IQAC, Samaguri College

চামগুৰি মহাবিদ্যালয়ত আজি 'এন এন এছ'ৰ উদ্যোগত আভ্যন্তৰীণ মান নিৰূপন কোষ আৰু অৰ্থনীতি বিভাগৰ সহযোগত
- "ৰাস্তাৰ কুকুৰ"ৰ ওপৰত এখনি সজাগতা সভা অনুষ্ঠিত কৰা হয় ।
Awareness Program on Street Dogs
"City Hounded by Strays Kids Pay Price"

সভাৰ সমল ব্যক্তি হিচাপে 'এন এচ এছ' কোষৰ সমন্বয়ক অৰ্থনীতি বিভাগৰ সহকাৰী অধ্যাপক উৎপল বৰুৱাই সজাগতা সভাৰ উদ্দেশ্য আৰু বিষয় সন্দৰ্ভত ছাত্ৰ-ছাত্ৰী সকলক অৱগত কৰে । আই কিউ এ চিৰ সহকাৰী সমন্বয়ক হিৰণ্য কুমাৰ শৰ্মা, অৰ্থনীতি বিভাগৰ অধ্যাপিকা মিনাক্ষী গোস্বামী আৰু বুৰঞ্জী বিভাগৰ অধ্যাপিকা ৰুমী বাৰ্লো ডাঙৰীয়া আজিৰ সভাত উপস্থিত থাকি ছাত্ৰ-ছাত্ৰী সকলৰ লগত মত বিনিময় কৰে।

#মহাবিদ্যালয়ত আন এক চৰকাৰী কাৰ্যসূচী ৰূপায়ন #

#লৌহমানৱচৰ্দাৰবল্লভভাইপেটেল দেৱৰ ১৫০ সংখ্যক জন্ম জয়ন্তীৰ লগত সংগতি ৰাখি দেশজুৰি আয়োজিত "একতা পদযাত্ৰা"

চামগুৰি মহাবিদ্যালয়ৰ NSS Cell, সমূহ বিভাগ আৰু ছাত্ৰ-ছাত্ৰীৰ সহযোগত 'একতা পদযাত্ৰা' উলিওৱা হয়।

#মহাবিদ্যালয়গ্ৰন্থমেলা-

চামগুৰি অঞ্চলৰ বাবে এক নৱ সংযোজন, নতুন প্ৰত্যাহ্বান ।
এক ইতিবাচক পদক্ষেপ ।

অসম চৰকাৰৰ গ্ৰন্থবৰ্ষ-২০২৫ ৰ লগত সঙ্গতি ৰাখি মহাবিদ্যালয় পৰিয়ালে
চামগুৰি মহাবিদ্যালয়ত পোন প্ৰথম বাৰৰ বাবে অসম প্ৰকাশন পৰিষদৰ উদ্যোগত মহাবিদ্যালয়ৰ আভ্যন্তৰীণ মান নিৰূপন কোষ আৰু সাহিত্য কোষ লগতে সমূহ বিভাগৰ সহযোগত ৩০ অক্টোবৰ আৰু ১ নৱেম্বৰ ২০২৫ তাৰিখত দুদিনীয়াকৈ মহাবিদ্যালয় গ্ৰন্থমেলা ২০২৫ অনুষ্ঠিত কৰে।
আজি প্ৰথম দিন ।
মহাবিদ্যালয় গ্ৰন্থমেলাৰ সম্পাদক জ্যোতিৰেখা কেওঁটে আঁত ধৰা উদ্বোধনী সভাৰ প্ৰথমেই প্ৰাণৰ শিল্পী জুবিন গাৰ্গ ডাঙৰীয়াৰ প্ৰতিচ্ছবিত বন্তি প্ৰজ্বলন আৰু শ্ৰদ্ধা নিবেদন কৰে চামগুৰিৰ বিশিষ্ট সমাজকৰ্মী মৃদুল কলিতা দেৱে । মহাবিদ্যালয় গ্ৰন্থমেলা ৰ উদ্বোধন কৰে নগাঁও ৰ বিশিষ্ট গল্পকাৰ, কবি শিৱানন্দ কাকতি দেৱে ।
চামগুৰি মহাবিদ্যালয়ৰ অধ্যক্ষ ড৹ ইন্দ্ৰজিৎ বেজবৰুৱাই আদৰণি ভাষন আগবঢ়োৱাৰ পিছতে উদ্বোধক শিৱানন্দ কাকতি দেৱে উদ্বোধনী ভাষন ৰাখে ।চামগুৰি বিশিষ্ট শিক্ষাবিদ আৰু সমাজকৰ্মী, সাংবাদিক বন্ধু আৰু মহাবিদ্যালয়ৰ শিক্ষক-শিক্ষয়িত্ৰী, কৰ্মচাৰী সকলোৰে উপস্হিতিত অনুষ্ঠানটোৱে এক বিশেষ গুৰুত্ব লাভ কৰে ।
উপস্থিত সকলোৱে নিজৰ বক্তব্যত কয় যে চামগুৰি অঞ্চলত এই গ্ৰন্থমেলা ই প্ৰথম । এনে আদৰণীয় পদক্ষেপৰ বাবে সকলোৱে মহাবিদ্যালয়ৰ অধ্যক্ষ প্ৰমূখ্যে সকলোৰে সলাগ লয় ।
শেষত গ্ৰন্থমেলাৰ কাৰ্যকৰী সভাপতি দেৱজিৎ বৰাই আজিৰ সভাত বহুমূলীয়া বক্তব্য প্ৰদান কৰি আমাক উপকৃত কৰাৰ বাবে আৰু উপস্থিত থকা সকলোকে শলাগৰ শৰাই জ্ঞাপন কৰে।
।

আজি প্ৰাণৰ শিল্পী জুবিন গাৰ্গ সোঁৱৰণি চামগুৰি মহাবিদ্যালয়ৰ নৱাগত আদৰণি সভা -২০২৫ অনুষ্ঠিত কৰা হয় ।

প্ৰথমেই অমৰ শিল্পী জুবিন গাৰ্গ ৰ প্ৰতিচ্ছবিত শ্ৰদ্ধাঞ্জলি নিবেদন কৰি সৰ্ব ধৰ্ম প্ৰাৰ্থনাৰে আমাৰ হিয়াৰ আমঠু গৰাকীৰ বিদেহ আত্মাৰ চিৰশান্তি কামনা কৰা হয় ।

বিশিষ্ট সংগীতশিল্পী বৰণ বিকাশ আৰু আমাৰ মহাবিদ্যালয়ৰ প্ৰাক্তন ছাত্ৰ সঞ্জয় কালিন্দী য়ে জুবিন গাৰ্গ ৰ প্ৰিয় গীত সমূহ পৰিৱেশন কৰে ।

আজিৰ সভাতেই চামগুৰি অঞ্চলৰ কেইজন মান ছাত্ৰ-ছাত্ৰীক উচ্চ মাধ্যমিক আৰু উচ্চতৰ মাধ্যমিক চুড়ান্ত পৰীক্ষাত সফলতাৰে উত্তীৰ্ণ হোৱাৰ বাবে মহাবিদ্যালয়ৰ তৰফৰ পৰা সম্বৰ্ধনা আৰু আশিস পত্ৰ প্ৰদান কৰা হয় ।

অনুষ্ঠানৰ শেষত জুবিন দাৰ জনপ্ৰিয় গীত "মায়াবিনী" যিটোক বৰ্তমান প্ৰাৰ্থনা বুলি গণ্য কৰিছে সমস্বৰে সকলোৱে পৰিৱেশন কৰে ।

প্ৰিয় জুবিন দাৰ নামত শিল্পী বৰণ বিকাশে নিজ হাতে মহাবিদ্যালয় প্ৰাঙ্গণত এটি গছ পুলিও ৰোপন কৰে ।

আজিৰ অনুষ্ঠানৰ জৰিয়তে আমি কেৱল জুবিন দাৰ ন্যায় বিচাৰো ।
আমাক জুবিন গাৰ্গ দেৱৰ মৃত্যুৰ ন্যায় লাগে ।
কেৱল ন্যায়, কেৱল ন্যায় লাগে ।।

নিৰন্তৰ এটাই কথা-

#শিক্ষক দিৱস # ২০২৫
চামগুৰি মহাবিদ্যালয়

Theme:
"Inspiring the Next Generation of Learners"
"পৰৱৰ্তী প্ৰজন্মৰ শিক্ষাৰ্থীক অনুপ্ৰাণিত কৰা"

মহান চিন্তাবিদ, দাৰ্শনিক,দেশৰ প্ৰাক্তন ৰাষ্ট্ৰপতি তথা মহান শিক্ষাবিদ ড° সৰ্বপল্লী ৰাধাকৃষ্ণণ দেৱৰ আজি শুভ জন্মদিনৰ দিনটোক "শিক্ষক দিৱস" হিচাবে পালন কৰা হয়।
আজি এই পৱিত্ৰ দিনটোত মহান শিক্ষাবিদ গৰাকীক শ্ৰদ্ধাৰে সুঁৱৰিছো।

২৯ আগষ্ট, ২০২৫ তাৰিখে মহাবিদ্যালয়ৰ ৰেঙনি যুব ক্লাৱৰ উদ্যোগত আভ্যন্তৰীণ মান নিৰূপণ কোষৰ সহযোগত
'ৰাষ্ট্ৰীয় খেল দিৱস' ৰ লগত সঙ্গতি ৰাখি ছাত্ৰছাত্ৰী সকলৰ মাজত এখনি আকস্মিক বক্তৃতাৰ প্ৰতিযোগীতা অনুষ্ঠিত কৰা হয় ।
ৰেঙনি ক্লাৱৰ সমন্বয়ক বদৰুজ জামানে উদ্দেশ্য ব্যাখ্যা কৰে । আই কিউ এ চি সমন্বয়ক লাৱণ্য গোস্বামী আৰু সহকাৰী অধ্যাপক জাকিৰ হুছেইনে ছাত্ৰ-ছাত্ৰীক উদ্দেশ্যি খেল দিৱসৰ গুৰুত্ব আৰু তাৎপৰ্য্যৰ ওপৰত বক্তব্য আগবঢ়াই।
ছাত্ৰ-ছাত্ৰী সকলেও নিজা বক্তব্য আগবঢ়াই অনুষ্ঠানটো সফল কৰি তুলে ।

সকলো ইয়াতে সংৰক্ষণ কৰিলো ।

।। সমাজবাদী পাৰ্টি, অসমৰ প্ৰাক্তন মুখ্যমন্ত্ৰী, স্বাধীনতা সংগ্ৰামী স্বাভিমানী নেতা, অসম আৰু অসমীয়াৰ গৌৰৱ গোলাপ বৰবৰাৰ জন্মশতবৰ্ষ উদযাপন।।
অসম চৰকাৰৰ নিৰ্দেশ মৰ্মে চামগুৰি মহাবিদ্যালয় তো গুৱাহাটী শংকৰদেৱ কলাক্ষেত্ৰৰ অনুষ্ঠানৰ লাইভ টেলিকাষ্ট অনুষ্ঠানত মহাবিদ্যালয়ৰ অধ্যক্ষ প্ৰমূখ্যে অধ্যাপক-অধ্যাপিকা আৰু ছাত্ৰ-ছাত্ৰীৰ অংশগ্ৰহন।
তেখেতক শ্ৰদ্ধাৰে সোঁৱৰিছো ।।

আজি চামগুৰি মহাবিদ্যালয়ত শিক্ষা বিভাগ, কেৰিয়াৰ কাউন্সেলিঙ আৰু আভ্যন্তৰীণ মান নিৰূপণ কোষ ৰ উদ্যোগত "ঘৰুৱা খাদ্য" মৰিগাঁৱৰ সহযোগত এখনি এদিনীয়া 'খাদ্য প্ৰক্ৰিয়াকৰণ' বিষয়ক লৈ কৰ্মশালা অনুষ্ঠিত হয় । মহাবিদ্যালয়ৰ অধ্যক্ষ মহোদয় ৰ আদৰণী ভাষনৰ পিছতে আমন্ত্ৰিত সমল ব্যক্তি প্ৰণৱ সিংহ ডাঙৰীয়াই ছাত্ৰ-ছাত্ৰী সকলক ঘৰুৱা ভাৱে কেনেদৰে 'আচাৰ' প্ৰস্তুত কৰি পিছলৈ কেনেকৈ ব্যৱসায়িক হিচাপে নিজে স্বনিৰ্ভৰশীল হবলৈ আগবাঢ়িব পাৰি সেই বিষয়ে অতি সাৱলীল ভাষাত বক্তব্য আগবঢ়াই।
আশাকৰো ছাত্ৰ-ছাত্ৰী সকলে আগ্ৰহেৰে বিষয়টোক বুজি উঠিছে আৰু ভৱিষ্যতে একো একোজন দক্ষতা সম্পন্ন বিপনন কাৰী হিচাবে প্ৰতিষ্ঠিত হব পাৰিব ।
আজিৰ কৰ্মশালাৰ কিছু স্থিৰ চিত্ৰ এই মাধ্যমতে সংৰক্ষণ কৰিলো ।

১৪ আগষ্ট, ২০২৫ ৭৯ সংখ্যক স্বাধীনতা দিৱস উপলক্ষে
'দেশভক্তি শীর্ষক শোভাযাত্রা'।
📌 চামগুৰি মহাবিদ্যালয়।

চামগুৰি মহাবিদ্যালয় আজি ৪ আগষ্ট,২০২৫ তাৰিখে ১ম ষান্মাসিকত নামভৰ্তি কৰা ছাত্ৰ-ছাত্ৰী সকলৰ উদ্দেশ্যে অনুষ্ঠিত কৰা বিদ্যাৰম্ভ অনুষ্ঠান সফল ভাৱে সমাপন হয় ।