Pmshri Madhaparvadi Kanya Shala Morbi

08/06/2025

🌹હું કોણ છું?🌹

હા, હું અદ્ભુત છું, અકલ્પનીય છું, અવિસ્મરણીય છું, અલૌકિક છું, અજોડ છું, અમૂલ્ય છું. હું આબાલવૃદ્ધ, ગરીબ-તવંગર, માલિક-મજૂર સૌનો પ્રિય છું. મારા વગર સૌ બેબાકળા બની જાય છે. બધા મારી બહુ જ બહુ જ સાર-સંભાળ રાખે છે. યુવતીઓ ભલે પોતે ટૂંકાં વસ્ત્રો પરિધાન કરે,યુવાનો ભલે ફાટેલા જીન્સ પહેરે પણ મને તો સરસ મજાના મોંઘામૂલા અને આખો ઢંકાઈ જાઉં એવા પહેરવેશ પહેરાવે હો! એક મા પોતાનું બાળક આયાને સોંપી દે છે પણ મને તો પોતાની પાસે જ રાખે છે. બાળક પણ મારા વગર અન્નનો કોળિયો મોંમાં મૂકતો નથી. લોકો મને ઑફિસમાં, પ્રસંગોમાં પોતાનાથી ઘડીક વાર પણ અળગો કરતાં નથી. અરે! લોકો જ્યારે શૌચાલયમાં પણ મને સાથે લઈ જાય છે ત્યારે મને ખરેખર બહુ જ શરમ આવે છે હો!!! હા, એટલું ખરું કે હું ગમે ત્યાં જાઉં ગમે તેવી જગ્યાએ જાઉં તો ય પવિત્ર જ રહું છું. લોકો સાથે હું એટલો બધો હળીમળી ગયો છું કે મારા વગર એમનું જીવન અટકી જાય છે. પ્રેમીઓની પ્રેમભરી વાતો અને રીસામણાં મનામણાં તેમજ નવી નવી સગાઈ થયેલ હોય એવા પ્રિયપાત્રની મીઠી મીઠી વાતોનો હું મૂક સાક્ષી છું. મારા દ્વારા કેટલાય અજાણ્યા યુવાન યુવતીઓ એકબીજાને મળે છે અને જિંદગીભરના સાથી બની જાય છે. હા, કેટલાક છેતરાય છે પણ ખરા. હું વિશ્વના કોઈ પણ ખૂણે વસતા લોકોને મળાવવાનું અદ્ભુત કામ કરું છું હો! લોકોનો દિવસ મારા જ દર્શનથી ઊગે છે અને રાત પણ મારા આખરી દર્શનથી થાય છે. ભલે લોકો એમ માનતા હોય કે મને પોતાની મુઠ્ઠીમાં સમાવી લીધો છે, ખરેખર તો મેં જ લોકોને મારી મુઠ્ઠીમાં સમાવી લીધા છે. મારા સિવાય એમને કશું દેખાતું જ નથી. પરિવારમાં ભલે બધા સાથે બેઠાં હોય પણ એમની પાસે તો હું જ હોઉં છું. લોકો ભલે લગ્ન પ્રસંગમાં, મેળાવડામાં, સંમેલનમાં, સેમિનારમાં હોય પણ દરેકની નજર તો મારા પર જ સ્થિર થયેલી હોય છે. લોકો જ્યારે પોતાનાં કામ પર હોય ત્યારે જેમ નાના બાળકનું ડાઇપર ચેક કરતા હોય એમ વારે વારે મને પણ ચેક કરી લેતા હોય છે.
હા, હું કેટલાયને ભરખી ગયો છું. ટેલિફોન, ટોર્ચ, એલાર્મ વૉચ, રિસ્ટવૉચ, કૅમેરા, તાર-ટપાલ, ટાઇપરાઇટર વગેરેને મારામાં સમાવી લીધા છે. ટેલિવિઝન અને કમ્પ્યૂટરનું કામ પણ હું જ કરું છું. હા, નાનાં બાળકોનું બાળપણ, નાનાં બાળકોની મેદાની રમતો મેં જ છીનવી લીધી છે. પબજી જેવી અવનવી ગેમના રવાડે પણ મેં જ બધાને ચડાવ્યા છે. યુવાનોને તીનપત્તી જેવી ગેમ, સટ્ટા બજારની રમતો પણ મેં જ શીખડાવી છે. હૈયામાં ઉત્સાહ અને ઉમંગથી ભરપૂર યુવાન આજે મારા મોહપાશમાં જકડાઈ ગયો છે. પોતાના અભ્યાસના તેમજ અગત્યનાં કામો છોડીને યુવાનો મારામાં જ રચ્યાંપચ્યાં રહે છે.
હા, હું સર્વ શક્તિમાન છું. હું જ સર્વસ્વ છું. હું જ શ્રેષ્ઠ છું. હવે તો મને ઓળખી જ ગયા હશો. બોલો, હું કોણ છું?

*દિનેશ વડસોલા*
પ્રિન્સિપાલ પીએમશ્રી માધાપરવાડી કન્યા શાળા-મોરબી
અને
જિલ્લા અધ્યક્ષ
અખિલ ભારતીય રાષ્ટ્રીય શૈક્ષિક
મહાસંઘ-મોરબી

02/05/2025

*MORBI:મોરબીની પીએમશ્રી માધાપરવાડી કન્યા શાળાનું જ્ઞાન સાધના પરીક્ષામાં ઝળહળતું પરિણામ - Vatsalyam Samachar*

https://vatsalyamsamachar.com/gujarat/morbi/morbi-morbis-pm-madhaparwadi-girls-schools-knowledge-sadhana-examination/

*ગુજરાત અને દેશ-વિદેશ ના નાના-મોટા સમાચારો જાણવા માટે હમણાંજ ડાઉનલોડ કરો અમારી મોબાઇલ એપ્લિકેશન*

https://play.google.com/store/apps/details?id=com.vatsalyanews

*અચૂક મુલાકાત લો...*
https://vatsalyamsamachar.com
*વાત્સલ્યમ્ સમાચાર દૈનિક સમાચાર પત્ર માં રિપોર્ટર થવા સંપર્ક કરો-૮૭૩૨૯૧૮૧૮૩*

MORBI:મોરબીની પીએમશ્રી માધાપરવાડી કન્યા શાળાનું જ્ઞાન સાધના પરીક્ષામાં ઝળહળતું પરિણામ પીએમશ્રી માધાપરવાડી કન્યા .....

02/05/2025

મોરબીની પીએમશ્રી માધાપરવાડી કન્યા શાળાનું જ્ઞાન સાધના પરીક્ષામાં ઝળહળતું પરિણામ.

શાળાની વંદના પરમારે 109 અને હેંસી પરમારે 97 માર્ક સાથે મોખરાનું સ્થાન પ્રાપ્ત કર્યુંધો.8 ની 45 માંથી 20 બાળાઓએ 60 થી ઉપર મા....

02/05/2025

*મોરબીની પીએમશ્રી માધાપરવાડી કન્યા શાળાનું જ્ઞાન સાધના પરીક્ષામાં ઝળહળતું પરિણામ*

પીએમશ્રી માધાપરવાડી કન્યા શાળાની વંદના 109 અને હેંસી પરમાર 97 માર્ક સાથે મોખરાનું સ્થાન પ્રાપ્ત કર્યું મોરબીની પીએ.....

02/05/2025

https://morbigauravsamachar.com/2025/05/02/pm-shri-madhaparwadi-girls-school-morbi-achieves-brilliant-results-in-gyan-sadhana-examination/

Advertisement Advertisement પીએમશ્રી માધાપરવાડી કન્યા શાળાની વંદના 109 અને હેંસી પરમાર 97 માર્ક સાથે મોખરાનું સ્થાન પ્રાપ્ત કર્યું મ.....

01/05/2025

02/04/2025

27/03/2025

યોગ ટ્રેનિંગ

25/03/2025

પીએમશ્રી માધાપરવાડી કન્યા શાળા-મોરબીની બાળાઓને સ્વ રક્ષણની તાલીમ