Shri. Chhatrapati Shivaji High School Sagroli, SSM' Sharda nagar, Sagroli Nanded, Nanded (2026)

Q: What is the address?

SSM' Sharda Nagar, Sagroli Nanded

25/08/2026

*जिल्हा शिक्षण गुणवत्ता कक्षाच्या समितीमध्ये संभाजी गायकवाड यांची निवड*
नांदेड जिल्ह्यातील शैक्षणिक कामकाजाला अधिक सुसूत्रता व गतिमानता देण्यासाठी जिल्हास्तरावर ‘जिल्हा शिक्षण गुणवत्ता कक्ष’ स्थापन करण्यात आला आहे. राज्यस्तरापासून तालुकास्तरापर्यंत शैक्षणिक उपक्रमांची प्रभावी अंमलबजावणी, गुणवत्ता वृद्धी आणि शैक्षणिक प्रक्रियेत समन्वय साधण्याच्या दृष्टीने या समितीची महत्त्वपूर्ण भूमिका राहणार आहे.
या समितीमध्ये नांदेड जिल्हा शिक्षण उपायुक्त, उपमुख्य कार्यकारी अधिकारी, सर्व शिक्षणाधिकारी, केंद्रप्रमुख तसेच मुख्याध्यापक यांचा समावेश करण्यात आला आहे. जिल्ह्यातील मुख्याध्यापकांमधून केवळ तीन मुख्याध्यापकांची सदस्य म्हणून निवड करण्यात आली असून, श्री छत्रपती शिवाजी हायस्कूल व ज्युनिअर कॉलेज, सगरोळीचे मुख्याध्यापक श्री. संभाजी गायकवाड यांची या समितीवर सदस्य म्हणून निवड झाली आहे.
शैक्षणिक गुणवत्ता, नाविन्यपूर्ण उपक्रम आणि प्रभावी शैक्षणिक व्यवस्थापनातील त्यांच्या कार्याची दखल घेत झालेली ही निवड सगरोळीच्या शैक्षणिक परिवारासाठी अभिमानाची बाब आहे. त्यांच्या अनुभवाचा व कार्यक्षमतेचा उपयोग जिल्ह्यातील शैक्षणिक गुणवत्ता वृद्धीसाठी निश्चितच मोलाचा ठरेल.
श्री. संभाजी गायकवाड यांचे मनःपूर्वक अभिनंदन व पुढील कार्यासाठी हार्दिक शुभेच्छा!

16/08/2026

एक रोपटे… एक विचार… आणि आज एक विशाल वटवृक्ष! : कर्मयोग्याला स्मृतिदिनी विनम्र अभिवादन

“कार्यमग्नता जीवन व्हावे, मृत्यू ही विश्रांती…” या एका वाक्याचा अर्थ आपल्या संपूर्ण जीवनातून जगणारे संस्कृती संवर्धन मंडळ, सगरोळीचे संस्थापक कर्मयोगी बाबासाहेब देशमुख यांच्या २२ व्या स्मृतिदिनानिमित्त कृतज्ञ अभिवादन…

१९५९ साली आपल्या १०० एकर जमिनीचे दान करून, स्वामी रामानंद तीर्थ यांच्या उपस्थितीत आणि तत्कालीन गावातील वयोवृद्ध आबाजी फुगारे यांच्या हस्ते बाबासाहेबांनी वडाचे एक छोटेसे रोपटे लावले… आज त्या रोपट्याचा ६८ वर्षांचा वटवृक्ष झाला आहे.

या वटवृक्षाच्या सावलीत कित्येक पिढ्या शिकल्या, घडल्या, उभ्या राहिल्या…
कित्येकांच्या हाताला काम मिळाले, कित्येकांच्या स्वप्नांना पंख मिळाले आणि ग्रामीण जीवनाला विकासाची नवी दिशा मिळाली.

शिक्षण असो… कृषि असो… कौशल्य विकास असो… महिला सक्षमीकरण असो… पाणलोट विकास असो… पर्यावरण असो… बाबासाहेबांनी पाहिलेल्या ग्रामीण विकासाच्या स्वप्नाचा प्रवास आजही अविरत सुरू आहे.

याच कृतज्ञतेची साक्ष देत, आबाजी फुगारे यांचे नातू, अपेक्षा हॉस्पिटल, नांदेडचे संचालक व सगरोळीचे माजी विद्यार्थी डॉ. दिलीप फुगारे यांच्या हस्ते कर्मयोगी बाबासाहेब देशमुख यांच्या पूर्णाकृती पुतळ्याचे अनावरण करण्यात आले.

यावेळी उपस्थित सिडको सांभाजीनगर चे संचालक श्री. भुजंग गायकवाड, नांदेड जिल्हा सत्र न्यायालयातील वकील अॅड. बाबू गावंडे या माजी विद्यार्थ्यांच्या शब्दांतून एकच भावना उमटली—

“बाबासाहेबांनी आम्हाला केवळ शिक्षण दिले नाही… आम्हाला आयुष्य जगण्याची दिशा दिली.”

आज बाबासाहेब आपल्यात देहाने नाहीत…
पण प्रत्येक विद्यार्थ्याच्या स्वप्नात, प्रत्येक शेतकऱ्याच्या आशेत, प्रत्येक कार्यकर्त्याच्या ध्येयात आणि सगरोळीच्या मातीच्या कणाकणात ते आजही जिवंत आहेत.

एका माणसाने लावलेले रोपटे आज वटवृक्ष झाले;
पण त्या वटवृक्षाची खरी सावली म्हणजे हजारो घडलेली आयुष्ये!

🙏 कर्मयोगी बाबासाहेब देशमुख यांना भावपूर्ण विनम्र अभिवादन! 🙏

15/08/2026

*मुलींना सायकल वाटप; शाळेत ये-जा करण्याचा मार्ग झाला अधिक सुकर*
केंद्र शासनाच्या मानव विकास योजनेअंतर्गत हायस्कूल विभागातील बाहेरगावाहून शाळेत ये-जा करणाऱ्या ७३ मुलींना आज सायकलींचे वितरण करण्यात आले.या प्रसंगी हायस्कूल विभागाचे शालेय व्यवस्थापन समितीचे अध्यक्ष श्री. सुनील देशमुख, शैक्षणिक समन्वयिका सौ. श्रद्धाताई देशमुख, सौ. श्रेया देशमुख तसेच उपस्थित पालकांच्या हस्ते मुलींना सायकलींचे वितरण करण्यात आले.बाहेरगावाहून शाळेत येणाऱ्या मुलींना वेळेत आणि सुरक्षितपणे शाळेत पोहोचता यावे, त्यांच्या शिक्षणातील अडथळे दूर व्हावेत आणि त्यांची शाळेतील उपस्थिती नियमित राहावी, या दृष्टीने ही सायकल योजना अत्यंत उपयुक्त ठरणार आहे.
मुलींना केंद्र शासनाकडून ही मदत वेळेत मिळावी यासाठी श्री. प्रदीप जाधव यांनी सातत्याने पाठपुरावा केला. त्यांच्या प्रयत्नांमुळे गरजू मुलींना या योजनेचा लाभ मिळाला.सदरील दर्जेदार सायकली श्री लालू कानगुलवार यांनी वेळेत उपलब्ध करून दिल्या.शाळेत येण्यासाठी दररोज पायी प्रवास करणाऱ्या मुलींसाठी ही सायकल म्हणजे केवळ प्रवासाचे साधन नसून त्यांच्या शिक्षणाला गती देणारी आणि स्वावलंबनाला बळ देणारी पर्वणीच ठरली आहे. या उपक्रमामुळे मुलींचा वेळ वाचणार असून त्यांना अधिक आत्मविश्वासाने आणि नियमितपणे शिक्षण घेता येणार आहे.
*मुलींच्या शिक्षणाच्या वाटेवर सायकलची दोन चाके नव्या संधींची दिशा देणारी ठरली आहेत.*

14/08/2026

🇮🇳 हर घर तिरंगा, घर घर तिरंगा!

*सगरोळीत 190 विद्यार्थ्यांच्या तिरंगा रॅलीने जागवली राष्ट्रभक्ती*

सगरोळी | दि. 13 ऑगस्ट 2026

स्वातंत्र्यदिनाच्या पार्श्वभूमीवर “हर घर तिरंगा, घर घर तिरंगा” हा संदेश जनमानसात पोहोचविण्यासाठी श्री छत्रपती शिवाजी हायस्कूल आणि राजर्षी श्री छत्रपती शाहू सैनिकी विद्यालय, सगरोळी यांच्या संयुक्त विद्यमाने आज भव्य तिरंगा रॅली व प्रभातफेरीचे आयोजन करण्यात आले.

हातात अभिमानाने फडकणारा तिरंगा, ओठांवर देशभक्तीपर घोषणा आणि मनात राष्ट्रप्रेमाची भावना घेऊन विद्यार्थ्यांनी केशवनगर, सेवानगर आणि सगरोळी परिसरातून प्रभातफेरी काढली. या रॅलीमुळे संपूर्ण परिसरात उत्साहाचे आणि राष्ट्रभक्तीचे वातावरण निर्माण झाले.

या राष्ट्रभक्तीपर उपक्रमात श्री छत्रपती शिवाजी हायस्कूलचे 110 विद्यार्थी आणि सैनिकी विद्यालयाचे 80 विद्यार्थी, असे एकूण 190 विद्यार्थी उत्स्फूर्तपणे सहभागी झाले.

🇮🇳 तिरंग्याचा सन्मान, राष्ट्रभक्तीचा अभिमान!

“हर घर तिरंगा, घर घर तिरंगा” या अभियानाचा संदेश विद्यार्थ्यांनी नागरिकांपर्यंत पोहोचविला. प्रत्येक घरावर तिरंगा फडकावा आणि प्रत्येक भारतीयाच्या मनात राष्ट्रप्रेमाची भावना जागृत व्हावी, हा या उपक्रमामागील प्रमुख उद्देश होता.

विद्यार्थ्यांच्या “भारत माता की जय”, “वंदे मातरम्” अशा घोषणांनी सगरोळी परिसर दुमदुमून गेला. शिस्तबद्ध संचलन, तिरंगा ध्वज आणि विद्यार्थ्यांचा उत्स्फूर्त सहभाग यामुळे रॅलीने सर्वांचे लक्ष वेधून घेतले.

राष्ट्रभक्ती, एकता आणि शिस्तीचा संदेश देणारी ही तिरंगा रॅली सगरोळीच्या शैक्षणिक व सामाजिक जीवनातील एक प्रेरणादायी उपक्रम ठरली.

🇮🇳 **हर घर तिरंगा!

घर घर तिरंगा!
तिरंगा आपल्या अभिमानाचा, भारत आपल्या स्वाभिमानाचा!**

10/08/2026

इयत्ता 5 वी चे विद्यार्थी परिसरातील जैवविविधता निरीक्षण.

07/08/2026

*दूरदृष्टी, ध्येय आणि कृती यांचा प्रेरणादायी संगम! - प्रमोद देशमुख*

काही व्यक्ती वाढदिवस साजरे करत नाहीत, तर ते आपले संपूर्ण आयुष्य समाजासाठी समर्पित करून प्रत्येक दिवस अर्थपूर्ण बनवतात. त्यातीलच एक आदरणीय प्रमोद देशमुख अर्थात आमचे कुटुंबप्रमुख अण्णा.

आज (७ ऑगस्ट) संस्कृती संवर्धन मंडळाचे कुटुंबप्रमुख श्री. प्रमोद देशमुख यांच्या वाढदिवसानिमित्त त्यांना मनःपूर्वक शुभेच्छा!

गेली चार दशके त्यांनी आपल्या कार्यातून ग्रामीण भागातील शिक्षण, शेती, जलसंधारण, पर्यावरण, कौशल्य विकास, महिला सक्षमीकरण, विज्ञान-तंत्रज्ञान आणि युवक विकास या क्षेत्रांत सातत्याने हजारो कुटुंबांच्या जीवनात आशेचा किरण निर्माण केला आहे.

१९९० च्या दशकात दुष्काळग्रस्त मराठवाड्यातून सुरू झालेला त्यांचा प्रवास हा केवळ विकासकामांचा इतिहास नाही, तर “गाव बदलायचा असेल तर माणूस घडवला पाहिजे” या विचाराचा जिवंत प्रवास आहे. जलसंधारणापासून ते आधुनिक विज्ञान प्रयोगशाळांपर्यंत, शेतकऱ्यांच्या शेतापासून विद्यार्थ्यांच्या स्वप्नांपर्यंत आणि महिलांच्या स्वावलंबनापासून युवकांच्या कौशल्यविकासापर्यंत त्यांनी विकासाची एक सर्वसमावेशक दिशा दिली.

कर्मयोगी बाबासाहेबांचा वारसा प्रमोदजीनी संस्कृती संवर्धन मंडळाला त्यांनी केवळ शैक्षणिक संस्था म्हणून न ठेवता समाजपरिवर्तनाची चळवळ बनवली. परंपरा आणि आधुनिकता यांचा सुंदर समन्वय साधत त्यांनी संस्थेला योग्य दिशा दिली. आज सगरोळी परिसरातीलच नव्हे तर नांदेड जिल्ह्यातील हजारो विद्यार्थी, शेतकरी, महिला आणि युवा नव्या आत्मविश्वासाने पुढे जात आहेत.

त्यांच्या नेतृत्वाची सर्वात मोठी ताकद म्हणजे दूरदृष्टी, संवेदनशीलता आणि कृतीशीलता. स्वप्ने पाहणारे अनेक असतात; पण ती स्वप्ने समाजाच्या सामूहिक शक्तीत रूपांतरित करणारे नेतृत्व दुर्मिळ असते.

त्यांच्या कार्यातून एक गोष्ट स्पष्ट दिसते — विकास हा केवळ इमारती उभारण्यात नसतो, तर माणसे घडवण्यात असतो.

आज त्यांच्या वाढदिवसानिमित्त त्यांना उत्तम आरोग्य, दीर्घायुष्य आणि समाजसेवेच्या या अखंड प्रवासासाठी अधिक सामर्थ्य लाभो, हीच सदिच्छा.

वाढदिवसाच्या मनःपूर्वक शुभेच्छा!
आपले कार्य आम्हा सर्वांसाठी प्रेरणादायी आहे. पुढील पिढ्यांना दिशा देणारा हा प्रवास अधिक व्यापक आणि परिणामकारक होवो, हीच प्रार्थना.

24/07/2026

*गुणवंतांचा गौरव, गरजू विद्यार्थ्यांना मदतीचा हात*
एकलव्य शिष्यवृत्ती अंतर्गत गौरव सोहळा व सावित्रीबाई फुले दत्तक पालक योजनेतून गणवेश व शैक्षणिक साहित्याचे वितरण सोहळा हायस्कूल विभागामध्ये आज संपन्न झाला. एकलव्य शिष्यवृत्ती अंतर्गत शैक्षणिक वर्षात विशेष प्राविण्य संपादन केलेल्या गुणवंत विद्यार्थ्यांचा भव्य गौरव सोहळा उत्साहपूर्ण वातावरणात संपन्न झाला. उपस्थित मान्यवरांच्या हस्ते विद्यार्थ्यांना रोख पारितोषिके प्रदान करून त्यांच्या शैक्षणिक यशाचा सन्मान करण्यात आला. यामध्ये एकूण ४५ गुणवंत विद्यार्थ्यांचा समावेश होता. तसेच शैक्षणिक गुणवत्तेबरोबरच कौशल्याधारित उपक्रमांमध्ये उल्लेखनीय यश मिळविणाऱ्या विद्यार्थ्यांचाही यथोचित गौरव करण्यात आला.
याच कार्यक्रमात सावित्रीबाई फुले दत्तक पालक योजना अंतर्गत संस्थेचे माजी विद्यार्थी, सगरोळी गावातील प्रतिष्ठित नागरिक, उद्योजक व संस्था कार्यकर्त्यांच्या सहकार्याने संकलित करण्यात आलेल्या निधीतून हायस्कूल विभागातील गरजू व होतकरू विद्यार्थ्यांना शालेय गणवेश व शैक्षणिक साहित्याचे वितरण करण्यात आले. समाजाच्या सहकार्याने विद्यार्थ्यांच्या शिक्षणाला बळ देणारा हा उपक्रम सर्वांसाठी प्रेरणादायी ठरला.
कार्यक्रमाच्या अध्यक्षा सौ. श्रद्धाताई देशमुख यांनी विद्यार्थ्यांना मार्गदर्शन करताना सांगितले की, "आज ज्यांना पारितोषिक मिळाले नाही, त्यांनी निराश न होता अधिक मेहनत, सातत्य आणि आत्मविश्वासाने अभ्यास करून चालू शैक्षणिक वर्षात निश्चितच यश संपादन करावे. प्रत्येक विद्यार्थ्यामध्ये गुणवत्ता आहे; गरज आहे ती केवळ सातत्यपूर्ण प्रयत्नांची." कार्यक्रमाचे प्रमुख पाहुणे श्री आनंद कुलकर्णी यांनी विद्यार्थ्यांना प्रेरित करताना सांगितले, "आज समाजाने तुम्हाला जी मदत केली आहे, त्याचे ऋण भविष्यात तुम्हीही एखाद्या गरजू विद्यार्थ्याला मदतीचा हात देऊन फेडावे. दातृत्व, सामाजिक बांधिलकी आणि कृतज्ञता हीच खरी शिक्षणाची शिकवण आहे."
संस्थेचे माजी विद्यार्थी तसेच सगरोळी गावातील प्रतिष्ठित व्यापारी श्री शंकर सुरकुटलावार यांनीही कार्यक्रमास आवर्जून उपस्थित राहून विद्यार्थ्यांना शैक्षणिक साहित्याचे वितरण केले व त्यांच्या उज्ज्वल भवितव्यास शुभेच्छा दिल्या.गुणवंतांचा सन्मान आणि गरजू विद्यार्थ्यांना शैक्षणिक आधार या दोन्ही उद्दिष्टांचा सुंदर संगम घडवून आणणारा हा कार्यक्रम विद्यार्थ्यांसाठी प्रेरणादायी होता.

17/07/2026

*ए.आय. आणि रोबोटिक्स प्रशिक्षण कार्यशाळेचा यशस्वी समारोप; आधुनिक तंत्रज्ञानाधारित अध्यापनाची नवी दिशा* संस्कृती संवर्धन मंडळ शारदानगर सगरोळी व Stempedia यांच्या संयुक्त विद्यमाने आयोजित करण्यात आलेल्या *पाच दिवसीय AI (Artificial Intelligence) आणि Robotics शिक्षक प्रशिक्षण कार्यशाळेचा यशस्वी समारोप आज संपन्न झाला.
या प्रशिक्षणामध्ये शिक्षकांनी कृत्रिम बुद्धिमत्ता, रोबोटिक्स, कोडिंग, सेन्सर्स, पिक अँड प्लेस रोबोट, स्वयंचलित वाहन तंत्रज्ञान तसेच आधुनिक शैक्षणिक तंत्रज्ञानाचा प्रत्यक्ष अनुभव घेतला. प्रशिक्षणामुळे शिक्षकांना भविष्यातील शिक्षणपद्धती अधिक प्रभावीपणे विद्यार्थ्यांपर्यंत पोहोचविण्यासाठी आवश्यक कौशल्ये प्राप्त झाली.
कार्यक्रमाच्या समारोप प्रसंगी संस्थेचे सचिव डॉ.जयंत जकाते यांच्या हस्ते उत्तम व दर्जेदार प्रशिक्षण दिल्याबद्दल श्री व्यंकटेश्वरलू यांचा संस्थेच्या वतीने अभिनंदन केले.या प्रसंगी संस्थेचा वार्षिक अहवाल त्यांना देण्यात आला.तसेच प्रशिक्षणाबाबत आपले मनोगत व्यक्त करताना श्री पारस जाधव व श्री सुनील मलगावे यांनी या प्रशिक्षणामुळे ज्ञानात आणि अध्यापन कौशल्य विकसित होण्यास निश्चितच उपयोग होईल अशी भावना व्यक्त केली.या संपूर्ण प्रशिक्षणाचे उत्कृष्ट व दर्जेदार व्हिडिओ चित्रीकरण करणारा इयत्ता दहावी (१० वी 'ब') मधील विद्यार्थी नितीन लक्ष्मण पवार याचे शैक्षणिक साहित्य देवून कौतुक करण्यात आले.
त्यानंतर संस्थेचे सचिव मा.श्री जयंत जकाते यांनी अध्यक्षीय समारोप करताना आधुनिक तंत्रज्ञान आत्मसात करण्याचे महत्त्व अधोरेखित केले आणि शिक्षकांनी हे ज्ञान विद्यार्थ्यांपर्यंत प्रभावीपणे पोहोचवावे,असे आवाहन केले.या पाच दिवसीय प्रशिक्षणासाठी संस्थेतील प्राथमिक,The Concept School विभागातील शिक्षक सहभागी झाले होते.सदरील प्रशिक्षण हे हायस्कूल विभागाच्या अटल लॅब मध्ये आयोजित करण्यात आले होते.

Shri. Chhatrapati Shivaji High School Sagroli

25/08/2026

16/08/2026

15/08/2026

14/08/2026

10/08/2026

07/08/2026

24/07/2026

17/07/2026

Address

Telephone

Website

Alerts

Contact The School

Shortcuts

Share

Category

Listing takedown request