23/07/2023
আজি ইংৰাজী ২৩জুলাই ২০২৩ তাৰিখ দেওবাৰে আমাৰ সকলোৰে শ্ৰদ্ধাৰ এঙাৰখোৱা চাৰিআলি নিবাসী থানেশ্বৰ বৰুৱা চাৰৰ দেহাৱসান হয় । শলাল তেলাহী কমলাবৰীয়া উচ্চ মাধ্যমিক বিদ্যালয়ত শিক্ষকতা কৰি অৱসৰ লোৱা বৰুৱা চাৰ আজীৱন শিক্ষক ৰূপেই সকলোৰে ওচৰত পৰিচিত হৈ থাকিব । অৱসৰৰ পিচতো চাৰ আজীৱন এঙাৰখোৱা চাৰিআলিৰ শঙ্কৰদেৱ বিদ্যা নিকেতনৰ পথ প্ৰদৰ্শক হিচাপে কাৰ্য নিৰ্বাহ কৰি বিদ্যালয় খনক এক সুন্দৰ ৰূপত প্ৰতিষ্ঠিত কৰে । নাটকৰ মানুহ হিচাপেও বৰুৱা চাৰে বিদ্যালয়ত ছাত্ৰ- ছাত্ৰী সকলক নাটকত অভিনয় কৰিবলৈ শিকোৱাৰ লগতে নিজেও এঙাৰখোৱা চাৰিআলিৰ ৰাস ত অভিনয় কৰাৰ লগতে স্থানীয় শিল্পী সকলকো অভিনয়ৰ শিক্ষা দিছিল ।তেখেতৰ মৃত্যু এই অঞ্চলৰ শৈক্ষিক আৰু সামাজিক ক্ষেত্ৰৰ এক অপূৰণীয় ক্ষতি । আমাৰ বিদ্যালয় পৰিয়ালৰ সকলোৱে গভীৰ শোক প্ৰকাশৰ লগতে শোক সন্তপ্ত পৰিয়াল বৰ্গলৈ সমবেদনা জ্ঞাপন কৰিছোঁ ।
