Ga-khajua LP School গা-খজুৱা প্ৰাথমিক বিদ্যালয়

মৰিগাঁও জিলাৰ ভূৰবন্ধা শিক্ষাখণ্ডৰ গা খজুৱা প্ৰাথমিক বিদ্যালয় পঞ্চম শ্ৰেণীৰ ছাত্ৰ সমীৰ আমচিৰ দ্বাৰা ৰূপকোঁৱৰ জ্যোতিপ্ৰসাদ আগৰৱালাৰ চিত্ৰ অংকণ কৰি মহান শিল্পী জনালৈ শ্ৰদ্ধা নিবেদন কৰে।আমি ছাত্ৰ গৰাকীৰ উজ্জ্বল ভৱিষ্যত কামনা কৰিলোঁ।

গা-খজুৱা প্ৰাথমিক বিদ্যালয়ত আজি মহান শিল্পী জনালৈ গভীৰ শ্ৰদ্ধাৰে শিল্পী দিৱস উদযাপন কৰা হয়।

ৰাইজৰ উৎসৱ ২০২৫

মৰিগাঁও জিলাৰ সমগ্ৰ শিক্ষা অভিযান আৰু ভূৰবন্ধা প্ৰাথমিক শিক্ষা খণ্ডৰ সৌজন্যত গা-খজুৱা প্ৰাথমিক বিদ্যালয়ৰ উদ্যোগত আজি ইং ২০ ডিচেম্বৰ ২০২৫ তাৰিখ শনিবাৰে অতি উলহ মালহেৰে ৰাইজৰ উৎসৱ অনুষ্ঠিত হৈ যায়। বৰচিলা মণ্ডল সমল কেন্দ্ৰৰ অন্তৰ্গত বিদ্যালয় সমূহৰ ছাত্ৰ-ছাত্ৰী আৰু শিক্ষক শিক্ষয়িত্ৰী বৃন্দৰ সক্ৰিয় সহযোগিতাৰে ছাত্ৰ-ছাত্ৰীৰ মাজত নৃত্য গীত কবিতাৰ এটি মনোমোহা সাংস্কৃতিক কাৰ্যসূচী সন্ধ্যালৈকে অঞ্চলৰ বিপুল সংখ্যক দৰ্শকৰ উপস্থিতিৰে অনুষ্ঠিত হয়। বিয়লি ১.০০ বজাত এখনি মুকলি সভা অনুষ্ঠিত হয়।সভাত সভাপতিত্ব কৰে বিদ্যালয় পৰিচালনা সমিতিৰ সভাপতি বৃকোদৰ ৰাজবংশী দেৱে।বিশিষ্ট অতিথি হিচাপে উপস্থিত থাকি সাৰুৱা ভাষণ প্ৰদান কৰা অৱসৰ প্ৰাপ্ত শিক্ষক মোলান চন্দ্ৰ দাস দেৱৰ লগতে বিশিষ্ট অতিথি হিচাপে সভাত উপস্থিত থাকে অৱসৰ প্ৰাপ্ত শিক্ষয়িত্ৰী ভাগ্যলক্ষ্মী বৰদলৈ বাইদেউ আৰু এই বিদ্যালয়ৰে অৱসৰ প্ৰাপ্ত প্ৰধান শিক্ষয়িত্ৰী অনাৰকলি বৰদলৈ বাইদেউ।নিৰ্দিষ্ট বক্তা হিচাপে উপস্থিত থাকি সাৰগৰ্ভ ভাষণেৰে উপস্থিত দৰ্শকক আপ্লুত কৰে বৰচিলা মণ্ডল সমল কেন্দ্ৰৰ মাননীয় সমন্বয়ক মনোজ কুমাৰ দেওৰজা ডাঙৰীয়াই।
অনুষ্ঠানত উপস্থিত থকা প্ৰতি গৰাকী দৰ্শক ৰাইজ আৰু অনুষ্ঠান পৰিবেশন কৰা প্ৰতি গৰাকী ছাত্ৰ - ছাত্ৰীৰ লগতে আমাক বিভিন্ন কামত সহায় সহযোগিতা আগবঢ়াই "ৰাইজৰ উৎসৱ ২০২৫" সাফল্য মণ্ডিত কৰা প্ৰতিগৰাকীলৈকে বিদ্যালয়ৰ তৰফৰ পৰা আন্তৰিক ধন্যবাদ আৰু কৃতজ্ঞতা জ্ঞাপন কৰিলোঁ।

আমাৰ বিদ্যালয়ত আজি ৬৪ সংখ্যক শিক্ষক দিৱস উলহ মালহেৰে পালন কৰা হয়।ছাত্ৰ ছাত্ৰীৰ সহায়ত শিক্ষক দিৱসৰ ওপৰত বক্তৃতা,কবিতা আবৃত্তি,গীত আৰু নৃত্যৰ অনুষ্ঠান আয়োজন কৰা হয়।

আজি গা-খজুৱা প্ৰাথমিক বিদ্যালয়ত জিলা শিক্ষা আৰু প্ৰশিক্ষণ প্ৰতিষ্ঠান,মৰিগাঁও (DIET) ৰ অধ্যাপক আৰু অধ্যাপিকাৰ এটি দলে বিদ্যালয়ৰ সামগ্ৰিক দিশ সমূহ, বিশেষকৈ শৈক্ষিক দিশৰ সঠিক কাৰ্যকৰীকৰণ বিষয়ে অনুসন্ধান আৰু পৰ্যবেক্ষণৰ বাবে আহি উপস্থিত হয়।তেখেতসৱৰ উপস্থিতিয়ে আমাক কৃতাৰ্থ কৰিলে,বিদ্যালয়ৰ সামগ্ৰিক উত্তৰণৰ বাবে তেখেত সকলে আগবঢ়োৱা মূল্যবান পৰামৰ্শ সমূহ অনাগত দিনত কাৰ্যকৰী কৰি আমি বিদ্যালয় খনৰ শৈক্ষিক দিশত আগুৱাই নিবলৈ যৎপৰোনাস্তি চেষ্টা কৰিম।
তেখেত সৱৰ আগমনৰ বাবে আমি বিদ্যালয়ৰ তৰফৰ পৰা ধন্যবাদ আৰু কৃতজ্ঞত জনালোঁ।

৭ মে'ত অনুষ্ঠিত হবলগীয়া পঞ্চায়ত নিৰ্বাচন ২০২৫ ৰ ভোটকেন্দ্ৰ থকা আমাৰ বিদ্যালয়ত ভোটগ্ৰহণ কৰিবলৈ আহিব লগীয়া অতিথি বিষয়া সকলৰ সুবিধাৰ্থে বিদ্যালয়ত সকলো সুবিধা হাততে উপলব্ধ হোৱাকৈ থোৱা হৈছে।আমি আশা কৰোঁ ভোটকেন্দ্ৰ হিচাপে থকা বিদ্যালয় সমূহে এই নূন্যতম সুবিধা খিনি উপলব্ধ হোৱাকৈ থব লাগে,অন্যথা এদিনীয়াকৈ অতিথি হিচাপে বিদ্যালয়লৈ অহা ভোট সংগ্ৰহকাৰী বিষয়া সকল বহু অসুবিধাৰ সন্মুখীন হয়।

গা-খজুৱা প্ৰাথমিক বিদ্যালয়ৰ ২০২৫-২৬ শিক্ষাবৰ্ষৰ ছাত্ৰ সংসদ খন আজি ছাত্ৰ-ছাত্ৰীৰ সমৰ্থন ভিত্তিত নিৰ্বাচিত কৰা হয়।নৱ নিৰ্বাচিত ছাত্ৰ সংসদ খনক নিজৰ নিজৰ দায়িত্ব,কৰ্তব্য আৰু সেৱা মনোভাৱ সম্পৰ্কে বুজনি দিয়াৰ অন্তত একপি ফটো উঠাই থোৱা হয়।ভৱিষ্যতে সিহঁতে ইয়াতে চাব পাৰিব।

#সন্তুষ্টি
*****

একেৰাহে পঞ্চম বাৰলৈ আমাৰ বিদ্যালয়ে A+ গ্ৰেড পাবলৈ সক্ষম হলোঁ।বিদ্যালয়ৰ এনে প্ৰাপ্তিৰ বাবে সহযোগী আটাইকে অভিনন্দন আৰু কৃতজ্ঞতা জনালোঁ।প্ৰতিগৰাকী ছাত্ৰ - ছাত্ৰীৰ এয়া কষ্টৰ ফল। তেওঁলোকৰ ভৱিষ্যত উজ্জ্বল হওঁক।



Afruja Sultana বাইদেউলৈ অশেষ ধন্যবাদ।

Thanks for being a top engager and making it on to my weekly engagement list! 🎉 Nabajyoti Bharali, মৃদুল বৰদলৈ

গুণোৎসৱ ২০২৫

আজি আমাৰ বিদ্যালয়ত গুণোৎসৱ ২০২৫ সুকলমে অনুষ্ঠিত হৈ যায়। বহিঃ মূল্যায়ক হিচাপে উপস্থিত থাকে বটদ্ৰৱা শ্ৰী শ্ৰী শঙ্কৰদেৱ উচ্চতৰ মাধ্যমিক বিদ্যালয়ৰ বিষয় শিক্ষয়িত্ৰী আফ্ৰুজা চুলতানা বাইদেউ।আৰু বহিঃ নিৰীক্ষক হিচাপে উপস্থিত থাকে বোৱালগুৰি আদৰ্শ প্ৰাথমিক বিদ্যালয়ৰ প্ৰধান শিক্ষক প্ৰদীপ তালুকদাৰ ছাৰ আৰু পূৱ গা - খজুৱা প্ৰাথমিক বিদ্যালয়ৰ প্ৰধান শিক্ষক নিতুল কুমাৰ নাথ ছাৰ আৰু আলিচিঙা প্ৰাথমিক বিদ্যালয়ৰ সহকাৰী শিক্ষক মীৰজাহান আলী ছাৰ আৰু শিমলুগুৰি প্ৰাথমিক বিদ্যালয়ৰ সহকাৰী শিক্ষয়িত্ৰী দেবিশ্ৰী ভাগৱতী বাইদেউ।লগতে সকলো দিশতে সহায় আগবঢ়ায় বৰচিলা মণ্ডল সমল কেন্দ্ৰৰ সমন্বয়ক মনোজ কুমাৰ দেওৰজা ছাৰে। গুণোৎসৱ ২০২৫ সুকলমে হৈ যোৱাত সহায় সহযোগিতা আগবঢ়োৱা প্ৰতিজনকে বিদ্যালয়ৰ তৰফৰ পৰা আন্তৰিক ধন্যবাদ আৰু কৃতজ্ঞতা জ্ঞাপন কৰিলোঁ।

আজি আমাৰ বিদ্যালয়ৰ এটি বহুদিনীয়া সপোন পূৰ হ'ল।বিদ্যালয় খনিত এটি স্থায়ী তোৰণৰ শুভ উদ্বোধন কৰে বৰচিলা মণ্ডল সমল কেন্দ্ৰৰ মাননীয় সমন্বয়ক শ্ৰী যুত মনোজ কুমাৰ দেওৰজা দেৱে।গুণোৎসৱ ২০২৫ ৰ আজি স্বমূল্যায়নৰ পবিত্ৰ ক্ষণত বিদ্যালয় পৰিচালনা সমিতিৰ সভাপতি আৰু সদস্যবৃন্দ শিক্ষক গোট,অঞ্চলৰ ৰাইজ আৰু ছাত্ৰ-ছাত্ৰীৰ মঙ্গলময় উপস্থিতিত আৰু সমন্বয়ক মহোদয়ৰ পবিত্ৰ কৰকমলৰ দ্বাৰা গা-খজুৱা প্ৰাথমিক বিদ্যালয়ৰ স্থায়ী তোৰণৰ শুভ উদ্বোধন হোৱা অনুষ্ঠানত উদ্বোধক মহোদয়ে উপস্থিত ৰাইজক সম্বোধি দুৱাষাৰ বক্তব্য ৰাখে।আমি বিদ্যালয়ৰ তৰফৰ পৰা অনুষ্ঠান ভাগীত উপস্থিত থকা আটাইকে আন্তৰিক ধন্যবাদ আৰু কৃতজ্ঞতা নিবেদন কৰিলোঁ।
ইয়াৰ পিছতে মাননীয় সমন্বয়ক মহোদয় আৰু বিদ্যালয় পৰিচালনা সমিতিৰ সভাপতি আৰু সদস্য সকলৰ উপস্থিতিত স্বমূল্যায়নৰ প্ৰশ্নকাকতৰ
শুভ উন্মোচন কৰা হয়।