30/07/2021
ഞാൻ വിത്തിട്ട് പോവാനൊരുങ്ങുന്നു. എൻ്റെ പ്രിയപ്പെട്ടവരായ നിങ്ങളാണ് തുടർന്നും വിത്തുകൾ വിതക്കേണ്ടത്. വിത്തിട്ടതിൽ ചിലത് മുളയ്ക്കും ....
ജോൺസി മാഷ്
പയ്യന്നൂർ കോളേജിൽ തീർച്ചയായും അതിനൊരു തുടർച്ച ഉണ്ടായിട്ടുണ്ട്. അതിന്റെ ഫലമാണ് ഇപ്പോൾ തേടിയെത്തിയിരിക്കുന്ന ജൈവ വൈവിധ്യ ബോർഡിന്റെ പുരസ്കാരം. ഒട്ടനേകം പേരുടെ നീണ്ട കാലത്തെ പരിശ്രമം ഇതിനു പിന്നിലുണ്ട്. പുതിയ കാലത്ത് പുതിയ മുഖങ്ങളോടെ അത് കൂടുതൽ വിപുലമാവുകയാണ്. കോളേജിലെ NSS യൂണിറ്റ്,ബയോഡൈവേർസിററി ക്ളബ്ബ്,അധ്യാപകർ, വിദ്യാർത്ഥികൾ എല്ലാം തന്നെ അതിന്റെ ഭാഗമാണ്. ഒരു പക്ഷേ പയ്യന്നൂർ കോളേജ് ബോട്ടണി വിഭാഗം അധ്യാപകനു൦ NSS യൂനിറ്റ് 11 കോ- ഒാർഡിനേട്ടറുമായ രതീഷ് മാഷിന് ഈ നേട്ടത്തിൽ കൂടുതൽ അഭിമാനിക്കാ൦. കോളേജിന്റെ പരിസ്ഥിതി പ്രവർത്തന രംഗത്തെ നിറഞ്ഞ മുഖമാണ് മാഷിന്റേത്. ഇന്ന് പുതിയ പരിസ്ഥിതി പാഠങ്ങളെയു൦ ചെടികളെയും ക്യാ൦പസിന് പരിചയപ്പെടുത്തുന്നതിലു൦ NSS വളണ്ടിയർമാർക്ക് നാടൻ കൃഷിരീതികളിൽ വേണ്ട അറിവും പരിശീലനവു൦ നൽകുന്നതിലു൦ മാഷെ പങ്ക് വളരെ വലുതാണ്.
അതുപോലെ പാടത്തിറങ്ങിയു൦ കൃഷി ചെയ്തും മരങ്ങളും ചെടികളു൦ പരിപാലിച്ചു൦ വലിയൊരു വിദ്യാർത്ഥി കൂട്ടവും രംഗത്തുണ്ട്. പയ്യന്നൂർ കോളേജിന്റെ പരിസ്ഥിതി രംഗത്തെ വലിയ ഇടപെടലുകൾ ക്കുള്ള അംഗീകാരമാണ് ഇപ്പോൾ തേടിയെത്തിയിരിക്കുന്നത്.
