MES Bal Vikas Mandir Saswad

*म.ए. सो. बाल विकास मंदिर सासवड शाळेचे स्नेहसंमेलन उत्साहात*

सासवड : येथील महाराष्ट्र एज्युकेशन सोसायटीच्या बाल विकास मंदिर शाळेच्या विद्यार्थ्यांनी वार्षिक स्नेहसंमेलनात विविध कला सादर करून उपस्थितांची मने जिंकली. विद्यार्थ्यांनी पारंपारिक लोकगीते, मोबाईलचे दुष्परिणाम , शेतकरी नृत्य ,पारंपारिक लावणी, लोककला, कॉमेडी, रिमिक्स गाणी, कोळीगीते, गोंधळ गीतांवर नृत्यकला सादर केली. हिंदी- मराठी गाण्यांवर चिमुरड्यांनी केलेल्या नृत्य कलेला रसिकांनी दाद दिली.
सुमारे पाच तास चाललेल्या कार्यक्रमास पालक रात्री उशिरापर्यंत उपस्थित होते. उपस्थित मान्यवरांपैकी अनेक मान्यवरांनी विद्यार्थ्यांना बक्षीस म्हणून रक्कम दिली.
शुक्रवार ( ता. २६ ) बाल विकास मंदिर शाळेत वार्षिक स्नेहसंमेलनाचे आयोजन केले होते. शाळा समितीचे अध्यक्ष राहुल मिरासदार यांच्या हस्ते दीपप्रज्वलन करून. कार्यक्रमास सुरुवात करण्यात आली. यावेळी विविध स्पर्धा परीक्षांमध्ये उत्तुंग यश मिळवणाऱ्या विद्यार्थ्यांचा उपस्थित मान्यवरांच्या हस्ते बक्षीस देऊन सत्कार करण्यात आला, तसेच शाळेत पालकांसाठी आयोजित केलेल्या विविध स्पर्धांचे बक्षीस वितरण यावेळी करण्यात आले.
यावेळी कार्यक्रमास शाळा समितीचे अध्यक्ष राहुल मिरासदार, महामात्र सुधीर भोसले, प्रमुख पाहुणे म्हणून शाळेचे माजी विद्यार्थी अक्षय मांढरे, मुख्याध्यापक भाऊसाहेब बडधे, नगरपालिका शिक्षण मंडळाचे प्रशासकीय अधिकारी गोविंद लाखे, इंग्लिश मिडियम स्कूलच्या पर्यवेक्षिका सरोज मॅडम, रामदास अभंग, पत्रकार बापू मुळीक, पालक प्रतिनिधी विद्या टकले , शिक्षक प्रतिनिधी शितल चौधरी,
विद्यार्थी प्रतिनिधी श्रेयस वाघोले, संजीवन, बोरकर, माही बडधे , शिक्षक शिक्षकेतर कर्मचारी यांच्यासह पालक मोठ्या संख्येने उपस्थित होते.
विद्यार्थ्यांना आपली संस्कृती व परंपरेची जाणीव व्हावी, त्यांच्यातील विविध सुप्त गुणांना वाव मिळावा या उद्देशाने शाळा दरवर्षी वार्षिक स्नेहसंमेलन आयोजित करत असते. शाळेच्या माध्यमातून सर्व गुणसंपन्न विद्यार्थी घडविण्यास प्राधान्य दिले जाते.
कार्यक्रमाचे प्रास्ताविक मुख्याध्यापक भाऊसाहेब बडधे यांनी केले. पाहुण्यांच्या परिचय दिपक कांदळकर यांनी करून दिला. राणी गिरमे यांनी बक्षीसपात्र विद्यार्थ्यांची नावे जाहीर केली. विद्यार्थी प्रतिनिधी श्रेयस वाघोले याने मनोगत व्यक्त केले. सूत्रसंचालन शार्वी धुमाळ, शिवम जगताप, माही बडधे, कस्तुरी निगडे, स्वाती बोरावके यांनी केले. आभार शीतल चौधरी यांनी मानले.

https://www.youtube.com/

MES Bal Vikas Mandir Del dine videoer med venner, familie og verden

म. ए. सो. पूर्व प्राथमिक ( बालवाडी ) च्या विद्यार्थ्यांनी बनवले पर्यावरणपूरक गणपती...

बाल विकास मंदिर शाळेत कायदेविषयक मार्गदर्शन....

*जमीन जुमला कायद्यात बसवा - ॲड. नेवसे*
बाल विकास मंदिर शाळेत कायदेविषयक मार्गदर्शन

सासवड : येथील महाराष्ट्र एज्युकेशन सोसायटीचे बाल विकास मंदिर आणि जन अदालात संस्था, पुणे यांच्या संयुक्त विद्यमाने श्रावण या पवित्र महिन्याचे औचित्य साधून महिला पालकांसाठी हळदी कुंकू तसेच व्याख्यान आयोजित करण्यात आले होते.
कायदा जनजागृती शिबीर अंतर्गत सासवडच्या बाल विकास मंदिर शाळेत कायदेविषयक मार्गदर्शन आयोजित केले होते. सध्याच्या सामाजिक परिस्थितीचा विचार केला असता पालकांना कायद्याची माहिती असावी या उद्देशाने हे व्याख्यान आयोजित करण्यात आले होते. सरस्वती पूजन करून या व्याख्यानाला सुरुवात झाली.
या व्याख्यानासाठी जन अदालात संस्था, पुणे चे अध्यक्ष ॲड. सागर नेवसे यांनी बचत आणि गुंतवणूक , पीक पाणी शेरा, आपल्या शेतीचा किंवा मालमत्तेचा सातबारा नियमित काढत राहणे , मालमत्तेसंदर्भात असणारे विविध उतारे, वतनदारी याविषयी मार्गदर्शन केले. तसेच आपली मालमत्ता सुरक्षित राहावी म्हणून ती कायद्यात बसवा तसेच , सर्वसामान्य नागरिकांवर अन्याय होऊ नये यासाठी आपली न्यायव्यवस्था सुदृढ आहे. असे ॲड. नेवसे म्हणाले.
महिलांचे अधिकार आणि हक्क याविषयावर पुणे बार असोसिएशन च्या सचिव ॲड. भाग्यश्री गुजर–मुळे यांनी मार्गदर्शन केले. त्यात त्यांनी कौटुंबिक कायदा, महिला सुरक्षितता, बालकांचे लैंगिक छळ, पालकांचा संरक्षण कायदा, अभिव्यक्ती स्वातंत्र्य, व्यक्तिगत स्वातंत्र्य याविषयी मार्गदर्शन केले. आपल्यावर होत असलेल्या अन्यायाविरोधात आपण न्यायालयात धाव घेऊ शकतो. त्याविषयी महिलांच्या बाजूने कायदे आहेत असे ॲड. गुजर–मुळे म्हणाल्या.
या कार्यक्रमासाठी मोठ्या संख्येने पालक उपस्थित होते. कार्यक्रमाचे प्रास्ताविक मुख्याध्यापक भाऊसाहेब बडधे यांनी केले. यावेळी, वाघीरे विद्यालयाचे उपमुख्याध्यापक शंतनू सुरवसे, पूर्व प्राथमिक शाळेच्या मुख्याध्यापिका मेघा जांभळे, पालक शिक्षक संघाच्या उपाध्यक्षा विद्या टकले, शाळेच्या माजी विद्यार्थिनी ॲड. गौरी जगताप आदी उपस्थित होते. या कार्यक्रमाचे नियोजन माधुरी जगताप, अश्विनी कदम, राजगौरी जगताप, माणिक शेंडकर, नरेंद्र महाजन, शीतल चौधरी, मीना खोमणे यांनी केले. सूत्रसंचालन अश्विनी कदम यांनी केले. आभार मंजुषा चोरामले यांनी मानले.

*बाल विकास मंदिर शाळेत ' बाल दहीहंडी '*

सासवड : येथील महाराष्ट्र एज्युकेशन सोसायटीच्या बाल विकास मंदिर शाळेत श्रीकृष्ण जन्माष्टमी व गोपाळकाल्याचे औचित्य साधून बाल दहीहंडीचा कार्यक्रम उत्साहात पार पडला.
यावेळी, इयत्ता पहिलीचे बाल गोपाळ राधा कृष्णाच्या वेशभूषेत आले होते. मुख्याध्यापक भाऊसाहेब बडधे यांनी हंडीचे पूजन केले. इयत्ता पहिलीच्या अवंतिका खंडाळे या विद्यार्थिनीने तसेच शिक्षिका मंजुषा चोरामले यांनी श्रीकृष्ण जन्माष्टमी ची माहिती सांगितली. यावेळी, ' गोविंदा रे गोपाला ', ' रे आला गोविंदा आला' च्या जयघोषात शाळेचा परिसर दुमदुमून निघाला. इयत्ता चौथीच्या विद्यार्थ्यांनी अतिशय उत्साहात दहीहंडी फोडली. शेवटी सर्व विद्यार्थी, शिक्षक यांना दहीकाल्याचा प्रसाद वाटप करण्यात आला. यावेळी विद्यार्थी, मुख्याध्यापक , सर्व शिक्षक शिक्षकेतर कर्मचारी उपस्थित होते.
कार्यक्रमाचे नियोजन सांस्कृतिक प्रमुख माधुरी जगताप, राजगौरी जगताप, अश्विनी कदम यांच्यासह सर्व शिक्षक शिक्षकेतर कर्मचारी यांनी केले.

म. ए. सो. बाल विकास मंदिर सासवड शाळेत माजी विद्यार्थ्यांचे रक्षाबंधन.

म. ए. सो. बाल विकास मंदिर सासवड शाळेत क्रांतिसप्ताह साजरा.

वीर बाजीप्रभू देशपांडे यांच्या पुण्यतिथी निमित्त ' पावनखिंड दौड ' चे आयोजन..

२१ जून जागतिक योग दिन..

बाल विकास मंदिर शाळेत योगदिन उत्साहात

सासवड : येथील महाराष्ट्र एज्युकेशन सोसायटीच्या बाल विकास मंदिर सासवड जागतिक योग दिन उत्साहात साजरा करण्यात आला.
शाळेचे मुख्याध्यापक भाऊसाहेब बडधे यांनी शक्तीची देवता मारुतीरायाच्या प्रतिमेचे पूजन केले. तसेच सूर्यनमस्कार आणि योगासनाचे फायदे आपल्या प्रास्ताविकातून विद्यार्थ्यांना समजावून सांगितले.
यावेळी, इयत्ता चौथीच्या विद्यार्थ्यांनी सूर्यनमस्कार आणि विविध योग प्रात्यक्षिक सादर केले. यापुढे रोज सूर्यनमस्कार, योगा करण्याचा संकल्प यावेळी केला. या सर्व विद्यार्थ्यांना माणिक शेंडकर , नरेंद्र महाजन, अश्विनी कदम यांनी मार्गदर्शन केले.
मीना खोमणे यांनी विद्यार्थ्यांना योग दिनाची माहिती दिली. शाळेतील सर्व शिक्षक शिक्षकेतर कर्मचारी यांनी कार्यक्रमाचे उत्तम असे नियोजन केले होते.
यावेळी, क्रीडा शिक्षक दीपक कांदळकर,नितीन ठोंबरे , सर्व शिक्षक शिक्षकेतर कर्मचारी उपस्थित होते.