच भेट देणाऱ्या सर्व मित्रवृंदांसाठी जेवणाचे आयोजन केले.
७. या विद्यालयास मदत करण्याचा प्रस्ताव श्री मिलिंद दरेकर यांनी मांडला होता व त्याचे नियोजन श्री अनिल कायगुडे, श्री राजेंद्र चांदगुडे, श्री जगन्नाथ वनवे, सौ स्मृती शिंदे, श्री सागर शहा, श्री सुयोग झंवर व सौ अनिता काटकर यांनी केले होते.
८. सदर कार्यक्रमास खालील सदस्य उपस्थित होते
श्री मिलिंद दरेकर
श्री जगन्नाथ वनवे
डॉ श्री सुरज भगत
श्री राजेंद्र चांदगुडे
श्री अनिल कायगुडे
श्री बाबासो वणवे
श्री लक्ष्मण घुले
श्री सचिन वनवे
सौ अनिता काटकर
हा कार्यक्रम यशस्वीरिता पार पडण्यासाठी आपण सर्वांनी जे मोलाचे सहकार्य केले त्याबद्दल मनापासून धन्यवाद.