28/09/2026
ਜਿੰਦਗੀ ਵਿੱਚ ਹਰੇਕ ਵਿਆਕਤੀ ਦੇ ਇੱਕ ਜਾਂ ਦੌ ਅਜਿਹੇ ਖਾਸ ਦੋਸਤ ਹੁੰਦੇ ਹਨ। ਜਿਨ੍ਹਾਂ ਨਾਲ ਉਹ ਆਪਣੀ ਹਰੇਕ ਗੱਲ ਸਾਂਝੀ ਕਰਦਾ ਹੁੰਦਾ ਹੈ ਜਾਂ ਕਰ ਸਕਦਾ ਹੈ। ਇਹ ਦੋਸਤ ਹਰੇਕ ਵਿਆਕਤੀ ਦੀ ਜਵਾਨ ਅਵਸਥਾ ਦੀ ਉਮਰ ਵਿੱਚ ਬਣੇ ਹੁੰਦੇ ਹਨ।ਕਿਸੇ ਵੀ ਵਿਆਕਤੀ ਦੀ ਜਵਾਨ ਅਵਸਥਾ ਤੋਂ ਬਾਅਦ ਵਿੱਚ ਕੌਈ ਵੀ ਪੱਕਾ ਦੋਸਤ ਨਹੀਂ ਬਣਦਾ ਕਿਉਂਕਿ 35-40 ਸਾਲ ਦੀ ਉਮਰ ਤੋਂ ਬਾਅਦ ਜ਼ੋ ਵੀ ਕੌਈ ਵਿਆਕਤੀ ਕਿਸੇ ਦੂਸਰੇ ਵਿਆਕਤੀ ਦੇ ਸੰਪਰਕ ਵਿੱਚ ਆਉਂਦਾ ਹੈ। ਉਹ ਆਪਣੇ ਕੰਮ-ਕਾਰ ਦੇ ਸਬੰਧ ਵਿੱਚ ਹੀ ਆਉਂਦਾ ਹੈ। ਇਸ ਉਮਰ ਵਿੱਚ ਜਿਗਰੀ ਦੋਸਤ ਨਹੀਂ ਬਣਦੇ ਉਹ ਸਿਰਫ਼ ਆਪਣੇ ਕੰਮਾਂ ਤੇ ਲੋੜ ਦੇ ਮੁਤਾਬਿਕ ਹੀ ਮਿਲਦੇ ਵਰਤਦੇ ਹਨ। ਇਸ ਤੋਂ ਅੱਗੇ ਬੁਢਾਪੇ ਵਿੱਚ ਤਾਂ ਕੋਈ ਖ਼ਾਸ ਦੋਸਤ ਕੀ ਬਣਨਾ ਹੁੰਦਾ ਹੈ। ਜ਼ੋ ਕਿਸੇ ਵਿਆਕਤੀ ਦੇ ਜਵਾਨ ਅਵਸਥਾ ਵਾਲੇ ਜਿਗਰੀ ਦੋਸਤ ਹੁੰਦੇ ਹਨ।ਉਹ ਅਖੀਰ ਵਿੱਚ ਵੀ ਆਪਣੇ ਪੁਰਾਣੇ ਦੋਸਤਾਂ ਨਾਲ ਹੀ ਆਪਣੀ ਗੱਲ ਸਾਂਝੀ ਕਰਦਾ ਹੈ ਤੇ ਕਰਨੀ ਚਾਹੁੰਦਾ ਹੁੰਦਾ ਹੈ, ਕਿਉਕਿ ਉਸਦੇ ਇਹ ਪੁਰਾਣੇ ਦੋਸਤ ਉਸਦੀ ਹਰੇਕ ਗੱਲਬਾਤ, ਦੁੱਖ-ਸੁੱਖ ਨੂੰ ਚੰਗੀ ਤਰ੍ਹਾਂ ਸਮਝਦੇ ਹੁੰਦੇ ਹਨ। ਇਸ ਤਰ੍ਹਾਂ ਦੇ ਇੱਕ-ਦੌ ਖ਼ਾਸ ਜਿਗਰੀ ਦੋਸਤ ਹਰੇਕ ਵਿਆਕਤੀ ਨੂੰ ਆਪਣੀ ਜਿੰਦਗੀ ਵਿੱਚ ਜਰੂਰ ਬਣਾਉਣੇ ਚਾਹੀਦੇ ਹਨ ਤਾਂ ਜ਼ੋ ਉਹ ਆਪਣੀ ਜਿੰਦਗੀ ਦਾ ਹਰੇਕ ਦੁੱਖ-ਸੁੱਖ ਉਹਨਾਂ ਨਾਲ ਸਾਂਝਾ ਕਰ ਸਕੇ। ਇਹ ਖ਼ਾਸ ਕਰਕੇ ਅੱਜ ਦੇ ਸਮੇਂ ਵਿੱਚ ਬਹੁਤ ਜਰੂਰੀ ਹੈ।ਇਹ ਹੋ ਸਕਦਾ ਹੈ ਕਿ ਮੈ ਗਲ਼ਤ ਹੋਵਾਂ ਪਰ ਮੇਰਾ ਖਿਆਲ ਹੈ ਕਿ ਜ਼ੇਕਰ ਕਿਸੇ ਨੇ ਅਜਿਹਾ ਨਾ ਕੀਤਾ ਤਾਂ ਹੋ ਸਕਦਾ ਕਿ ਕੌਈ ਪੈਸੇ ਲੈ ਕੇ ਵੀ ਤੁਹਾਡਾ ਦੁੱਖ-ਸੁੱਖ ਨਾ ਸੁਣੇ, ਇਹ ਵੀ ਇੱਕ ਕੌੜਾ ਸੱਚ ਹੈ ਜੀ
✍️ਪੀਰਾਂ ਦਿੱਤਾ ਸ਼ਰਮਾਂ
