09/07/2026
ਅੱਜ ਮਿਤੀ 09/07/2026 ਨੂੰ ਸਰਕਾਰੀ ਕੰਨਿਆ ਸੀਨੀਅਰ ਸੈਕੰਡਰੀ ਸਮਾਰਟ ਸਕੂਲ, ਲੱਖੇਵਾਲੀ ਦੀ ਨਵੀਂ ਅਤੇ ਆਧੁਨਿਕ ਬਿਲਡਿੰਗ ਦਾ ਉਦਘਾਟਨ ਮਾਣਯੋਗ ਕੈਬਨਿਟ ਮੰਤਰੀ ਪੰਜਾਬ ਸਰਕਾਰ ਸ਼੍ਰੀਮਤੀ ਬਲਜੀਤ ਕੌਰ ਜੀ ਦੁਆਰਾ ਬੜੀ ਧੂਮ-ਧਾਮ ਨਾਲ ਕੀਤਾ ਗਿਆ। ਸਕੂਲ ਪ੍ਰਿੰਸੀਪਲ ਸ਼੍ਰੀ ਅਨੀਸ਼ ਦੂਮੜਾ (ਲੈਕਚਰਾਰ ਕਮਿਸਟਰੀ), ਵੋਕੇਸ਼ਨਲ ਲੈਕਚਰਾਰ ਸ਼੍ਰੀਮਤੀ ਰੁਪਿੰਦਰ ਪਾਲ ਕੌਰ, ਸ਼੍ਰੀ ਅਮਨਦੀਪ ਲੈਕਚਰਾਰ ਕਮਰਸ, ਸ਼੍ਰੀਮਤੀ ਅਮਿਤਾ ਬੇਦੀ ਲੈਕਚਰਾਰ ਹਿਸਟਰੀ ,ਸ੍ਰੀਮਤੀ ਰਾਜਵਿੰਦਰ ਕੌਰ ਅੰਗਰੇਜੀ ਮਿਸਟ੍ਰੈਸ ਜੀ ਦੁਆਰਾ ਮੰਤਰੀ ਜੀ ਨੂੰ ਗੁਲਦਸਤਾ ਭੇਟ ਕਰਦੇ ਹੋਏ ਸਨਮਾਨਿਤ ਕੀਤਾ।ਨਵੀਂ ਬਿਲਡਿੰਗ ਵਿੱਚ 3 ਸਮਾਰਟ ਕਲਾਸਰੂਮ, 1 ਕੰਪਿਊਟਰ ਲੈਬ, ਇੱਕ ਵੱਡਾ ਸਾਇੰਸ ਲੈਬ, ਮੈਡੀਕਲ ਰੂਮ ਅਤੇ ਕਿਚਨ ਕਮ ਸਟੋਰ ਬੱਚਿਆਂ ਨੂੰ ਸਮਰਪਿਤ ਕੀਤੇ।ਇਹ ਬਿਲਡਿੰਗ ਲਗਭਗ 50 ਲੱਖ ਰੁਪਏ ਦੀ ਲਾਗਤ ਨਾਲ ਤਿਆਰ ਹੋਈ ਹੈ।
ਇਸ ਮੌਕੇ ਈਕੋ ਕਲੱਬ ਦੇ ਇੰਚਾਰਜ ਸ੍ਰੀਮਤੀ ਅਮਨਪ੍ਰੀਤ ਕੌਰ ਸਾਇੰਸ ਮਿਸਟ੍ਰੈਸ ਅਤੇ ਸ੍ਰੀ ਮੈਨਪਾਲ ਹਿੰਦੀ ਮਾਸਟਰ ਜੀ ਦੁਆਰਾ ਕੈਬਨਿਟ ਮੰਤਰੀ ਜੀ ਦੇ ਹੱਥੋਂ ਸਕੂਲ ਵਿੱਚ ਬੂਟਾ ਲਗਾ ਕੇ ਵਾਤਾਵਰਨ ਦੀ ਸੁਰੱਖਿਆ ਦਾ ਸੁਨੇਹਾ ਵੀ ਦਿੱਤਾ। ਇਸ ਮੌਕੇ 'ਤੇ ਚੇਅਰਮੈਨ ਮਾਰਕੀਟ ਕਮੇਟੀ ਮਲੋਟ ਸ੍ਰੀ ਜਸ਼ਨ ਬਰਾੜ ,ਚੇਅਰਮੈਨ ਸੈਂਟਰਲ ਕੋਪਰੇਟਿਵ ਬੈਂਕ ਸ਼੍ਰੀ ਮੁਕਤਸਰ ਸਾਹਿਬ ਸ੍ਰੀ ਸਿਮਰਜੀਤ ਸਿੰਘ ਬਰਾੜ , ਸਰਦਾਰ ਇਕਬਾਲ ਸਿੰਘ ਬਰਾੜ, ਸ਼੍ਰੀ ਕੁਲਦੀਪ ਸਿੰਘ ਸਰਪੰਚ ਮੰਡੀ ਲੱਖੇਵਾਲੀ , ਸਮੂਹ ਅਧਿਆਪਕ, ਵਿਦਿਆਰਥੀ ਅਤੇ ਇਲਾਕੇ ਦੇ ਪਤਵੰਤੇ ਹਾਜ਼ਰ ਸਨ।
