Khangdong Lamhil

Happy Birthday, Dr. S. Chongloi, our Founding Director, Khangd**g Lamhil

The Recent Curriculum Vitae of Dr. Satkhokai Chongloi
(1) Name: Satkhokai Chongloi
(2) S*x: Male
(3) Date of Birth: Actual 09, February, Educational March 01
(4) Marital status: Married, wife’s name Hoijalam Chongloi

(5) Children:
(i) Miss Lois V. Chongloi
(ii) Mr. LD Jonathan Chongloi
(iii) Mr. Ngamminlun Chongloi
Email: [email protected]

Education:
(1) Doctor of Ministry at Union Theological Seminary (Philippine Christian University) Manila, Philippines – 2003
(2) Master of Divinity at Alliance Graduate School (Formerly Alliance Biblical Seminary) Manila, Philippines – 2001
(3) Master of Ministry at Northwest Baptist Seminary, Tacoma, WA, India Extension Bangalore – 1996
(4) Bachelor of Theology at Trulock Theological Seminary, Imphal Manipur, India – 1989
(5) High School Leaving Certificate at Thangtong High School – 1982

Present involvements: Social Services:
(1) Semang/Secretary General – Kuki Inpi (Worldwide) since 2011 till date
(2) General Secretary – The Kuki Organization for Human Rights Trust since 2004 till date

Religious Services:
(1) Principal- Restoration Theological College, Kanggui (former Imphal) since 2011 till date
(2) Assistant Executive Secretary, Kuki Christian Church Assembly
(3) Secretary, Kuki Christian Khangthah (KCK Assembly)
(4) Secretary, Kuki Christian Youths of four North East Indian States since 2013 till date
(5) Founding Director, Khangd**g Lamhil, a vitual Youth Transformation since March 11, 2020, till date
(6) Northeast Regional Advisor, Stephen’s Bible Reading and Writing Ministries(sbrwm.org)

Kipa Thuphon: Dr.Satkai hi Khangthah-te ngailu ahin, eigelkhohna jeh-un niseh leh isimthei diuvin Pathen thu lampang article hoitah-tah eisutpeh jingun ahi.

Dr.Satkai chungah kipathu seijoulou akiban, Houbunga dia jong kineppi umtah ahina chungah khangthah hon amachunga kihilna ding tamtah ineiyui. Ajeh chu, akisei khel loule tudin mun a dinga panmun tamtuh pen ahiye. Hiche hin avetsah chu Discipline hoitah nei ahijeh a hitobang tohmun lenpi tamtah atuh thei ahin, khangthah ho jong advise eibol jing theiyu ahi. Hijeh chun kiphalam louhel in social media ho ah ahilou le whatsapp ah jong Pathen Thu iboina hou ahin, khantouna ding thu hijongle aphalam dol'a idoh jing diuvin jong ikitil khou uve.

Source: read here, https://sbrwm.org/2024/02/09/happy-birthday-dr-s-chongloi-our-northeast-regional-advisor-stephens-bible-reading-and-writing-ministries-sbrwm-org/

Khangd**g Lamhil: 18th December 2023

*TAHCHAPA KHAT IN ANATOH NA A PROMOTION MU*

*Mr. H. Vaiphei s/o Pu Thangkholet Vaiphei* of Jangnoi Vangkho, Saikul Area, KPI Dst. in tuni Date 18-Dec.- 2023 ni in Pathen mapui na jal in ana tohna *Indian Air Force* a Squadron leader a konin *Wing Commander* in ana kaisang tan ahi.

Hitobang Eimi Air force Officer natong seichah thei ding mi tamlou ahin, tu lai tah dinga Kuki chate lah a Air Force langa Senior most pen khat jong ahitai.

Hiche tobang lolhina na hi Kuki chate dinga kithangat pi umtah khat chu ahi.

Maban a jong ahung lolhin tou peh ding ideisah uve. Pathenin mapuijing tahen Tah Chapa! 🙏

Noted: Promotion hinmu Pu H.Vaiphei hi, tu-le-tua Khangd**g Lamhil Deputy Director, Pu Thangminlun dinga apenpi a-upa tah ahiye.

*JINGKAH DEVOTION * (NGAH HAT IN PHUN LOUVIN)
(Dr. S. Chongloi )

02 August
2023(Wednesday)

NGAH HAT IN PHUN LOUVIN
(Matthew 21:42; Exodus 34: 10)

Saipi khat le Uipi khat anaovop pat lhon akitoh chet khan ahi. Hinla Uipi chun lhathum jouvin nou aneiyin 6 apengin ahi. Lha 3 jouvin agai kit in nou 6 ma anei kit in 12 alhing tai. Hiti chun lha 3 jou sehle agaiyin nou 6 vel anei jingin ahi.

Lha phabep jouvin Uipi chun Saipi koma, “Ipi atile igai lhon kibanga ken nou vel thum kineiya, kanou ho jong pilhing gamta nangin nanei lou lai ham? Ole nagai lou ngap ham?” atin ahi.

Saipin adonbut in, “Thil khat phatah a nahetding kadeiye, ken kasunga kavop hi uinou ahipoi. Saipi nou ahin, ahung pen’a leiset a achuh teng jongle leiset in thilkhat achunga achui ti ahet ding ahin chule ahung let a lampi ajot teng jongle mihon avet vet jeng diu ahi” atipeh e, akiti.

Midang ho aphattheiya thilpha tampi achan tengu leh natahsan lhahsam sah hih in. Midang ho phatthei chan thu najah teng thangse hih in. Nataona ga namu loulai jongle lunglha hih in. “Kei phat ahung lhun teng, mijousen thanom tah a avet vet jeng diu ahi” tin ngah jingin. Ajeh chu mipha tamtah in midang aphat touva amachal amuteng itia kei Pathenin hibanga kikitah a eidon lou ahidem tia engset mit a chutobang ho avet kom aumdaji pon ahi.

Hinla suhmil lou ding khat chu Pathen chu natahsan jing pou le nang phat jong hung lhung ding ahin chunikho chule, midang nathangset ho geiyin nathanoppi diu amahoa sanga ajatja manlujo Pathenin napeh thei ahi sumil hih in.

Labu jihpan Pakaiyin thil ahin bolteng mijouse vet in akidang lhehjie ati “Kataona sanga gal neijosah jeh-in Nangma kathangvah-e Pakai! Insa hon deimoa apaiyu song chu Inning songpi khomdet penin apangtai! Hiche hi Pakai thilbol ahin, Vet din akidang lhehe” ati. Chule Pakaiyin Mose jah a, “Pakaiyin aseiyin, Veuvin keiman nangto kitepna kaseme. Namite jouse masanga, leiset chunga koima nam lah a jong kibol khalou thil kidang kabol ding ahi. Kei Pakaiyin thil nasatah kabolpeh chu naumna mite jousen amusoh kei diu ahi” ati.

Pakai ngah hat a athilpha bola kinem jing mite Pathenin abolpeh ding thil chu mijouse mitvet a vetnom le kidang hiding ahi. Hijeh chun Pakai hung kipat a thil kidang nabolpeh ding ana ngah hat in tia katem nahiuve.

We wish a Happy Birthday to Dr. S. Chongloi, Director, Khangd**g Lamhil.💐🎁
Thank You very much for being a great director, especially for leading us wonderfully during the covid time.

*Jingkah Devotion*
Dr. S. Chongloi

January 21, 2023 nikhoa simding:

*POLITICS A UM DEN HINLA A CHRISTIAN HINA MANGCHA JING*

William Wilberforce, British Politician adeh a soh a kivei le soh kivulna dan sumanga pangpa hi Kingston upon Hull, England a 24 August 1759 in ana pengin chule July 29, 1833 in Belgravia, London a anathin ahi. Ama hi sumkolvei haosatah khat chapa ahi. Christian ahijouvin hatah in soh kivul le soh a kivei ana deimon asuhtangna din pan hatah in analan ahi. Christian ahijou chun politician minthang tah le soh kiveina suhtang ding hatah a angaito chu haisan a Christian mission natonga joh pang din anagel'n ahi.

William Wilberforce chutia lung chi-ah a aum lai hin John Newton, phat khat a soh a kivei minthang le Jesu atahsan jouva Englican lah a Pakai natonga pang chule *"Iti ngeitam lungset kidang"* ti la sempa koma achen alunggel aga d**gin ahi. Newton chun Wilberforce chu Pathenin politics a umden a abolsah nom um ho aboljom din aseipeh in ahile Wilbeforce jong ananomin, khonungin ama hapan jal'in England gam pumpia *"Slavery Abolition Act"* chu 1833 in ana passed in, England gam pumpi goh hilouvin tunikhoa vannoiya soh kiti aum tah lou hi ama hapan jal anahin ahi.

Chunga Wilberforce hi John Newton koma anache hih hen lang hile England a hi soh a kiveina le soh vulna um jinga ija ihet-u ham tunikho geiya vannoiya soh um nalai maithei ahi. Hinla Pathenin hiche boldinga chu akou ahina chu Newton in aseipeh jeh chun khonung chan geiya dia phachom vannoi pumpia kikhelna lentah tong doh pan ahung pang tan ahi. Politics a lut chu ase ahipon hinla Christian hilou lah a Christian politician ho ium tengule ihina suhmila amaho khat to bah hi adihlou ahijoi. Chusanga iChristian hinau hi manchah a chunga Wilberforce banga thilpha boldohpa/nu a pan chu Jesun, *"Nang ho Leiset chi le meivah nahiuve"* ati lolhin sahna ahi.

Christian jouse hi vannoiya ium vangun vannoi mi ihipouve. Vannoiyala uma vannoi mi hilou kiti chu abolding um kiseina ahi. Iboldiu chu ichennau gammi ho neh thei chi ihiuva chule akhomunau meivah ihi diu hi ahi. Jesun, *"Nang ho leiset chi nahiuve. Chi khu tamta le ipia ki-alsah kit ding ham?"* atin ahi. Chule aman, *"Nang ho vannoi salvah nahiuve. Molchunga khopi kisem chu akisel theipoi"* ati. Chi a-alna aumtei angaiyin chule meivah chu midangin avah amuteiyin ahi. Chutia chu eiho jong vannoiya chi le meivah a ipan thei tengule, *"Min itoh phat nau muntin, van a um ipau avahchoi diu ahi"* sumil poute tia katem nahiuve.

https://chat.whatsapp.com/G9G925IUE4m2v4iTpuX0gF

Jingkah Devotion group a jaolou ajaonom aumle join thei ahiye

3 JINGKAHSEH DEVOTION WhatsApp Group Invite

*Jingkah Devotion*
Dr. S. Chongloi

January 17, 2023 nikhoa simding: Ephesians 3: 17-18; Rome 5: 7-8; 8: 38-39

*PATHEN MI NGAILUTNA THUHJE ATEPI BEI AHI*

Guam a kona kms 100 val'a gamla mun a chun vannoiya twipi thuhpena kihe, *Mariana Trench* chu aumin ahi. Twipi thuh laitah chu mile 7 vel ahi akiti. Twipi thuh dan chu Mount Everest hi Mariana Trench twi thuh lai tah a kikoilut le twi noiya 7000 fts lhummang nalai ding ahi. January 23, 1960 chunJacques Piccard le Donald Walsh chu twi thuh laitah a chun ana lut lhon e akiti. Mile 7 vel a thuh twi to thimbet le adap aje umtalou mun a chun flat fish kiti nga jat khat ahingin aga mudoh lhonin ahi.

Mariana Trench twipi thuh dan chu aseije bei khat chu ahinai. Chusanga thuhjo hi Jesun eingailutnau hi ahin atena bei ahitai. Aman chonse ihilaitah un jong ahinna phal'in eihuh doh un ahi. Paul'in, *"Midih khel din khattou thi ngam jeng jongle, mipha khel'a thi ding jong thil hahsa ahi; hichea hin Pathenin eingailut nau photchenna eimusah-un, chonse ihi laitah-uvin Christa eiho khel din athitai"* ati hin Pathen mi ngailutna hi twi thuhpen sanga jong thuhjoa chule van sanga jong sangjo ahi eihilchenun ahi.

Hijeh a chu koi hile hiche Pathen mi ngailutna dih tah nei jousen midang hahsatna ngaidam lel le hepi lel anei lou ding dol ahi. Paul'in hiche Pathen mi ngailutna jaoje, sanje le thuhje hi phatah a ihet chet diu eideisah un ahi. Aman, *"Hitia chu mithengte chengse to Christa ngailutna jaoje le saoje, chule asanje le athuhje het khen jouna nanei theiyuva, hetna jouse khokhelsoh hel Christa ngailutna nahet theiyuva, ijakai chamkimsoh hel Pathen chamkimna nabulhin theina dingu ahiye"* atin ahi.

Paul'in hiche Pathen mi ngailut thuhje phatah a amudoh tah jeh chun thilsem imachan Pathen ngailutna a kona eikhen thei tah lou ding kahechen tai anatin ahi. *"I-Pakaiyu Christa Jesua cheng Pathen ngailutna a kona chu imachan eikhen thei louhel diu kaphochentai"* ati. Eihon jong Pathen mi ngailutna dih tah isunguva aume iti vangun tamtah vei Pathen mi ngailutnan ahop jou vangin eiho ngailutnan ahop jou lou ana umkhajin ahi. Hijeh chun thil neocha cha ho Pathen ngailutna to kisuhkhen sah poute tia katem nahiuve.

2 JINGKAHSEH DEVOTION WhatsApp Group Invite

*Jingkah Devotion*
Dr. S. Chongloi

January 16, 2023 nikhoa simding: Proverbs 22: 6; Ephesians 6: 4

*ACHONNA DING LOMA CHAPANG KHOUKHAH DING*

Sigmund Freud (1856-1939) kiti 19th century Psychologist minthang pa hi Austria mi Psychoanalysis boldohpa ahin ama seijui Carl Jung to thil poimo tah ni ana podoh lhonin ahi. Khat chu, *Oedipus Complex* ahin anina chu, *Electra Complex* ahi. Hiche hi mihem khat in ahetlou kah a apha hile ase hile hindana ana nei kiseina ahin chapang k*m 4-5 ho lah a nasa tah in aumin, phatea isintup lou le khonungle chanu le anu chule chapa le apa kah a kimudana asohdoh theiye ti ahi.

Greek te khohet dan hi michingte ahijeh un eiho hetdan to akibah louna atamin ahi. Legendary heroa aneiyu Oedipus hin apa, Laius atha a khonunga anu, Jocasta chu jia anei ahi. Chutobang thimin Electra chun asopipa Orestes agoiyin anu Clytemnestra chu apa phulahnan ana thasah in ahi. Hinla Oedipus bang chun apato vang akichen thu akisei poi. Hiche chapangin ahet lou kah a ahinna a ana um akhanletpi hindan hi amudoh lhon jeh a Greek te Lengendary Hero teni min aputsah lhona complex ni hi kihilna dinga ana pohdoh lhon ahi.

Chunga complex tenin eihilu chu, numei chapang k*m 4-5 vel ho hin apa adeiyuve ati ahi. Apa adeijeh-uva apa chu ama sanga anuto aha kivop joh le anu chunga lung nomo jiu ahi. Chutobanga chu pasal chapang k*m 4-5 ho chun anu adeiju ahin hijeh a chu anu chu amasanga apa to aha kivop joh le khonung le pasal chapang chun apa amudaji ahi atiu ahi. *Hijeh a chu chapang k*m 4-5 neilai hon numei chapang ahile anun ahet thema apa toh aha kivopsah ding chule pasal chapang ahile apan ahet thema anu toh akiha vopsah ngai ahi.*

Chate khoukhah hi hiche mong mong hi iman le chate aphatei teiye tina vang kahepon hinla thil phabep hi ihetnau lhahsam jeh a ase soh tampi vang aum kahen ahi. Hijeh a chu thuchih jihpan, *"Chapang chu achonna ding dol'in khou khah le chun ateh geiya jong asuhmil lou ding ahi"* ati ahi. Chule Paul'in, *"Pate ho, nachateu sulung hang hih-un, Pakai deiya gahchah le tilkhouna lamjoh a seiletsah jo'uvin"* atin ahi.

Hilaiya Paul'in thu ni chate khoukhahna a man dia asei hi, (1) Gahchah chule (2) Tilkhou ahi. Hiche pocheng teni hi ania manhai umlouva chate chunga man tei ngaidin kagel e. Gahchah a ngalouvin tilkhou to thon aneolaiya pat in nu le pa ten chingthei tah in achonna dinga lomin, gahchah le tilkhou pumin Pathen lungdeiyin khoukhah-u hite tia katem nahiuve.

https://chat.whatsapp.com/CHn3V4DKfkV7hzOZ6rl3b3

*Jingkah Devotion Group 1-12 a khatcha jaolou hinla jaonom hon a full kah a join jing thei ahi*

2 JINGKAHSEH DEVOTION WhatsApp Group Invite

Happy Birthday to Mrs. Lamtinneng Vaiphei, Acting Principal at Oasis Academy CBSE.
Mrs. Elizabeth is the beloved wife of Pastor Thangminlun Vaiphei, Deputy Director of Khangd**g Lamhil.

*Jingkah Devotion*
Dr. S. Chongloi

July 18, 2022 nikhoa simding: Matthew 6: 5-8

*ITAONAU IBOL'A KISANGJI LOU HAM?*

Mi khat te hin Pasal uicha vom neo khat aneiyun apotdoh nom teng tom kot kom'a hahap in ahapjin a-inneiten ajah tengu le aga hon pehjiuvin chuteng pama apotdohjin ahi. Nikhat a-inneite koima cha umlou nihin uicha chu aham ngaiyin tom kot kom'a aham ham jengtan a-inneite aum lou jeh chun kot honpeh ding koima la aum pon uicha chula aham nilhum hel jengin ahi.

Abang kom le eiho jong chunga uicha nilhuma aham vanga kot honpeh ding aumlou bangin itao tao jeng vangun itaonau akidonbut jipon ahi. Khatvei vei le ipi atile hijatvei kitaota a eiki donbut lou ham tia ilung nopmo kom jong aumjin ahi. Hinla taona hi mi tampin amankhel nompen le akiha hetkhelpen khat jong ahi ding ginchat aum e. Itaonau kisang lou kiti atamjo hi taona ipi ahi phatea ihet louvu jong ahinomjin ahi.

Hou lamkai khat hi ataona room sunga ataoteng jucha neocha cha hon asuboi lhehjin ahile aman jong alonaje ahetlou jeh chun mengcha khat akikoiyin ataojin ahile a seijui hon alamkai pauvin mengcha akikoiya atao amu-u chun mengcha kikoiya tao chu Pathenin asan theina chom umdanin agel'un a seijui jousen jong atao tengu le mengcha khat cheh akomuva akikoi jiuve, atiu tobanga tao jong ki-umji ahi.

Ama hitin ataovin keijong hiti hin tao leng Pathenin sanginte tia tao loi, abang ataothem ho taodan melchih a ngeitah a akitao le Pathenin asan dia tahsana tao loi, abang taona akiman ding jeh in paisa ham khat kitoh le Pathenin eigelkhoh jep dem tia paisa totei ngaisah a tao loi ajat kitamda ahipoi. Hinla Jesun molchunga athuhil'a taoding dan asei hi phatah a ivet le eiho geldan banga taoding sanga Pathen lungdei dan joh het a tao din eihil'un ahi.

*"Natao tengu leh mipha lhem ho toh bang hih-un, amahon mi mu ding deinan Hou thua kikhopna in tin a dindoh a tao le kholai lamkon dunga din a tao ding bou adeiyui. Dih tah a kaseipeh nahiuve, amahon kipaman akisanu ahitai. Nang vang natao teng, na-indan sunga lut in, kotpi kikam khumin, mit a mu thei lou na-Pa hengah guh thimin taojon; ajeh chu nathum masanguva jong na-pauvin na-ngai chat jouseu ahetsa ahitai"* atin ahi. Akhoh pen hi itaona diu pa Pathen hi ipau ahimasat ngai ahi sumil poute.

*Jingkah Devotion*
Dr. S. Chongloi

July 14, 2022 nikhoa simding: Luke 10: 38-42

*KHOHSAH DING KHATSEH BOU AUME*

Mipa khat hi nilhangkai seh le achanu to avahdohji (evening walk) lhonin ahile nom asan akipah lhehjin ahi. Chutia chu ni tampi ahung chejing lhon jou hin achanu hi ahung kiseimo jep jep in apan atem teng adajin ahile apa hin nommo asaji lheh in ahi. Lhathum jouvin apa pen nikho ahung lhung tan achanun Sangkhollum (sweater) khat ahungpen ahi. Apan, *"Chanu, ijat a nachoh ham?"* atile amanun, *"Hepa, Kachoh ahipoi, keima tah in nang dinga kasahpeh nahi. Tukah nilhah kapotpiji lou chu hiche sahna a hi kaboi ahi"* ahin tin ahi.

Hichun apan, *"Chanu, kakipah e. Hinla songkhollum hi Dukan a igachoh thei ahi. Hinla lhathum sunga neikivoppi thei lou vang chu paisa ijat kinei jongle ichoh jou lou ding ahitai. Ken sangkhollum sangin nangin neikilhonpia neiki voppi ding kadeijoi"* atipeh in ahi. Ajeh chu apa hi damlou ahitan achanu angaina le akivoppi nomna joh chu lenjo anahi. Sotlouvin apan ana dalha taove, akiti.

Chunga thusima achanun akhohsah joh dia apan adei chu apa dia sangkhollum asahpeh ding chu ahipon, chusanga apatoh akilhon khoma hinkho amanpi ding chu ahi. Hilaiya achanu hin boldia khohjo le thupijo bollouva apan adei ding ham tia aman agel joh khat anabol ahin hinla apadei anahi tapon ahi. Hinkhoa hi khohsahpen ding le athupipen hi holdoh a boljing angaidan chunga pacha teni hinkhoa konin akimudoh theiyin ahi.

Jesu Mary le Martha kom alhun hin Martha chu Jesu neh le chah le angaichat dia aginchat jouse bol'in akisaboiyin hinla Mary vang chu Jesu kengbul'a atouvin athusei anangai ngaiyin ahi. Martha aphun chun Jesun adonbut in, *"Martha, Martha, thil tampi ngai-toa lung gim nahi. Khohsah ding thil khatseh bou ahin, Maryn aphalai akilhentan, kilahpeh kit louhel ding ahitai,"* atin ahi.

Tamtahvei eihon jong aphalai kilhenje iheji pouve. Khohsah ding thil khat bou um chu Pakai kengbul'a touva asei ngai ngai jeng hi ahi. Ijatvei Pakai kengbul'a touva athusei ngaisanga toh ding dang ikilhen jiuvem? Ijatvei social media a kisaboiya Pakai thusei ngaimanlouva ium jiuvem? Ikilhenkhel louna diuvin Pakaiyin ipi eiseipeh nom'u ngaidin akengbul'a touvin athusei ngaiyu hite tia katem nahiuve.

*Jingkah Devotion*
Dr. S. Chongloi

July 12, 2022 nikhoa simding: Psalms 4: 8; Colossians 3: 15

*CHAMNA DIH TAH*

Catherine Marshall in, *Picture of Peace* ti thusim ajihna a itobang hi chamna dihtah limso ahi ana hilchenin ahi. Aman thusim khat aseiyin, Lengpa khat in limjih them ho *Chamna Dihtah* limso ajih-uva aman ajona le alhenkah din aphong doh in chule ajihthempen jong kipaman apeh din akitep in ahi.

Limjih them tampin itobang chu chamna dihtah limso hiding ham tin ama geldan cheh ajih un ahi. Ban neichan ahin lhenglha lhauvin ajonan lim kijih ni bou ahung um tai. Lengpan aven ahile, lim masa chu, Dil (lake) khat chimset a dapjinjen jeng, avel'a pahcha pah a molsang thim khat in akolkhuma chule mol chunga chu van dumjinjen uma meibol kangsitset kijal um ahin chamna dihtah limso din akilom lheh jengin ahi.

Lim kisem nina jong chu Dil khatma ahin mol'in akolkhumin hinla mol chu ajolsilsel pon song le thing akihal'in ahi. Chule mol chunga chun meilom akikhangin, van akinimin, kol aphen, keh akhen, go jong ajun chule mol'a songpi hoa kon chun twi jalthethun ahung longlhan chamna dihtah lim apu hih beh in ahi. Hinla Lengpa chun phatah a agah naivet le twi hung lonlhahna noiya chun songpi kah a thingphung neo khat akeh in achunga chun vacha khat in bu asan ahi. Chutobang van kinim'a chule twi long jal thethu jeng lah a vacha khat lungmong tah a abu sunga aum chu amudoh phat in lengpan hiche lim joh chu alhengjo tan ahi.

Lengpan ipijeh a alhen ham ti ahilchetna a, chamna dihtah kiti hi munthip, gal le tol umlouna chule boina imacha umlou jeh ahipon, chamna dihtah kiti chu mun hahsa gal le tol lah hihen chule boina dimset jongle dapheuva lungmonga hintheina chu ahijoi atin ahi. Chamna dihtah hi Chamna Leng Chapa neiya kon bou ahi. Amun le aphat poh ahipon isunguva chamna achen jeh a lungmonga chamdel'a hing thei joh ihibou-uve. Chutobang neihon chamna dihtah chu aneitheiyu ahi.

Paul'in, *"Christa a hungkon cham nan na-lung sunguva vai homhen, hiche dinga chu tipumkhat' a kikou nahiuve"* atin ahi. Chutobanga Christa a chamna neijouse chu lungmonga hinkho aman diu ahi tin Labu jihpan eihil'un ahi. *"Lung monga kalup a chule ka-imut ding ahi, bitkeiya eichensah thei nangbou nahi Pakai"* ati. Itobang lah a umjong leu hen Pakai Jesua chamna dihtah ineiyu le lungmonga hinkho iman diu ahi.

*Jingkah Devotion*
Dr. S. Chongloi

July 08, 2022 nikhoa simding: Psalms 127:3

*LEISET A GOU KHOL PHAPEN CHATE SEM AHI*

Qing Dynasty laiya Chinese Governor General minthang, Lin Zexu (30 August 1785 - 22 November 1850) chu Fujian State a kon anahin Chinate thusim'a suhmil theilou, *First O***m War* (Kani Gal Masapen) 1839-1842 chu ama lamkainan anasat un ahi.

Chinate thunun jouna dinga British hon agamsunguva Kani atusah uva alousoh chu lhumlam gama lou le ai semna ana manjiu ahi. Natonga pang hon atohman'u amu-u hijongle ahetlou kah-uva agam sungu Kani ne adim adoh a umdoh a chule Kani le achateu ana kilheh-u anahitai.

Hijeh a chu General Lin in agam sunguva Kani kivei mi 1700 le Kani pipe 70,000 amat peh a chule kani lakh 120 kgs amatdoh ho chu June 3, 1839 nikhoa pat mi 500 agoiya ni 23 sung sulut a anasuhmang sah ahi.

Hiche General pa hi ahao lheh in amin thang lheh jengin, nikhat hi mihon ad**gun, *"Pu, nanei na nga le namin thanna hohi nachapa nadalhah peh nom em?"* atiu le aman, *"Kachapa hi keito bang mi ahile imacha kadalhah peh khoh ngaiponte, ijemtia kachapa hi keitobang mi ahilou khah le kadalhah peh loubeh phanalai ding ahi,"* tin ana donbut in ahi.

Tujinga iseinomu chu, English Thuchih in, *K*m khat a ding natile Chang kitun, k*m soma ding natile Thing kiphu in, k*m jakhat a ding natile Chate kisemin* atiu banga chate isemu chu k*m 100 a ding bou hilouvin Nampi le Houbung khonung ding sem ihiu geldoh puma isem diu angaiye. Ajeh chu Labu jihpan, *"Ven, chate hi Pakaiya kon gou ahin, naobu sunga pengdoh jong kipaman ahiye"* tin eihil'un ahi.

Chunga Lin Zexu kidoh bangin eiki d**g taleu, ichateu chu son aum monge iti ngam nadiuvem? Pathenin eipeh-u gou chate chu goulu tah eipepau lungdeiya ikhou khah-u hinam? Langkhat a chate ho tahsan thei chate ihiu hinam? Pathenin insunga goulupen'a nanu napa apeh chu tunikhoa aman tam gou ihinah um kingaito angaiye. Ajeh chu Pathena kon gou manlu chu akingolsah ngaipoi.

Hijeh chun nu le pa te hon leiset chunga gou khol phapen hi paisa tampi chate dalhah peh ding hijo louvin, Pathen to chate ijopmat diu joh hi ahi ti sumil poute. Lasempan, *"Chapang ho puilouva iti kahung diu ham? Kagou hou ikimto nagam neipui lut un. Boipu panglouva iti kahung diu ham? Lungdei jouse to navan-gam neipui lut un"* ati hi itaonau hisah jingutin, Insungtin kulpi chimgam tajongle semthah kit tao hite tia katem nahiuve.