MGV Pharmacy College, Nashik.

Ms Rutuja Bajad ,F.Y M.Pharm student of Dept of Pharmacology, MGV Pharmacy College has been selected as project intern(Regulatory Toxicologist) at Innomagine Consulting Private Ltd, Hyderabad for a period of one year. She shall be getting a stipend of 25 k / month. She got this through the given assignment and online personal interview. She was selected among her other student competitors from other pharmacy colleges.
Rutuja's sheer hardwork and determination will definitely make her reach her goals.
On behalf of Management , Principal, Staff and students we wish her good luck always.💐💐

एमजीव्ही फार्मसी स्वायत्त महाविद्यालयातील फार्म डी (६ वर्षे) अभ्यासक्रमाच्या अंतिम वर्षातील विद्यार्थ्यांचा निरोप समारंभ उत्साहात पार पडला.
नाशिक (प्रतिनिधी) – हरे नॉलेज सिटी कॅम्पस, पंचवटी येथील महात्मा गांधी विद्यामंदिर संचलित एमजीव्ही फार्मसी (स्वायत्त) महाविद्यालयात फार्म डी (६ वर्षे) अभ्यासक्रमाच्या अंतिम वर्षातील विद्यार्थ्यांचा निरोप समारंभ उत्साहात आणि भावनिक वातावरणात पार पडला.
या कार्यक्रमाचे प्रमुख पाहुणे म्हणून श्री साईबाबा हार्ट इन्स्टिट्यूट मल्टिस्पेशालिटी हॉस्पिटल, नाशिक येथील प्रसिद्ध हृदयरोगतज्ज्ञ डॉ. अनिरुद्ध धर्माधिकारी उपस्थित होते. त्यांनी सांगितले की “फार्मसी क्षेत्रात काम करताना रुग्णसेवा हीच सर्वोच्च प्राथमिकता असावी,” असे सांगत त्यांनी विद्यार्थ्यांना समाजाभिमुख दृष्टिकोन ठेवण्याचे आवाहन केले.
कार्यक्रमाच्या अध्यक्षस्थानी संस्थेचे उपाध्यक्ष व प्रमुख अतिथी डॉ. हरीश आडके उपस्थित होते. आपल्या मनोगतात त्यांनी विद्यार्थ्यांना पुढील व्यावसायिक वाटचालीसाठी शुभेच्छा देताना प्रामाणिकपणा, कष्ट आणि सामाजिक बांधिलकी या मूल्यांचे महत्त्व अधोरेखित केले.
महाविद्यालयाचे प्राचार्य डॉ. संतोष तांबे यांनी विद्यार्थ्यांना मार्गदर्शन करत फार्म डी अभ्यासक्रमाच्या व्यापक संधींबाबत माहिती दिली. त्यांनी विद्यार्थ्यांनी आत्मविश्वासाने पुढे जाऊन आपल्या ज्ञानाचा योग्य वापर करावा, असे सांगत उज्ज्वल भविष्यासाठी शुभेच्छा दिल्या.




#निरोपसमारंभ #एमजीव्हीफार्मसी #नाशिक #पंचवटी

एमजीव्हीच्या फार्मसी स्वायत्त महाविद्यालयातील विद्यार्थ्यांचे “लोकनेते व्यंकटराव हिरे” यांच्या जयंतीनिमित्त इनोफेस्ट – २०२६ संशोधन स्पर्धेमध्ये उल्लेखनीय कामगिरी.
"लोकनेते व्यंकटराव हिरे" यांच्या जयंतीनिमित्त महात्मा गांधी विद्यामंदिर संचलित, लोकनेते व्यंकटराव हिरे कला, विज्ञान व वाणिज्य महाविद्यालय (स्वायत्त), पंचवटी, नाशिक येथे आयोजित “इनोफेस्ट – २०२६” या संशोधनाधिष्ठित स्पर्धेत एमजीव्ही फार्मसी स्वायत्त महाविद्यालयातील विद्यार्थ्यांनी लक्षणीय शैक्षणिक कामगिरी नोंदवली.
सदर स्पर्धेत बी.फार्म अंतिम वर्षातील दिव्या ढाके व अनुष्का आहेर यांनी त्यांच्या संशोधन सादरीकरणातील तांत्रिक अचूकता व विश्लेषणात्मक मांडणीच्या आधारे चौथा क्रमांक प्राप्त करून ५०० रुपयांचे पारितोषिक मिळवले. फार्मडी तृतीय वर्षातील वेदिका लोखंडे व अपूर्वा चंद्रहास यांनी संशोधनातील नावीन्य, पद्धतशीरता व परिणामकारक निष्कर्षांच्या आधारे प्रथम क्रमांक पटकावत ३१०० रुपयांचे पारितोषिक संपादन केले.
प्रोजेक्ट प्रेझेंटेशन विभागात गिरिजा निवडुंगे, निवाशिनी गोविंदराज व प्रांजल सूर्यवंशी यांनी पाचवा क्रमांक मिळवला, तर पोस्टर प्रेझेंटेशन विभागात प्रांजल सूर्यवंशी व जान्हवी आहेर यांनी प्रथम क्रमांक प्राप्त करून १५०० रुपयांचे पारितोषिक मिळवले.



#इनोफेस्ट2026 #एमजीव्ही #फार्मसीमहाविद्यालय #संशोधनस्पर्धा #विद्यार्थीयश #अभिनंदन

एमजीव्ही फार्मसी स्वायत्त महाविद्यालय येथे लोकनेते व्यंकटराव हिरे यांना जयंतीनिमित्त अभिवादन.
हिरे नॉलेज कॅम्पस, येथील महात्मा गांधी विद्यामंदिर संचलित फार्मसी स्वायत्त महाविद्यालय पंचवटी नाशिक येथे आज दि. २४ /४/२०२६ रोजी लोकनेते व्यंकटराव हिरे यांची ९७ वी जयंती साजरी करण्यात आली.
याप्रसंगी महाविद्यालयाचे प्राचार्य डॉ. संतोष तांबे हे अध्यक्षस्थानी होते. त्यांच्या हस्ते लोकनेते व्यंकटराव हिरे यांच्या प्रतिमेचे पूजन करण्यात आले.
लोकनेते यांनी शिक्षण महर्षी कर्मवीर भाऊसाहेब हिरे यांच्या सामाजिक, शैक्षणिक, सहकार आणि राजकिय जीवन प्रवासाचा वारसा खंबीरपने पुढे नेला. तसेच नाशिक जिल्ह्यात सामाजिक सुधारणा आणि विकास कामांमध्ये सक्रिय भूमिका बजावली. त्यांनी गरीब आणि गरजू लोकांसाठी विविध योजना राबवल्या आणि त्यांच्या जीवनात सकारात्मक बदल घडवले. त्यांनी शिक्षण क्षेत्रातही महत्त्वपूर्ण योगदान दिले. त्यांनी अनेक शाळा आणि महाविद्यालयाची स्थापना केली आणि विद्यार्थ्यांना उच्च शिक्षणासाठी प्रेरित केले. त्यांनी आपल्या कामातून लोकांच्या जीवनात सकारात्मक बदल घडवले. लोकनेत्यांच्या कार्यातून सगळ्यांनी प्रेरणा घेतली पाहिजे.
याप्रसंगी महाविद्यालयाचे डॉ. रुपाली पाटील, डॉ. पंकज पाटील, डॉ. दक्षा अत्तरदे, कार्यालयीन अधीक्षक पंडित बोरसे व महाविद्यालयातील विद्यार्थी सर्व प्राध्यापक व कार्यलयानी कर्मचारी उपस्थित होते.


#लोकनेते_व्यंकटराव_हिरे #जयंती_समारंभ

एमजीव्ही फार्मसी स्वायत्त महाविद्यालय पंचवटी नाशिक येथे २३ एप्रिलला जागतिक पुस्तक दिन साजरा करण्यात आला.
नाशिक (प्रतिनिधी) – ज्ञानाची सुवर्णकिल्ली मानल्या जाणाऱ्या पुस्तकांच्या सानिध्यात आज हिरे नॉलेज कॅम्पस, पंचवटी येथील महात्मा गांधी विद्यामंदिर संचलित फार्मसी स्वायत्त महाविद्यालयात जागतिक पुस्तक दिन उत्साहात साजरा करण्यात आला.
या निमित्ताने महाविद्यालयाच्या ग्रंथालयात विद्यार्थ्यांनी सामूहिक ग्रंथवाचन करत ज्ञानयज्ञाची प्रज्वलित परंपरा जपली. पुस्तकांच्या सुगंधी पानांतून विचारांचे विश्व खुलत असते, याची अनुभूती विद्यार्थ्यांनी या उपक्रमातून घेतली.
प्राचार्य डॉ. संतोष तांबे यांनी ग्रंथालय विभागास शुभेच्छा देताना सांगितले की, “पुस्तके ही माणसाच्या जडणघडणीतील अमूल्य गुरू आहेत. वाचनाच्या सवयीमुळे भाषा परिपक्व होते, विचारांना दिशा मिळते आणि व्यक्तिमत्त्व समृद्ध होते.”
यावेळी ग्रंथपाल श्री. शिवाजी खांडेकर यांनी विद्यार्थ्यांना मार्गदर्शन करत, “महाविद्यालयाच्या ग्रंथालयात विविध विषयांचे समृद्ध वाचनसाहित्य उपलब्ध आहे. त्याचा अधिकाधिक उपयोग करून स्वतःचे ज्ञानविश्व विस्तारावे,” असे आवाहन केले. सहायक ग्रंथपाल श्रीमती मनीषा हिरे यांचीही यावेळी उपस्थिती लाभली.

हिरे नॉलेज कॅम्पस, पंचवटी, नाशिक येथील महात्मा गांधी विद्यामंदिर संचलित फार्मसी स्वायत्त महाविद्यालय व सिटीजन असोसिएशन फॉर चाइल्ड राईट यांच्या संयुक्त विद्यमाने हिमोग्लोबिन चाचणी अ‍ॅनिमिया नियंत्रणासाठी मोफत आरोग्य तपासणी शिबिराचे आयोजन करण्यात आले.

या उपक्रमांतर्गत महाविद्यालयातील सर्व प्राध्यापक, कार्यालयीन कर्मचारी तसेच विद्यार्थ्यांसाठी मोफत अ‍ॅनिमिया स्क्रीनिंग (हिमोग्लोबिन चाचणी) करण्यात आली. शिबिराचा मुख्य उद्देश अ‍ॅनिमिया या वाढत्या आरोग्य समस्येबाबत जागरूकता निर्माण करणे तसेच वेळेवर निदान करून योग्य उपचार उपलब्ध करून देणे हा होता.

तपासणीदरम्यान ५०० सहभागींच्या हिमोग्लोबिनची पातळी तपासण्यात आली व आवश्यकतेनुसार वैद्यकीय सल्ला देण्यात आला. याशिवाय अ‍ॅनिमिया नियंत्रणासाठी आवश्यक उपाययोजनांची माहिती देण्यात आली. या उपक्रमामुळे विद्यार्थ्यांमध्ये व कर्मचाऱ्यांमध्ये आरोग्याबाबत जागरूकता वाढण्यास मदत झाली असून, शिबिरास उत्स्फूर्त प्रतिसाद लाभला.

महाविद्यालय विकास समितीचे अध्यक्ष मा. राजेश शिंदे या उपक्रमाबाबत समाधान व्यक्त केले. महाविद्यालयाचे प्राचार्य डॉ. संतोष तांबे यांनी अशा आरोग्यविषयक उपक्रमांचे आयोजन नियमितपणे करण्याचा मानस व्यक्त करत, समाजात आरोग्याबाबत सकारात्मक संदेश पोहोचण्यास मदत होईल, असे सांगितले.

सिटीजन असोसिएशन फॉर चाइल्ड राईट यांच्या वतीने भारती बागुल व अमित विश्वकर्मा उपस्थित होते. या शिबिराचे नियोजन प्रा. वैशाली रकीबे व डॉ. रामेश्वर राठोड यांनी केले.

तसेच मयंक शुक्ला, आदित्य सिंह, कोमल जाधव, श्रीश गायधने., कौस्तुभ गिलबे व भाविका घोपे या विद्यार्थ्यांनी स्वयंसेवक म्हणून काम पाहिले.

प्राचार्य डॉ. संतोष तांबे यांना ‘लीडरशिप एक्सलन्स अवॉर्ड’ने गौरव

नाशिक, पंचवटी (प्रतिनिधी) : शैक्षणिक क्षेत्रात दूरदृष्टीपूर्ण नेतृत्व आणि समर्पित सेवेमुळे वेगळी ओळख निर्माण करणाऱ्या महात्मा गांधी विद्यामंदिर संचलित फार्मसी स्वायत्त महाविद्यालयाचे प्राचार्य डॉ. संतोष तांबे यांना ‘इंदिरा विद्यापीठा’कडून प्रतिष्ठेचा ‘लीडरशिप एक्सलन्स अवॉर्ड’ प्रदान करून सन्मानित करण्यात आले आहे.

उच्च शिक्षण क्षेत्रातील त्यांच्या उल्लेखनीय योगदानाची दखल घेत हा सन्मान बहाल करण्यात आला. विद्यार्थी-केंद्रित दृष्टी, प्रभावी शैक्षणिक प्रशासन आणि संस्थेच्या सर्वांगीण प्रगतीसाठी त्यांनी केलेल्या सातत्यपूर्ण प्रयत्नांमुळे महाविद्यालयाने शैक्षणिक गुणवत्ता, संशोधन व नवोन्मेष या क्षेत्रांत लक्षणीय उंची गाठली आहे.

डॉ. संतोष तांबे यांच्या नेतृत्वाखाली महाविद्यालयाने प्रगतीची नवी क्षितिजे गाठत शैक्षणिक उत्कृष्टतेचा नवा मानदंड निर्माण केला आहे. नाविन्यपूर्ण दृष्टिकोन, गुणवत्तापूर्ण शिक्षणाबद्दलची निष्ठा आणि विद्यार्थ्यांमध्ये प्रेरणादायी वातावरण निर्माण करण्याच्या त्यांच्या कार्यामुळे संस्थेची भक्कम उभारणी झाली आहे. त्यांच्या या यशस्वी वाटचालीने संपूर्ण महाविद्यालयाच्या गौरवात भर पडली असून आदर्श नेतृत्वाचे ही जणू साक्षच ठरली आहे

या यशाबद्दल महात्मा गांधी विद्यामंदिर संस्थेचे जनरल सेक्रेटरी डॉ. प्रशांत हिरे, कोषाध्यक्षा डॉ. स्मिता हिरे, उपाध्यक्ष डॉ. हरीश आडके, सहसचिव डॉ. व्ही. एस. मोरे, समन्वयक डॉ. अपूर्व हिरे, विश्वस्त डॉ. संपदा हिरे व डॉ. अद्वय हिरे तसेच महाविद्यालय विकास समितीचे अध्यक्ष श्री राजेश शिंदे, उपप्राचार्य, विभागप्रमुख, प्राध्यापक, शिक्षकेतर कर्मचारी व विद्यार्थ्यांनी त्यांचे अभिनंदन केले व शुभेच्छा दिल्या.

पंचवटीतील एमजीव्ही फार्मसी स्वायत्त महाविद्यालयात भारतरत्न डॉ. बाबासाहेब आंबेडकर जयंती उत्साहात साजरी.

नाशिक, पंचवटी (प्रतिनिधी): हरे नॉलेज सिटी कॅम्पस, पंचवटी येथे स्थित एमजीव्ही फार्मसी (स्वायत्त) महाविद्यालयात भारतरत्न डॉ. बाबासाहेब आंबेडकर यांच्या १३५ व्या जयंतीनिमित्त अभिवादनपर कार्यक्रम उत्साहात पार पडला.

कार्यक्रमाची सुरुवात डॉ. बाबासाहेब आंबेडकर यांच्या प्रतिमेस पुष्पहार अर्पण करून करण्यात आली. महाविद्यालय विकास समितीचे अध्यक्ष राजेश शिंदे तसेच प्राचार्य डॉ. संतोष तांबे यांच्या मार्गदर्शनाखाली कार्यक्रमाचे आयोजन करण्यात आले होते.

यावेळी विद्यार्थी सम्यद निकम यांनी आपल्या मनोगतातून डॉ. आंबेडकर यांच्या जीवनकार्याचा प्रभावी आढावा घेतला. सामाजिक, शैक्षणिक तसेच राज्यघटनात्मक क्षेत्रातील त्यांच्या योगदानावर प्रकाश टाकत “शिका, संघटित व्हा, संघर्ष करा” हा मूलमंत्र उपस्थितांसमोर अधोरेखित केला. त्यांच्या विचारांची आजच्या काळातील उपयुक्तता स्पष्ट करत विद्यार्थ्यांना प्रेरित केले.

कार्यक्रमाचे सूत्रसंचालन प्रा. वैशाली रकिबे यांनी केले. याप्रसंगी आय.आय.पी.टी चे प्राचार्य डॉ. प्रमोद एन. कातकाडे, उपप्राचार्य प्रा. किरण एरंडे, डॉ. जितेंद्र नेहेते, डॉ. सुवर्णा कट्टी, डॉ. रुपाली पाटील, प्रा. वंदना पाटील,
प्रा. अनुपमा कापडणीस, डॉ. सोनाली पवार, कार्यालयीन अधीक्षक पंढरीनाथ बोरसे तसेच महाविद्यालयातील प्राध्यापक, कर्मचारी आणि विद्यार्थी मोठ्या संख्येने उपस्थित होते.

नाशिक (पंचवटी) : हिरे नॉलेज कॅम्पस, पंचवटी, नाशिक येथील महात्मा गांधी विद्यामंदिर फार्मसी स्वायत्त महाविद्यालयात भारतरत्न डॉ. बाबासाहेब आंबेडकर यांच्या १३५ व्या जयंतीनिमित्त सामाजिक समता सप्ताहाला उत्साहात प्रारंभ झाला. हा सप्ताह ८ ते १४ एप्रिल दरम्यान विविध उपक्रमांनी साजरा केला जात आहे.

डॉ. बाबासाहेब आंबेडकर संशोधन व प्रशिक्षण संस्थेच्या पुढाकारातून आयोजित करण्यात आलेल्या या उपक्रमाचे आयोजन संस्थेचे समन्वयक तसेच सावित्रीबाई फुले पुणे विद्यापीठाचे सिनेट सदस्य डॉ. अपूर्व हिरे व विश्वस्त डॉ. संपदा हिरे यांच्या संकल्पनेतून करण्यात आले. या कार्यक्रमाला महाविद्यालय विकास समितीचे अध्यक्ष मा. राजेश शिंदे व महाविद्यालयाचे प्राचार्य डॉ. संतोष तांबे यांचे मार्गदर्शन लाभले.

कार्यक्रमाच्या प्रारंभी डॉ. बाबासाहेब आंबेडकर यांच्या प्रतिमेचे पूजन करण्यात आले. त्यानंतर भारतीय संविधानाच्या प्रास्ताविकेचे सामूहिक वाचन करून उपस्थितांनी सामाजिक समतेची बांधिलकी व्यक्त केली.

यावेळी समाज कल्याण अधिकारी मंगला मोरे, उज्वला इंगोले व सुनील पागे यांनी विद्यार्थ्यांना सामाजिक समता, न्याय आणि शासकीय कल्याणकारी योजनांबाबत सविस्तर मार्गदर्शन केले. राज्य शासनाच्या विविध योजनांची माहिती सर्वसामान्यांपर्यंत पोहोचावी व समाजात समतेची जाणीव वाढावी हा या सप्ताह साजरा करण्यामागील मुख्य उद्देश असल्याचे त्यांनी सांगितले.

हा उपक्रम सामाजिक समता विभागाच्या महासंचालक दीपा मुथळ व विभाग प्रमुख डॉ. बबन जोंधळ यांच्या मार्गदर्शनाखाली राबविण्यात येत असून, विद्यार्थ्यांमध्ये सामाजिक जाणीव व संवेदनशीलता वाढविण्यासाठी विविध कार्यक्रमांचे आयोजन करण्यात आले आहे. या उपक्रमाला विद्यार्थ्यांचा उत्स्फूर्त प्रतिसाद लाभत असून, सामाजिक समतेचा संदेश प्रभावीपणे पोहोचत आहे.

सदर कार्यक्रमास उपप्राचार्य प्रा. किरण एरंडे, डॉ सोनाली पवार प्रा वैशाली रकिबे व महाविद्यालयातील सर्व प्राध्यापक आणि विद्यार्थी कार्यालयीन कर्मचारी उपस्थित होते.

महात्मा गांधी विद्यामंदिर संचलित औषध निर्माणशास्र स्वायत्त महाविद्यालय पंचवटी, नाशिक येथील विद्यार्थीनी ‘जी-पॅट २०२६' या राष्ट्रीय स्तरावरील परीक्षेत यशस्वी झाले आहेत. औषध निर्माण विषयात पदव्युत्तर पदवी अभ्यासक्रमास प्रवेश घेण्यासाठी हि परीक्षा महत्वाची मानली जाते. ‘जी-पॅट ‘ हि परीक्षा दर वर्षी राष्ट्रीय स्तरावर नॅशनल टेस्टिंग एजेंसी मार्फत घेतली जाते. विशेषतः हि परीक्षा उत्तीर्ण होणाऱ्या विद्यार्थ्यांना पदव्युत्तर पदवी अभ्यासक्रमास दरमहा विद्यावेतन ऑल इंडिया कौन्सिल फॉर टेक्निकल एज्युकेशन – नवी दिल्ली (एआयसीटीई ) या संस्थेद्वारे दिले जाते.
‘जी-पॅट ‘ या परीक्षेत यशस्वी झालेल्या विद्यार्थ्यांची नावे पुढीलप्रमाणे भाग्यश्री नेमाडे हिने २५९, हर्ष जाधव २०६ , वरद सोनवणे १९१, सलोनी कुमावत १९०, साहिल सातभाई १९०, तनुजा जोशी १८८, प्रगती हिरे १७८ आणि कुणालसिंग राजपूत १५८ गुण संपादन करत महाविद्यालयाचा गौरव वाढवला.
विद्यार्थी-केंद्रित शिक्षणपद्धती आणि गुणवत्तापूर्ण मार्गदर्शन यासाठी ओळखले जाणारे हे महाविद्यालय विद्यार्थ्यांच्या सर्वांगीण विकासासाठी सातत्याने प्रयत्नशील आहे. फार्मसी पदवीधर विद्यार्थ्यांना पदव्युत्तर अभ्यासक्रमासाठी प्रवेश मिळवण्यासाठी GPAT, GATE यांसारख्या स्पर्धा परीक्षांना सामोरे जावे लागते. यासाठी आवश्यक असलेली सर्वंकष तयारी महाविद्यालयामार्फत काटेकोरपणे करून घेतली जाते.

पंचवटी फार्मसी महाविद्यालयातील GPAT - GATE या परीक्षांच्या मार्गदर्शनावर समुपदेशन विभागाची स्थापना करण्यात आले असून प्राचार्य डॉ. संतोष तांबे यांच्या मार्गदर्शनाखाली विद्यार्थ्यांकडून सदर परीक्षेची सखोल तयारी करून घेतली जाते.महाविद्यालयातील उत्कृष्ट शिक्षकवर्गाचे मार्गदर्शन आणि अद्वितीय शिक्षण प्रणाली यामुळे विद्यार्थ्यानी ‘जी-पॅट २०२६' परीक्षेत घवघवीत यश प्राप्त केले आहे. या विद्यार्थ्याने आपल्या कठोर परिश्रम आणि समर्पणामुळे या प्रतिष्ठित परीक्षेत उत्कृष्ट गुण मिळवून महाविद्यालयाचे नाव उंचावले आहे.

विद्यार्थिचे या यशाबाबत महात्मा गांधी विद्यामंदिर संस्थेचे जनरल सेक्रेटरी डॉ. प्रशांत हिरे, कोषाध्यक्ष डॉ .स्मिता हिरे, उपाध्यक्ष डॉ. हरीश आडके, सहसचिव डॉ.व्ही एस मोरे, संस्थेचे समन्वयक तथा सावित्रीबाई फुले पुणे विद्यापीठ सिनेट सदस्य डॉ. अपूर्व हिरे, विश्वस्त डॉ. संपदा हिरे, विश्वस्त डॉ.अद्वय हिरे. महाविद्यालय विकास समितीचे अध्यक्ष श्री राजेश शिंदे व महाविद्यालयाचे प्राचार्य डॉ. संतोष तांबे यांनी विद्यार्थ्याचे अभिनंदन केले व उज्ज्वल भविष्यासाठी शुभेच्छा दिल्या.

हिरे नॉलेज कॅम्पस, पंचवटी येथील महात्मा गांधी विद्यामंदिर फार्मसी स्वायत्त महाविद्यालय मध्ये वार्षिक सांस्कृतिक महोत्सव “मोसैका २०२६” मोठ्या उत्साहात आणि जल्लोषात पार पडला. विद्यार्थ्यांच्या कला, क्रीडा आणि सांस्कृतिक गुणांना वाव देणारा हा महोत्सव विविध रंगतदार कार्यक्रमांनी सजला होता.

या महोत्सवाचे आयोजन महात्मा गांधी विद्यामंदिर संस्था चे समन्वयक तसेच सावित्रीबाई फुले पुणे विद्यापीठ चे सिनेट सदस्य डॉ. अपूर्व प्रशांत हिरे यांच्या मार्गदर्शनाखाली आणि विश्वस्त डॉ. संपदा हिरे यांच्या प्रेरणेतून करण्यात आले. त्यांच्या दूरदृष्टीमुळे आणि नियोजनामुळे कार्यक्रमाला विशेष उंची प्राप्त झाली.
महोत्सवात नृत्य, गायन, नाट्य, फॅशन शो, तसेच विविध स्पर्धात्मक उपक्रमांचे आयोजन करण्यात आले होते. विद्यार्थ्यांनी आपल्या सर्जनशीलतेचा उत्कृष्ट आविष्कार सादर करत प्रेक्षकांची मने जिंकली. संपूर्ण कॅम्पस आनंदमय वातावरणाने न्हाऊन निघाला होता.
महाविद्यालय विकास समितीचे अध्यक्ष श्री. राजेश शिंदे यांनी आपल्या संदेशात सांगितले की, “अशा सांस्कृतिक कार्यक्रमांमुळे विद्यार्थ्यांचा सर्वांगीण विकास होतो. त्यांच्या व्यक्तिमत्वाला नवे पैलू प्राप्त होतात आणि कला गुणांना योग्य व्यासपीठ मिळते.”

कार्यक्रमाच्या समारोपप्रसंगी आपले मनोगत व्यक्त करताना प्रमुख अतिथी संस्थेचे उपाध्यक्ष डॉ. हरीश आडके यांनी मनोगत व्यक्त केले कि अशा सांस्कृतिक कार्यक्रमाच्या माध्यमातून विद्यार्थ्यांचा व्यक्तिमत्व व सर्वांगीण विकास, सुप्त गुणांना वाव निर्माण होण्यास मदत होते. विद्यार्थ्यांचे अभिनयकौशल्य, सादरीकरण आणि व्यासपीठीवरील सहज सुलभ वावर वाखाणण्याजोगे होते. असे कौतुक केले. त्यांनी सर्व प्रथम विविध स्पर्धेतील यशस्वी विद्यार्थ्यांचे हार्दिक अभिनंदन करून त्यांना उज्वल भविष्या करता मनःपूर्वक शुभेच्छा दिल्या. दैनंदिन जीवनात अभ्यासासोबतच कलागुणांचा व कौशल्याचा विकास करावा असे प्रतिपादन केले.

विद्यार्थ्यांच्या सुप्त गुणांचा विकास होण्यासाठी सहा ‎ दिवशीय सांस्कृतिक कार्यक्रमांमध्येये विविध उपक्रमांचे‎ आयोजन करण्यात आले. विद्यार्थ्यांच्या सर्वांगीण विकासासाठी महाविद्यालयात विविध सांस्कृतिक व क्रीडा स्पर्धेचे आयोजन करण्यात आले. या सर्व उपक्रमामध्ये विद्यार्थ्यांनी उत्स्फूर्त सहभाग नोंदविला.असे मनोगत महाविद्यालयाचे प्राचार्य डॉ. संतोष तांबे यांनी व्यक्त केले आपल्या प्रस्ताविकेत सांगितले.