Al Fihiri Women's College, Meelad Nagar

EID Mubarak

🌹 *അൽ ഫിഹിരി ഗേൾസ് ക്യാമ്പസ്* 🌹
💯 *പ്ലസ് വൺ Result 100% വിജയം* 💯

ഇന്ന് പ്ലസ് വൺ റിസൾട്ട്‌ വന്നു. അൽഹംദുലില്ലാഹ്. അൽ ഫിഹിരി ഗേൾസ് ക്യാമ്പസിനു 100% വിജയം. എന്റെ ക്യാമ്പസിനെ കുറിച്ചെഴുതാൻ ഒരുപാട് ദിവസമായി കരുതുന്നു. ഇനി വൈകിക്കുന്നില്ല. ഓർമ്മകൾ ഒപ്പിയെടുത്ത ചെറിയൊരു വിവരണം...

*എന്റെ ക്യാമ്പസ് വിശേഷങ്ങൾ*
_Fathima Thaskiya MP_

ഇന്ന്, അൽ ഫിഹിരി ഗേൾസ് കാമ്പസിലെ പ്ലസ് ടു വിദ്യാർത്ഥിനിയാണ് ഞാൻ. SSLC പഠനം കഴിഞ്ഞ ശേഷം ഇനി എവിടെ പഠിക്കണം എന്ന ചിന്തക്കിടയിലാണ് അറിവിന്റെ പുതിയ മാതൃകകൾ ഒരുക്കുന്ന തഅലിമുസുന്ന ക്യാമ്പസിനെ കുറിച്ചും അതിൽ പെൺകുട്ടികൾക്കായി തുടങ്ങിയ മത- ഭൗതിക വിദ്യാഭ്യാസം നൽകുന്ന അൽ ഫിഹിരി ഗേൾസ് ക്യാമ്പസിനെ കുറിച്ചും അറിയുന്നത്. പക്ഷേ എന്റെ മനസ്സ് അവിടെ പോയി പഠിക്കാൻ ഒരു നിലക്കും എന്നെ സമ്മതിച്ചില്ല. കാരണം ഹിജാബ് ധരിക്കാൻ എനിക്ക് ഭയങ്കര മടിയായിരുന്നു. എന്റെ മനസ്സിന്റെ താല്പര്യത്തിനു വിധി വിലങ്ങുനിന്നപ്പോൾ മാത്രമാണ് ഞാൻ അൽ ഫിഹിരി ക്യാമ്പസിൽ അഡ്മിഷൻ എടുക്കാൻ തീരുമാനിച്ചത്. പലരും എന്നെ പിന്തിരിപ്പിക്കാൻ പരമാവധി ശ്രമിച്ചിരുന്നുവെങ്കിലും എൻ്റെ ഉമ്മയുടെ നിർബന്ധത്തിനു മുന്നിൽ അതെല്ലാം വെറുതെയായി.

അൽ ഫിഹിരി ഗേൾസ് ക്യാമ്പസിലെ ആദ്യ ദിനങ്ങളിൽ ഹിജാബും പർദ്ദയും ധരിക്കാൻ എനിക്ക് മടിയായിരുന്നു, അതിനു ഒരു താല്പര്യവുമില്ലായിരുന്നു. എന്നാൽ ചുരുങ്ങിയ ദിവസങ്ങൾക്കുള്ളിൽ തന്നെ എനിക്ക് ആ ക്യാമ്പസിനോട് ഇഷ്ടം തോന്നി തുടങ്ങി. താമസിയത്തെ അൽ ഫിഹിരി യൂണിഫോമും ക്യാമ്പസിലെ ചുറ്റുപാടും അവിടുത്തെ ടീച്ചർമാരും എന്നെ അതിയായി ആകർഷിച്ചു. ഞാനും അവരിൽ ഒരാളായി. പിന്നെ, ക്യാമ്പസ് എന്റേതായി മാറി.

അൽഹംദുലില്ലാഹ്. അൽ ഫിഹിരി ഗേൾസ് ക്യാമ്പസിൽ എത്തിയത് മുതൽ എൻ്റെ ജീവിതത്തിൽ ചെറിയ ചെറിയ മാറ്റങ്ങൾ കണ്ടു തുടങ്ങി. അത്‌ എന്നെ വളരെ അധികം സന്തോഷിപ്പിച്ചു. മത ഭൗതിക പഠനങ്ങൾ ഒരുമിച്ചു നൽകുന്ന ഗേൾസ് കാമ്പസിൽ ഉന്നതരായ പണ്ഡിതൻമാരുടെയും നിപുണരായ അദ്ധ്യാപികമാരുടെയും ശിക്ഷണം ഞങ്ങലെ ഒരുപോലെ സന്തോഷിപ്പിച്ചു. ഒരു പെൺകുട്ടി അവളുടെ ജീവിതത്തിൽ പഠിച്ചിരിക്കേണ്ട അറിവുകളും നിർവഹിക്കേണ്ട കർമങ്ങളും ശ്രദ്ധിക്കേണ്ട കാര്യങ്ങളും അൽ ഫിഹിരിയിൽ നിന്ന് പകർന്നു നൽകുന്നു. നിസ്കാരം പോലെയുള്ള കർമങ്ങളും, തിരുനബിയുടെ മൊഴി മുത്തുകളും, ഖുർആൻ പാരായണത്തിന്റെ നിയമങ്ങളും, ആത്മീയമായ പാഠങ്ങളുമെല്ലാം അവിടെ നിന്ന് കൃത്യമായി പഠിപ്പിക്കുന്നു. ഖുർആൻ പാരായണത്തിന്റെ നിയമങ്ങൾ മുമ്പ് മദ്രസയിൽ നിന്നും പഠിച്ചിരുന്നുവെങ്കിലും ചിലത് നമ്മുടെ പാരായണത്തിൽ പകർത്താൻ കഴിഞ്ഞിരുന്നില്ല. ഇന്ന് അതെല്ലാം നല്ല പോലെ പഠിക്കാനും പകർത്താനും എനിക്ക് സാധിച്ചു.

ഭൗതിക പഠനത്തെ കുറിച്ച് പറയുമ്പോൾ അൽ ഹംദുലില്ലാഹ്, വളരെ സന്തോഷമുണ്ട്. കാര്യങ്ങൾ നല്ല പോലെ മനസ്സിലാക്കി തരുന്നുണ്ട്. ഇന്ന് റിസൾട്ട്‌ വന്നു. 100% വിജയം നേടാൻ എനിക്കും എന്റെ കൂട്ടുകാരികൾക്കും സാധിച്ച സന്തോഷം കൂടെ പങ്കു വെക്കുന്നു. ഞങ്ങളെ ഈ നിലയിലെത്തിച്ച അദ്ധ്യാപകൻമാർക്കും മാനേജ്‍മെന്റിനും രക്ഷിതാക്കൾക്കും നന്ദി അറിയിക്കുന്നു. ഹ്യൂമാനിറ്റീസ് വിഭാഗത്തിൽ ജനറൽ ചരിത്രത്തിനു പകരം ഇസ്ലാമിക്‌ ചരിത്രം ഉൾകൊള്ളുന്ന പഠന ശാഖയാണ് ഞങ്ങൾ തിരഞ്ഞെടുത്തത്. അത്‌ കൊണ്ട് തന്നെ ഇസ്ലാമിക ചരിത്രം നല്ല പോലെ പഠിക്കാൻ സാധിച്ചു.

ആദ്യം ഞാൻ പോകാൻ മടിച്ച അതെ ക്യാമ്പസിലേക്ക് പോകാൻ ഇന്ന് എനിക്ക് ഒരുപാട് ഇഷ്ടമാണ്. അവിടെ പോയതിനു ശേഷമാണ് എനിക്ക് ഇസ്‌ലാമിനെ കുറിച്ച് ഞാൻ അറിയാത്ത ഒരുപാട് അറിവുകൾ ലഭിച്ചത്. അവിടെ നടക്കുന്ന ദിവാനെ മഖ്ഫി സാഹിത്യ സംഗമങ്ങൾ, അവിടെ ഞങ്ങൾ നിർമിക്കുന്ന മാഗസിനും വാൾ മാഗസിനും, അവിടെ നടക്കുന്ന സ്പെഷ്യൽ ക്ലാസുകൾ, മൗലിദ് സദസ്സുകൾ, അങ്ങിനെ ഒരുപാട് കാര്യങ്ങൾ.. പൊതു കലാലയങ്ങളിൽ നിന്ന് ലഭിക്കാത്ത പല വിഭവങ്ങൾ... ആ അറിവിന്റെ പറുദീസ ഞങ്ങൾക്ക് വേണ്ടി തുറന്നു തന്നതിൽ അള്ളാഹുവിനെ ഒരുപാട് സ്തുദിക്കുന്നു. അൽഹംദുലില്ലാഹ്. ഇപ്പോൾ എനിക്ക് ഒരുപാട് സന്തോഷം ഉണ്ട്.

ഇനിയും ഒരുപാട് കാര്യങ്ങൾ എനിക്ക് ആ കാമ്പസിൽ നിന്ന് പഠിക്കാനും അതിനെ കുറിച്ച് എഴുതാനും ഉണ്ട്. In Shah Allah. അതിനുള്ള സൗഭാഗ്യം എനിക്കും അതുപോലെ എൻ്റെ കുട്ടുകാർക്കും അള്ളാഹു നൽകട്ടെ.. അതിന്റെ നേതൃത്വം നൽകുന്നവരെ നീ സഹായിക്കണേ അല്ലാഹ്..

*Fathima Thaskiya MP*
Student of Al Fihiri Girls Campus
വാളക്കുളം - കുളങ്ങര

അഡ്മിഷൻ തുടരുന്നു...

*Al Fihiri Girls Campus ൽ പെൺകുട്ടികൾക്ക്‌ +2 പഠിക്കാം,*
*ശരീഅ പഠനത്തോടൊപ്പം*

പെൺകുട്ടികൾക്ക് മാത്രമായൊരു മത- ഭൗതിക സമന്വയ വിദ്യാഭ്യാസമെന്ന നാടിന്റെ സ്വപ്നമാണ് *അൽ ഫിഹിരി ഗേൾസ് കാമ്പസ്* ലൂടെ *കാഫിലിനു* ( Kunhimon faizee Academic Foundation for Islamic Lifestyle - KAFIL) കീഴിൽ മീലാദ് നഗറിൽ പൂവണിയുന്നത്. നാഥൻ തുണക്കട്ടെ

*Al Fihiri യിലെ കോഴ്‌സുകൾ*

പ്ലസ് 1, പ്ലസ് 2 വിദ്യാഭ്യാസത്തോടൊപ്പം നിത്യ ജീവിതത്തിലേക്ക് ആവശ്യമായ ഇസ്ലാമിക വിദ്യാഭ്യാസം വ്യവസ്ഥാപിതമായി പഠിപ്പിക്കുകയും സാമൂഹ്യ- ശിശു പരിപാലന മനശാസ്ത്രത്തിൽ നിന്നും സ്വജീവിതത്തിൽ ഉപകാരപ്പെടുന്നതും മക്കൾക്ക് പ്രയോജനപ്പെടുന്നതുമായ വ്യത്യസ്ത കഴിവുകൾ സ്വയത്തമാക്കുന്നവരാക്കി നമ്മുടെ മക്കളെ പാകപ്പെടുത്തുകയും ചെയ്യുകയെന്നതാണ് *അൽ ഫിഹിരി ഗേൾസ് കാമ്പസ്* പ്രാഥമികമായി ലക്ഷ്യം വെക്കുന്നത്.

SSLC കഴിഞ്ഞ കുട്ടികൾക്ക് +1, +2 ഹ്യൂമാനിറ്റീസൊടൊപ്പം ശരീഅത്ത് പഠനം നൽകുന്ന വിഭാഗത്തിലേക്കാണ് അഡ്മിഷൻ നൽകുന്നത്. എന്നാൽ SSLC /Plustwo കഴിഞ്ഞ് ഒരു വർഷത്തിനു മുകളിൽ പഠിക്കാൻ ബുദ്ധിമുട്ട് അനുഭവപെടുന്നവർക്ക് വേണ്ടി ഒരുവർഷത്തെ *'Diploma in Women studies & Islamic Lifestyle'* എന്ന Finishing കോഴ്സും അൽ ഫിഹിരി മുന്നോട്ടു വെക്കുന്നുണ്ട്.

*എന്ത് കൊണ്ട് അൽ ഫിഹിരി*

ഉത്തമ സമൂഹത്തിന്റെ വീണ്ടെടുപ്പിന് ചുക്കാൻ പിടിക്കാൻ ഒരു മാതൃക മാതാവിന് സാധിക്കുമെന്ന തിരിച്ചറിവാണ് അൽ ഫിഹിരിയുടെ കാതൽ. കാരണം വീടാണ് സമൂഹത്തെ സൃഷ്ട്ടിക്കുന്നത്. ആ വീട്ടിലെ വിളക്കുകളാണ് ഉമ്മമാർ. അവരാണ് പുതു യുഗത്തിനെ പാൽ കൊടുത്തു പരിചരിച്ചു വളർത്തുന്നത്. അത് കൊണ്ട് തന്നെ മാതാക്കൾ മാതൃകകളാകണം. അപ്പോൾ മക്കളും മാതൃക യോഗ്യരാകും. *In Shah Allah.*

*അൽ ഫിഹിരി: വിശദമായി*

ഒരു മാതൃക മാതാവിന് ഏറ്റവും അവശ്യമുള്ളത് മത അറിവുകളിലെ മികവും മാനവിക വിഷയങ്ങളിലെ തികവും സാമൂഹ്യ- ശിശു പരിപാലന മനശാസ്ത്രത്തിലെ നിറവുമാണ്. ഈ ഒരു ബ്രഹത്തായ ലക്ഷ്യത്തെ സാധ്യമാക്കുന്ന കോഴ്സുകളും സിലബസുമാണ് അൽ ഫിഹിരിയിൽ നമ്മൾ സംവിധാനിക്കുന്നത്.

തഫ്സീ൪, ഹദീസ്, ഫിഖ്ഹ്, അഖീദ, താരീഖ്, തസവ്വുഫ് തുടങ്ങിയ ജ്ഞാന ശാഖകളിലെ പഠനത്തോടൊപ്പം അതിന്റെ പ്രാക്ടിക്കൽ പരിശീലനങ്ങൾ, പ്രധാനപ്പെട്ട ഖുർആൻ സൂറത്തുകളുടെയും വി൪ദുകളുടെയും അനിവാര്യമായ സലാത്ത്കളുടെയും ബൈത്തുകളുടെയും ഹിഫ്ളുകൾ, പ്രഗൽഭ പണ്ഡിതൻമാരുടെ സ്പെഷ്യൽ ക്ലാസുകൾ, നിത്യ ജിവിത്തിലെ വി൪ദുകളും അമലുകളും ഉൾപ്പെടുന്ന പാഠ്യ പദ്ധതി. കൂടാതെ, നിപുണരായ അദ്ധ്യാപകരുടെ Transactional Analysis (TA) ക്ലാസുകൾ, Life Span സൈക്കോളജി, ബഹു ഭാഷകളിലുള്ള കയ്യെഴുത്ത് മാഗസിനുകൾ, ലിറ്റററി മീറ്റുകൾ, സെമിനാറുകൾ, പൊട്ടൻഷ്യൽ ഇഗ്നൈറ്റ് വർക്ക്ഷോപ്പുകൾ, പാരൻറിംഗ് എ൯റിച്ച്മെൻറ് ട്രെയിനിംഗ് തുടങ്ങിയവയും 'അൽ ഫിഹിരി' യിൽ ഒരുക്കുന്നു. കോഴ്സ് പൂർത്തീകരിക്കുന്ന കുട്ടികൾക്ക് പ്രത്യേക മത ബിരുദവും നൽകുന്നതാണ്.

*വിശദ വിവരങ്ങൾക്കും അഡ്മിഷനും വിളിക്കുക:*

+91 7356 748874
+91 9605 107462

അഡ്മിഷൻ ബുക്ക് ചെയ്യാൻ പേര്, പ്രവേശനം ആഗ്രഹിക്കുന്ന കോഴ്സ്, അഡ്രസ്സ്, മൊബൈൽ നമ്പർ എന്നിവ വാട്ട്സപ്പ് ചെയ്യുക.

Whatsapp:
+91 7356 748874
+91 9605 107462

രിസാലെ നൂർ വായന
A Message for sick
മൂന്നാമത്തെ ഔഷധം

രോഗം എങ്ങിനെയാണ് മനുഷ്യ ജീവിതത്തെ നവീകരിക്കുകയും ശുദ്ധീകരിക്കുകയും ചെയ്യുന്നതെന്ന ബദീഉസ്സമാൻ സഈദ് നൂർസിയുടെ 25 ഔഷധങ്ങൾ ഉൾകൊള്ളുന്ന ചിന്തകളാണ് ഇവിടെ വായിക്കുന്നത്.









Follow this link to join my WhatsApp group: https://chat.whatsapp.com/IizOHxNxhKm73OVzuHVM2S

https://youtu.be/6FcSc_V_hh0

രിസാലെ നൂർ വായന WhatsApp Group Invite

Message for Sick
രോഗികൾക്കൊരു ശുഭ വാർത്ത
Badiuzzaman Said Nursi

25 ഔഷധങ്ങളിൽ ആദ്യ രണ്ട് ഔഷധങ്ങൾ ചർച്ച ചെയ്യുന്നു.

Message for Sick | രോഗികൾക്കൊരു ശുഭ വാർത്ത | Bediuzzaman Said Nursi രോഗം എങ്ങിനെയാണ് മനുഷ്യ ജീവിതത്തെ നവീകരിക്കുകയും ശുദ്ധീകരിക്കുകയും ചെയ്യുന്നതെന്ന ബദീഉസ്സമാൻ സഈദ് നൂർസിയുട...

യോഗ്യരെ തേടുന്നു

പ്ലസ് ടു കഴിഞ്ഞു ഇനിയെന്ത് ?

2019 -20 അദ്ധ്യായന വർഷത്തേക്കുള്ള തിബ്‌യാൻ ടീച്ചേഴ്‌സ് ട്രൈനിംഗ് കോഴ്‌സിലേക്ക് രജിസ്‌ട്രേഷൻ ആരംഭിച്ചിരിക്കുന്നു. താൽപര്യമുള്ള ഉദ്യോഗാർത്ഥികൾക്ക്
ഈ ലിങ്കിൽ കയറി പേര് രജിസ്റ്റർ ചെയ്യാവുന്നതാണ്.

https://form.jotform.me/82912688159470

യോഗ്യത : അടിസ്ഥാന മദ്രസാ വിദ്യാഭ്യാസം , സ്‌കൂൾ - പ്ലസ്‌ടു

*ഇന്ന് അധ്യാപക ദിനം*

വിദ്യയുടെ വിളക്കുമാടങ്ങളായ നിഷ്കളങ്കരായ അധ്യാപകർക്ക് സ്നേഹത്തിൽ പൊതിഞ്ഞ അധ്യാപക ദിന ആശംസകൾ . ആദ്യാക്ഷരം കുറിച്ചു തന്ന ഉസ്താദുമാരും അലിഫിൻ പൊരുളു പകർന്നു തന്ന ഗുരുക്കളും സ്കൂൾ - കോളേജ് വിദ്യാലയങ്ങലിലെ അധ്യാപക - അധ്യാപികമാരും നമ്മുടെ ജീവിതത്തിൽ കൊത്തിവെച്ച ആഴത്തിലുള്ള പാടുകളാണ് ഇന്ന് എന്നെയും നിങ്ങളെയും രൂപപ്പെടുത്തിയത്. ആ ദീപ്ത നാമങ്ങൾക്കു ഹൃദ്യമായ ആശംസകൾ.

അധ്യാപക ദിനത്തിന്റെ ഭാഗമായി Al Fihri Women's College ലെ വിദ്യാർത്ഥിനികൾക്ക് വേണ്ടി *Be a Teacher* എന്ന പ്രോഗ്രാം സംഘടിപ്പിക്കുന്നു. തിബിയാൻ - നഴ്സറി പ്രീ സ്കൂളുകളിലെ കുട്ടികൾക്ക് ഒരു പീരീഡ് ക്ലാസ്സ്‌ എടുക്കാനുള്ള അവസരമാണ് ഈ പ്രോഗ്രാമിൽ പ്രധാനമായും ഒരുക്കിയിട്ടുള്ളത്.

തിബിയാൻ - നഴ്സറി പ്രീ സ്കൂളിലെ കുട്ടികൾക്ക് വേണ്ടി Grand Assembly, Song, Speech തുടങ്ങിയ പ്രതേക പരിപാടികളും സംഘടിപ്പിക്കുന്നു.

*KAFIL FOUNDATION Meelad Nagar*

*മൊബൈൽ ചാർജ് ചെയ്യും മുമ്പ് ഒന്നോർക്കുക*

*Fathima Thaskiya*
Al Fihri Women's College, Meelad Nagar

മൊബൈൽ ഫോണിന്റെ ഉപയോഗം നാട്ടിൻ പുറങ്ങളിൽ വളരെയധികം കൂടി വരികയാണ്. അതു കാരണം ധാരാളം പ്രശ്നങ്ങൾ നമ്മുടെ നിത്യ ജീവിതത്തിൽ അനുഭവപ്പെടുന്നു. പിഞ്ചു കുട്ടികൾ വരെ ഇന്ന് മൊബൈൽ ഫോൺ ഉപയോഗിക്കുന്നുവരാണ്. അത്‌ ലഭിക്കാത്ത പക്ഷം വാശിപിടിക്കുകയും കരയുകയും ചെയ്യുന്നു. ഭക്ഷണം കഴിക്കാൻ വിസമ്മതിക്കുന്ന കുട്ടികളുടെ കൈകളിൽ മാതാപിതാക്കൾ മൊബൈൽ ഫോൺ വെച്ചു കൊടുക്കുന്നു. അതിൽ മിന്നി മറയുന്ന വർണ കാഴ്ചകൾ കണ്ടു അവർ ഭക്ഷണം കഴിക്കുന്നു. അമ്പിളി മാമനെ കാണിച്ചു തന്നു ഭക്ഷണം കഴിപ്പിച്ച എന്റെ കുട്ടികാലമാണ് എനിക്ക് ഓർമ വന്നത്.

എന്തിനു പറയണം, ഗർഭിണികളായ സ്ത്രീകൾ വരെ ഇന്ന് മൊബൈൽ ഫോണിനെ തല താഴ്ത്തി ഇരിക്കുകയാണ്. മൊബൈലിന്റെ റേഡിയേഷൻ കാരണം നിങ്ങളുടെ കുഞ്ഞിന് എത്രെ മാത്രം ബുദ്ധിമുട്ടാണ് അനുഭവപ്പെടുന്നത് എന്ന് നമ്മൾ അറിയുന്നില്ല.

മൊബൈൽ ഫോൺ പല തെറ്റുകളും നമ്മുടെ ജിവിത്തിലേക്ക് ക്ഷണിച്ചു വരുത്തുന്നു. സ്ഥല കാല ബോധമില്ലാതെ പ്രായ ലിംഗ വെത്യസമില്ലാതെ എല്ലാവരും കോളിലും ചാറ്റിലും വീഡിയോ കോളിലും ആണ്. പലരും വഞ്ചിക്കപ്പെടുന്നു. കുടുംബ ജീവിതങ്ങൾ ഉലയുന്നു. വിദ്യാർത്ഥികൾ ഫോണിന് അടിമയാകുന്നു. അത്‌ അവരുടെ ജീവിതം തന്നെ തകർത്തു കളയുന്നു. അന്യരായ സ്ത്രീയും പുരുഷനും ഫോണിലൂടെ സംസാരിക്കുന്നതും സന്ദേശങ്ങൾ കൈമാറുന്നതും പരസ്പരം കാണുന്നതും ഇസ്ലാം വിലക്കുന്നു. അത്‌ കൊണ്ട് കരുതലുകൾ അത്യാവശ്യമാണ്.

അമിതമായ മൊബൈൽ ഉപയോഗം നല്ലതല്ല. അത്യാവശ്യത്തിനു മാത്രം ഉപയോഗിക്കുക. വിദ്യാർത്ഥികൾക്ക് മൊബൈൽ കൊടുക്കുമ്പോൾ മാതാപിതാക്കളുടെ ശ്രദ്ധയുണ്ടാവുക. നിമ്മുടെ മക്കളുടെ ഭാവിയെയാണ് അറിവില്ലായ്മ കാരണം നമ്മൾ തകർത്തു കളയുന്നത് എന്ന് മനസിലാക്കുക. മൊബൈൽ അവരുടെ ജീവിതത്തെ സാരമായി ബാധിക്കുമെന്നു പറഞ്ഞു മനസ്സിലാക്കി നൽകുക. പിഞ്ചു കുട്ടികൾ മൊബൈലിന് വേണ്ടി വാശിപിടിക്കുകയോ കരയുകയോ ചെയ്യുകയാണെങ്കിൽ നമ്മൾ മൊബൈൽ കൊടുക്കാതിരിക്കുക.നമ്മൾ ഒരു പക്ഷേ സ്ഥിരമായി ചെറിയ കുട്ടികൾക്ക് മൊബൈൽ കൊടുത്താൽ അവർ എല്ലാ ദിവസവും മൊബൈലിന് വേണ്ടി കരയുകയും അതു വഴി അവർ അവരുടെ ജീവിതം തന്നെ ഇല്ലാതാകുകയുമാണ് ചെയ്യുന്നതെന്ന് തിരിച്ചറിയുക.

*ദിവാനെ മഖ്‌ഫി ഇന്ന് പ്രൗഢമായി ആരംഭിച്ചു*

*മീലാദ് നഗർ:* കുഞ്ഞി മോൻ ഫൈസി അക്കാഡമിക് ഫൌണ്ടേഷൻ ഫോർ ഇസ്ലാമിക്‌ ലൈഫ് സ്റ്റൈലിനു കീഴിൽ *(KAFIL)* പ്രർവർത്തിക്കുന്ന അൽ ഫിഹിരി വിമൻസ് കോളേജിൽ എല്ലാ മാസവും നടത്താൻ തീരുമാനിച്ച *DIWAN -e- MAKHFI Literary Meet* നു ഇന്ന് തഅലീമുസുന്ന ക്യാമ്പസിൽ പ്രൗഢമായി തുടക്കം കുറിച്ചു.

മുഗൾ ഭരണ കൂടത്തിലെ സൂഫി വര്യനായ ഔറഗസീബിന്റെ മകളും പണ്ഡിതയുമാണ് *Zebu un Nisa. മറഞ്ഞിരികുന്നവൾ* എന്നർത്ഥം വരുന്ന *മഖ്‌ഫി* എന്നത് മഹതിയുടെ തൂലിക നാമമാണ്. കൊട്ടാരത്തിലെ പണ്ഡിതയും ഹാഫിസയുമായ മർയം ഹാഫിസായുടെ കയ്യിൽ ബീവിയെ നാലാം വയസ്സിൽ തന്നെ ഉപ്പ ഔറഗസീബ് ഏല്പിച്ചു. മൂന്നു വർഷം പൂർത്തിയാക്കി ഏഴാം വയസ്സിൽ പരിശുദ്ധ ഖുർആൻ പൂർണമായും മഹതി മനഃപാഠമാക്കി. ശേഷം മറ്റു പണ്ഡിതകളിൽ നിന്ന് ഹദീസും ഫിഖ്‌ഹും മറ്റു വിദ്യാഭ്യാസങ്ങളും പഠിച്ചു വലിയ പണ്ഡിതയായി. അവരെഴുതിയ കവിത സമാഹാരമായ *ദിവാനെ മഖ്‌ഫി* യുടെ ഓർമക്കാണ് അൽ ഫിഹിരി വിമൻസ് കോളേജിലെ ലിറ്റററി മീറ്റിനു ഈ നാമം നൽകിയത്.

തഅലീം ക്യാമ്പസിൽ നടന്ന സാഹിത്യ സംഗമത്തിൽ പുസ്തക പരിചയം, പേപ്പർ പ്രസന്റേഷൻ, ഡെമോ ട്രെയിനിങ്, പാചക വിവരണം, പബ്ലിക് സ്പീച്, ന്യൂസ്‌ റീഡിങ്, ഷോർട് ഡിബേറ്റ്, സ്റ്റോറി പ്രസന്റേഷൻ, ഖുർആൻ പാരായണം, മാല ബൈത്തുകൾ, ബുർദ തുടങ്ങിയ നിരവധി പ്രോഗ്രാമുകളാണ് ദിവാനെ മഖ്‌ഫിയിൽ ഉൾപെടുത്തിയിരിക്കുന്നത്.

ദിവാനെ മഖ്‌ഫിയുടെ ആദ്യ സംഗമത്തിൽ ആയിഷ റുമാന പ്രാർത്ഥനയും ജുബൈരിയ മിസ്സ്‌ അധ്യക്ഷ പ്രസംഗവും നടത്തി. ശേഷം സുമയ്യ അനസ് ലിറ്റററി മീറ്റ് ഉത്ഘാടനം ചെയ്തു. തുടർന്നു നടന്ന കലാ സാഹിത്യ പരിപാടികളെ വിശകലനം ചെയ്തു കൊണ്ട് ജുമൈല ഉനൈസ് നിരൂപണം നടത്തി. മുസ്ലിഹ സാലിം, തബ്ഷിറ, ഫാത്തിമ ജുമാന എന്നിവർ ആശംസകൾ അറിയിച്ചു. പ്രസ്തുത പരിപാടിയിൽ ഫാത്തിമതുൽ ബാസില സ്വാഗതവും ഫാത്തിമ തസ്കിയ നന്ദിയും പറഞ്ഞു.

ഇതിനു പിന്നിൽ പ്രവർത്തിച്ച അൽ ഫിഹിരി വിമൻസ് കോളേജിലെ വിദ്യാർത്ഥിനികൾക്കും അദ്ധ്യാപികമാർക്കും അൽ ഫിഹിരിയുടെ അച്ചുതണ്ടായി പ്രവർത്തിക്കുന്ന ടീം അൽ ഫിഹിരി കൂട്ടുകാരികൾക്കും വളരെ ഹൃദ്യമായ സന്തോഷം നേരുന്നു.

Meet the Scholar
Fourth Class

LEARN 2 LEARN

Al Fihri Women's College ലെ വിദ്യാർത്ഥികളുടെ പുരോഗതി ലക്ഷ്യമാക്കി സംഘടിപ്പിക്കുന്ന വേറിട്ട പദ്ധതിയാണ് Meet the Scholar. നമ്മുടെ കുട്ടികൾക്ക് ഉപകാരപെടുന്ന വിഷയങ്ങളെ മനസ്സിലാക്കാനും സമൂഹത്തിലെ നാനാ തുറകളിൽ കഴിവു തെളിയിച്ച പ്രഗൽഭരെ അടുത്തറിയാനും ക്ലാസുകൾ കേൾക്കാനും അവരോടു സംവദിക്കാനുമുള്ള അവസരമാണ് Meet the Scholar ലക്ഷ്യം വെക്കുന്നത്.

Al Fihri Women's College ലെ Meet the Scholar Episode ലെ നാലാമത്തെ ക്ലാസ്സാണ് നാളെ (വ്യാഴം) സംഘടിപ്പിക്കുന്നത്. വിദ്യാർത്ഥികൾക്ക് ഉപകരിക്കുന്ന പഠന രീതികളെ കുറിച്ചുള്ള പഠനമാണ് Learn to Learn ക്ലാസ്സ്‌ ലക്ഷ്യം വെക്കുന്നത്. ബുദ്ധി വികാസത്തിന് ഉപകരിക്കുന്ന Mental Ability യെ ആസ്പദമാക്കി നടത്തിയ Secret of Coding and decoding, The Logic of Calendar എന്നിവകൾക്ക് പുറമെ The Development of Self awareness എന്ന ക്ലാസ്സുമാണ് Meet the Scholar പദ്ധതിയിലെ ആദ്യ ക്ലാസുകൾ. കുട്ടികളുടെ മികവിനും അറിവിനും ഉപകരിക്കുന്ന രീതിയിലാണ് Meet the Scholar പദ്ധതി നടപ്പിൽ വരുത്തുന്നത്.
--- --- --- --- --- --- --- --- ---

Learn to Learn

പഠനം എന്ന പ്രക്രിയ തന്നെ ഇബാദത്താണെന്ന് ഹൃദയത്തിൽ നമ്മൾ കൊത്തിവെക്കണം. ഭാവിയിൽ എന്തെങ്കിലും ഭൗതിക നേട്ടം ഉണ്ടാവാൻ വേണ്ടി മാത്രമല്ല നമ്മൾ ആരും പഠിക്കുന്നത്. അത് കൊണ്ട് തന്നെ പഠിച്ചിട്ട് എന്ത് കിട്ടും എന്ന ചോദ്യത്തിന് ജീവിതത്തിൽ പ്രസക്തിയില്ല. അറിവ് അള്ളാഹുവിന്റെ നൂറാണ്. ആ നൂറിനെ പരമാവധി നേടിയെടുക്കാൻ നമ്മൾ എല്ലവരും പരിശ്രമിക്കണം.

ചുരുക്കത്തിൽ, അള്ളാഹുവിലേക്കുള്ള സമർപ്പണവും അടുപ്പവുമാണ് അറിവ് നേടുന്നതിന്റെ ആത്യന്തിക ലക്ഷ്യം. പഠനത്തിന് ഒരുപാട് രീതികളുണ്ട്. ആ പഠന രീതികളെ മനസ്സിലാക്കി പഠിച്ചാൽ നമുക്ക് ഉയരങ്ങൾ കീഴടക്കാം. പഠിക്കാൻ പഠിക്കാനുള്ള മനോഹരമായ ക്ലാസ്സാണ് Learn to Learn ലൂടെ നമ്മൾ ലക്ഷ്യം വെക്കുന്നത്.

Meet the Scholar
Fourth Class

LEARN 2 LEARN

Mrs. Mubashira

01 August 2019 | Thursday
11:10 - 12:50

Tha'aleemusunna Campus
Meelad Nagar

Team Al Fihri_ Meelad Nagar