28/03/2024
ਦੋ ਮੈਚਾਂ ਦੀ ਕ੍ਰਿਕਟ ਸੀਰੀਜ ਵਿੱਚ ਪੰਜਾਬੀ ਯੂਨੀਵਰਸਿਟੀ ਅਕਾਲੀ ਫੂਲਾ ਸਿੰਘ ਕੈਂਪਸ, ਦੇਹਲਾਂ ਸੀਹਾਂ ਜੇਤੂ |
ਯੂਨੀਵਰਸਿਟੀ ਕਾਲਜ,ਬਹਾਦਰਪੁਰ (ਮਾਨਸਾ) ਵੱਲੋਂ ਦੋ ਮੈਚਾਂ ਦੀ ਕ੍ਰਿਕਟ ਸੀਰੀਜ ਕਰਵਾਈ ਗਈ।ਇਹ ਮੈਚ ਯੂਨੀਵਰਸਿਟੀ ਕਾਲਜ,ਬਹਾਦਰਪੁਰ(ਮਾਨਸਾ)ਅਤੇ ਪੰਜਾਬੀ ਯੂਨੀਵਰਸਿਟੀ ਅਕਾਲੀ ਫੂਲਾ ਸਿੰਘ ਨੇਬਰਹੁੱਡ ਕੈਂਪਸ,ਦੇਹਲਾਂ ਸੀਹਾਂ (ਸੰਗਰੂਰ)ਦੀਆਂ ਕ੍ਰਿਕੇਟ ਟੀਮਾਂ ਵਿਚਕਾਰ ਖੇਡੇ ਗਏ। ਇਸ ਸੀਰੀਜ ਦੇ ਪਹਿਲੇ ਮੈਚ ਵਿੱਚ ਪੰਜਾਬੀ ਯੂਨੀਵਰਸਿਟੀ ਅਕਾਲੀ ਫੂਲਾ ਸਿੰਘ ਨੇਬਰਹੁੱਡ ਕੈਂਪਸ ਦੀ ਟੀਮ ਨੇ ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜੀ ਕਰਦੇ ਹੋਏ 6 ਉਵਰਾ ਵਿੱਚ 88 ਦੌੜਾਂ ਬਣਾਈਆਂ, ਜਿਸਦੇ ਜਵਾਬ ਵਿੱਚ ਯੂਨੀਵਰਸਿਟੀ ਕਾਲਜ,ਬਹਾਦਰਪੁਰ (ਮਾਨਸਾ) ਦੀ ਟੀਮ ਨੇ ਵੀ 88 ਦੌੜਾਂ ਬਣਾ ਕੇ ਮੈਚ ਡਰਾਅ ਕਰਵਾਇਆ।ਇਸ ਤੋਂ ਬਾਦ ਦੂਜੇ ਮੈਚ ‘ਚ ਪੰਜਾਬੀ ਯੂਨੀਵਰਸਿਟੀ ਅਕਾਲੀ ਫੂਲਾ ਸਿੰਘ ਨੇਬਰਹੁੱਡ ਕੈਂਪਸ,ਦੇਹਲਾਂ ਸੀਹਾਂ ਦੀ ਟੀਮ ਨੇ ਸਾਨਦਾਰ ਪ੍ਰਦਰਸਨ ਕਰਦੇ ਹੋਏ ਯੂਨੀਵਰਸਿਟੀ ਕਾਲਜ,ਬਹਾਦਰਪੁਰ ਦੀ ਟੀਮ ਨੂੰ 12 ਦੌੜਾਂ ਨਾਲ ਹਰਾ ਕੇ ਸੀਰੀਜ ਆਪਣੇ ਨਾਮ ਕੀਤੀ। ਸੀਰੀਜ ਵਿੱਚ ਸਾਨਦਾਰ ਪ੍ਰਦਰਸਨ ਕਰਨ ਲਈ ਦੇਹਲਾਂ ਸੀਹਾਂ ਦੀ ਟੀਮ ਦੇ ਖਿਡਾਰੀ ਬੱਬੂ ਸਿੰਘ ਨੂੰ ਮੈਨ ਆਫ ਦੀ ਸੀਰੀਜ ਦੇ ਖ਼ਿਤਾਬ ਨਾਲ ਨਿਵਾਜਿਆ ਗਿਆ। ਇਸ ਮੌਕੇ ਕਾਲਜ ਦੇ ਪ੍ਰਿੰਸੀਪਲ ਡਾ.ਗੁਰਪ੍ਰੀਤ ਸਿੰਘ ਜੀ ਹਰੀਕਾ ਨੇ ਵਿਦਿਆਰਥੀਆਂ ਨੂੰ ਖੇਡਾਂ ਦੀ ਮਹੱਹਤਾ ਬਾਰੇ ਜਾਣਕਾਰੀ ਦਿੱਤੀ। ਇਸ ਤੋਂ ਇਲਾਵਾ ਡਾ.ਬਲਦੇਵ ਸਿੰਘ ਦੋਦੜਾ ਜੀ ਨੇ ਪੰਜਾਬੀ ਯੂਨੀਵਰਸਿਟੀ ਅਕਾਲੀ ਫੂਲਾ ਸਿੰਘ ਨੇਬਰਹੁੱਡ ਕੈਂਪਸ ਦੇ ਸਰੀਰਕ ਸਿੱਖਿਆ ਵਿਭਾਗ ਦੇ ਮੁਖੀ ਡਾ.ਰਾਜਵਿੰਦਰ ਸਿੰਘ ਜੀ ਦਾ ਵਿਸ਼ੇਸ਼ ਤੌਰ ਤੇ ਧੰਨਵਾਦ ਕੀਤਾ। ਅੰਤ ‘ਤੇ ਪ੍ਰਿੰਸੀਪਲ ਸਾਹਿਬ ਯੂਨੀਵਰਸਿਟੀ ਕਾਲਜ,ਬਹਾਦਰਪੁਰ(ਮਾਨਸਾ) ਵੱਲੋਂ ਜੇਤੂ ਟੀਮ ਨੂੰ ਮੈਡਲ ਪਾ ਕੇ ਸਨਮਾਨਿਤ ਕੀਤਾ ਗਿਆ। ਇਸ ਮੌਕੇ ਪ੍ਰੋ.ਅਮਨਦੀਪ ਸਿੰਘ,ਪ੍ਰੋ.ਜਤਿੰਦਰ ਸਿੰਘ,ਪ੍ਰੋ ਜਗਦੀਪ ਸਿੰਘ,ਸ੍ਰੀ ਮਨਪ੍ਰੀਤ ਸਿੰਘ,ਸ੍ਰੀ ਬਲਕਾਰ ਸਿੰਘ,ਸ੍ਰੀ ਅਵਤਾਰ ਸਿੰਘ ਤੇ ਸ੍ਰੀ ਦਰਸ਼ਨ ਸਿੰਘ ਹਾਜ਼ਰ ਸਨ।
ਕੈਂਪਸ ਇੰਚਾਰਜ ਸ੍ਰੀ ਸੁਖਵੀਰ ਸਿੰਘ ਅਤੇ ਸਮੂਹ ਸਟਾਫ ਵੱਲੋਂ ਜੇਤੂ ਟੀਮ ਅਤੇ ਡਾ. ਰਾਜਵਿੰਦਰ ਸਿੰਘ ਸਰੀਰਕ ਸਿੱਖਿਆ ਵਿਭਾਗ ਮੁੱਖੀ ਨੂੰ ਵਧਾਈਆਂ ਦਿੱਤੀਆਂ ਗਈਆ।
